What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00 Saturday 09:00 - 18:00 Sunday 09:00 - 18:00

https://www.facebook.com/103993888206600/

Sri Rawana Hela Osu Pvt Ltd, Anandarma Road , Moratumulla, Moratuwa (2026)

06/02/2026

ශ්‍රී රාවණ කස්තුරි කහ සබන් කැට 4 ක් මිලදී ගත් මොණරාගල පාරිභෝගිකයෙක්.

📞 070 33 91 951 (Whatsapp)

31/01/2026

කාන්තාවන්ගේ ඔසප් වේදනාවට
~~~~~~~~~~~~~~~~~~~~~~~~~~~~~~~~~~~
ආයුර්වේදීය විසඳුම් බලමුද?

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

මාසික ඔසප් චක්‍රය කියන්නේ වැඩිවියට පත් ඕනෑම කාන්තාවකට සිදුවෙන සිද්ධාන්තයක් බව අප දනිමු.

නමුත් කාන්තාවකටම පමණක් දැනෙන මේ වේදනාව දන්නේ ඔසප් වූ අයෙකුම පමණයි.

ඔසප් වීමට පෙර ඇති වන වේදනාව 😟
ඔසප් වන අතර තුර ඇති වෙන වේදනාව 😟
ඔසප් අවසන් වීමට ලංවන විට ඇති වන වේදනාව 😟

මේ තුනම එකම වේදනාවක්.

මේ වේදනාව මගහරවා ගන්න ගෙදරදිම අපිට කරන්න පුලුවන් දේවල් මොනාද?

✔️ 😇
එහෙනම් ඒ ගැන කතා කරමු.

01. කොත්තමල්ලි තම්බා පානය කිරීම.
02.උණුසුම් ජලය පානය කිරීම.
03. උණුසුම් ජලයෙන් වේදනාව ඇති තැන තැවීම.
04. කෝමාරිකා මදය වේදනා ඇති තැන ආලේප කිරීම.
05. කෝමාරිකා පානයක් ලෙස සකස් කර පානය කිරීම.
06. හිස්බඩ හාතවාරිය කැඳ සාදා පානය කිරීම.
07.කොල්ලු ඇට තම්බා ආහාරයට ගැනීම.
08.කොල්ලු ඇට තම්බා ඒ වතුර පානය කිරීම.
09. රාත්‍රී නින්දට පෙර උලුහාල් ටිකක් පෙගෙන්නට දමා උදෑසන හිස්බඩ එම වතුර එක පානය කිරීම.
10. සුදු ලූණු බිග් කිහිපයක් උණු අලු පල්ලේ දමා පුච්චා ආහාරයට ගැනීම.
11. කුරුදු පොතු, කරපිංචා සහ සුදුලූනූ බිග්2 ක් පමණ ගෙන සෝදා කපා තම්බා ඒ වතුර පානය කිරීම.

12.වේදනාව ඇති තැන ඖෂධීය තෙල් හෝ බාම් වර්ගයක් ආලේප කිරීම.

13. පොල්පලා ගසේ මුල් සෝදා පිරිසිදු කර තම්බා පානය කිරීම.

ඔසප් දිනවලදී මේ සත්කාර සිදුකර ඔබේ වේදනාවන් දුරු කරගන්න. ඔබට සුව වේවා!

Sri Rawana Hela Osu Pvt Ltd
සදී ❤️✍️

30/01/2026

ඔයාගෙත් කට ගඳයිද? 🫢

ගොඩක් අය හිතේ තියාගෙන ඉන්න ප්‍රශ්නයක් ගැන අද කතා කරමු.
~~~~~~~~~~~~~~~~~~~~~~~~~~~~~~~~~~~

තැනකට යන්න බෑ
කෙනෙක් එක්ක කතා කරන්න බෑ
ළගින් ඉන්නත් බෑ
කෙටියෙන්ම කිව්වොත් ගෙදරවත් ඉන්න බෑ

ඇයි? කට ගඳ නිසා.. 😟

මේකට විසඳුමක් නැද්ද ?

තියනවා. අපි මොනාද ගෙදර ඉඳන් කරන්න ඕන 🤔

ගෙදරදීම අපිට කරන්න පුලුවන් දේවල් ටිකක් ගැන කතා කරමු. 🌿

01. උදෑසන අවදි පසු හා රාත්‍රී නින්දට පෙර දිනකට දෙවරක් දත් මදින්න. ✔️

02. පේර කොළ දෙක තුනක් අරගෙන පිරිසිදු වතුරෙන් සෝදා එය අතින් පොඩි කර දත් වලින් හපන්න. ✔️

ටිකක් හපන විට පේර කොළ වල සුවඳ දැනෙන්න ගන්නවා.
පසුව හපා අවසන් වූ පේර කොළ ඉවත් කර කට ජලයෙන් සෝදාගන්න.

03. කරාබු නැටි 2 හපන්න. ටිකකින් එය ඉවත් කර ජලයෙන් සෝදන්න.✔️

04. මූණ මල් පොතු ටිකක් තම්බාගන්න ඒ වතුරින් කට සෝදන්න. ✔️

05. කරාබු නැටි ,හා මූණමල් පොතු ,කහකුඩු ,ලුණු කුඩු,කුරුදු පොතු කෑල්ලක් ,එනසාල් ඇට දෙකක් සියල්ල තම්බාගෙන ඒ වතුරින් කට සෝදන්න.✔️

06.සමන්පිච්ච දළු හපල කට සෝදන්න.✔️

07.ඇඹරැල්ල දළු කන්න. ✔️

08. කහ කුඩු ස්වල්පයකින් දත් මදින්න. ✔️

09. උණුවතුරට ලුණු කැට ස්වල්පයක් දමා කට සෝදන්න.✔️

මේ සියල්ල නිසියාකාරව සිදු කරන්න. 💚
මෙම ප්‍රතිකාර සියල්ලම මුඛයේ දුර්ගන්ධය වගේම දත් මුල් දියවීම ,දත් වල වේදනාව ඇතුලු මුඛ ගැටලු වලට ප්‍රත්‍යක්ෂ සුවයක් ලබා දෙනවා.

ඔබේ කටේ දුර්ගන්ධයත් නැතිවෙන්න මුඛ ගැටලු දුරු වෙන්න මේ රහස් ටික පිළිපදින්න.

