09/10/2025
ඩොක්ටර්..
මේ..බබාගේ ඇගේ බිබිලි වගයක් දාලානේ......🤕🤕🤕
සාමාන්යයෙන් අවුරුදු 5ට අඩු වගේ දරුවන්ගේ (අවු.6,7 තෙක් සෑදීමට හැකියාව ඇත.) මේ දවස් වල නිතරම දකින්න පුලුවන් රෝග තත්වයක්....
Hand Foot Mouth Disease
අත් පා මුඛ රෝගය
මේක virus එකක් නිසා(enterovirus) හැදෙන ලෙඩක්..ගොඩක්ම හැදෙන්නේ පොඩි දරුවන්ට.
ඒ වගේම හරිම වේගෙන් බෝවෙනවා.මෙය අත් පා මුඛ රෝගය ලෙස දක්වා ඇත්තේ බහුලවම මෙම ස්ථාන වල රෝග ලක්ෂන ඇති කරන නිසා.වැඩිහිටියන්ට මේ රෝගය බෝ නොවුනත් එයාලගෙන් මෙය කුඩා දරුවන්ට සම්ප්රේෂනය වීමේ හැකියාව පවතිනවා.රෝගය බෝ වීම සිදුවන්නේ රෝගී දරුවෙකුගේ කැස්ස,කිවිසුම් ,මලපහ,කෙල,සෙම්,සොටු මෙන්ම හටගන්නා බිබිලි පිපිරී පිටතට එන ස්රාවයන් නිරෝගී දරුවෙකුගේ තැවරීමෙන්
රෝගය ඇති අයෙක් සමග දරුවා සිටියොත් එදින සිට දවස් 3-6ක් ඇතුලත රෝග ලක්ෂණ පහලවෙන්න පුළුවන්.
👇රෝග ලක්ෂණ
🔸දරුවා අලසව/අප්රාණිකව කාලය ගත කිරීම
🔸උගුරේ අමාරුව
🔸උණ (100-102F)
🔸කෑම අරුචිය ( උගුරේ බිබිලි දැමීම නිසා වේදනාවට කෑම අරුචිය ඇති
වේ. )
🔸කට වටේ රතු ළප එසේත් නොමැති නම්, සුදු වතුර පිරුණු බිබිලි
🔶අත්වල රතු ළප එසේත් නොමැති නම්, සුදු වතුර පිරුණු බිබිලි
🔸කකුල්වල රතු ළප එසේත් නොමැති නම්, සුදු වතුර පිරුණු බිබිලි
🔸තට්ටම් ප්රදේශයේ රතු ළප එසේත් නොමැති නම්, සුදු වතුර පිරුණු බිබිලි
🔸සමහරුන්ගේ බිබිලි දැමීමට පෙර රතු පැහැති කුෂ්ඨයක් ඇතිවී පසුව බිබිලි දැමිය හැක.
🔸දින කිහිපයකින් මෙම බිබිලි පිපිරී ඝන පොත්තක් සෑදෙනු ඇත.
මෙම රෝගය දින 6-7ක් පැවතිය හැක.
👉වෛද්යවරයෙකු බිබිලි දෙස බලා රෝග නීර්ණය සිදුකරන අතර බොහෝවිට අමතර පරීක්ෂණ අවශ්ය නැත.
👉මෙම රෝගයේදී ක්රියා කලයුතු ආකාරය
🔸මෙය වෛරස් රෝගයක් නිසා විශේෂ බෙහෙත් වර්ග අවශ්ය නැති අතර උණ ඇතිනම් එය පාලනය කල යුතුය...
🔸උගුරේ අමාරුව නිසා ඇතිවන කෑම අරුචිය මගහැරීමට දරුවාට මෘදු, සිසිල් අහාර ලබාදෙන්න. දෙහි, දොඩම්,අන්නාසි සහ උෂ්ණ අහාර නොදෙන්න.
🔸විජලනයෙන් රැකගැනීම සඳහා සාන්ද්ර බවින් අඩු සහ ආම්ලික නොවන දියර වර්ග ලබාදෙන්න
🔸සැමවිටම මද උණුසුම් ජලය පානයට ලබාදෙන්න
🔸උගුර සෝදා පිටතට දැමීමට හැකියාව පවතින දරුවෙකු නම් මද උණුසුම් ජලයට ලූණු ස්වල්පයක් එක්කර උගුර සේදීමට ලබාදෙන්න.
