https://www.facebook.com/109012461587759/

Kasun Rajapaksha

Home
Sri Lanka
Matara
Kasun Rajapaksha

මනෝ උපදේශනය සදහා යොමු වීමට,
0760750727 දුරකථන ඇමතුමක් ලබා දෙන්න, නැතිනම් වට්ස් ඇප් පණිවිඩයක් තබන්න.

23/09/2025

අපි දෙන්න කාමරයට වෙලා ඉන්නකොට එක පාරටම එයා ඇවිල්ලා දොරට තට්ටු කරනවා, තට්⁣ටු කරනවා නෙවෙයි ඇත්තටම කිව්වොත් දොරට ගහනවා. ඒ සමහර වෙලාවට මමයි Husband නුයි ඉන්නෙ අපේ ලෝකෙක. ඒවා එයාට අදාල නැහැ. එක්කෝ husband ගෙ නම් කියලා නැත්නම් මගේ නම කියලා අන්න අහවලා ඇවිල්ලා ඉන්නවා, අන්න අරම වෙලා මෙහෙම වෙලා කියල⁣ා අපේ නිදහසට බාදා කරනවා. අපි නිදාගෙන හිටියත් කොහොම හරි ඇහැරනවා. ඇහැරල⁣ා එලියට අරන් එයාගේ වැඩේ කර ගන්නවා.

මේ මහ දවල් දොරවල් වහන් කාමර මොනවා කරනවද කියලත් කියවනවා.

අපේ රටේ බොහෝ වැඩිහිටියන්ට දෙමව්පියන්ට තමන්ගේ දූ දරුවන්ගේ පෞද්ගලිකත්වය ගැන කිසිදු හැගීමක් අවබෝධයක් නැති බව උපදේශනය සදහා එන බොහෝ අඹු සැමියන් ඉදිරිපත් කරන ගැටලු දෙස බැලුවම පෙනී යයි. අඹු සැමියන් අතර දැඩි ආතතියක් ඇති වෙන්න මේ තත්වය බලපාන බව පෙන්වා දිය හැකිය.

කසාදයක් බැදලා තමන්ගේ මහ ගෙදර තම පුතා පදිංචි වන්නෙ වෙන නිවසකට යාමට ඇති ආර්ථික සහ වෙනත් බාදා නිසා විය හැකිය. අපි කොතරම් යෝජනා කරත් සමහර අඹු සැමියන්ට වෙනත් නිවසක පදිංචියට යාමට නොහැකි වන විවිධ ප්‍රායෝගික දුෂ්කරතා ඇත. සමහරු මහ ගෙදර පදිංචි වන්නේම දෙමව්පියන් ගැනම සිතාය.

එක්කෝ අම්මා තාත්තා අසනීපයෙන් සිටී නැත්නම් එම දෙමාපියන් බලා කියා ගැනීමට සිටින්නේ එම පුතා ලේලි පමණක් විය හැකිය. නැත්නම් අම්මා තාත්තා විසින් ඔවුන්ට වෙනම ජීවත් වීමට ඉඩ නොදේ.

ඉතින් එහෙම දරුවකුට නිදහසේ පවුලක් ලෙස ජීවත් වීම⁣ට තම තමන්ගේ පෞද්ගලික ජීවිතය විදීමට අවශ්‍ය පරිසරය සකසා දීම දෙමව්පියන්ගේ යුතුකම සහ වගකීම වේ. අඩුම තරමේ ඔවුන්ගේ නිදහසට බාදා නොකරවත් සිටිය යුතුය. මම දන්නවා සමහර දරුවන් දෙමාපියන් සමඟ මහ ගෙදර පදිංචිව සිටින්නෙ ඔවුන් වෙනුවෙන් දැඩි කැපකිරීම් රැසක් කරමින්ය. නමුත් සමහර ආත්මාර්ථකාමි මව්පියන් සිතන්නේ තම පුතා එම යුතුකම් තමන් වෙනුවෙන් කල යුතුම බවයි. ඒවා ඔවුන්ගේ වගකීම් බවයි. ඒවා ඔවුන් සතු අයිතිවාසිකම් බවයි දරුවන් වෙතින් ලැබිය යුතු.

තම නිවසේ පුතා සමඟ පුතුගේ බිරිද කාමරයක ජීවත් වනවා නම් එය වෙනම පවුලක් සතු සහ පදිංචිව සිටින නිවසක් ලෙස සැලකිය යුතුය. ඔවුන් ඇති විට හෝ නැති විට ඔවුන්ගේ අවසරයකින් තොරව එම කාමරයට ඇතුළු වීම නොකල යුතුම දෙයකි. සමහරු එයට කොහෙත්ම කැමැති නැත. නමුත් මුකුත් කීමට නොහැකි නිසා නිශ්ශබ්දව සිටිනු විය හැකිය.

මේක අපේ ගෙදර අපිට ඕන තැනකට යාමට හැකියි යන අධිපතිවාදී මානසිකත්වයකින් හැසිරීම සුදුසු නොවේ. ඔහොම හැසිරුණාම හොදට ජීවත් වන පවුල් ජීවිතයක් ගත කරන ඔබේ පුතාට දුවට එයින් විශාල බලපෑමක් ඇති වේ.

මම අහන සමහර පවුල් ආරවුල් කතා වල ගැටලුවේ නිදානය තියෙන්නේ ඔන්න ඔය වගේ ගොඩාක් ඉස්සර වෙච්ච සිදුවීම් මාලවක් මුල් කරගෙනය.

එක බිරිදක් මා සමග කිව්වෙ.

අපි බැදලා husband ගේ මහ ගෙදර පදිංචි උනා මොකද එයා තමයි පවුලේ එකම පිරිමි දරුවා. ටික කාලයක් ගියාම මමයි නැන්දම්මයි අතර ප්‍රශ්න ඇති උනා මොනවා උනත් අපිට වෙන තැනකට යන්න අමාරුයි ඒ අම්මා තාත්තා වයස නිසා. ඒ නිසා අපි ගෙදරට අල්ලපු ඉඩමේ පොඩි ගෙයක් කුලියට අරන් ඒකේ පදිංචි උනා. නැන්දම්මා එතනටත් ඇවිල්ලා අපේ නිදහසට බාදා කරන්න ගත්තා. මගේ husband ගොඩාක් busy කෙනෙක් මමයි දරුවයි එක්ක ඉන්න එයාට තියෙන්නේ පොඩි කාලයක් විතරයි. ඉතින් අම්මා බොහෝ වෙලාවට husband එහෙම ඉන්න වෙලාවටත් ඇවිල්ලා කතා කරගෙන යනවා එයාගේ වැඩ වලට. ඇත්තටම ඒවා අත්‍යාවශ්‍ය වැඩ නෙවෙයි. එයාල විහින් දා ගත්ත වැඩ නැත්නම් ලෙඩ. මේ නිසා මමයි මහත්තයයි අතරේ පුදුම විදියට රංඩු ඇති වෙනවා.

මම දවසක් කිව්ව නැන්දම්මට බොහොම හොදින් මෙහෙමයි අම්මේ මෙයාව ඔය විදියට එක්ක යන්න එපා එයාට මමයි දරුවයි වෙනුවෙන් කරන්න ගොඩාක් වැඩ තියනවා ඔය පොඩි වෙලාවට. ඔය වැඩ නිසා එයයි මමයි අතරේ නැති ප්‍රශ්න ඇති වෙනවා කියලා. කනකට ගත්තෙ නැහැ. පහුවදත් ඇවිල්ල⁣ා එයාව එක්ක ගියා.

සමහර අම්මල⁣ ඉන්නවා ඒ වැඩේ පුතා ලව්වම කරවා ගන්න ඕන. පුතා එක්ක ඒ ගමන බිමන යන්න ඕන පුතා එක්ක කාර් එකේම යන්න ඕන නැත්නම් හරි නැහැ වගේ අය.

අපේ නැන්දම්මා කියන්නෙ පවුල් ජීවිතයක් නැති ගෙදර ඉන්න තාත්තා ගැන බලන්නෙ නැති කෙනෙක්. එයා වැඩිපුර කාලය ගත කරන්නේ පන්සලේ. පන්සලේ වැඩක් කිව්ව⁣ොත් එතනමයි. පුතේ ලොකු හාමුදුරුවෝ අසනීප වෙලා doctor ගාවට එක්ක යන්න ඕන අර වෙලාවට ඔයා කාර් එකෙන් හාමුදුරුවන්ව එක්ක යන්න. පිං සිද්ද වෙනවා නේ.

ඇත්තටම හාමුදුරුවන්ට ඔය ගමන වෙන වාහනයක යන්න පුළුවන් නමුත් නැන්දම්මට ඕන එයාව අපේම කාර් එකේ යවන්න. ඒකට අපේ මහත්තයම යන්න ඕන. අපේ මහත්තයත් මුකුත් නොකියා ඉන්නෙ එයාට කාර් එක අරන් දුන්නෙ අම්මා නිසා. මගේ මනුස්සයා එයා එයාගේ ඩ්‍රයිවර කරගෙන අතනට මෙතනට යවනවා. අපිට අපේ පාඩුවේ ඉන්න නැහැ. කා⁣ටවත් කැපී පේන්න ලකුණු දා ගන්න අපේ ජීවිත පාවිච්චි වෙනවා.