Sri Rawana Hela Osu Pvt Ltd
සදී ❤️✍️

29/01/2026

ඇත්තටම ලංකාවේ බස් වල ප්‍රෙග්නන්ට් අම්මලට සීට් එක දෙනවද? 🤔

අනිවාරෙන් කියවන්න‼️

මං මේ කියන්න යන්නෙ අප එදිනෙදා බස් වල යනකොට අහල දැකල තියන මේ සිද්දිය ගැන.

අපි Private හෝ CTB බස් එකට ඇතුලු වෙනකොට අපිට පේනවා පූජ්‍ය පක්ෂයට /ආබාධිත අයට /ගර්භණී මව්වරුන්ට කියලා වෙනම ආසන තියනවා.

එම සීට් වලට ඉහළින් කහපාටට හුරු ස්ටිකර් එකකින් එය සඳහන් වෙනවා.
නමුත් මේ ආසන වල ගර්භණී මව්වරුන්ට ඊට අදාලම ආසනය දෙනවද ?

මා දැකපු ගොඩක් බස් වල ගර්භණී මව්වරුන්ගේ ආසනයේ සිටින්නේ පිරිමි අය නැත්තම් වයසක ගැහැණු අය. ⭕

එම ආසනයට අදාලව කවුරුත් නැත්තම් අසුන්ගත්තාට වරදක් නැත.✔️
එහෙත් ප්‍රෙග්නන්ට් අම්මා හිටගෙන ඉන්නවිටත් සමහර අය ඒ අසුනෙන් නැගිටින්නේ නැත.❌

තව සමහර පිරිමි ගර්භණී මව්වරුන්ම වියයුතු නෑ කාන්තාවක් නම් තමන්ගෙ අසුන ලබා දෙනවා. ❤️

තවත් සමහර කාන්තාවන් ගර්භණී මව්වරුන්ටවත් එම ආසනය දෙන්නෙ නෑ. ❌

තවත් අය ජංගම දුරකථනය අතාරින්නේ නෑ. ප්‍රෙග්නන්ට් අම්මා කෙනෙක් දැක්කත් නොදැක්ක ගානට යනවා. ❌
මං කතා කරන්නේ මේ සමාජයේ අසාධාරණ පැත්ත ගැන. 🤔

සුදුස්සාට සුදුසු තැන ලබා දීම මගේ මතයයි.😇

සමහර අවස්ථාවල වැරදීම් ඇති වෙන්නත් පුලුවන් .
දිනක් මට ඇති වූ හාස්‍ය සිදුවීමක්. 🫢

මා කොළඹ සිට ගාල්ලට යන්නෙ ඖෂධ වගයක් රැගෙන ඒමටය.
බස් එකේ නම් සෙනඟ කට කපලාය.
මොනා කරන්නද හිටගෙනම යන්න සිද්ද වුණා.
ඔහොම යන අතරේ කොන්දොස්තර මහත්මයා ටිකට් කඩන්න ළගට ආවා.

" අහ් නැගපු අය ටිකට් ගන්න "
මාත් ටිකට් වලට සල්ලිදුන්නා. එකවරම කොන්දොස්තර මහතා මං හිටගෙන සිටි ස්ථානයෙ අසුන්ගෙන සිටි කාන්තාවට බැන වැදුනා.
" ඔයත් ගෑනු කෙනෙක් නේද? තමන් ගැන විතරක් හිතන්නේ . ළමයව ඔඩොක්කුවට ගන්න. යැයි පැවසූවා.

ඒ කාන්තාව ප්‍රෙග්නන්ට් කෙනෙක් ඇගේ දියණිය සමග තමයි වාඩි වෙලා හිටියේ.

කොන්දොස්තර මහතා මගෙන් ඇහුවා " මිස් සීට් එකක් හම්බුනේ නෑනෙ ඔයා වාඩි වෙන්න මෙතනින් " කියලා.

අර ගැහැණු කෙනාගෙ දියණිය ඩ්‍රයිවර් මහත්තයාගෙ සීට් එක අසල ඇති වෙනත් සීට් එකකට යැව්වා. ප්‍රෙග්නන්ට් අම්ම ලග මාව වාඩි කෙරෙව්වා.

මම උඩ බිම බැලුවෙ මොකද වුණේ කියලා.
බැලින්නම් කොන්දොස්තර මහත්මයා හිතන් ඉදල තියෙන්නෙ මං ප්‍රෙග්නන්ට් කියලා. 🫢😀

මං ටිකක් මහතත් නිසා ඇදන් හිටියේ ගවුමක් නිසාත් ඇත්තම ගර්භණී අම්මටත් බැනලා මං වෙනුවෙන් ආසනේදුන්නා. මා පසුව ඔහුට පැවසුවා මං ප්‍රෙග්නට් නෑ පොඩ්ඩක් මහත් උනාට ගවුමක් ඇන්ද පලියට ප්‍රෙග්නන්ට් කියාම සිතන්නත් එපා කියලා 🤣

මහතෙක කරුමෙ 🫢

කොහොම වුණත් හිටගෙන හිටපු මට ආසනයක් ලබාදුන්නාට ඒ කොන්දොස්තර මහතාට මගෙ හදපිරි මෙව්ව එක. ❤️😀 හැබැයි සොයා බලන්නෙ නැතිව අර ප්‍රෙග්නන්ට් අම්මට බැනපු එකත් වැරදී.

මට වගේම ගොඩක් ගැහැණු ළමයින්ට මේක වෙලත් ඇති. හැබැයි ඒකෙන් අයුතු ප්‍රයෝජන එහෙම ගන්න එපා.

හාස්‍ය දනවන සිද්ධියෙන් පස්සෙ ඊළඟට යන්නේ වෙනස්ම ප්‍රෙග්නන්ට් සිද්දියකට.

එක පිරිමි කෙනෙක් වැඩ අවසන් වී නිවෙසට යන්න බසයට නැග්ගා.
ඔහු අසුන්ගෙන ටික වේලාවකින් ප්‍රෙග්නන්ට් අම්මා කෙනෙක් බසයට ගොඩ වුණා.
මේ පිරිමි කෙනාට නින්දත් ගිහින්. ඔහු වාඩි වෙලා හිටියේ ගර්භණී මව්වරුන්ගෙ ආසනයේ.

