31/05/2022
කරදර අස්සේ ජරමර වෙන වෛරස....
# # # # # # # # # # # # # # # # # # # # # # # # # # # # # # #
කොවිඩ් හා සමානම රෝග ලක්ෂණ සහිත, ඇතැම්විට ඒ වෛරසයේම ප්රභේදයක් විය හැකි වෛරසයක් මේ දිනවල ශීඝ්රයෙන් පැතිර යන බව නිරීක්ෂණය කල හැක.
උණ, සෙම්ප්රතිශ්යාව, උගුර ආසාදනය, කැස්ස,හිසරදය මූලික රෝග ලක්ෂණ වන අතර ඉතා පහසුවෙන්ම රොගියෙකුගෙන් ආශ්රිතයන් වෙත ආසාදනය වනු දැකිය හැක.
මේ දිනවල පවතින වැහිබර කාලගුණයත්,
පෝලිම් ආශ්රිතව පිරිස් එක්රැස්වීම නිසාත් පහසුවෙන්ම ව්යාප්ත වීමට හැකි වාතාවරණයක් නිර්මාණය වීම නිසාත් මේ දිනවල රෝගීන් සංඛ්යාවේ විශාල වර්ධනයක් දැකිය හැක.
මෙහි රෝග ලක්ෂණ දින කීපයක් පවතින අතර ඇතැමුන් අතර තවත් දින කීපයක් පුරා පවතින සෙම සහිත කැස්සද රෝග ව්යාප්තියට පිටුවහලකි.
විශේෂයෙන් පවුලක සාමාජිකයන් අතර ඉතාම ඉක්මනින් පැතිරීම නිසා සමාජය තුල ව්යාප්ත වීමද පහසු වී ඇත.
වසර කීපයක් තිස්සේ මුහුණ දෙන කොවිඩ් වසංගතය නිසා අප පිළිපැදිය යුතු සරල සෞඛ්ය පුරුදු ගැන නැවත නැවත මතක් කල යුතු නොවේ.
නමුත් අද වනවිට ක්රම ක්රමයෙන් ඒ පුරුදු අප අතරින් ගිලිහෙන බවක් , ඒ පිලිබඳ නොසලකා හරින බවක් පැහැදිලිව පෙනේ.
" ඕක නිකං හෙම්බිරිස්සාවක්නේ..."
" අපිට විදලනේ අවුලක් නෑ.."
අද රටේ පවතින අස්ථාවර තත්ත්වය අනුව
කවරාකාරයෙන් හෝ රෝගී වීමමද අවදානම් බව අමුතුවෙන් කිව යුතු නොවේ.
රජයේ රෝහල් වල ඖෂධ, රසායනාගාර පරීක්ෂණ, ඇතුලු අනෙකුත් සම්පත් හිගය.
පෞද්ගලික අංශයේ ඒවායේ මිල ගනන් දෙගුන තෙගුණ වී ඇත.
පවුලේ කෙනෙක් රෝගී වු විට ඒ නිසාවෙන් සිදුවන වියදම්, රෝගී තත්ත්වය නිසා රැකියාවේ , අධ්යාපන කටයුතුවල සිදුවන අඩාල වීම්, මෙවැනි පීඩාකාරි මොහොතක තවත් අතිරේක බරකි.
ඒ නිසාම අපට හුරුපුරුදු ඒ සෞඛ්ය පුරුදු
අත් නොහැර පවත්වා ගමු....
තව කෙනෙකුට රෝගය ව්යාප්ත වීම අවම වන ලෙස හැසිරෙමු...
වෛද්ය චමින්ද තුෂාද් රත්නායක
31/05/2022