මේවට මම විරුද්ධ නිසා එයාට දැන් මාව පේන්න බැහැ. අපි පිං රැස් කරලා මේ දේවල් ලබා ගත්ත නිසාලු මමත් හොදින් ජීවත් වෙන්නෙ. මට ඉතින් කියන්න හිතෙනවා ඔයාලාට පිං මට පව් වෙලා කියන්න. කට වරද්දගෙන ආයේ මට ඉන්නත් නැති වෙයි. මොකද එයා හැමෝම බය කරන් ඉන්නෙ. එයාගේ සල්ලි වලට තියන බලය නිසා හැමෝම එයාට බයයි.

එයා හිතන්නේ පිරිමි ඉන්න ඕන ගැහැණුන්ව යටත් කරගෙන කියලා. ඒ කියන්නේ එයාගේ පුතා මාව යටත් කරගෙන ඉන්න ඕන. නමුත් ගෙදර හැම පිරිමියම ගැහැණියක් වෙච්ච එයාට යටත් වෙන්න ඕන.

ඉතින් මේ තවත් බිරිදක් කියපු කතාවක්.

ඉතින් දරුවන්ට තමන්ගේ පෞද්ගලික ජීවිතය තමන්ගේ පවුල් ජීවිතය ගත කරන්න අවශ්‍ය නිදහසට අයිතියට ගරු කරන්න. ඔවුන්ගේ ජීවිත ඔබේ ආශාවන් අවශ්‍යතාවයන් වෙනුවෙන් අවභාවිතා නොකරන්න.

එහෙම කරාම වෙන්නෙ දරුවන් පමණක් නෙවෙයි දරුවන්ගේ දරුවන් පවා මානසික රෝගීන් මානසික ආබාධ සහිත අය වෙන එක. පවුල් ගැටුම් වැඩි වෙලා දික්කසාද වැඩි වෙන එක. ළමයි අසරණ වෙන එක.

Kasun Rajapaksha
ප්‍රවීණ මනෝ උපදේශක.
fans

*xualhealthformen

20/09/2025

ඉස්සරම දවසේ බාගෙට ඇදුම් ගලවද්දි එයා මගෙන් ඇහුවේ ඔයා මට ඇත්තටම ආදරෙයිද මාව හැමදාම බලා ගන්නවද කියලා. මම එතකොට කලබලයෙන් වගේ එයාට කිව්ව හරි හරි අපි ඒවා පස්සෙ කතා කරමු දැන් මේ වැඩේ කරමු කියලා. එයාට තරහා ගියා. ආයේ එයාම බාගෙට ගලවපු බ්ලව්ස් එක ඇදගෙන ඔයත් කලින් මිනිස්සු වගේම තමයි මාව Use කරන්න එන්නෙ කියලා එතනින් යන්න හැදුවා. මම එයාව නතර කර ගත්තා.

මම කල්පනා කරා යකෝ මීට කලින් මිනිස්සු දෙන්නෙක් එක්කම බුදියලා මෙතන ඇවිල්ල⁣ා මට දාන ලොකු සීන් කියලා. හෝටල් කාමරයකට ඇවිල්ලා මෙහෙම තනි වෙන්නෙ අහවල් බම්බුවකටද වෙන. ඒකට ඇවිල්ලත් ආදරයක් ගැන දොඩවනවා.

ඉතින් බන් මම මේ මාස ගාණක් උඹට ආදරෙයි අරකයි මේකයි කිය කියා උඹව හුරතල් කරා නේ, මෙච්චර ගේමක් ගහලා මෙතනට ඇවිල්ලත් ඔය ටිකම මන්තරය වගේ ආයේ කියවන්න ඕනද මේක කරන්නෙ නැතුව යකෝ කියලා මම මටම කියා ගත්තා.

මම කල්පනා කරා මේ වැඩේ හරි යන්නේ නැහැ මෙයාව ෂේප් කර ගන්න ඕන නැත්නම් නම් ඉතින් නිකන් තමයි ගෙදර යන්න වෙන්නේ කියලා.

මම ආයේ එයා ගාවට ගියා. එයා අඩනවා ඇස් වලින් කදුලු බේරෙනවා. හරි හරි මැණික කියලා මම එයාව තුරුළු කර ගන්න හැදුවා. එයා මාව තල්ලු කරලා දැම්මා. මම ආයෙත් එයාව තදින්ම තුරුළු කර ගත්තා එයාට මාව තල්ලු කරන්න බැරි වෙන්න. මට ඕන උනේ ඉක්මනින් එයාව සන්සුන් කරගෙන මගේ හැගීම් නිදහස් කර ගන්න. මම හැගීම් වලින් ගොඩාක් දුර ගිහිල්ල⁣ තිබුණේ ඒ වෙනකොට.

එතකො⁣ට එයා මාව බදාගෙන හයියෙන් අඩන්න ගත්තා. මට ඕන s*x කරන්න නෙවෙයි මම හොයන්නෙ ආදරය රැකවරණය අවධානය ආරක්ෂාව. මට හොදින් සවන් දෙන්නෙක්. මගේ කතාව අහන් ඉන්න කෙනෙක්. හැබැයි මට ඔය සේරම කරන්න ආපු අය කරේ මාව ඇදට ගත්ත එක. ඔයත් එහෙමයි කියලා මම හිතුවේ නැහැ.

ඇයගේ හැඩුම තවත් වැඩි විය. මම කල්පනා දැන් නම් වැඩේ ගොඩාක් emotional වෙන්න යන්නේ. මමත් ටිකක් emotional වෙලා මෙයාව cool down කර ගන්න ඕන. නැත්නම් අද හිස් අතින්ම තමයි යන්න වෙන්නේ කියලා. මම හිතන් මටම දොස් පවරා ගත්ත⁣ා අපරාදේ මම වැඩිපුර ටිකක් කලබල උනේ කියලා.

කලබල නෙවී තියනවද අප්පා මෙයා කිව්වේ ඉතින් Husband එක්ක අවුරුදු දෙකකින් විතර ඉදලා s*x කරේ නැහැ කියලා ඉතින් මම හිතුවා මට වඩා මෙයාට s*x ඕන ඇති කියලා. තව මම හිතුවා මට බේරිල්ලක් නැති වෙයි කියලා ඇදේදී මෙයා ඉන්න තත්වය අනුව කියලා. මම නම් ඉතින් කොච්චර උනත් wife එක්ක හැමදාම එකට ඉන්නවා නේ. මට වඩා මෙයාට ඒක ඕන ඇති කියල⁣ා මම හිතුවා.

කොහේද ඉතින් මෙයත් call කරද්ද video call ගනිද්දි s*x ගැන කිය කියා පුදුම විදියටනේ මාව ඇවිස්සුවේ.

මට ඕන උනේ s*x කරන්න මෙයත් එක්ක ඒක කරද්දී ඒක මොන ව⁣ගේ එක්ස්පීරියන්ස් එකක්ද කියලා දන ගන්න මම පුදුම කුතුහලයකින් හිටියේ. එයා මාස ගාණක් මට කතා කරා එයාගේ දේවල් මට කිව්වා. එයාගේ දේවල් කියලා කිව්වේ එයාට family life එකේ තිබුණ ප්‍රශ්න එයාගේ පීඩනය ගැන මට කිව්වේ. නිදිමතේ, කම්මැලිකමෙන් wife ට හොරා පාරේ යද්දී කාර් එක නතර කරගෙන එයා එක්ක කතා කරේ එයා call එකක් ගන්න සැනින් ආන්සර් කරේ කවදා හරි දවසක එයා එක්ක එකට ඉන්න දවසක් උදා කර ගන්න.

මේ දවස එනකම් මේ දවස උදා කර ගන්න මම කොයි තරම් වෙහෙස උනාද. එයාව Husband ට හොරෙන් ගෙදරින් ගන්න, මමත් wife ට බොරුවක් කියලා ගෙදරින් පැන ගන්න මාර ගේමක් දීලා මුලින්ම හමු වෙච්ච දවස අද, ඒ වගේම හොටෙල් එකකට එයාව එක්ක ආවේ ලොකු පෙරැත්ත කිරීමකින් ලොකු අවදානමක් අරන්. ඒ එද්දිත් එයා මට කිව්වේ මට වෙන මුකුත් ඕන නැහැ ඔයා එක්ක නිදහසේ ටිකක් කතා කරන්න ළගට වෙලා ඉන්න තිබුණා නම් ඇති කියලා.එතකොටත් මම හිතුවේ එතනින් එහා ටික මමනේ කරන්නෙ කියලා. ඒක මගේ හිතේ වැඩ කරපු ප්ලෑන් එකක්.

