02/12/2022
හිස කෙස්
අද සමාජයේ බොහෝ දෙනෙක් හිසකෙස් ආශ්‍රිත රෝගාබාධ වලින් පීඩා විදිනවා. ඒ අතරින් හිසකෙස් ගැලවී යාම විශේෂයි.
සාමාන්‍යයෙන් නීරෝගි කෙස් කළඹක වුවද දිනකට හිසකෙස් 20ක් 25 ක් පමණ ගැලවී යනවා.
හිසකෙස් වල වර්ධනය හා පැවත්ම එක්තරා කාලයකට සීමා වෙනවා.සාමාන්‍යයෙන් කෙස් ගසක වර්ධන කාලය අවුරුදු 2-6 අතර කාලයක් වන අතර ඉන් පසුව හැලී යාම සිදු වෙනවා.
කෙස් ගසක වර්ධනය වීම අවධි තුනකින් සිදු වෙනවා.
🌺වර්ධන අවධිය
🌺විවේකි අවධිය
🌺ගැලවී යාමේ අවධිය
සෑම විවේකි අවධියක් තුලදීම හිසකෙස් වර්ධනය වීම නතර වෙනවා. අලුත් වර්ධන කාල අවධියක් ආරම්භ වන තෙක් පරණ කෙස් ගස විවේක ගෙන සිටින රෝම කූපය තුලම රැදී පවතිනවා. අලුත් වර්ධන කාලය ආරම්භ වන විට පරණ කෙස් ගස හැලි අලුත් කෙස් ගසක් වර්ධනය වෙන්න පටන් ගන්නවා.
සාමාන්‍යයෙන් නීරෝගි පුද්ගලයකුගේ හිසකෙස් වලින් 80% ක් වර්ධන අවධියේ ද 5%ක් විවේකි අවධියේ ද 15%ක් ගැලවී යාමේ අවධියේ ද පවතිනවා
👉හිසකෙස් ගැලවී යාමට හේතු....
🖤රාත්‍රි කාලයේදි ස්නානය කිරීම
🖤 උණු වතුරින් ස්නානය කිරීම
🖤දුම් දූවිලි වලට නිරාවරණය වීම
🖤 ප්‍රමිතියෙන් තොර ආලේපන වර්ග භාවිතා කිරීම
🖤මානසික ආතතිය
🖤වායු සමීකරණය කරන ලද ස්ථාන වල වැඩි වේලාවක් සිටීම
🖤තද අව්වේ ගමන් කිරීම
🖤 හිස් වැසුම් වැඩි වේලාවක් හිසේ දමා ගෙන සිටීම
🖤 විවිධ රසායනික ද්‍රව්‍ය යොදා හිසකෙස් සැකසීම
🖤හිස ගල්වන තෙල් වරින් වර මාරු කිරිම
🖤හිසකෙස් උණුසුම් කිරීම
🖤පෝෂණ ඌනතාවය
🖤මීට අමතරව පරම්පරාවෙන් පැවත එන ජාන සම්බන්ධ ගැටලු නිසා ද අකලට හිසකෙස් ගැලවී යාම සිදු වේ.
😍නීරෝගී කෙස් කලඹක් පවත්වා ගෙන යාමට නම් ........
💚හිස මෘදුව පීරීම
💚හිසකෙස් පිරිසිදුව තබා ගැනීම
💚හිසෙහි සමට මනා පෝෂණයක් ලබා දීම
💚හිසෙහි තෙතමනය රදා පවත්වා ගැනීම
💚හිසෙහි රුධිර සංසරණය දියුණු කිරීම සදහා හිස හොදින් සම්භාහනය කිරීම
💚අවම වශයෙන් සතියකට වතාවක් හෝ හිසෙහි තෙල් ගල්වා විනාඩි 10-15 පමණ සම්භාහනය කිරීම
💚ස්නානය කල පසුව හිසේ තෙතමනය පවතින විට තෙල් ආලේප කිරීමෙන් වැලකීම.
💚විවිධ රසායනික ද්‍රව්‍ය අඩංගු ෂැම්පු වර්ග භාවිතා කිරීමෙන් වැලකීම . ෂැම්පු කිරීමෙන් පසු එය හොදින් සෝදා ඉවත් කල යුතුය
💙හිසෙහි තෙල් ගැල්වීමේදි සුදුසු තෙල් වර්ගයක් ගෙන විනාඩි 10-15අතර කාලයක් ඇගිලි තුඩු වලින් හිස් කබල හොදින් මෘදුව පිරිමදින්න. හිසකෙස් තදින් සම්භාහනය කිරීමෙන් වලකින්න .
💙 උදෑසන තෙල් හිසෙහි ගල්වා පැය 2-3 ට පසුව සැර අඩු ෂැම්පු වර්ගයකින් හිසකෙස් සෝදා හරින්න. නැතිනම්,
රාත්‍රි කාලයේදී හිසෙහි තෙල් ගල්වා උදෑසන ස්නානය වඩාත් සුදුසුයි..
💙නීරෝගි කෙස් කලඹක් පවත්වා ගෙන යාමට ඉහත සත්කාර වලට අමතරව අභ්‍යන්තරවද මනා පෝෂණයක් ලබා දිය යුතුය.
ඒ සදහා
☘️කතුරුමුරුංගා , ගොටුකොළ , නිවිති , මුගුණුවැන්න ආදී පලා වර්ග වැඩිපුර ආහාරයට ගැනීම
☘️කොල පැහැති එළවළු වර්ග ආහාරයට ගැනීම
☘️නෙල්ලි , වෙරලු ආදී පලතුරු වර්ග ගැනීම
☘️කොලකැද , බෙලිමල් , රණවරා , ඉරමුසු වැනි ස්වභාවික පාන වර්ග නිතර පානය කිරීම
☘️හොදින් ජලය පානය කිරීම
