Community Eye Care Centre Piliyandala

15/10/2024

Asela Abeydeera shared a CapCut link with you 1015

05/10/2024

13/11/2023

අද ලෝක දියවැඩියා දිනය. දියවැඩියාවෙන් අන්ධ වීම වළක්වමු. වසරකට වරක් ඇස් පරීක්ෂා කර ගමු.

19/10/2023

රතුවීම කබ කඳුළු ගැලීම වේදනාව ඇස් ලෙඩ විය හැක. වෛද්‍ය ප්‍රතිකාර ලබා ගන්න.

19/10/2023

ඇස් ලෙඩ ඉක්මනින් බෝවේ. හැදුණොත් වැඩට යන්න එපා.

22/09/2023

අක්‍ෂි සායනය සැප්. 26 දින සිට ඔක්. 3 දක්වා වසා ඇත. ඔක්තෝබර් 4 නැවත විවෘතවේ.

22/09/2023

හදිසියේම ඇස් පෙන්නේ නැතුව ගියොත් ?
මරණයෙන් මෙහා පැත්තේ වෙන්න පුළුවන් භයානකම දෙය එයයි;
හැමෝම හිතන්නේ එහෙමයි.
සමහරුන්ගේ එක් ඇසක් තවත් අයගේ ඇස් දෙකම හදිස්සියේ නොපෙනී යන්නක් පුළුවන්. එක ඇසක පෙනීම හදිසියේ නැතිවීම හෝ අඩු වීම තමා බොහෝවිට දකින්නට ලැබෙන්නේ.
+_+_+_+_+_+_+_+_+_+_+_+_+_+_+
කළු ඉංගිරියාව හා කනිනිකාව තුලින් ඇසට ඇතුළුවන ආලෝකය ඇසෙහි විවිධ පටක හරහා ගමන් කරනවා. ඉදිරි කුටීරය(අම්මය රසය), කාචය, කාචරසය හෙවත් පිටුපස කුටීරය ඉන් පසු දෘෂ්ඨි විතානය මත පතිත වෙනවා.
දෘෂ්ඨි විතානයේ ඇති ස්නායු අග්‍ර උද්දීපනය වීමෙන් හටගන්නා විද්‍යුත් පණිවුඩ දෘෂ්ඨික ස්නායුව දිගේ මොලයේ පිටුපස කොටසේ ඇති දෘෂ්ඨියට සම්බන්ධ කොටසට රැගෙන යනවා. මේ පණිවුඩ මොලය විසින් අර්ථ නිරූපණය කිරීමෙන් අප දකිනා දෙය හඳුනා ගන්නවා.
ආලෝකය ඇස තුලට ඇතුළු වන මොහොතේ සිට මොලය දක්වා ඇති ඕනෑම ව්‍යුහයක ක්‍රියාකාරීත්වය අඩපන වීමෙන් පෙනීම අඩුවීම හෝ නැතිවීම සිදුවිය හැකිය.
මෙසේ හදිසියේ නොපෙනී යාමට හේතුවන කරුණු කිහිපයක්,
* ඇසේ මතුපිට (කළු ඉංගිරියාවේ) තුවාලයක් හෝ පිළිස්සීමක්
* ඉදිරි කුටීරයේ රුධිරය හෝ සැරවා පිරීමක් (අනතුරකදී හෝ ආසාදනයකදී )
* කාචයේ දෝෂයක් (ගැලවී යාම හැරීම )
* පීඩනය වැඩිවීම (හදිසි ග්ලුකෝමා තත්ත්වය)
* පිටුපස කුටීරය තුලට ලේ ගැලීමක් (දියවැඩියාව බොහෝවිට)
* දෘෂ්ඨි විතානය හෝ කොටසක් ගැලවී යාම
* දෘෂ්ඨි විතානය තුලට ලේ ගැලීමක්
* කහ ලපය තුලට ලේ ගැලීමක්
* දෘෂ්ඨි විතානයේ ශිරාවක් හෝ ධමනියක් අවහිර වීමක්
* දෘෂ්ඨික ස්නායුව ගැලවීයාම (අනතුරකදී)
* එම ස්නායුවට රුධිර සැපයීම අවහිර වීම
* දෘෂ්ඨික ස්නායුව කුමන හෝ තැනකදී තදවීම (පීඩනයට ලක්වීම)
* මොලයේ දෘෂ්ඨියට සම්බන්ධ කොටසේ, ආඝාතයක්, අනතුරකින් හානි වීමක්, ලේ ගැලීමක්, පිළිකාවක් හෝ වෙනත් රෝගයක්.
මේ කුමන හේතුව නිසා සිදු වුවත් එය වහාම අක්ෂි වෛද්‍ය උපදෙස් ලබා ගත යුතු තත්වයක්.
ඒ නිසා හදිසියේ ඇසක හෝ ඇස් දෙකේම පෙනීම අඩුවුනොත් හෝ නැති වුනොත් වහාම ඇස් වාට්ටුවකට යා යුතුමයි.
ප්‍රමාද වීම ප්‍රතිකාර කර සුව කිරීමට බාධාවක්. අවාසනාවකට සමහර මෙවැනි තත්ත්ව වලට ප්‍රතිකාර ඇත්තෙම නෑ; එත් එක තීරණය කල යුත්තේ අක්ෂි වෛද්‍යවරයා.
එත්,
මතක නැති කරන්නට එපා සමහර හදිස්සි වලට අවශ්‍ය වන්නේ ප්‍රථමාධාර, රෝහලට ගෙනයන්න කලින් (රසායන ද්‍රව්‍ය මඟින් පිළිස්සීම ආදිය).
මතක නැත්තම් අපේ පිටුවේ ආපස්සට ගිහින් බලන්න.
කියවා අනිත් අයටත් share කරන්න.
ප්‍රජා අක්ෂි සත්කාර මධ්‍යස්ථානය
Community Eye Care Centre Piliyandala

06/09/2023

සෑම කෙනෙක්ම වයස 40 දී ග්ලුකෝමා රෝගය සඳහා ඇස් පරීක්ෂා කර ගැනීම අනිවාර්යයි.

