15/12/2023
ආම වාතය. (Rheumatoid Arthritis)
---------------------------------------------------------
වාත රෝග අතුරින් වර්තමාන සමාජයේ සෑම දෙනාම කතා කරන එමෙන්ම ඉතා සුලබව දැකිය හැකි රෝගයක් ලෙස ආමවාතය රෝගය දැක්විය හැක
ආමය යනු අමු නොහොත් නිසි ලෙස නොදිරූ ආහාරය යන්නය. එනම් අර්ධ වශයෙන් දිරවා අවශෝෂණය කර ගත් ආහාරයයි. එම ආමය වාතය විසින් මෙහෙය වීමෙන් ඇති කරන රෝග තත්වය ආම වාතයයි.නවීන වෛද්‍ය විද්‍යාවේ හදුන්වන රුමටොයිඩ් ආතරයිටීස්‌ (Rheumatoid Arthritis) මෙම ආමවාත රෝගි තත්වය ලෙස හදුනාගත හැක.
හොඳින් පැසුණු ආහාර රසය රක්ත (ලේ) ධාතුව හා එක්‌ වී රුධිර නාල වල හොඳින් ගමන් කරයි. නමුත් ආමය හෙවත් නොපැසුණු (ජීර්ණය නොවු) ආහාර රසය උකු හා බර නිසා රුධිර නහර තුළ පහසුවෙන් ගමන් කිරීමට නොහැකිය. එබැවින් එය තැනින් තැන, විශේෂයෙන් සන්ධිවල රැඳී පවතී. එසේ රැඳෙන සෑම තැනකදීම රුධිර සංසරණයට බාධා පමුණුවන අතර සන්ධි බලවත් පීඩාවට පත් කරයි. එසේම ඉදිමුම ද ඇති කරයි.
නිසි පරිදි ආහාරය නොපැසවීම නිසා කාඩි හා සමාන සන්ධානයට පත්වන නිසා මෙම ආමය විෂ හා සමාන යෑයි ආයුර්වේද ශාස්‌ත්‍රයේ දක්වා ඇත.
🍀🍀මෙම රෝගය ඇති වීමට හේතු
➡️එකිනෙකට පටහැනි හෙවත් විරුද්ධ ආහාර.
➡️එකිනෙකට පටහැනි හෙවත් විරුද්ධ ක්‍රියා.
➡️කුසගිනි මද බව.
➡️අලසකම.
➡️තෙල් සහිත (බර ආහාර) ආහාර අනුභවයෙන් පසුව ව්‍යායාම කිරීම.
🎈විරුද්ධ ආහාර - එකට නොගත යුතු ආහාර
මෙම ආහාර එකට ගැනීමෙන් ;
🔹ශරීරය තුල විවිධ අහිතකර සංයෝග උපදී.
🔹කෑ ආහාරය නිසි ලෙස ජීරණය නොවී ආමය උපදී.
මෙලෙස එකට නොගන්නා ආහාර ලෙස,
*කිරිබත් සහ මාලු
*මී පැණි සහ ගිතෙල්
*ඉඟුරු සහ මඤ්ඤොක්කා
*අබ තෙලින් බැද ගත් මාලු වර්ග
*ඇඹුල් ආහාර වර්ග සමග කිරි
🎈විරුද්ධ ක්‍රියා එකිනෙකට නොගැලපෙන ක්‍රියා.
🔹මෙමගින්ද අප ගන්නා ආහාර නිසි ලෙස දිරවීම නොවේ.
විරුද්ධ ක්‍රියා
*ආහාර ගත් පසු නිදා ගැනීම.
*ආහාරයෙන් පසු නෑම.
*ආහාර ගත් පසු ශරීරය වෙහෙසවන ක්‍රියා.
ආහාරයක් ගත් පසු සුලු නිදිමතක් දැනීම ස්වාභාවිකය. වයසට යාම සමග මේ නිදිමත දැනීම වැඩි වේ. ඊට හේතු වන්නේ ආහාර ගත් පසු එම ආහාරය දිරවීමට වැඩි රුධිර ප්‍රමාණයක් ආහාර ජීර්ණ පද්ධතියට අවශ්‍ය වීමයි. එවිට මොලයට සැපයෙන රුධිර ප්‍රමාණය අඩු වී යන හෙයින් නිදි මත ඇති වේ.
ආහාරයෙන් පසුව ව්‍යායාම කල විට රුධිරය සැපයෙනුයේ ආහාර දිරවීමට නොව ව්‍යායාම වලටය. එවිට අහාරය නිසි ලෙස ජීරණය නොවේ. එවිටද ආමය උපදී.
තෙල් සහිත ආහාර යනු ගුරු (බර) ආහාරයි. බර ආහාරයක් ගත් විට එය දිරවීමට වැඩි ශක්තියක්ද, වැඩි කාලයක්ද අවශ්‍ය වේ. වැඩි රුධිර ප්‍රමාණයක්ද අවශ්‍ය වේ. ගුරු ආහාරයකින් පසුව ව්‍යායාම කල විට ගන්නා ආහාරය කිසි සේත්ම හරිහැටි නොදිරවයි. එවිටද ආමය ඇති වේ.