එදා කොහොම හරි මම එයාව මගේ අවශ්‍යතාවය සදහා පොළඹවා ගත්තා. එයා මම කියපු කතා විශ්වාස කරා. ඇත්තටම හදවතින්ම විශ්වාස කරාද නැත්නම් බලෙන් විශ්වාස කර ගත්තද කියලා මම දන්නෙ නැහැ. මොකද මම මගේ අවශ්‍යතාවය ඉටු කර ගන්න ඕන නිසා දෙවල් අතිශයෝක්තියක් සහිතව කිව්වා. මම ඔයා එක්ක ඉන්නවා ඔයා හැමදාම බලා ගන්නවා. ඔයාට මුකුත් වෙන්නේ නැහැ. මට මගේ wife ට වඩා ඔයාව දැණෙනවා. එයාටත් වඩා මම ඔයාට ආදරෙයි. එතකොට මගේ හිතම මටම කිව්වද කොහේද වගේ දැණුනා යකෝ බොරු කියන්න එපා උඹ ඔබ ගැහැණු පරාණ දෙකටම love නැහැනේ බන් කියලා.

ඇත්තටම මට එයා ගැන මුලින්ම ඇති උනේ ආදරයක්ද ?
නැත්නම් මට එයා ගැන ඇති උනේ ආශාවක්ද රාගයද ?

නැත්නම් එයා ගැන ඇති උන ආශාව නිසා රාගය නිසා එයා ගැන ආදරයක් ඇති කර ගත්තද ?

හරි දැන් ඔහොම අපි කාලයක් එකට එහේ මෙහේ ගියා s*x අපි දෙන්නම හොදින් enjoy කරා. දැන් එයයි මට කතා කරන්නෙ අපි meet වෙමු කියලා. මට සල්ලි නැහැ කිව්වම එයා කිව්වා හරි මම ඒවා බලා ගන්නම් කියලා.

පස්සෙ පස්සෙ එයාම හැම වියදමක්ම කරන්න ගත්තා. හෝටල් ගාස්තුද කෑමට බීමට කාර් එකට තෙල් ගහන්න මේ හැමදේටම. අන්තිමට අතටත් ගාණක් දීලා කාර් එකෙන් බහින්නෙ, ආ මේකෙන් බබාලාටයි wife ටයි මොනවා හරි අරන් යන්න එයාලා පව්නෙ නැත්නම් කියලා. Wife ටත් මොනවා හරි අරන්න යන්නලු. එයා දැන් මගේ මුලු පවුලම ගැන හිතනවා.

දැන් එයා මාව ගෙන්න ගන්න මගේ s*x feeling පාවිච්චි කරනවා.

ඔයා එන්න අපිට ගොඩ දවසකින් එකට ඉන්න බැරි උනානේ. මම ආසයි අරම කරන්න මෙහෙම කරන්න අතනට යන්න මෙතනට යන්න. අරම ඉන්න මෙහෙම ඉන්න. මම ආසයි ඔයා එක්ක කාර් එකේ පැද්දි පැද්දි එහෙන් මෙහෙන් දාලා හොරෙන්ම හෝටල් කාමරයකට රිංගා ගෙන දොර වහගෙන ඔයා එක්ක තනි වෙන්න..

යකෝ එදා බ්ලව්ස් එකේ බොත්තම් දෙක පන්නද්දි මාව තල්ලු කරපු ගෑණිට ගිය කලක්.

දැන් ප්‍රශ්නය මේකයි මේයාට දැන් මාර විදියට මගෙන් s*x ඕන මාව ඕන මගේ ආදරය අවදානය ඕන. එයාම කියනවා මට ඔයාව පුදුම විදියට s*xually feel වෙනවා මට ඒ නිසා ඔයාව නැතුව ඉන්න බැහැ ඔයාගෙන් තොර ලෝකයක් නැහැ කියලා.

වැඩේ කියන්නේ දැන් මට එයාව දැණෙන්නෙ නැහැනේ. කොටින්ම මට මෙච්චර කරන ගැහැණියව එපාම වෙලා තිත්ත වෙලා තියෙන්නෙ. ඇත්තම කියනවා නම් මට දැන් එයාව වදයක්. එයාව හමු වෙන්න ගියාම ඉක්මනින් එතනින් එන්නේ කොයි වෙලාවෙද කියලා මම හිතන්නේ.

දැන් මම එයාට බය නිසයි එයා එක්ක ඉන්නෙ ඇත්තටම මම එයාට බයයි. එයා මාව දැන් emotionally black mail කරනවා. Wife ට හැමදේම කියනවා මගේ පවුල කඩනවා කියල⁣ා මාව බය කරනවා.

දැන් මම ලොකු අමාරුවක වැටිල⁣ ඉන්නෙ. එයා කියනවා දරුවන්වයි wife වයි අතෑරලා එයා ගාවට එන්න කියලා. මම කොහොමද ඒක කරන්නේ.

පසු සටහන.

සාමාන්‍යයෙන් අනියම් සම්බන්දතා ඇති වන්නෙ ඔය ආකාරයටය. තත්වයද ඕකය.

තමන්ට හොදින් සවන් දෙන පිරිමියා තුළ තමන් වෙනුවෙන් ආදරය ගෞරවය අවදානය හොදින් ඇතැයි සහ ලැබෙතැයි ගැහැණු විශ්වාස කරයි.

ඒ වගේම තමන්ට හැමදේම කියන තමන් එක්ක විවෘතව කතා කරන ගැහැණිය තමන් සමග ලිංගිකව එකතු වීමට කැමැති වනු ඇතැයි පිරිමි විශ්වාස කරයි.

මේ දෙකම වෙන්නත් පුළුවන් නොවෙන්නත් පුළුවන්. තවත් කියනවා නම් මේ දෙකම ඇත්ත වෙන්න පුළුවන්.

පස්සෙ මෙහෙම වෙනවා s*x දුන්නම පිරිමියා ආදරය අවදානය ගෞරවය පෙර පරිදිම ලබා දෙනු ඇතැයි පසුව ගැහැණු සිතනවා.

පිරිමි හිතනවා s*x කරලා ඉවර වෙලා ගැහැණු පැත්තකට කරල⁣ා තියන්න පුළුවන් කියලා.

පිරිමියාට එම ගැහැණිය ගැන ඇති ලිංගික ආශාව අතුරුදන් වෙලා යන අතර. ගැහැනු කෙනාට පිරිමියා ගැන පෙර නොවූ විරූ පරිදි දැඩි ලිංගික ආශාවක් ඇති වෙන්න ගන්නවා. ඒක ලිංගික ආශාවම විතරක් නෙවෙයි.

හිතන්න ලිංගික අවශ්‍යතාවය පමණක් ඉටු කර ගන්න අතිශයෝක්තියෙන් බොරු කියමින් ගැහැණියට බොරු බලාපොරොත්තු දෙමින් ළං වන පිරිමියකුගෙන් අවසානයේදී එම ගැහැණිය ආදරය අවදානය ගෞරවය සහ s*x බලාපොරොත්තු වෙන්න ගත්තම ඒ පිරිමියට ඇති වන පීඩනය කොහොම එකක්ද කියලා. ඔහු පත් වන මානසික අර්බුදය කොහොම වෙනවද කියලා. ගොඩාක් අනියම් සබදතාවලට පැටලුණ පිරිමි අයට එයින් ගැලවෙන්න බැරි තවත් හේතුවක් තමයි තමන්ම කියපු කතා අනෙකා විසින් තමන්න black mail කරන්න භාවිතා කරන එක. ඕකේ අනිත් පැත්තත් හිතලා බලන්න.

බොරු බේගල් කිව්වා වගේ නෙවෙයි අනෙක් පැත්තට return එක එන්න ගත්තම. ගැහැණු එක්ක ලේසි නැහැ එතකොට.

මතක තියා ගන්න ගැහැණු අයගේ ලිංගික ක්‍රියාකාරීත්වය හැගීම් ඇති වීම පිරිමියාගේ ක්‍රියා කලාපයට හැසිරීම් වලට දක්වන ප්‍රතිචාරයන් වශයෙන් පවතී. ගැහැණියක් අවුස්සන්නෙ කොයි තරමින්ද ඒ අනුව ඇය ඇවිස්සෙයි.

පිරිමි නිවෙන තරම් ඉක්මනින් ගැහැනු නිවෙන්නෙ නැත. නිවන්නටද නොහැකිය.

ඉතින් මම කියන්නෙ ගැහැණුන්ගෙ කාමය අවුස්සේනෙ පරිස්සමින් බලාගෙන.

ගැහැණුන්ට කියන්නේ පිරිමියකු නිසා අධික ආශාව ඇති කර ගන්නවා නම් ඒකත් අමාරුවේ වැටෙන වැඩක්.

මේ දවස්වල මම අහන්නෙම ඔය වගේම කතා.