එක කොල්ලෙක් ඒ පිරිමි කෙනාට කතා කළා " අය්යේ මේ අක්කට සීට් එක දෙන්න"

පිරිමි කෙනා " අහ් හරි හරි " නින්දෙන් දෙඩෙව්වා.
මේ කොල්ලා ආයෙත්" අය්යෙ මේ බබෙක් හම්බෙන්න ඉන්නෙ මේ අක්කට සීට් එක දෙන්න.

ඒකොල්ලත් හිටගෙනයි හිටියේ.

ප්‍රෙග්නන්ට් අම්මා" කමක් නෑ මල්ලි මට මෙහෙම යන්න පුලුවන් "
කොල්ලා" ඒ උනාට"
පිරිමි කෙනා ඇහැරුනා.

කොල්ලා නැවතත් මේ කෙනාට කිව්වා" අය්යෙ මේ අක්කට සීට් එක දෙන්න එයා ගොඩක් වෙලාහිටගෙන "

පිරිමි කෙනා" ඉතිං මට මොකද්ද කියන්නේ අපිත් බස් වල හිටගෙන යන්නේ ඕන තරම්"
කොල්ලා" නෑ එහෙම නෙවෙයි අය්යේ මේ අක්කට බබෙක් හම්බෙන්නනෙ "

පිරිමි කෙනා " මේ මල්ලි අපි උදේ පාන්දර නැගිටලා වැඩට ගිහින් දවසම හිටගෙන ඉදලා එන්නේ ගෙදර යන ටිකටත් මේ සීට් එක වාඩි උනා නින්ද ගියා"

මේ කොල්ලා නැවතත්" ඒක හරි අය්යේ නමුත් මේ අක්කට සුදුසු තැන දෙන්න ඕන නේද?බලන්න ඔයා වාඩි වෙලා ඉන්නෙ ප්‍රෙග්නන්ට් අයගෙ සීට් එකේ. "

පිරිමි කෙනා" ඉතිං මොකද මං එනකොට තිබුන සීට් එක මේක ඒ නිසා වාඩි උනා.
" හරි අය්යෙ දැන් ඒත් එයාට සීට් එක දෙන්න"
පිරිමි කෙනා" නෑ මං දෙන්නෙ නෑ" ඔහු ඒ මතේම හිටියා.

ප්‍රෙග්නන්ට් අම්මා" ඕන නෑ මල්ලි තව ටික දුරයි මං තව ටිකකින් බහිනවා.

මේ සිද්දියේදි ඔබ දකින්නේ වැරදි කවුද ?

01. පිරිමි කෙනා එනකොට ආසනය හිස්‍ව තිබුනා ඔහු වාඩි වුනා ✔️
02. ප්‍රෙග්නට් කෙනා ආවා ඔහු නැගිට්ටෙ නෑ ❌
03. අසාධාරණය වෙනුවෙන් කතා කළ කොල්ලා ✔️
04.ප්‍රෙග්නන්ට් ගැහැණු කෙනා ✔️
05.වෙනත් අසුනක සිටි අයෙක්ට මේ දෙදෙනා ගැනම සිතා අසුන දෙන්න තිබුනා නම් ✔️ නමුත් එහෙම කරෙ නෑ ❌

ප්‍රෙග්නන්ට් අම්මා කෙනෙකුගේ වේදනාවයි දවසම මහන්සි වෙලා හිටගෙන වැඩ කරල ගෙදර යන කෙනාගේ වේදනාවයි දෙකක්.

නමුත් ඒ ඇතිවෙන හැගීම් එකක්.
නිවැරදි උත්තරයක් නැති සමාජයේ ප්‍රශ්න අප ඇති කරගන්නේ අප විසින්මයි.
ප්‍රෙග්නන්ට් අම්මා කෙනෙක් යනු තම දරුවා කුසතුළ රඳවාගෙන සිටින එක් ජීවිතයක්. තවත් ජීවිතයක් පරිස්සම් කරගෙන තමයි පැය24 ම ඉන්න වෙලා තියෙන්නෙ. ඒ අයගේ වේදනාව ගැහැණු කෙනෙක් වීමටත් වඩා ඇති වන වේදනාවක් බව බොහෝ අය දන්නවා. ඉතිං මේ කාත් කවුරුත් හඳුනන්නෙ නැති බස් එකකට ගොඩ වුණ ඇයට කියාගන්න බැරි අපහසුතා එකවරම එන්න පුලුවන්. එම නිසා ඒ අය ගැන බස් එකේදි අපි ටිකක් හිතමු.

හොදම පිළිතුර සුදුස්සාට සුදුසු තැන ලබාදීමයි.
මානූෂිය වශයෙන් හෝ වෙනත් ආකාරයකින්
පූජ්‍ය පක්ෂයට අයත් ආසන පූජ්‍ය පක්ෂයටත් ආබාධිත අයගේ ආසනය ඒ අයටත්
ගර්භණී මව්වරුන්ට අයත් ආසනය ඒ අයටත් ලබාදිය යුතුයි. එසේ ආසන වෙන් කර ඇත්තේ ඔවුන් සඳහාමනම් එය ලබාදිය යුත්තේ ඔවුන්ටමයි.

මේ පෝස්ට් එක ගර්භණී මව්වරුන් සඳහාමයි❤️🌺

මගේ මතය එයයි . ඔබේ මතය කුමක්ද?

