03/05/2026
🤧😷 පරිසරයේ ඇති දූවිලි ආශ්වාස කිරීම නිසා ඇතිවන අසාත්මිකතා නිසා ඔබත් මේ දවස් වල පීඩා විඳිනවද ?
දුහුවිලි ආසාදන (Dust Allergy) අපගේ ශ්වසන පද්ධතියේ සෞඛ්ය කෙරෙහි සෘජුවම බලපානු ලබයි. මෙහිදී ශරීරයේ ප්රතිශක්තිකරණ පද්ධතිය දූවිලි අංශුවලට දක්වන අධික ප්රතිචාරය නිසා විවිධ රෝග ලක්ෂණ මතු වීමට හැකිය.
මොනවද මේ ප්රධාන රෝග ලක්ෂණ ?
* නිතර කිවිසුම් යාම: දූවිලි ස්පර්ශ වූ වහාම පාලනය කරගත නොහැකි ලෙස කිවිසුම් යාම.
* හිරිය සහ කැසීම: නාසය, ඇස් සහ උගුර කැසීම හෝ හිරිවැටීම.
* නාසයෙන් දියර ගැලීම: නාසය අවහිර වීම (Stuffy nose) හෝ නිතර සිහින් දියරයක් ගැලීම.
* ඇස් රතු වීම: ඇස් කඳුළින් පිරීම, රතු වීම සහ ඉදිමීම.
* කැස්ස සහ හතිය: පපුවේ තද ගතියක් දැනීම සහ හුස්ම ගැනීමේ අපහසුව (ඇදුම රෝගීන් තුළ මෙය වැඩිපුර දක්නට ලැබේ).
මෙම ආසදන තත්වයන් වළක්වා ගන්නේ කෙසේද ?
1. මුඛ වැසුම් (Masks) පැළඳීම: නිවස පිරිසිදු කිරීමේදී හෝ දූවිලි සහිත පරිසරයක ගමන් කිරීමේදී අනිවාර්යයෙන් මාස්ක් එකක් පලඳින්න.
2. පිරිසිදු කිරීමේ ක්රම: දූවිලි පිසදැමීමට වියළි රෙදි වෙනුවට තෙත රෙදි භාවිතා කරන්න. එවිට දූවිලි අංශු වාතයට මුසු වීම අඩු වේ.
3. ඇඳ ඇතිරිලි: සතියකට වරක්වත් ඇඳ ඇතිරිලි සහ කොට්ට උර උණු වතුරෙන් සෝදා අව්වේ වේළා ගන්න. (Dust mites විනාශ කිරීමට මෙය උදවු වේ).
4. සිනිඳු මතුපිටවල්: කාපට් (Carpets) සහ වෙල්වට් රෙදිවලින් කළ සෝෆා වෙනුවට පහසුවෙන් පිසදැමිය හැකි ලී හෝ ප්ලාස්ටික් භාණ්ඩ භාවිතා කරන්න.
5. ජනෙල් වසා තැබීම: දූවිලි අධික කාලගුණික තත්ත්වයන් පවතින විට ජනෙල් වසා තැබීම සුදුසුය.
ඔබට මේ සඳහා නිවසේදීම කළ හැකි ප්රතිකාර මොනවාද ?
* හුමාලය ඇල්ලීම: නාසය හිරවීම පවතී නම් උණු වතුර හුමාලය ඇල්ලීමෙන් සහනයක් ලබාගත හැක.
* කහ සහ මී පැණි: ශරීරයේ ප්රතිශක්තිය වැඩි කිරීමට සහ ප්රදාහය (Inflammation) අඩු කිරීමට කහ මිශ්ර කිරි හෝ මී පැණි භාවිතය හිතකර වේ.
දුහුවිලි ආසාදන නිසා ඇතිවිය හැකි සංකූලතා (Complications) මොනවද ?
නිසි ලෙස පාලනය නොකළහොත් මෙම තත්ත්වය සයිනස් (Sinusitis) ආසාදන හෝ ඇදුම (Asthma) රෝගය දක්වා වර්ධනය විය හැක.
මෙවැනි හරවත් සෞඛ්ය උපදෙස් , නිතිපතා ලබා ගැනීමට , දැනුවත් වීමට " HELPHEAL HEALTH TIPS " සමඟ දිගටම රැඳී සිටින්න.