කසුන් රාජපක්ෂ
ප්‍රවීණ මනෝ උපදේශක.
fans

*xualhealthformen

18/09/2025

Husband ට වෙන සම්බන්දයක් තියනවා කියලා දැන ගන්නකොට මමත් අනියම් ඇසුරක් එක්ක ගොඩාක් දුර ගිහිල්ලා හිටියේ. හිතට දැණෙන වේදනාව යටපත් කරගෙන උඩට ආවේ මමත් ඒ වරදම නේද එයාට කරන්නේ කියන වරදකාරී හැගීම. එතකොට අපි දෙන්නම දෙන්නවම රවට්ටගෙන එක ගෙදරක පවුල් කාලා.

මම දස අතේ කල්පනා කරා. අපිට අවුරුදු දහසයක සහ අවුරුදු දහ තුනක දුවලා දෙන්නෙක් ඉන්නවා. අපි දෙන්නගෙම මේ පලහිලව් නිසා අපිට අපේ දරුවන් කොයි තරම් මග හැරෙන්න ඇද්ද. ඒ මදිවට ලොකු දුවත් පිරිමි ළමයෙක් එක්ක චැට් කරනවා මට අහු වෙලා තියනවා. ඒකට මම එයාට තරවටු කරා කිහිප පාරක්ම ඔයා අපිට ලැජ්ජා වෙන විදියට වැඩ කරන්න එපා කියලා. එයා අම්මා තාත්තා හොරෙන් කරන දේවල් දැන ගත්තොත් කොහොම අපි දිහා බලයිද ?එක ගෙදර අපි අම්මලා තාත්තලා දුවලා එකිනෙකාට හොරෙන් මේ කරන්නෙ මොනවද මට මම ගැනම මහා පිළිකුළක් අප්පිරියාවක් ලැජ්ජාවක් ඇති උනා.

ඇත්තටම මට අනියම් සම්බන්ධයක් වෙත යන්න තරම් මහා ලොකු හේතු සාධක තිබුණේ නැහැ. ඒ වගේම Husband ටත් එහෙම වෙන ගැහැණු කෙනෙක් ගාවට යන්න තරම් මගෙන් අඩුපාඩු උනා කියලා මට පිළිගන්න බැහැ. ඒත් අනේ මන්දා. මම නම් මේ තත්වයට පත් උනේ මගේ හොදම යහලුවන් දෙන්නා නිසා කියලා මට හිතෙනවා. දෙන්නම බැදලා දරුවන් ඉන්නවා දෙන්නමට Boy friend ලා ඉන්නවා. අන්න ඒ දේවල් දකිද්දී මමත් නිරායාසයෙන් අනියම් පෙමක රස හොයන්න ගත්තා. අන්තිමට මමත් මගේ පාසල් කාලේ හිටිය ex boy friend එක්ක සම්බන්ධයක් පටන් ගත්ත⁣ා එයත් බැදලා ළමයි දෙන්නෙක් ඉන්න තාත්තා කෙනෙක්. එයා මට කිව්වෙ ඔයා මම ගාව හිටිය නම් එදා ඉදලා මම අද ඉන්න තැන හිතා ගන්න බැහැ කියලා. එහෙම මගේ husband නුත් එයාගේ අනියම් පෙම්වතියට කියන්න ඇති නේද කියලා මම හිතුවා.

මේ මම හමු වෙන්න ආපු කාන්තාවක් පවසපු කතා ටිකක්.

ඉතින් මට මෙහෙම ලියන්න හිතුණා.

අනියම් පෙම් සබදතාවල පැටලෙන ගොඩාක් අය ඒකට හේතුව විදියට කියන්නේ...
මම එහෙම කරේ මගේ husband හෝ wife මාව ⁣නොසලකා හැරිය නිසා මට ආදරේ නැති නිසා මට හොද s*x life එකක් නොදුන්න නිසා. මේ කතාවල අර්ධ සත්‍යායක් ඇති නමුත් මම නම් හිතන්නේ ගැහැණු වේවා පිරිමි වේවා මිනිස්සු කසාද බැදලා බිරිද සැමියා සිටියදී වෙනත් අනියම් සබදතාවයකට යන්න ප්‍රධාන හේතුව ආදරය කාමය රාගය ප්‍රේමය මේ ඕනම දෙයක් විදින්න ඇති තමන් තුළ පවතින ආශාව කැමැත්ත කුතුහලය නිසා. එයා මට එහෙම කරා මෙහෙම කරා ⁣කියන එක නෙවෙයි ඇත්තටම ඇත්ත තමා තුළ එයට ආශාව කැමැත්ත සහ ඉඩක් පැවැතීම.

මම දැකලා තියනවා මම අහලා තියනවා අවුරුදු විසි තිස් ගණන් සැමියා හෝ බිරිද වෙතින් කිසිදු කායික හෝ මානසික සහනයක් නොලබන නමුත් කිසිම දවසක වෙනත් පිරිමියකු හෝ ගැහැණියක ගැන නොසිතන, හැගීමක් ඇති කර නොගෙන ජීවත්වන අය. එය ඔවුන් තුළ පවතින මහා ලොකු හොදක් හෝ ප්‍රතිපත්ති නිසා නොව ඔවුන්ට ඒ පිළිබදව ආශාව කැමැත්ත නැතිකම විය හැකිය.

මම දැකලා තියනවා අහලා තියනවා සහ මම තේරුම් අරන් තියනවා සමහර සැමියන්ට බිරින්දන්ට තම සැමියා හෝ බිරිදගේ වැරදි අඩුපාඩු පේන්න ගන්නෙ වෙනත් ගැහැණියක් හෝ පිරියකුගේ ආදරය සෙනෙහස අවදානය වෙනස් විදියට ලැබෙන්න ගනිද්දි කියලා. එයාට වඩා මෙයා මෙහෙයි මට සලකන්නෙ මට බලන්නෙ මම ගැන හොයන්නෙ යනුවෙන් සන්සන්දනය කරන අය.

සමහරුන්ට ඕන හැමෝම කරන නිසා කරලා බලන්න මොන වගේද කියලා බලන්න.

පුද්ගලයා සදාචාර සම්පන්න වීම යනු ඔහුගේ ඇයගේ සැබෑ පුද්ගල ස්වභාවය මනුස්ස ස්වභාවය යටපත් කිරීමකි. පුද්ගල මනසෙහි ස්වභාවයම යනු සමාජය විසින් පිළිනොගන්නා වූ බැහැර කරන්නාවූ අසම්මත වැරදි යයි සම්මත දෙයම සිදු කිරීමයි. සිදු කිරීම⁣ට ඇති කැමැත්තයි. ප්‍රොයිඩියානු මනෝ විශ්ලේෂණයට අනුව මනසෙහි එනම් ID හි වැඩි ඉඩක් වෙන් වී ඇත්තෙ සමාජය විසින් වැරදි සහ අසම්මත දෙය ලෙස පෙන්වා දෙන දේවල් සිදු කිරීමටයි.

ඉතින් අසම්මත පෙම යනු පුද්ගලයන් තුළ ඇති ආශාව ආත්මාර්ථය පිළිබදව කතාවකි.

සදාචරයට ඉඩ නොදී මිනිසුන් ගැහැණුන් අනියම් පෙමෙහි රස විදීමට ගිජු සහ ලොල් වන්නෙ ඒ නිසාය.

ඒ නිසා තමයි වැරදි බව දැන දැනත් එයම කරන්නෙ.

ඒ නිසා තමයි වැරදි බව දැන දැනත් අනෙකා රවටන්නෙ.

ඒ නිසා තමයි වැරදි බව දැන දැන අනෙකා වරදට පොළඹවා ගනු ලබන්නෙ.

ඒ නිසා තමයි එයා කරන්නේ බොරුවක් රැවටීමක් කියලා දැන දැන එයා මත්තෙ ඉන්නෙ. එයා පස්සෙම යන්නෙ.

සදාචරාවත් වෙන්න වෙන්න මිනිසුන් මානසික පීඩනයට මානසික ආතතියට පත් වෙනවා වැඩිය. මන්ද සදාචරවත් වීම ආයාසයක් දැරිය යුතු දෙයක් වීම නිසාය.

ඉතින් විවිධ අවස්ථාවල ඔය ආයාසය ගිලිහී ගොස් සැබෑ මනුස්ස ස්වභාවය ඉස්මතු වේ.

ඉතින් ඕක තමයි අනියම් සම්බන්දතා පිළිබදව කතාව මනෝ විශ්ලේෂණයට අනුව.

ඉතින් ඒක නිසා අනියම් පෙමක් යනු අනෙකාගේ වැරදි අඩුපාඩු දුර්වලතා නිසාම සිදු වන දෙයක් නොවන බව තේරුම් ගන්න. එහෙමයි කියලා මෙතන මම අදහස් කරන්නෙ නැහැ අනෙකා ගැන සොයා නොබලා පාඩුවේ ඉන්න කියලා. එහෙම හොයලා බැලුවොත් අනෙක් අනියම් පෙමකට යන්න තියන ඉඩ කඩ බොහෝ දුරකට අඩු කර ගන්න පුළුවන් වෙයි.