සදී ❤️✍️

29/01/2026

ඔයාගේ ළමයා මේ දවස් වල වතුර හරි ප්‍රමාණයට බොනවද? 🤔
~~~~~~~~~~~~~~~~~~~~~~~~~~~~~~~~~~~

මේ දිනවල අපේ රටේ කාලගුණය ඉතාම වෙනස් විදියට තමයි තියෙන්නේ..

සීතල සහ රස්නය ටිකක් වැඩියෙන් දැනෙන්න ගන්නවා.

ඒ වගේම සුළඟ මගින් විවිධ වෛරස් රෝග අප වෙත එනවා.

දන්නවද ? වතුර වලට පුලුවන් අපිව ආරක්ෂා කරන්න.
මෙය ලොකු කුඩා හැමෝටම වටින දෙයක්.

නමුත් මෙම වෛරස් රෝග නිසා වඩාත්ම දරුණු බලපෑම ඇතිවන්නේ කාටද?

ඔබේම කුඩා දරුවාට විය හැකියි. ⚠️️

ඔවුන්ව දෙමව්පියන් වශයෙන් ඔබ ආරක්ෂා කරන්නේ ඇහැක් බලාගන්නවා වගේ. ඒ ගැන ආයෙත් කතා දෙකක් නෑ.

නමුත් ඔබ ඔවුන් දිනකට බොන වතුර ප්‍රමාණය පිළිබඳ සොයා බැලුවද?

අද වයස අවු.2 දරුවාටත් ඇති වන රෝගි තත්වයන්ගෙන් බහුලව ප්‍රමාණවත් වතුර පානය නොකිරීම නිසා ඇති වූවක් බව ඔබ දන්නවාද?

ඔබ දිනකට වතුර කොච්චර ප්‍රමාණයක් පානය කරනවද ?

මං ඒක ඇහුවේ මගේ රෝගියෙකුගෙන් 💚

රෝගියා: අනේ ඩොක්ට ඉතිං වතුර නම් පෙවෙන්නෙ නෑ.

මම: ඇයි ඒ?
රෝගියා: අපිට ඉතිං ගෙවල් වල වැඩ එක්ක වතුර ටිකක් පෙවෙනවා අඩුයි.

මම : වතුර කියන්නේ බලෙන් පෙවෙන දෙයක් නෙවෙයිනෙ . අපි හිතලයි බොන්න ඕන.

සාමන්‍යෙන් දවසට ලීටර් කීයක් වගේ බොනවද?

රෝගියා: අම්මෝ ලීටර් ගණන් නම් නෑ ඩොක්ට බත් කාලා ඉවර වෙලා වතුර උගුරු 2 ක් 3 ක් නම් බොනවා.
............................................................................................

ඉතිං ඔබත් එහෙමද? ඔබ නිරෝගිව සිටින්න අවශ්‍යනම් අනිවාරෙන් වතුර ලීටර් 6 ක් වත් දිනකට පානය කළ යුතුයි.

ඒ වගේම ඔබේ දරුවාත් රැකගත යුතුයි.

මේ දිනවල
🔴 උගුර වේලීම
🔴 ඇඟපත තලා දාලා වගේ වේදනාව
🔴අධික සීතල
🔴අධික රස්නය
🔴 නිතර වතුර තිබහ වීම
🔴හම වියළීම

වැනි රෝග ලක්ෂණ ගොඩාක් අයට තියනවා.

විශේෂයෙන් ඔබේ දරුවා මේ දිනවල අව්වේ සෙල්ලම් කරනවානම් අනිවාරෙන් දෙන වතුර ප්‍රමාණය වැඩි කරන්න. නැතහොත් ඔවුන් විජලනයට පත් වේවි.

අපගේ කාළගුණික වෙනස් වීම් නිතර නිතර සිදුවෙන නමුත් ඔබගේ එදිනෙදා වතුර පානය කිරීම අනිවාරෙන් සිදු කළ යුතුය.

සමහර අයට 🔴රාත්‍රීයේදි නින්දෙන් අවදි වෙනවා විලුඹ වේදනාවක් සහිතව.

මේකට හේතුව වතුර නොමැති වීමයි.

මොළය විසින් දැන් ඔබේ ශරීරයට වතුර අවශ්‍යයි කියල දෙන පණිවිඩය තමයි ඔබව අවදි කරන්නේ. ඉන් පසු ඔබ වතුර පානය කරාම එම වේදනාව නැතිව යනවා.

ඔබත් ඔබේ පවුලේ අයත් ඔබේ දරුවාත් බෝ වෙන වසංගත රෝග හා නිධන්ගත රෝග වලින් ආරක්ෂා කරගන්න දිනපතා 🔴උදෑසන හිස්බඩ වතුර වීදුරුව අනිවාරෙන් පානය කරන්න. 🔴නැවත රාත්‍රී නින්දට පෙර වතුර වීදුරුවක් පානය කරන්න. දිනය අතරතුර විටින් විට වතුර පානය කරන්න.

🌿වකුගඩු රෝග
🌿 මුත්‍රාගල් ඇතුළු රෝග වලින් ආරක්ෂා වන්න.

ඔබේ දරුවාට නිසියාකාරයෙන් වතුර ලබාදෙන්න.

💚 පාසල් යන විට වතුර බෝතලයක් දෙන්න.
💚පංති යන විට වතුර බෝතලයක් දෙන්න .
💚 අනෙකුත් ගමන් සඳහා වතුර රැගෙන යන්න.
💚 නිදාගන්න තැන වතුර එකක් තබාගන්න.

ඔබත් ඔබේ දරුවාත් ආරක්ෂා කරගැනීම යුතුකම හා වගකීමකි.ඔබ එම වගකීම නිසියාකාරව ඉශ්ට කරන්න. ඔබ සැමට සුවවේවා!

ශ්‍රී රාවණ හෙළ වෙද මැදුර
සදී ❤️✍️

27/01/2026

ගෑස්ට්‍රයිටීස් මට්ටු කරන ඖෂධීය දිය බත් 💚

--------------------------------------------------------------------------------------
සුභ උදෑසනක් හැමෝටම 😇
මේ තියෙන්නේ මං අද උදේට කන්න හදාගත්තු දියබත් එක.

මේ දියබත් එක ඖෂධීය ගුණයෙන් වැඩී වගේම හරිම රසවත්.

⭕බඩේ දැවිල්ල
⭕හුස්ම ගැනීමේ අපහසුතාවය
⭕වමනය /ඔක්කාරය
⭕බඩේ ඇතිවන වේදනාව

මේ සියල්ලටම ගෙදර ඉදන් හදාගන්න පුලුවන් බෙහෙත තමයි මේ.

ගෑස්ට්‍රයිටීස් කියන රෝගය අද බහුලව ගොඩක් අයට තියනවා. ආයුර්වේදයේ අපි කියන්නේ අම්ල පිත්ත රෝගය කියලා.

හැමදාම රෝහල් වලයි ,ක්ලීනික් වලයි බඩ ගගා බෙහෙත් පෙති මාස ගණන් බීලා වකුගඩු ,පෙණහලු සවුත්තු කරගන්නෙ නැතුව

ගෙදර තියන දේවලින්ම මේ බෙහෙත හදාගන්න.

දිය බත අද කාලේ අය දන්නෙවත් නැතුව ඇති.
ඒත් ඉස්සර කාලේ පැරැන්නන් උදේට කෑවේ මේක තමයි.

මේ සඳහා අවශ්‍ය මූලිකම දේ බත්.

ඉස්සර නම් මේ බත් වලට යොදාගත්තේ
සුවඳැල් වගේ හාල් වර්ග. ✔️