කුසගිනි මද බව - යමෙකුට කුසගින්න නිසි ලෙස නොදැනේ නම් ඔහුගේ ශරීරයේ පිත නිසි ලෙස ක්‍රියාත්මක නොවේ. කුසගින්න දැනීමට සහා ආහාර දිරවීමට පිත බලපායි. පිත නිසි ලෙස ක්‍රියාත්මක නොවන විට ආමය පහසුවෙන්ම උපදී.
🍀🍀රෝග ලක්ෂණ.
මෙය ආකාර දෙකකි.
➡️සමස්ත ශරීරයේ ඇති වන රෝග ලක්ෂණ.
➡️සංධි වල ඇති වන රෝග ලක්ෂණ.
🍁සමස්ත ශරීරයේ ඇති වන රෝග ලක්ෂණ
*ඇඟ පත පෙලීම
*ආහාර අරුචිය
*පිපාසය
*අලසකම සහිත ශරීරයේ බර බව
*උණ
*කෑ ආහාරය නොදිරවීම
*අවයවයන්ගේ ඉදිමීම
🍁සංධි වල ඇති වන රෝග ලක්ෂණ.
මෙය ආකාර දෙකකි.
1)තීව්‍ර අවස්තාව.
2)ජීර්ණ අවස්තාව.
👉තීව්‍ර අවස්තාව
රෝගය සෑදුණු වහාම පෙන්වන ලක්ෂණ වේ.
*ප්‍රධානම ලක්ෂණය අධික වේදනාවයි. ආයුර්වේදයේදී මෙම වේදනාව ගෝනුස්සකු විසින් විදින ලද වේදනාවට සමාන කරයි.
*අත්, පා, හිස, විලුඹ, තුනටිය, දණ හිස, දෙකලවා යන ස්ථාන වල ඉදිමුම.
*සංධි වල තද බව.
*සංධි වල ක්‍රියා හානිය.
👉ජීර්ණ අවස්ථාව
කල් ගත වන විට පෙන්වන ලක්ෂණයි. රෝගය සෑදී වසර ගනනාවක් ඉක්මවූ පසු මෙම ලක්ෂණ පෙන්වයි. කල් ගත වන විට රෝග ලක්ෂණ ස්වාභාවිකවම අඩු වී යයි.
*ඉදිමුම අඩු හෝ සම්පූර්ණයෙන්ම නැත.
*තද වේදනාවක් නැත. ඇවිදින විට, සෙලවෙන විට, නවන විට සුලු වේදනාවක් ඇති විය හැක. නමුත් පෙර මෙන් ප්‍රභල නැත.
නමුත්
📣සංධි වල තද බව සහ ක්‍රියා හානිය වැඩි වී ඇත.
📣අතපය දිග හැරීමට අමාරු වීම , වකුටු වීම, ඇවිදින්න බැරි වීම, සංධි ඇද වීම වන අවස්තාව මෙයයි.
ආමවාත රෝගයේ මුල් අවස්‌ථාවේදී ආමය සහ සෙම කෝපවීම හේතු කොට ගෙන සන්ධීන් තුළ ඇති ශ්ලේෂක කඵ ජලය සාමාන්‍ය ප්‍රමාණයට වඩා වැඩි වේ. ඒ හේතුවෙන් සන්ධි ඉදිමේ. වේදනා උපදී. රෝගය කල් යන විට සන්ධි ආශ්‍රිත සෙම් කොටස්‌ වියෑලේ. ක්‍රමයෙන් සන්ධි ඝන වේ. ඒ හේතුවෙන් කොර බව පැන නගී.
🍀🍀රෝගය වලක්වා ගැනීමට කල යුතු දේ.
*ආහාරයෙන් පසුව එක තැන සිටීම, නිදා ගැනීම, ස්නානය නොකල යුතුය.
*හොදින් ජලය පානය කිරීම.
*ව්‍යායාම කිරීම.
* නිතර ගුරු (බර) ආහාර ගැනීම නතර කල යුතුයි.
*ප්‍රධාන ආහාර වේල් වලට අමතරව බර ආහාර ගැනීම නොකල යුතුයි.
*තෙල් අධිකව අඩංගු ක්ෂණික ආහාර වලින් වැලකිය යුතුයි.
ආයුර්වේද ප්‍රතිකාර මගින් ආතරයිටිස් රෝග අවස්ථා සදහා සාර්ථක ප්‍රතිඵල ලබා ගත හැකියි .
ඔබ කාලයක් තිස්සේ මෙම රෝගී අවස්ථාවෙන් පෙළෙනවා නම් හෝ
රෝගය හදුනාගෙන නොමැති නම් හෝ හැකි ඉක්මනින් සුදුසුකම් ලත් වෛද්‍යවරයකු වෙත යොමු වී
ප්‍රරථිකාර සදහා යොමු වන්න.
ප්‍රතිකාර සහ වෛද්‍ය උපදෙස් සදහා
වෛද්‍ය මල්ෂා හෙට්ටිආරච්චි
BAMS (Hons) UOK
හරිත ආයුර්වේද වෛද්‍ය මධ්‍යස්ථානය
මහහුණුපිටිය, මිගමුව.
0760931717