කසුන් රාජපක්ෂ
ප්‍රවීණ මනෝ උපදේශක.
fans

17/09/2025

Skills වලින් ගොඩ ගිය මනුස්සයෙක් මම...
මට හරි යන්නෙ වැඩ කරලා වැඩ වලින් ඉගෙන ගන්න එක. මට කවදාවත් බැරි උනා ඉගෙන ගෙන වැඩ කරන්න.
ඉතින් මම වැඩ කරමින් ඉගෙන ගන්න එක මගේ ක්‍රමය කර ගත්තා මම.

පාසල් යන කාලේ අපේ පාසලේ හිටපු ක්‍රීඩා ගුරුතුමා මට කිව්වේ, කසුන් කියන්නෙ කකුල් දෙකේ හයියෙන් දුවන කොල්ලෙක කියලා. ඕලෙවල් කරන කාලේ නිවාසාන්තර ක්‍රීඩා උත්සවයේ මම දුවන ඉසව් කිහිපයකින් පළමු තැන ගන්නවා දැකලා තමයි එහෙම ඔහු කිව්වේ.

ඒක හිතේ හයිය වෙන්න ඕන. හිතේ හයිය ඇගේ හයිය උනේ එහෙම.

උපදේශනය වෘත්තියටත් මම ආවේ එහෙම. මම ලියන දෙවල් කියවලා කියවන අය මට කිව්වෙ counselor කෙනෙක් වෙන්න ඒකට ඕන ගොඩාක් skills ඔයාට තියනවා කියලා.

මම ගාවට එන client ලට මම කියනවා මම ගැන අහන්න මට මේ වෘත්තිය කරන්න තියන සුදුසුකම් මොනවද කියලා අහන්න කියලා. මොකද ඒ ගැන සේවාලාභීන්ට මුලින්ම කියන්න අපි බැදිලා ඉන්නවා. මට මතකයෙන් කියන්න පුළුවන් අය සීමිත ප්‍රමාණයක් තමයි අදටත් ඉන්නෙ මගේ සුදුසුකම් ගැන අහපු. හැබැයි මම දහස් ගාණක් මිනිස්සු එක්ක කතා කරලා ඇති. හැමෝම වගේ කිව්වේ අපිට එහෙම අහන්න තරම් දෙයක් නැහැ. අපි ඔබ තුමා ලියන දේවල් කියවලා බලලා අදහසක් අරන් ආවේ අපේ ගැටලුව ගැන කතා කරන්න ඔබ සුදුසුයි කියලා. ඉතින් හරිම ආඩම්බරයක් දැණෙන අවස්ථාවක් ඒ.

ඉතින් මම සතුටු වෙන තවත් හේතුවක් ඒක. මිනිස්සු මගේ skill වලට දෙන වටිනාකමට සහ respect එකට.

හැබැයි මම මේකෙන් කාටවත් කියන්නේ නැහැ ඉගෙන ගන්න එපා skills විතරක් හදා ගන්න කියන එක. ඉගෙන ගන්නත් ඕන skills හදා ගන්නත් ඕන හදුනා ගන්නත් ඕන දෙකම සමබරව කරගෙන යන කෙනා තමයි සාර්ථක වෙන්නෙ. මමත් හිටියා නම් හරි මට skills ටිකක් තියනවා ඉගෙන ගන්න ඕන නැහැ කියලා කවදාවත් මට මේ තත්වයට එන්න බැහැ. මම තාමත් ඉගෙන ගන්නවා update කර ගන්නවා මාවම

කෙටියෙන් කිව්වොත්

අපි කරන දේ කැමැත්තෙන් කරන්න ඕන
කරන දේ කැමැත්තක් ඇති වෙන්න නම්
කරන දේ විදින්න ඕන
කරන දේ තව දෙවල් විදින්න
මාර්ගය අවස්ථාව කර ගන්න ඕන.
කරන දෙයින් සමාජයට යහපතක් වෙන්න ඕන
කරන දෙයින් සමාජයට යහපතක් කරන්න හැකියාව තියනවා නම් තවත් හොදයි.

ඉතින් මම හිතනවා සහ විශ්වාස කරනවා ඔය හැමදේම මගෙන් වෙනවා කියලා.

මම
කසුන් රාජපක්ෂ
fans

16/09/2025

කසාද බදිනවා නම් අඩුම තරමේ තමන්ගේ අධ්‍යාපන මට්ටම තරමටවත් ඉගෙන ගත්ත මනුස්සයෙක් කසාද බදින්න කියලා මම කියනවා.

මෙහෙම කියන්නේ උපදේශනය සදහා මා වෙත ආපු කාන්තාවක්.

⁣මේ ඇය කියපු කතාව...

මම ඉපදුණේ දුප්පත් මනුස්සයෙක් නූගත් මනුස්සයෙක් ගෑවිලාවත් නැති පවුල් පරම්පරාවක පවුලක වැඩිමල් දරුවා විදියට. අපි හරිම සාම්ප්‍රදායික මධ්‍යම පාන්තික පවුලක්, අපේ පවුලේ හැමෝම හොදට ඉගෙන ගත්ත අය, ඒ වගේම අපේ පවුල්වල අයගේ විදිය තමයි අධ්‍යාපනය තුළින් සාර්ථකත්වය සදහා යොමු වීම, ඒ නිසා පවුල් වල හැමෝම රජයේ සහ පෞද්ගලික ආයතනවල විවිධ මට්ටමමේ ඉහළ නිලතල දරපු අය.

නමුත් අපේ පවුල්වල තිබුණේ මේ සම්ප්‍රදාය කඩ කරපු කෙනා මමයි.

මම විවාහ උනේ කොටින්ම කියනවා නම් අපොස සාපෙලවත් හරියට සමත් නැති ඉතාම දුප්පත් පවුලක පිරිමි කෙනෙක්. නමුත් කියන්න ඕන තමන්ගේ උත්සාහයෙන් කැපවීමෙන් යම් රැකියාවක් කරලා බොහොම ඉහළට ආපු කෙනෙක් විදියට තමයි මම ඔහුව හදුනා ගන්නකොට හිටියේ.

අපි දෙන්නම එකම වයසේ අපි එකිනෙකා හමු වෙද්දී අපි දෙන්නටම වයස අවුරුදු තිහ සම්පූර්ණ වෙලා, ලොකු ඇසුරක් ඇති කර ගත්තෙ නැති නමුත් අපි හමු වෙලා අවුරුදු එක හමාරක් යන්න කලින් විවාහ උනා. මේ විවාහයට මගේ පවුලේ කිසිම කෙනෙක් කැමැති උනේ නැහැ. හැමෝම එක හෙලාම විරුද්ධ උනා.

හැමෝම එක හඩින් කිව්වේ දුව ඔය පිරිමි ළමයා අපේ පවුලට ගැලපෙන කෙනෙක් නෙවෙයි, ඔයා මොකක්ද ඔය කර ගන්න හදන්නේ කියලා.

නමුත් මම නෙවෙයි ඒවා කනකට ගත්තෙ, මම හිතුවා මට වරදින්නේ නැහැ, මම මේ ගන්නෙ ජීවිතයේ මම ගන්න හොදම තීරණය කියලා.

අපි විවාහ උනා, අපේ පවුලේ කිසිම කෙනෙක් ඒ කෙටි විවාහ උත්සවයට සහභාගි උනේ නැහැ. එයාගේ පවුල්වල දුප්පත් නෑදෑයන් සහ එයාගේ සහ මගේ මිතුරන් මිතුරියන් පමණක් සහභාගි උනා අපේ විවාහ උත්සවය සදහා.

විවාහ උත්සවය සදහා මගේ පවුලේ කිසිම කෙනෙක් සහභාගි නොවීම ගැන Husband ගෙ අම්මා තරමක් නොරිස්සුම් බවක් පෙන්නුවට ඒක තනිකරම රගපෑමක් බව මට තේරුම් ගියා, එයාලට දැක්කෙ හදපානේ හරි කමක් නැහැ අපේ වගේ පවුලකින් කසාදයක් කර ගන්න ලැබීම ලොකු භාග්‍යායක් හැටියට.

අපි විවාහ වෙලා වෙනම ගෙදරක පදිංචි උනේ, මොකද එයාලට තිබුණේ සාමාජිකයන් වැඩි පිරිසක් ඉදපු පවුලක්, සහ මම කැමැති උනේ වෙනම අපි ජීවත් වෙන එකට, ඇත්තටම කිව්වොත් අපේ කසාදය මෙච්චර කල් හරි තියෙන්න වෙනම ජීවත් වෙන්න ගත්ත තීරණය ලොකු හේතුවක් උනා, මොක බැරි වෙලාවක් අපි එයාගේ මහ ගෙදර ඉන්න හිටියානම් සතියෙන් දෙකෙන් කසාදය කඩාගෙන මම යනවා යන්න.

මොකද ඒ තරම් වෙනම ඉදලත් එයාගේ පවුලේ අයගෙන් වෙච්චි අපහසුතා නිසා අපි අතරේ ප්‍රශ්න ඇති උනා.

හැමෝම අතමාරුවට සල්ලි ඉල්ලා ගන්න එන්නේ මෙයා ගාවට.

