05/12/2024
🔴දත් වලට කම්බි(Braces) දැමීමේදි දැනගත යුතු කරුණු.
🔹Braces නැතිනම් Fixed orthodontic appliances කියන්නේ දත් වල පිහිටීම වෙනස් කරලා දත් වල විකෘතිතා නිවැරැදි කරලා ඔබේ සිනහව, පෙනුම, දත්වල ක්‍රියාකාරීත්වය වැඩි දියුණු කරන්න යොදාගන්නා ප්‍රතිකාර ක්‍රමයක්.
🔹Braces පළඳින ඔබ සැලකිලිමත් විය යුතු දේවල් ගැන විමසා බලමු.
🔸ආහාර ගැනීමේදී ,
▪️ඉදිරිපස දත් වලින් ආහාර ඉරීම හෝ තදින් සැපීම නොකළ යුතුයි.
▪️පලතුරු (ඇපල්, පේර වැනි), නොපිසූ එළවළු (කැරට් වැනි), පාන්,මස් වර්ග ,මුරුක්කු,බැදපු කඩල ආදිය ආහාරයට ගන්නේ නම් කුඩා කැබලි වලට කැපීමෙන්/ කැඩීමෙන් අනතුරුව පිටුපස දත් වලින් සෙමින් සෑපීමයි සුදුසු වන්නේ.
▪️ආම්ලික බවින් වැඩි ආහාර,වර්ණකාරක යෙදූ ආහාර,දත් වල කහට බැදෙන ආහාර නොගත යුතුයි.
▪️අධික ලෙස සීනි අඩංගු ආහාර, කාබණිකෘත පැණි බීම හා අලෙනසුලු ආහාර ගැනීම දත් දීරායාමට ඇති අවදානම වැඩි කරන බැවින් එවැනි ආහාර ගැනීමේන් වළකින්න.
▪️ Chewing gum, ටොෆී වර්ග වැනි ඇලෙන සුළු ආහාර හා ගැනීමෙන් වළකින්න.
🔸නියපොතු හැපීම, පෑන් පැන්සල් හැපීම, දත් වලින් කවර ඉරීම හා බෝතල් මුඩි ඇරීම වගේ දේවල් කිසිසේත් සිදු නොකරන්න.
එවැනි නොසැලකිලිමත් දේ නිසා brackets, කම්බි ගැලවී යාමත් bands බුරුල් වීමත් නිසා ප්‍රතිකාරය නිසි පරිදි සිදු නොවේ. ප්‍රතිකාරයට ගතවන කාලය දික්වේ.
🔹Braces පැළඳීමෙන් පසු දත් සහ විදුරුමස් වල පිරිසිදු බව ගැන වැඩි අවදනයක් යොමු කළ යුතු වෙනවා.
ඒ කට තුළ ආහාර කැබලි රැදෙන ස්ථාන වැඩි නිසා මැලියම් ඇති වීමත් ඒවා මත බැක්ටීරියා වැඩි වශයෙන් වර්ධනය වීමත් සිදුවන නිසයි. ඒ තත්ත්ව යටතේ දත් දිරායාමේ අවදානම වගේම විදුරුමස් රෝග ඇති වීමට ඇති ඉඩකඩත් ඉතාමත් ඉහළයි. කට තුළ පිරිසිදු බව පවත්වා ගැනීමට අපොහොසත් උනොත් දත් දිරායාම, කටේ දුගඳ ඇති වීම, විදුරුමස් රෝග ඇති වීම, braces ඉවත් කළ පසු දත් මත පැල්ලම් (decalcification) ඉතිරි වීම වැනි අයහපත් ප්‍රතිඵල ඇති විය හැකියි.
🔸දන්ත සෞඛ්‍ය පවත්වා ගැනීමට,
▪️දිනකට දෙවරක් දත් මැදීමට අමතරව සෑම ආහාර ගැනීමකට පසුවද දත් මැදීම කළ යුතුයි .
▪️ ඒ සදහා ෆ්ලෝරයිඩ් අඩංගු දන්තාලේපයක් භාවිත කරන්න.
▪️දත් මැදීමේදි දත් අතර මෙන්ම,කම්බි(braces) අතර ඇති කෑම කැබලි සියල්ලම ඉවත් කිරීමට වග බලා ගන්න.
▪️ එක් පැත්තක සිට අනෙක් පැත්තට කම්බි වලට ඉහලින් ,කම්බි වලට පහලින් මෙන්ම කම්බි ඔස්සේ මැදීම කළ යුතුයි. Interproximal brush එකක් භාවිතයෙන් කම්බි වලට යටින් දත හා කම්බිය අතර ඇති ප්රදේශ හා brackets වටා ඇති ප්රදේශ පිරිසිදු කරන්න.
▪️ෆ්ලෝරයිඩ් අඩංගු කට සෝදන දියර (fluoride mouth wash) භාවිත කිරීමත්, දිනපතා Floss කිරීමත් වැදගත් වේ.
🔹Brackets හෝ කම්බි මගින් තොල්, විදුරුමස් , කම්මුල් හෝ දිව තුවාල වන්නේ නම් orthodontic wax කැබැල්ලක් මගින් එම තියුණු කොටස් අවරණය කරන්න. ඒ වෙනුවට තෙත් කරන ලද කුඩා ටිෂූ කැබැල්ලක් වුවත් යොදා ගත හැකියි.
🔹අධික වේදනාවක් පවතින්නෙ නම් හෝ brackets හෝ කම්බි ගැලවී, බුරුල් වී ඇත්නම් මීළග සායන දිනය දක්වා නොසිට සායනය වෙත පැමිණ වෛද්‍යවරයා හමුවීමට කටයුතු කරන්න.
🔹ඔබ ක්‍රීඩාවල (contact sports)නිරත වන්නේ නම් mouth guard එකක් භාවිත කිරීමෙන් අනතුරකදී සිදුවන හානිය වළක්වාගත හැකියි.
🔶🔹නොකඩවා නියමිත සායනය දිනයන්හිදී පැමිණ ප්‍රතිකාරය ලබාගැනීමට වගබලා ගන්න .
එමගින් අපේක්ෂිත කාලයේදී හෝ ඊට ප්‍රථම සාර්ථක ලෙස ප්‍රතිකාරය අවසන් කර braces ඉවත් කලහැකිවේ.
🔶🔶🔶දත් වලට කම්බි(braces) දැමීමේ ප්‍රතිකාරයෙ ඵලදායී සාර්ථක ප්‍රතිඵල ,,,
▪️නිවැරැදි වෛද්‍ය උපදෙස් පිළිපැදීම
▪️ මුඛ සෞඛ්‍ය යහපත් ලෙස පවත්වා ගැනීම
▪️නියමිත දිනයන්හිදී සායනය වෙත පැමිණිම
මගින් ලබා ගත හැක.
🔵ප්‍රතිකාර ලබාගැනීමට වෙලාවක් වෙන්කර ගැනීමට හා වැඩිදුර තොරතුරු සදහා අමතන්න.
☎️776495708
🏢 ලිපිනය - නො105G,රජ වීදිය,මාතලේ.
📍Google Location - https://maps.app.goo.gl/YmJZ1UYABipFgeBBA