එම හාල් තමයි අපගේ පාරම්පරික සහල්. අදවන විට ලංකාවේ අපටම ගන්න වෙලා තියෙන්නෙ ටිකක් මිල අධිකව තමයි.

මේ දියබත නිවැරදිව සාදාගන්නේ කොහොමද?

දියබතට අවශ්‍ය වන්නේ පෙරදා රාත්‍රියේදි ඉතිරි වූ බත්.

මං මේක හදාගත්තෙත් එහෙම.

ඒවට තමයි අපි හීල් බත් කියන්නේ.

හීල් කියන්නෙ සිසිල් කියන එක.
කතාවට කියනවනෙ " උණුවෙන් උයල තියන බත් එක හීල් වෙන්න කලින් කන්න" කියලා.

ඒ කියන්නේ සීතල වෙන්න කලින් කන්න කියලනෙ.

රාත්‍රීයේ ඉතිරිවන බත් උදෑසනම සීතලට තමයි තියෙන්නේ. මේ සීතල නිසා අපේ ශරීරයේ ඇති දැවිල්ල නැති කරන්න මේ බත් එකට පුලුවන්.

හරි දැන් එහෙනම් දියබත් එක හදමු.

මුලින්ම මං කිව්ව හීල් බත් ස්වල්පයක් ගන්න.
ඒකට රතු ලූණු ගෙඩි කිහිපයක් ගන්න.

සෝදා පිරිසිදු කරගත් කරපිංචා ,අමුමිරිස් කරලක් හෝ දෙකක් ,ලුණු ස්වල්පයක් ,රස අනුව සීනි ටිකක්.

මේක සීනි නැතුව උනත් කන්න පුලුවන් .
රස වැඩිවෙන්න සීනී දැම්මට කමක් නෑ. මමනම් සීනි චුට්ටක් දැම්මා.

දැං වංගෙඩියක් ඕන.

නැත්තම් බ්ලෙන්ඩර් එකක් හරි කමක් නෑ.

තව මේකට පොල් කිරිත් ඕන.

හීල් බත් ටිකකට පොල් කිරි ස්වල්පයක් දමා හොඳින් මිශ්‍ර කරගන්න.

ඒකටම රතු ලූණු ,කරපිංචා ,අමුමිරිස් සිහින්ව කපාගෙන මිශ්‍ර කරගන්න.

රස අනුව ලුණු දාන්න. සීනි අවශ්‍යනම් දාගන්න.
දැන් මිශ්‍ර කර භාජනයකට දාගෙන හැන්දක් ආධාරයෙන් හොඳින් රස බලන්න.

උදේට උයන ඔයාට මේක හදාගන්න ඕන අමුද්‍රව්‍ය ටික කලින්ම සූදානම් කරගන්න පුලුවන් .

බත් ටිකක් කලින් දවසෙ රෑ අරන් තියාගන්න.
උදේට උයන පොල්කිරි ටිකකුත් වෙන් කරගන්න.
ලූණු,කරපිංචා ,අමුමිරිස් ටිකත් වෙන් කරගන්න.

හිස් බඩ උදෑසනම මෙය ආහාරයට ගන්න.

ලොකු කුඩා ඕනෑම කෙනෙකුට මේක කන්න පුලුවන් . දැන් ඉන්න පරම්පරාවේ පොඩි අය මේක කාල නැතුවත් ඇති. ඒත් එහෙම හදල දෙනවනම් ඒ අම්මලට මං මුලින්ම රෙස්පෙක්ට් කරනවා. මොකද අනවශ්‍ය රසකාරක නැති ඖෂධීය කෑම වේලක්. රෝග සුවපත් කරන බෙහෙතක්. මෙය හුරු කිරීම ඉතාම වැදගත්. චූටි බබලාට කෑම කවනකොට මේ වගෙ දියබත් චුට්ටක් ඉඳල හිටල කවන්න.

ඒ වගෙම වැඩිහිටි ඔබට ගෑස්ට්‍රයිටීස් ඇත්නම් මෙම දියබත් ආහාරය සති 3 ක් නොකඩවා උදෑසන හිස්බඩ ආහාරයට ගන්න. ව්‍යායාම කරන කෙනෙක්ට වුණත් මේ දියබත් කාල ව්‍යායාම කරන්න පුලුවන් .

ඔබේ රෝග ඔබ විසින්ම ඇතිකරගන්නා ඒවා බව මතක තබාගන්නා. එයට විසඳුමත් ඔබ සතුව ඇති බව සිහිපත් කරගන්න.

කාලය, මුදල් නාස්ති නොකර මේ ඖෂධීය දියබත හදාගෙන බලන්න.

සුව වුණ පසු කියන්න. ස්තූතියි .

ආරෝග්‍යා පරමාලාභා- නිරෝගිකම පරම සැපතයි. 🌿

මං ආයුර්වේද වෛද්‍ය: සදීෂා පීරිස් ✍️ ❤️
Sri Rawana Hela Osu Pvt Ltd
නිරෝගිකමේ හෙළ රහස
Secret of Health 💚

25/01/2026

Good Morning All උදෙන්ම හිනාවෙලා දවස පටන් ගන්න.. 😇

උදේට අනිවාරෙන් කළ යුතු දේවල් කිහිපයක්. ‼️✔

01. උදෑසන නැගිට හිස් බඩ උණුසුම් වතුර වීදුරුවක් බොන්න. 💚
🌺(එමගින් ඔබේ ශරීරයේ අනවශ්‍ය මේදය දහනය කරන්න වගේම තරුණ බව රැකදීම ඇතුලු ලෙඩ රෝග 50කට අධිකව සුව කරන්න පුලුවන්. )

02. ඉන්පසු දත් මැද මූණ සෝදන්න.💚
🌺( අහිතකර ක්ෂුද්‍ර ජීවීන් විනාශ වීම එමගින් සිදුවෙනවා. මුඛය ආරක්ෂා වී දුර්ගන්ධය නැතිවෙනවා. )

03. කට සෝදන්නෙ නැතුව කිසිම කෙනෙක්ට Good Morning කියන්න එපා. 💚
🌺( ඔබේ මුඛයේ ඇති දුර්ගන්ධය වෙනත් අයෙකුගේ මුහුණට දැනෙන්න යන්නේ සුළු වෙලාවයි. එම නිසා ගුඩ්මෝනින් කියන අයට දුර ඉදන් ගුඩ්මෝනින් කියන්න වගේම මේ පුරුද්ද තියාගත්තොත් ඕනම කෙනෙක්ට ළග සිට ගුඩ්මෝනින් කියන්නත් පුලුවන් .)

04. උදෑසන තේ පානය දත් මැදීමෙන් පසුව සිදු කරන්න.💚
🌺(ගොඩක් අය පුරුදු වෙලා ඉන්නවා නැගිට්ට ගමන් තේ එක බොන්න, ඒක කවදාවත් කරන්න එපා. ඔබේ තේ කෝප්පයට වගේම ඔබේ කටේ ඇති විශබීජ ඔබේ මුඛය තුළටම නැවත දාගැනීමක් තමයි සිද්ධ වෙන්නේ)

05. ඇඟේ ලේ කෝප කරන මොන දේ සිදුවුණත් ඉවසීමෙන් කේන්තිය යටපත් කරගන්න. 💚
🌺(උදෑසන ඉක්මන් කෝපය නිසා ඔබේ දවසම විනාශ වේ ඔබේ ශරීරයට ලෙඩ රෝග ඇතිවේ. )

ඔයත් දිනපතාම මේ පුරුදු තබාගන්න.
ඔබේ දවස සාර්ථක වේවි.

Sri Rawana Hela Osu Pvt Ltd

❤️✍️

22/01/2026

අපේ ලිස්ට් එකෙ පිළියන්දල අය ඉන්නවද? 💚

18/01/2026

