31/07/2024
මේ ඔබේ කතාව විය හැකියි!
ඔබ තරුණ අයෙක්නම් අම්මා, තාත්තා හෝ ගෙදර ඉන්න වයසක අය කියනවා ඇහිලා ඇති අම්මේ, ඉවසන්න බෑ, කොන්ද රිදෙනවා/ තුනටිය රිදෙනවා/ කකුල් රිදෙනවා/ දණහිස් රිදෙනවා කියලා.
ඉතින් ඒ වෙලාවට අම්මලනම් වාත අමාරුව කියලා ගෙදර තියන තෙල් එකක් මොකක් හරි ගාගන්නවා, වේදනා නාශක ජෙල් එකක්, ක්‍රීම් එකක් ගාගන්නවා. සමහරුනම් බෙහෙත් පෙති අහුරු ගණන් ගිලිනවා.
ඕන් ඕක දවස් කිහිපයක් බලන් ඉන්න කොට ගෙදර ළමයින්ට කොයි වෙලෙත් මෙතන අමාරුයි කිව්ව ගමන්, තෙල් ටිකක් ගාගන්න කියන මට්ටමටම යනවා වෙන්නත් පුළුවන්.
වාත අමාරුව කියලා තියන තෙලක් හෝ අහලා හෝ කාගෙන් හරි දැනගත්ත තෙලක් ගෑවම හරිද කියන ගැටළුව කවදාවත් ආවෙ නැද්ද?
ඔය උඩ මම කිව්ව කොන්දේ අමාරු, බෙල්ලේ අමාරු වේවා විවිධ හේතු නිසා එනවා. කොන්ද ගත්තොත් වයසට යෑම එක්ක අස්ථි දුර්වල වීම (ඔස්ටියෝපොරෝසිස්) නිසා, කොඳු ඇටපෙළ කශේරුකාවන්වල පිහිටීම වෙනස් වීම නිසා, ස්නායු තෙරපීම් නිසා ආදී ලෙස ගොඩ හේතූන් නිසා ඔය වේදනාව එන්න පුළුවන්.
ඒ වගේමයි දණහිස් අමාරු ආදියත්. සමහර දණහිස් අමාරු එන්නේ බන්ධනි, ඛණ්ඩරා වලට හානි වීම නිසා, සමහර ඒවා එන්නේ කැල්සියම් තැම්පත් වීම නිසා, තව ආතරයිටිස්, රුමැටොයිඩ් ආතරයිටිස් ආදී ලෙස හේතූන් ගොඩයි. ඒ එක එකකට එක එක තෙල්වර්ග හා බෙහෙත් වර්ගයි භාවිතා වෙන්නේ. ඉතින් නොදැනුවත්කම නිසාම රෝග මූලය එහෙම්මම තියෙද්දි තාවකාලික සහනය බලාපොරොත්තුවෙන් කරගන්න සමහර දේවල් නිසා රෝගය දන්නෙම නැතුව තව වැඩි වෙන එකයි වෙන්නේ.
ඉතින් ඔබට හෝ, ඔබේ දෙමාපියන්ට, ආච්චිට සීයට මෙහෙම අමාරු වලින් පීඩා විඳිනවනම් සුදුසුකම් ලත් ආයුර්වේද වෛද්‍යවරයෙකුගෙන් මේ සඳහා ප්‍රතිකාර ලබාගන්න පුළුවන්.
එම ප්‍රතිකාර පන්තිය පෙර ලිපි වල සඳහන් කරාක් මෙන්,
අභ්‍යන්තරව හා භාහිර ලෙස ප්‍රතිකාර කරන්නම වෙනවා අම්මේ තාත්තේ. මොකද බටහිර වෛද්‍ය ක්‍රමය මෙන් නොව, ආයුර්වේද වෛද්‍ය ක්‍රමයේදී අපි බලාපොරොත්තු වෙන්නේ, රෝග මූලයටම බෙහෙත් කරලා මුලින්ම උපුටා දැමීමයි.
ඉතින්, නොදත් යමක් දැනගත්තානම් පල්ලෙහා තියෙන ශෙයා බොත්තම ඔබලා මිතුරන් සමග බෙදාගන්න.
සටහන,
ආයුර්වේද වෛද්‍ය,
හර්ෂණ නිරිඇල්ල
B.A.M.S (Hons.)
University of Colombo
SLAMC Reg. No: 16673
ආයුර්වේද වෛද්‍ය
උමේෂා සුරවීර
B.A.M.S (Hons.)
University of Colombo
SLAMC Reg. No: 16416
ප්‍රතිකාර සඳහා වේලාවක් වෙන්කරගන්න අමතන්න:
Call:
0719569316
රෝග හා ප්‍රතිකාර පිළිබඳව ලියූ ලිපි කියවීමටත්, වීඩියෝ නැරඹීමටත්, අපගේ වෙබ් අඩවියට පිවිසෙන්න.
www.wedagedara.lk
වෛද්‍ය මධ්‍යස්ථානයේ ලිපිනය:
101/A/2, ඔරුවල, අතුරුගිරිය
(ඔරුවල පන්සල හෙවත්, බෝධිරුක්ඛාරාම විහාරය අසල)