පස්සේ පස්සේ එයාලා මගෙනුත් ඒක බලාපොරොත්තු උනා.

හැබැයි ගණු විතරයි දෙනු නැහැ..

ගෙදර තියන දේවල් ගෙදරකට අත්‍යාවශ්‍ය දේවල් එයාලා අරන් යන්නේ මේක ඒ ගෙදර මිනිස්සුන්ට ආයේ ඕන වෙයි කියන හැගීමකින් නෙවෙයි, ඒ දේ අපිට ඕන උනාම අපි ගිහිල්ල අරන් එන්න ඕන.

දුකක් කරදරයක් විපතක් උනාම හැමෝම ඇවිල්ලා වැටෙන්නෙ දුක කියන්නේ අපිට, ඒකට කමක් නැහැ කියමුකෝ, නමුත් අපිට කරන්න පුලුවන් දේවල් තියනවා බැරි දේවල් තියනවා කියන එක එයාලට අදාල නැහැ, ඒ වගේම අපි දෙන්නට පෞද්ගලිකත්වය තියනවා අඹු සැමියන් විදියට ජීවත් වෙද්දී නිදහසක් අත්‍යාවශ්‍ය වෙනවා කියලා හැඟීමක් ඒ පවුලේ කිසිම අයකුට නැහැ, එයාලට මොකක්ද වෙන්න ඕන මහ රෑද මහ පාන්දරද කියලා නැහැ CALL කරනවා නැත්නම් ගෙදරට එනවා.

ඇත්තටම කිව්වොත් ඒ මිනිස්සුන්ට තරම් ප්‍රශ්න ගැටලු අඟහිගකම් නැතිව ඇති මේ ලෝකේ කාටවත්.

හරි ඔය කිව්වේ Husband ගේ පවුලේ අය ගැන, මේ Husband ගැන.

එයාගේ පිළිවෙළ පිරිසිදුකම අන්තිම බිංදුවේ තිබුණේ, කවදාවත් තමන්ගේ පිරිසිදුකම ගැන හිතුවේ නැහැ, පෞද්ගලික සනීපාරක්ෂක කටයුතු අන්තිමයි, එයා එක්ක තවත් පිරිසිදුවට පිළිවෙළකට ඉන්න කැමැති එහෙම ජීවත් ⁣වෙච්ච මනුස්සයෙක් තව ඉන්නවා කියලා කිසිම ගාණක් නැහැ,

Toilet එකට ගියොත් හරියට වතුර ප්ලශ් කරන්නේ නැහැ නාන කාමරයක් හරියට පාවිච්චි කරන්න දන්නේ නැහැ, ඔය ටිකයි.

අද ඇදලා අපිරිසිදු වෙච්චි සර්ට් එක එයා හෙටත් අදිනවා, කොලරයේ අත්වල කුණු. යට ඇදුම් බැනියම් ඉරිලා හිල් තිබුණත් ඒවා ගැන ගාණක් නැහැ, කොච්චර අලුත් ඒවා ඇරන් දුන්නත් අදින් පරණ ඒවා.

කොලරයේ අත්වල කුණු සහ අපිරිසිදු බව එයා මාත් එක්ක යාලු වෙලා ඉන්න කාලෙදි මම දැකලා තිබුණට මම හිතුවේ එයා දවසෙම මහන්සි වෙලා වැඩ කරලා අපිරිසිදු ⁣වෙලා ඇති කියලා මොකද ඉස්සර එයා මට හමු වෙන්නෙ හැන්දෑවට නිසා.

ඔන්න ඔය දේවල් එක්ක අපි අතරේ ටික ටික ප්‍රශ්න ඇති වෙන්න පටන් ගන්නවා, පස්සේ පස්සේ එයා ඔය පුරුදු ජීවිතය මට රිද්දන්න මාව අපහසුතාවයට පත් කරන්න හිතගෙනම කරා කියලා මට පස්සේ ⁣තේරුම් ගියා.

මෙයාගෙ මේ අපිරිසිදුකම අපිළිවෙළ නිසා එයා එක්ක ලිංගිකව එකතු වීම පවා මට තරයේ අප්‍රසන්න උනා, පස්සේ පස්සේ මම එයා එක්ක එකට ඉන්න එක ප්‍රතික්ෂේප කරන තැනට ආවා, ඒකට එයා මට කරපු චෝදනාව තමයි මට වෙන මිනිස්සු ඉන්නවා කියන එක.

කාලයක් ඔහොම යද්දී මේ මනුස්සය මම ගැන තද ඉරිසියාවකින් කටයුතු කරන්න ගන්නවා, හිතා මතා මාව අපහසුතාවයට පත් වෙන විදියට කටයුතු කරනවා.

මමත් එක්ක තැනකට ගියත් යන්නේ යන්නම් වාලේ ඔහේ මොකක් හරි ඇදුමක් ඇදගෙන, මගේ Office එක ළගට මාව ගන්න එන්නේ හරිම අපිළිවෙළට, මට තේරෙන්න ගන්නවා මෙයා එහෙම කරන්නේ මට ලැජ්ජා කරන්න කියලා.

මට ආරාධනා ලැබෙන සාද වලට උත්සව වලට සහ විවිධ අවස්ථාවලට මට මෙයා එක්ක යන්න බැරි තරම්, ඒ තැනකට ගියාම හොදටම බීලා කාලා එතන පිරිහෙනවා, නැත්නම් එතන ඉන්න මිනිස්සුන්ට විහිළුවක් වෙනවා.

මගේ තත්වය මගේ තනතුරේ ගෞරවය කෙලෙසනවා. පස්සේ පස්සේ මම එයා නැතුව ඒවාට සහභාගි වෙන්න ගත්තම ඒකටත් එක එක කතා කියන්න පටන් ගත්තා, එයා එක්ක ගියාම මට හරියට පිරිමින්ට බැල්ම දාන්න බැරි නිසා එයාව තියලා යනවා කියලා.

මම කිව්වම එහෙම එකක් ⁣නෙවෙයි ඒවාට ගිහිල්ල තමුන් හරියට හැසිරෙන්නෙ නැති නිසයි එක්ක නොයන්නෙ කිව්වම, එයා මගෙන් අහනවා මොකක්ද මගේ හැසිරීමේ තියන වරද ඕවාට යන්නේ කන්න බොන්න විනෝද වෙන්න තමයි කියලා.

නමුත් ඒක කරන්න එක පිළිවෙලක් තියනවා, ඔයා පැයකට දෙකකට කරලා එන දේවල් හෙට අමතක උනාට මම එතන හැමදාම ගිහිල්ල රාජකාරි කරන්න ඕන එතන මිනිස්සු කරන කියන කතා දන්නේ මම නේ, මටනේ ඒවයි ලැජ්ජා වෙන්නෙ ඒවාට මම තමයිනේ මුහුණ දෙන්න ඕන, ඔයාට කවුරුත් මුකුත්ම කියන්නේ නැහැ තමයි කියලා.

ඒ කොහොම මාව අපහසුතාවයට පත් කරත් මට අපහාස කරත්, ඕන තැනක ගිහිල්ල මම ගැන මගේ තනතුර ගැන කියන්නේ හරිම ආඩම්බරයෙන්, එයා මගේ Wife එයා අහවලා කියලා.

කවදාවත් අතක් උස්සලා මට පහර නොදුන්නට වචනවලින් ක්‍රියාවෙන් මාව මානසිකව වට්ටන්න පුලුවන් උපරිම තැනට දමන්න එයා කටයුතු කරා.

ඔය ප්‍රශ්න ඔහොම ඇති වෙන්න පටන් අරන් අවුරුදු දෙකක් යද්දී අපිට අපේ පුතාව ලැබෙනවා, මම හිතුවා දැන් දරුවෙක් ඉන්න නිසාවත් ටිකක් පිළිවෙලට වැදගත විදියට හැසිරෙයි කියලා.

නැහැ, එයා අන්තිමට කරේ දරුවටත් ඒ නරක වැරදි පූර්වාදර්ශ ලබා දෙන්න ගත්තා. එයාගේ විදියට දරුවව හැඩ ගස්සන්න කටයුතු කරා, කොටින්ම කියනවා නම් මට ළමයවත් ළමයට මාවත් එපා කරලා දැම්මා.

දරුවා එක්ක මට ඇණුම් පද කියනවා මට විහිළු තහලු කරනවා මගේ වැරදි අඩුපාඩු කියනවා, කොටින්ම මම මහ නරක නපුරු ගැහැණියක් කියලා දරුවට ඒත්තු ගැන්නුවා.

සමහරවිට මම නපුරු වෙන්න ඇති තරහා යන ගැහැණියක් අම්මා කෙනෙක් වෙන්න ඇති, මම ඒ තත්වයට පත් කරේ Husband පුතාවත් එකතු කරගෙන කියලා මම කියන්න ඕන.

මගේ ඒ නපුරු වීම තරහා ගැනීම නිසා පුතා තවදුටත් ළං උනේ එයාගේ තාත්තට, තාත්තා කියන දේවල් තමයි එයා ඇහුවේ කෙරුවේ.