🔸බිබිලි පිපිරී තුවාල ඇතිවීම නිසා වෙනත් ආසාදන මතුවිය හැකිබැවින් සැමවිටම දරුවා පිරිසිදුව තබාගන්න. ඒ සඳහා මද උණුසුම් ජලයෙන් පිරිසිදු කර තෙත මාත්තු කරන්න.
👉රෝගය බෝවීමෙන් වැළකෙන්නේ කෙසේද?
🔹රෝගය සැදුනු ළමයින්ව පෙරපාසැල්/පාසැල්/දිවා සුරැකුම් මධ්යස්ථාන නොයවා රෝගය සුව වෙනතුරු සිටින්න.
🔹දරුවා පොදු ස්ථානවලට රැගෙන යාමෙන් වළකින්න.
🔹සැම විටම ගමන් බිමන් වලින් පසුව, දරුවාගේ මලපහ පිරිසිදු කිරීමෙන් පසුව අත් සෝදන්න.
🔹දරුවාගේ මලපහ ක්රමවත් ආකාරයකට බැහැර කිරීමට වගබලාගන්න
🔹නිවසේ එක රෝගී දරුවෙකුගේ සෙල්ලම් බඩු අනිත් දරුවන්ට නොදෙන්න.
🔹නිරෝගි දරුවන්ට නිතරම අත් සේදීමට පුරුදු කරන්න.
🔹දරුවාව පිරිසිදුව තබාගන්න.
Hand Foot & Mouth Disease වැළඳුණු උණ නැති දරුවන්ගේ ඇඟ සේදීමට රත්මල් කැකුළු,වදමල් කැකුළු, අමු කහ, ගංසූරිය,නිදිකුම්බා, කොහොඹ, වෙනිවැල් ගැට, දෙළුම් කොළ වැනි ඖෂධීය කොළ වර්ග භාවිතා කල හැකියි. මෙම කොළ වර්ග මුට්ටියකට දමා තම්බා පෙරා එම වතුරින් රෝගය වැළඳුණු දරුවන් සේදීමෙන් එම දරුවාගේ ශරීරයේ ඇති බුබුළු ඉක්මනින් සුව කළ හැකි සේම දරුවාට එමඟින් ලොකු සුවයක් හා සහනයක් ද ලබාගත හැකිය.
සැ.යු:👇👇
ඔබේ දරුවාටද මෙම රෝගය වැලඳී ඇත්නම් එම දරුවාට උණ නොමැතිනම් පමණක් මෙම ඖෂධීය ප්රතිකාරය සිදුකරන්න.
මේ අතර සුදුසුකම් ලත් ආයුර්වේද වෛද්යවරයෙකුගෙන් ප්රතිකාර ලබාගන්න.
රෝගය සම්පූර්ණයෙන්ම සුවවන තුරු සබන් භාවිතා නොකරන්න.
🟢 නිවැරදි ආයුර්වේද වෛද්ය ප්රතිකාර තුළින් රෝගය මුල් අවස්ථාවේදීම ප්රතිකාර ඇරඹීමෙන් දෙන 4-6ත් අතර කාලයකදී සම්පූර්ණයෙන් සුව කිරීමට හැකියාව ඇත.
එසේම මුල් අවස්ථාවේදීම ප්රතිකාර කිරීම මඟින් කැලැල් නොමැතිව රෝගය ඉතා ඉක්මනින් සුව කර ගත හැක.
🟢රෝගය ශරීර පුරා පැතිරුණු විට ආයුර්වේද ප්රතිකාර ආරම්භ කිරීමෙන් දින 6-10 අතර කාලයකදී සුව කරගත හැකිය.
සටහන- Dr.L.I.M.Gunathilake
BAMS(Hons) University of colombo
SLAMC Reg.No.16120
Online ප්රතිකාර සඳහා විමසීම්: Whtasapp 0714781780/0788888268
📌ආයුර්ධා වෛද්ය මධ්යස්ථානය,අංක 231/1,නව ගාලු පාර,එගොඩ උයන,මොරටුව.
Dr.Iresha Gunathilake - Ayurdha Ayurveda Medical Centre