~~~🌺උපන් ලප වලින් කියැවෙන රහස්🌺~~~

දේහ ලක්ෂණ බලා අනාගතය දකින එක අදවන විට බොහෝ දෙනා ජීවිකාව කරගෙන තිබෙනවා.
ඒ අතරින් සත්‍යතාවය තිබුනද බොහෝ දෙනා කරන්නේ ඔබෙන් මුදල් ගරා ගැනීම.
අද ඔබටම කිසිම මුදලක් නොයවා ඔබේ ශරීරයේ ඇති ලප වලින් ඔබ කව්ද කියලා දැනගන්න පුලුවන් . ............................................................................................
ඒ වගේම ඔබේ හිතවතුන් මොනවගේද බලන්න පුලුවන් . උපන්ලප වලින් කියැවෙන දේවල් බෝහෝය. ඉන් කිහිපයක් ගැන මෙසේය.

තාමත් ඔයා කව්ද කියලා දන්නෙ නැද්ද? 🤔

බලන්න ඔයත් මේ වගේද කියලා 😇❤️
👇👇👇👇👇👇👇👇👇👇👇👇👇👇👇👇👇👇👇

එක් එක් තොරතුරු සඳහා අදාලා චායාරූපය Click කරන්න. ✅

Sri Rawana Hela Osu Pvt Ltd
Sadee Peiris ✍️
මේ වගේ වැදගත් දේ දැනගන්න අපේ පේජ් එක
Like & Follow කරන්න . අනිත් අයට බලන්න ශෙයා කරන්න.