අන්තිමට මට විවාහය දරුවා රැකියාව ⁣මේ සේරම එපා වෙන්න ගත්තා. විශාදයට පවා ගොදුරු ⁣වෙලා වෛද්‍ය ප්‍රතිකාර පවා ගත්තා, අන්තිමට මට Doctor කිව්වේ මගේ කතාව අහන් ඉදලා මට මේකට විසදුමක් කියන්න කිව්වම, හොදම දේ ළමයවත් ඒ අයට දීලා ඔයා ඔතනින් අයින් වෙන්න කියලා. නැත්නම් ඔයා ලොකු කරදර ගොඩක පැටලෙයි කියලා. ඒ වගේම ඔහු තවදුරටත් මට කිව්වේ දරුවා ලැබෙන්න කලින් තමන් හමුවීමට ආවා නම් දරුවෙක් හදා ගැනීමට ඉක්මන් නොවන ලෙස මට යෝජනා කරන බව පැවැසුවා.

අන්තිමට මම දික්කසාදය ගැන Husband ට කෙලින්ම කිව්වා, එයා ඒකට කැමැති උනේ නැහැ, මොකද එයා දන්නවා ආයේ මම වගේ ගැහැණියක් එයාට හමු නොවන බව. දික්කසාද ⁣වෙමු කියලා මම කොයි තරම් පෙරැත්ත කරත් එයා ඒකට ඉඩ දුන්නේ නැහැ. මට කියලා කාත් කවුරුත් නැති තරම් මොකද මගේ පවුලේ අය මාව දුරස් කරලා තිබුණේ. මම ගැන ⁣හොයන්න බලන්න කිසිම කෙනෙක් හිටියේ නැහැ.

අවසානයේදී මම තීරණය කරා විදේශගත වෙන්න, ඒ සදහා අවශ්‍ය කටයුතු මම ඉතාම ⁣
හොර රහසේ සූදානම් කර ගත්තා.

කොහොමත් මම වැඩිදුරටත් අධ්‍යාපනය සදහා රට යනවා කියලා එයාට කිය කියා තමයි හිටියේ ඒකට ⁣ලොකු අකමැත්තක් තිබුණේ නැහැ හැබැයි, මොකද මම කිය කියා හිටියේ මම මුලින්ම ගිහිල්ලා බබයි එයාවයි දෙන්නම එහෙට ගන්නම් කියලා.

අන්තිමට මම එංගලන්තයට ආවා, මම ලංකාවෙන් එද්දි හිතා ගත්ත ආයේ ලංකාවට ආවත් ඔය මනුස්සය ළගට නම් මම යන්නේ නැහැ කියලා, දවසක පුලුවන් උනොත් දරුවා කැමැති නම් එයාව එහෙට ගන්නවා ඇරෙන්න කියලා, දරුවත් තාත්තට තියලා මම ආවා.

ඒ විදියට මමමගේ අවුරුදු දහයක විවාහ ජීවිතයට සමු දීලා මෙහෙට ඇවිල්ල දැන් අවුරුදු දෙකක්, දැන් නම් එයාට හැමදේම තේරිලා කියලා මට කියනවා, නමුත් මම ආයේ ඒවා ගැන හිතන්නේ නැහැ. මොකද ලිහලා බලපු මල්ල ඔබලා බලන්න ඕන නැහැනෙ.

ලංකාවේ ඉද්දි ගත කරපු ජීවිතය සහ දැන් මම ගත කරන ජීවිතය සංසන්දනය කරලා බැලුවම මම ලංකාවෙදී ජීවත් වෙලා තියෙන්නෙ මල ප්‍රේතයකු සමඟ අපායක කියලා තමයි මට දැණෙන්නෙ.

ඉතින් මම ඔබලාට කියන්නේ කිසිම දවසක තමන්ගේ තත්වයට අධ්‍යාපන මට්ටමට නොගැලපෙන නොපෑහෙන මනුස්සයෙක් කසාද බදිනවා නම් ඒක ගැන හොදින් හිතන්න. විශේෂයෙන්ම ගැහැණු අයට මේක අදාලයි.

කොච්චර කිව්වත් ආදරයට ජාති ආගම් කුල මල උස් පහත් කම් දුප්පත් ⁣පෝසත් බේද අදාල නැහැ කියලා මම තරයේ විශ්වාස කරනවා අනිවාර්යයෙන් ⁣පොඩිම හරි විදියට ඒවා අදාල බව.

ආයේ කියන්නම් ඒ දේවල් ආදරයට බාදා නොවුණත් කසාදයට නම් බාදාවක් වෙනවාම තමයි. සමහරු බොහොම දරුණු විදියට මාව විවේචනය කරයි, නමුත් මම කියන්නේ ඒ ගැන අවුරුදු දහයක් විතර අද්දැකීම් විදලා.

මමත් මුලදී ඔය දේවල් විශ්වාස කරලා රැඩිකල් වෙන්න ගිහිල්ල තමයි අමාරුවේ වැටුණේ.

මොකද මම මගේ විවාහ ජීවිතය තුළ ඔය හැමදේකම මකන්න බැර ගලපා ගන්න බැරි නොගැලපීම් නොපෑහීම් නිසා අනේක විද දුක් වින්දා, අපහාස උපහාස ලැජ්ජාවන්ට මුහුණ දුන්න.

සමහර මිනිස්සුන්ට තියන හීනමානය ජන්මාන්තර වෛරයක් කරයෙක්ට හපන්.

කසුන් රාජපක්ෂ
ප්‍රවීණ මනෝ උපදේශක.
fans

14/09/2025

Wife ට හැමදේම අහුවෙලා ඉවරයි කියලා දැන ගත්තම මට මතක් උනේ එයා මට කොයි තරම් ආදරය කරනවාද කියන එක. එයා කවදාවත් හිතන්නෙ නැතුව ඇති මම අතින් එහෙම වරදක් වෙයි කියලා. මගේ මේ වරද එයා කොහොම දරා ගනීද ? එයා ජීවිතයට උනත් හානියක් කර ගනී කියලා මට හිතුණා. මම ඉක්මනින් ගෙදර ආවා..

මේ හැමදේම අහු වෙනකම් එයා මම ගැන පොඩි හරි සැකයක් තියා ගත්තෙ නැහැ ඇත්තටම.

මම අවුරුදු කිහිපයක් කාටවත් හොරා කරගෙන ගිය සම්බන්ධය නොසිතූ මොහොමතක wife අහු වෙනවා.

එයා මම ගෙදර ආවාම මගෙන් අහපු පළවෙනි ප්‍රශ්නය තමයි ඔය තරම් කාලයක් වෙන ගැහැණු කෙනෙක් තියන් ඉන්න තරම් මොකක්ද මගෙන් ඔයාට වෙච්ච වරද කියලා. ඒ ප්‍රශ්නය හමුවේ මම දැඩි ලෙස නිරුත්තර වෙල⁣ා ගියා. ඇත්තටම මමත් කල්පනා කරා මට එයාගෙන් කිසිදු අඩුවක් පාඩුවක් උනේ නැහැනේ කියලා.

මම මගෙන්ම ඇහුවා ඇයි මම එහෙම තත්වයකට ගියේ කියලා.

දැන් එයා කියනවා වෙච්ච දේවල් වෙලා ඉවරයි, ඔයා එයා එක්කම යන්න මම දරුවත් හදාගෙන වෙනම ජීවත් වෙන්නම් කියලා. අනේ ඒක නම් මට කර ගන්න කිසිම ඕනකමක් නැහැ. මොකද මට දරුවයි wife යි නැතුව ජීවත් වෙන්න බැහැ.

මම එයාට බොහොම බැගෑපත්ව ඉල්ලා සිටියා මාව දාලා යන්න එපා මම අන්වාර්යෙන්ම ඒ සම්බන්දය නතර කරලා ඔයාලා එක්ක හොදින් ඉන්නම් කියලා. මගෙන් වෙච්ච වරදට මට සමාව දෙන්න කියලා. ඒත් එයා ඒක ගණන් ගන්නෙ නැහැ. එයා කියනවා එයාට මම ගැන තිබුණු විශ්වාසය ගෞරවය හැගීම් දැන් නැතිම වෙලා තියෙන්නෙ. ඒ නිසා මමත් එක්ක නැවත් ආයේ ජීවිතයක් එයාට ගත් කරන්න බැහැ කියලා එක වහලක් යට.

මම එයාට පුන පුනා කිව්වා ඔයාගෙන් මුකුත් අඩුපාඩුවක් වෙච්ච නිසා නෙවෙයි මම වෙන සම්බන්දයකට ගියේ ඒක නිකන් අහඹු ලෙස ඇති වෙච්ච දෙයක් කියලා.

ඒත් එයා ඒක පිළිගන්නෙ නැහැ. එයා කියනවා එයාගෙන් වැරදි අඩුපාඩු වෙච්ච නිසාලු මම එහෙම ගියේ. ඉතින් තවත් මම එක්ක හිටියත් එහෙම වැරදි අඩුපාඩු වෙන්න පුලුවන්. එහෙම උනොත් මම ආයේ වෙන අය ගාවට යයි කියලා.