17/01/2026

දෙළුම් කොළ වලින් ලස්සන වෙමු.

~~~~~~නොමිලේ දෙළුම් කොළ සත්කාරය ~~~~~~
👇👇👇👇👇👇👇👇👇👇👇👇👇👇👇👇👇👇👇
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

දෙළුම් කියන්නේ අපි ආස හැබැයි වැඩිය හැමතැනම නැති ඖෂධීය පළතුරක්.

මේ ඖෂධීය පළතුරේ වැදගත්කම මොකද්ද ?
අපි මුලින්ම ඒ ගැන කතා කරමු.

දෙළුම් වල පෝෂණ අගය💚

නැවුම් දෙළුම් වල තන්තු බහුල වන අතර එය බර අඩු කර ගැනීමට, කොලෙස්ටරෝල් අඩු කිරීමට සහ මලබද්ධයෙන් සහනයක් ලබා දෙයි.
දෙළුම් වල පෝෂණ අගයට විටමින් C සහ විටමින් K වැනි විටමින් මෙන්ම ෆ්ලේවනොයිඩ් සහ පොලිෆෙනෝල් වැනි ප්‍රතිඔක්සිකාරක ද ඇතුළත් වන අතර එය සමස්ත සෞඛ්‍යයට සහ රෝග වැළැක්වීමට දායක වේ.

අපි අද කතා කරන්නේ දෙළුම් ගෙඩි ගැන නම් නෙවෙයි . දෙළුම් කොළ ගැන.

දෙළුම් කොළ වල ඇති ගුණය මොනාද? 🤔

සමේ වියළි බව නැති කරන්න පුලුවන් කියල ඔයා දන්නවද?

අද අපි කතා කරන්නේ ඒ ගැන.

මුලු ශරීරයම වියළි වගේ තියනවනම් ඔයාට මේක අනිවාරෙන් වැදගත්.

ඒ වගේම දෙළුම් කොළ අපි තව දේවල් වලට භාවිතා කරනවා.

විශ නසන ගුණයක් තියන දෙළුම් කොළ ඔයාගේ ශරීරයේ තියන අනවශ්‍ය විශ සහිත දේවල් ඉවත් කරනවා.
පිළිකා සෛල විනාශ කරන්න දෙළුම් වලට පුලුවන් .
දෙළුම් කොළ ඇස් ආශ්‍රිතව තියන රෝග සඳහා ප්‍රත්‍යක්ෂ සුවයක් දෙනවා.

💚ඇස් වල ඇති
නගන✅
බෝ වෙන ඇස් ලෙඩ ✅
ඇස් ඉදිමීම්✅
රතුවීම්✅
ඇස්වලට ඇතුලුවන විශබීජ ✅

මේ සියල්ල දුරු කරන්න පුලුවන් දෙළුම් කොළ වලට
ඒ වගේම දෙළුම් ගුරුකම් කියලත් කොටසක් තියනවා යන්ත්‍ර මන්ත්‍ර කරන අය ඒ ගැන දන්නවා .

පුදුමයි නේද? ඒත් ඇත්තයි. 😇🌿

දැන් අපි දෙළුම් ගැන ගොඩක් කතා කරා.
මේ දෙළුම් කොළ අපි කොහොමද ලස්සන වෙන්න භාවිතා කරන්නේ.

හරිම සරලයි.
භාවිතා කරන ආකාරය 👇

🌿මේකට ඔයා මුලින්ම හොයාගන්න ඕන
දෙළුම් කොළ ටිකක්

🌿පිරිසිදු ,නැවුම් දෙළුම් කොළ පළමුවෙන්ම පිරිසිදු ඇල් ජලයෙන් සෝදාගන්නවා.

🌿ලිපේ තියන්න පුලුවන් භාජනයක් අරගෙන ඒකට සෝදාගත් දෙළුම් කොළ ටික දාගන්නවා.

🌿ඒකටම තලාගත් අමු කහ කෑල්ලක් දාගන්නවා.

🌿කහ කියන්නෙත් විශබීජ නාශකයක් නේ ඉතිං කහ කෑල්ල වගේ ලස්සන වෙන්නනම් කහත් ඕනෙ වෙනවා.ඉන්පසු එම භාජනයට වතුර එකතු කරනවා.

🌿දැන් ලිප පත්තු කරලා අමු කහ සහ දෙළුම් කොළ වලට ජලය දැමු භාජනය ලිපේ තියනවා.

🌿හොඳින් තම්බාගත් පසු පෙනේරයක් හෝ රෙදිකඩකින් පෙරාගන්නවා.

🌿දැන් ඔයාට පේනවා දෙළුම් කොළ වල පාට වතුරට එකතු වෙලා පැහැය වෙනස් වෙලා තියනවා.
හරිම අමුතු සුවඳකුත් එනවා.

🌿දැන් අපේ ඖෂධීය බෙහෙත හදල ඉවරයි. මේ තම්බාගත් දෙළුම් කොළ වතුර එක ලා රස්නය තිබියදී භාවිතා කරනවා.

🌿උදෑසන හෝ දවසේ ඕනෑම වෙලාවක භාවිතා කරන්න පුලුවන් . මෙම වතුර එකෙන් මූණ සහ ශරීරය හොඳින් සෝදාගන්න.

🌿සතියට 3 වතාවක් දිනකට වරක් හෝ දෙවරක් භාවිතා කරන්න.

🌿 මෙලෙස දිනපතාම සේදීමෙන් සමේ වියළිගතිය නැති වී සම දීප්තිමත් කරනවා.

🌿සමේ ඇතිවන තුවාල,කුරුළෑ , ආසාදන වගේ දේවල් සුවපත් කරනවා.

මේ දෙළුම් කොළ සමට භාවිතා කරන විදිහ තමයි අපි කතා කලේ.

දැන් 2 නි ක්‍රමය

ඇස් වලට භාවිතා කරන හැටි.

ඇහැට රොඩ්ඩක් ,සතෙක් ගියාමත් මේ ක්‍රමයට අපිට ඉක්මන් ප්‍රතිකාර කරන්න පුලුවන් .

🌿 දෙළුම් කොළ ඉහත ආකාරයටම පිරිසිදු ජලයෙන් සෝදාන්න.

🌿 දෙළුම් කොළ පමණක් වතුර සමඟ දමා තම්බාගන්න.
සැ.යු( මේකට කහ දාන්නෙ නෑ එහෙම උනොත් ඇස් දැවිල්ල ගන්නවා )

🌿 දෙළුම් කොළ සහ ඇල් වතුර පමණක් දමා තම්බාගෙන තැම්බුන පසු වතුර එක පෙර පරිදිම පෙරාගන්න.

🌿 මද ලා රස්නයෙන් ඇස් ඇතුලට වතුර ටිකෙන් ටික දමා සෝදාගන්න.

🌿තැම්බුන දෙළුම් කොළ ටිකක් අතින් පොඩි කර සෝදන අතරේ ඇස් වටේ ආලේප කරන්න.

🌿 ඉන්පසු වේලෙන්න හරින්න.

🌿 සැ.යු(නැවත ඇල් ජලයෙන් සෝදන්න එපා.)
ඖෂධීය දෙළුම් කොළ යුෂ ඇස් ඇතුලට කා වදින්න ඕන.

සත්කාර අවසානයි.💚✅😇

ඉතිං ඔයත් භාවිතා කරල වෙනස කියන්න.

මම ආයුර්වේද වෛද්‍ය: සදීෂා පීරිස් ✍️

සැ.යු( අවසරයකින් තොරව වෙනත් නම් යොදා උපුටාගැනීම තහනම්.)
කතෲ අයිතිය සුරකින්න.

ලිපිය හොඳයිනම් අපේ පේජ් එකත් Like & Follow කරන්න . අනිත් අයට බලන්න Share කරන්න.

දෙළුම් ගැන තවත් අලුත් ලිපියකින් හම්බෙමු.
Sri Rawana Hela Osu Pvt Ltd
Sadee Peiris

16/01/2026

මං අද ගෙනාවේ තලෙලු අයට වැදගත් වෙන දෙයක්

එහෙනම් මේ ලිපිය ඉවරවෙනකම් බලන්න.
👇👇👇👇👇👇👇👇👇👇👇👇👇👇👇👇👇👇👇

~~~~~~~තෙලෙලු සමක් තියන අයට ෆේස් පැක් එකක් නොමිලේ 😇~~~~~~~

01. තලෙලු සමක් තියන අය මුහුණ දෙන ගැටලු
02. විසඳුම්

01. තෙලෙලු අය මුහුණ දෙන ගැටලු ගැන පළමුවෙන්ම කතා කරමු.

කණ්ණාඩියක් ඉස්සරහට ගියාම ඔයාට මොනවද හිතෙන්නෙ?

" මට මීට වඩා පැහැපත් වෙන්න තිබ්බනම්"
" මූණෙ කුරුළෑ ටික අයින් උනානම් "
" අව්වට ගියාම තියන පාටත් කලුවෙන එක නතර වුනානම්"
"මට සුදු වෙන්න ඕන නෑ ඒත් තියන පාට රැකගන්න තිබ්බනම්"

මේ වගෙ ප්‍රශ්න ඔලුවට එන්න පුලුවන් .

1 පැහැපත් වෙන්න දේශිය ඖෂධ වර්ග මොනාද?
2 ඒ ඖෂධ තලෙලු සමට කොහොමද තෝරගන්නේ?
3. නිසියාකාරව කොහොමද ඖෂධ අදුනගන්නේ ?
4. කොහොමද භාවිතා කරන්නේ?

දැන් පළවෙනි ප්‍රශ්නෙ ඇතුලෙම ප්‍රශ්න ගොඩක් තියනවා නේද?

එහෙනම් මෙන්න පළවෙනි ප්‍රශ්නෙට විසදුම

පැහැපත් වෙන්න ,කුරුළෑ අයින් වෙන්න ,අව්වට පිච්චෙන එක නතර වෙන්න කරන්න ඕන දේ.

ඒ සඳහා සුදුසු ඖෂධ වර්ග 5 ක්

01. කෝමාරිකා
02.වෙනිවැල්
03.රත් හඳුන්
04.වැල් මී
05.නෙලුම් මල්

💚කෝමාරිකා වල ඇති තෙතමනය නිසා අව්වට පිච්චෙන එක අවම වෙනවා

💚වෙනිවැල් වල ඇති වර්ණය හා සිසිලස නිසා
අව්වට පිච්චෙන එක අවම කරනවා
පැහැපත් කරනවා සමට එලියක් දෙනවා

💚 රත් හඳුන් වල ඇති විෂනාශක ගුණය නිසා කුරුළෑ ,ලප කැලැල් නැති කරලා දානවා

💚වැල්මී සාරයේ සමේ මැරුණු සෛල ඉවත් කරලා සමේ ස්ථර අතරින් එළියක් ගෙනල්ල දෙනවා

💚 නෙලුම් වල ඇති සෞම්‍ය බව සමේ තෙතමනය තියාගන්න උදව් වෙනවා , සම සුසිනිදු කරනවා
නෙලුම් පෙති තමයි භාවිතා කරන්නේ.

ඔන්න දැන් පළමු ප්‍රශ්නෙටම පිළිතුරු හරි ✅
02.විසඳුම්

2. දැන් කොහොමද මේවා තලෙලු සමට තෝරගන්නේ ?

දැන් වැඩේ ලේසී
ඉහත කිව්ව ඖෂධ වර්ග 5 ගැන කෙටියෙන්ම පැහැදිලි කිරීමක් දැන් තියෙනවා .

ඒ ඖෂධ වර්ග ටික හරියට අදුනගන්න ඕන.
මේ ඖෂධ ගැන දන්නෙ නැත්තම් ලගම ඇති ඖෂධ වෙළදසැලෙන් විමසන්න පුලුවන්.
ඒ ඖෂධ වර්ග දැකබලාගන්න පුලුවන් .

3.ඖෂධ අදුනගත් පසු 3 ප්‍රශ්නයට විසදුම් ලැබෙනවා.
4. කොහොමද මේ ඖෂධ භාවිතා කරන්නේ?

දැන් අපි මේ ඖෂධ භාවිතා කරමු.

1. කෝමාරිකා - 🌻 සෝදාගත් පිරිසිදු කෝමාරිකා පිත්තක් ගන්න.එහි කටු සහිත දෙපැත්ත ඉවර කර පොත්තද ඉවත් කරගන්න.
🌻 මදය ඉවතට ගෙන පීරිසියකට දමන්න.
ඉන්පසු ෆ්‍රිජ් එකකට දාන්න (ශීතකරණයට)

සැ.යු.(ෆ්‍රිජ් එකක් නැත්තම් නොදා ඉන්නත් පුලුවන්)

🌻 හැමදාම උදැසන මුහුණ සේදීමට පෙර මෙම කෝමාරියා මදය අතින් පොඩිකර මුහුණේ බෙල්ලේ ආලේප කරන්න. ඇගේ ගෑවත් වරදක් නෑ.

මතක තබාගන්න ( කෝමාරිකා පොත්ත කොළපාට ගෑවෙන්න දෙන්න එපා. කසන්න පුලුවන් . )

🌻හොදින් ආලේප කර පසු එය වේලෙන්න තබන්න.
🌻 ඉන්පසු පිරිසිදු ජලයෙන් සෝදා ඉවත් කරගන්න.

🌻ඉන්පසු ඔබ එලියට යනවනම් ගිහින් ඇවිත් හවස සත්කාරය එලෙසෙම කරන්න.

🌻කෝමාරිකා මේ විදියට දවසට 2 පාරක් ආලේප කරන්න.

2. වියළි වැල්මී කුඩු ,වෙනිවැල් කුඩු , රත් හඳුන් කුඩු වියළි නෙලුම් මල් පෙති (කුඩු කරගත් )

🌻භාජනයකට දාන්න.

🌻දැන් එම මිශ්‍රණයට කෝමාරිකා මදය දාගන්න

🌻හොදින් මිශ්‍ර කරන්න

🌻ක්‍රීම් එකක් වගේ ගානට එනකම් කලවම් කරන්න.

සැ.යු( වතුර හෝ වෙනත් දේ දාන්න එපා )

🌻ඉන්පසු රාත්‍රී නින්දට පැය බාගෙයකට පෙර මුහුණෙ සහ බෙල්ලේ ආලේප කරන්න .

🌻විනාඩි 10-15 අතර වේලුණු පසු පිරිසිදු ජලයෙන් සෝදාහරින්න.

❤️ගෙදරදිම කරගන්න මේ සත්කාරය
ලංකාවේ ප්‍රථම වතාවට ශ්‍රී රාවණ හෙළ ඔසු වෙතින් පමණයි.

ප්‍රශ්නත් ✅ විසඳුමත් ✅

ඔයත් භාවිතා කරල ප්‍රතිඵල කියන්න.
මෙම ලිපිය හොදයිනම් අනිත් අයටත් බලන්න ශෙයා කරන්න. අපේ පේජ් එකත් Like & Follow කරන්න.

ඒවගේම කතෘ අයිතිය සුරකින්න.

මම ආයුර්වේද වෛද්‍ය සදීෂා පීරිස් ✍️

සැ.යු(අවසරයකින් තොරව වෙනත් නම් යොදා උපුටාගැනීම තහනම්. )

අලුත් ලිපියකින් හමුවෙමු.

Sri Rawana Hela Osu Pvt Ltd
Sadee Peiris

16/01/2026

තිත්ත ඇත්ත 🤣

Sri Rawana Hela Osu Pvt Ltd

06/02/2026

31/01/2026

30/01/2026

29/01/2026

29/01/2026

27/01/2026

25/01/2026

22/01/2026

18/01/2026

17/01/2026

16/01/2026

16/01/2026

Address

Opening Hours

Telephone

Website

Alerts

Contact The Practice

Shortcuts

Share

Category

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00
Saturday	09:00 - 18:00
Sunday	09:00 - 18:00