මට තේරෙන්නේ නැහැ මේ ප්‍රශ්නය මේ කතාව එයාට කොහොමද තේරුම් කරලා දෙන්නෙ කියලා. මේ තත්වය එයාට තේරුම් කරවලා දීලා එයාවයි මමයි ආයේ එකතු කරලා දෙන්න.

මේ එක තරුණ ස්වාමිපුරුෂයකු විසින් මට කතා කරලා කරපු ඉල්ලීමක්. සාමාන්‍යයෙන් මෙවැනි ඉල්ලීම් මට කිහිපයක් සතියට එනවා.

මම ඔහුගෙ බිරිදට කතා කරලා මේ ගැන කතා කරාම ඇය කිව්වේ වෙනස් කතාවක්.

⁣එයා ⁣මට මෙහෙම කරපු පළවෙනි පාර නෙවෙයි. එයා මීට කලිනුත් ඔය වගේ අනියම් සම්බන්දතා කිහිපයක් කරගෙන යද්දි මට අහු උනා. ඒ හැම අවස්ථාවකම ගොඩාක් දේවල් ගැන හිතලා බලලා මම එයාට සමාව දුන්නා. එයා මට පොරොන්දු වෙලා නතර කරනවා ආයේ අලුතින් එකක් ටික කාලයක් ගියාම පටන් ගන්නවා. මේ අන්තිම වතාවට මට අහු වෙච්ච කෙනා මෙයාට වඩා අවුරුදු හතක් වැඩිමල් ගැහැණු කෙනෙක්. එයත් ඩිවෝස් වෙච්ච කෙනෙක්. මම ඒ ගැහැනු කෙනා එක්ක කතා කරා. එයාට මම ගැන දාහක් වැරදි අඩුපාඩු කියලා තමයි යාලු කරගෙන තියෙන්නෙ. මට දරා ගන්න බැරි ලොකුවටම මගේ හිත රිදුණු කාරණය තමයි අර ගෑණි එක්ක මෙයා කියලා තියනවා මමත් එක්ක යහපත් හොද s*x life එකක් එයාට නැහැ කියලා.

ඇත්තටම කිව්වොත් එයා දැන් අවුරුදු එක හමාරකට විතර වැඩියි මා එක්ක s*x කරන එක නතර කරලා. මම එයා ගාවට ගියත් එයා අනෙක් පැත්ත ඇරෙනවා එක එක හේතු කියලා. ඉතින් එයාම තමයි මාව එයාගේ s*x life එකෙන් අයින් කරලා දැම්මේ.

එහෙම කරලා ඒකෙ වරදත් මගේ පිට දාලා අර ගැහැණු කෙනා එක්ක මාව දැඩි ලෙද විවේචනය කරලා. මගේ ඇග ගැනත් විවිධ අඩුපාඩු කියලා. ළමයා හමු උනාට පස්සෙ මම කැත වෙලාලු. මම හරියට පිරිසිදු නැහැලු නාන්නෙ නැහැලු. මම ගාව ගදයිලු. ඉතින් ඔය කතා වෙන පිට ගෑණු එක්ක කිය කිය ඉන්න ඕන නැහැනේ මටම කෙලින්ම කිව්ව නම් ඉවරනේ.

ඇත්ත ගෙදර මිනිහා මාව Reject කරනකොට මම ලස්සනට ඉන්න එක අඩු කරා තමයි. අනෙක ළමයාගේ වැඩත් එක්ක මට ඒවා අතපසු වෙලා ගියා. හැබැයි මට එහෙම කිව්වාට එයාට වඩා අවුරුදු හතක් වැඩිමල් මහත බඩකුත් ලොකුවට තියන අර ගැහැනු කෙනාව නම් හරි අගේට ලස්සනයි ඔයා චබී අරක මේක කියල⁣ා හරි හරියට අගය කරල⁣ා තියනවා මම ඇස් දෙකෙන්ම දැක්කා. S*x කරද්දි මගේ wife ට ඔයා එක්ක හැරෙන්නවත් බැහැ කියලා තියනවා මගේ ඇස් දෙකෙන් මම දැක්කා. මම මොන දේවල් එයා වෙනුවෙන් කරත් මාව අගය කරලා නැහැ. සමහර දේවල් මම හරිම අප්පිරියාවෙන් වේදනාවෙන් එයා වෙනුවෙන් එයා ආස නිසා කරලා තියනවා කරන්න ඉඩ දීලා තියනවා. එහෙම කරලත් මම අහ ගත්ත හොදක් නැහැ. අරම නරක දේවල් ඇහුවා ඇරෙන්න.

ඉතින් මෙහෙම කතා ඇහුවම මට මෙන්න මේ ටික යොමු කරන්න හිතුණා.

ලංකාවේ ගැහැණු, පිරිමි අයගේ ලිංගික හැගීම් ආශාවන් ගැන දන්නා ප්‍රමාණය ඒ පිළිබඳ දැනුම අවබෝධ අඩුද ?

පිරිමි ගැහැණු අය ගැන කරන සමහර වර්ණනා අගය කිරීම් යම් අවස්ථාවාදී මුහුණුවරක් ගන්නවා වෙන්න බැරිද. සමහර අවස්ථාවලදී. තමන්ගේ වැ⁣ඩේ කර ගන්න අනෙකා වර්ණනා කරනවා තව කෙනෙක් විවේචනය කරනවා.

ගැහැණු අය පිරිමි තමන් ගැන කරන වර්ණනා අතිශයෝක්තීන් ඉතාම ඉහළින් පිළිගන්නවා නොවේද..

පිරිමි අය ආදර කරන්න දරුවන් හදන්න පවුලක් ලෙස එකට ඉන්න එක සුවිශේෂී ගැහැණියක් තෝරා ගෙන තමන්ගේ ලිංගික ආශාවන් තෘප්තිමත් කර ගන්න විවිධ වෙනත් කාන්තාවන් ඇසුර කරන්න යොමු වෙනවා වෙන්න බැරිද.

ඒ කියන්නෙ පිරිමින්ට ලිංගිකත්වය සම්බන්ධව එක ෆැන්ටසියකුක් පවුල බිරිද ළමයි පිළිබදව වෙනත් ෆැන්ටසි කිහිපයකුත් තියෙනවා වෙන්න පුළුවන් නේද..

මම දැකලා තියනවා සමහර පිරිමි, බිරිද දරුවන් අත හරින්නේද නැත. අනියම් සම්බන්දතා සහ වෙනත් ගැහැනු සමග ලිංගිකව හැසිරීම නතර කරන්නේද නැත.

ඇත්තටම සමහර පිරිමි කොතරම් වෙනත් කාන්තාවන් ඇසුරු කරත් තම බිරිදට පණ මෙන් ආදරය කරනවා වෙන්න බැරිද.

වර්තමාන පිරිමි තම ආදි මුතුන් මිත්තන් අනුව යමින් දරුවන්ගෙ මව ගෙදර, අඹුව පිට යන සංකල්පය අවිඥනිකව අනුගමනය කරනවා වෙන්න බැරිද.

පිරිමියාට අධික ලෙස කාමය ලිංගිකත්වය ගැන ආශාව කැමැත්ත කුතුහලය ඇති නිසා බහු භාර්යා බහු කාන්තා ඇසුර ප්‍රිය කරනවා වෙන්න බැරිද.

කාලෙන් කාලයට පිරිමියාගේ ලිංගික ෆැන්ටසි වෙනස් වන නිසා විවිධත්වයට ඇති කැමැත්ත නිසා පිරිමි එහෙම වෙනවා වෙන්න බැරිද. මට ඕන තරම් පිරිමි කතා කර පවසා තිබෙනවා මම ආසයි මගේ wife වෙන පිරිමියකු සමග ලිංගිකව හැසිරෙනවා දකින්න බලන්න. පුළුවන් නම් බිරිද ඒකට කැමැති කරවලා දෙන්න කියලා. සමහර ගැහැනු අයද එහෙම කතා කරලා කියනවා Husband ට මෙහෙම ආශාවක් තියනවා කියලා.

කසාදය විවාහය කියන සංකල්පය එහෙම නැත්නම් නීතිය මිනිස්සුන්ගෙ ආශාවන් නිදහස සීමා කරනවා වෙන්න බැරිද.

තව ගොඩාක් දේවල් තියනවා ලියන්න ලිපිය දීර්ඝ වෙන නිසා නතර කරනවා.

ඉතින් ඔබටත් පුළුවන් මේ ගැන ඔබේ අදහස් අද්දැකීම් කොමෙන්ටුවක් ලෙද පල කරන්න.

ප්‍රවීණ මනෝ උපදේශක
කසුන් රාජපක්ෂ
fans

Address

Matara

Telephone

+94717440727

Website

facebook.com

Alerts

Be the first to know and let us send you an email when Kasun Rajapaksha posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Kasun Rajapaksha:

Shortcuts

Want your practice to be the top-listed Clinic in Matara?