06/09/2023

Amblyopia හෙවත් කම්මැලි ඇස, එතරම් විරල දෙයක් නෙමේ. ලංකාවේ පාසල් වල ළමයි මිලියන හතරක් සිටිනවා. ඔවුන්ගෙන් සීයට 3-4 පමණ යම් දෘෂ්ඨික ආබාධයකට ලක්වෙලා තිබෙනවා කියල සෞඛ්‍ය අමාත්යන්ෂයේම තොරතුරු වල තිබෙනවා. ඒ කියන්නේ ළමයින් ලක්ෂයකටත් වැඩියි. ඔවුන්ගෙන් වැඩිදෙනෙකුගේ ගැටලුව අවිදුර දෘෂ්ඨිකත්වය.
මෙය පාසල් යන්නට පෙර වයසේදීම ඇති වෙන්න පුළුවන්. අවම වශෙයෙන් පාසලට ඇතුලත් කරද්දීවත් දෘෂ්ටික ආබාධය ගැන දැන ගත්තොත් ප්‍රතිකාරය වන උපැස් යුවලක් නියම කල හැකියි. එහෙත් සමහර විට දෙමාපියන්වත් දන්නේ නෑ දරුවාගේ ඇස් පෙනීම අඩු බව.
දරුවා එක වසරේදී පාසල් සෞඛ්ය පරීක්ෂණයට යොමු වෙනවා, ඉන්පසු 4 හා 7 වසර වල දී. බොහෝවිට මේ අවස්තාවලදී දෘෂ්ඨි දෝෂ හඳුනා ගෙන යොමු කරනවා අක්ෂි සායන වෙත, එත් බොහෝ දරුවන්හට ඒ වෙත යන්නට වෙන්නේ නෑ. දෙමාපියන් කාර්ය බහුල වැඩියි නැතිනම් උපැස් නියම කළත් ගන්නට හැකියාවක් නෑ මිල අධිකයි.
මේ විදියට කාලයක් ගතවුනාම එක අවස්ථාවකින් පසු උපැස් දැම්මත් පෙනීම එන්නේ නෑ, ඊට හේතුව මොලයට ඇසේ සිට සම්බන්ධ වන ස්නායු අක්‍රිය වීම. හේතුව - උද්දීපනය නොවීම. ඊට හේතුව ආලෝකය දෘෂ්ඨි විතානය වෙත පතිත නොවීම. ඊට හේතුව, බොහොවිට අවිදුර දෘෂ්ඨිකත්වය වපරය හෝ සමහර වෙනත් රෝග (ළමා ඇසේ සුද, ඇසේ කනිනිකාවේ දෝෂ දෘෂ්ඨි විතානයේ දෝෂ)
එතකොට ප්‍රතිකාරයක් ඇත්තෙම නැද්ද?
තිබෙනවා වේලාසන දරුවා හඳුනා ගත්තොත් වයස 6,7,8 පහු වුනොත් වැඩේ ලෙසි නෑ. ප්‍රතිකාර කළත් පෙනීම 100% ක් හරි යන්නේ නෑ.
අවිදුර දෘෂ්ඨිකත්වය නම් උපැස් ලබා දීම, හොඳ ට පෙනෙන ඇස දවසේ යම් කාලයක් වසා තැබීම මඟින් අනික් ඇස උත්තේජනය කිරීම, වපරයක් නම් නිවැරදි කර නැවත වැසීමේ ප්‍රතිකාරය ආදී දේ කරන්න පුළුවන්.
වැදගත්ම දේ ළමා අක්ෂි සායනයකට යොමු කිරීම හා ප්‍රතිකාර නොකඩවා නිසි පරිදි කර ගැනීම.
වසරකට වරක්වත් දරුවන්ගේ ඇසේ පෙනීම පරීක්ෂා කරවා ගැනීම ඉතා වැදගත්. ඕනෑම කන්නාඩි සාප්පුවකින් එක නොමිලේම කරගන්නට පුළුවන්.
එහෙත් කන්නාඩි අවශ්‍ය යයි කීවොත් අක්ෂි වෛද්‍යවරයෙක් නොබලා ගන්නට එපා.
පින්තූරේ ඉන්න දරුවන්ගේ හොඳට පෙනෙන ඇස තමා වසා තිබෙන්නේ. එය දරුවන් කැමති ආකර්ශනීය ක්‍රමයකට කල යුතුයි. නැතිනම් ඔවුන් එය විසිකර දමනවා.
පාසලට ඇතුලත් කිරීමේදී හා ඉන් පසුව වසරකට වරක් වත් ඔබේ දරුවාගේ ඇස් පෙනීම පරීක්ෂා කරවා ගන්න.
දෙමාපියන්ගෙන් කෙනෙකුට කුඩා කාලයේදී සිට ඇස් න්පෙනීම අඩුනම් දරුවා ගැන විශේෂයෙන් බලන්න (පරම්පරාගත තත්වයකි)
වපරය ඇස් අන්ධ කරනවා (පින් වපර කියා දෙයක් නැත)
කම්මැලි ඇස යථා තත්වයට පත් නොවූවොත්
සමහර රැකියා කරන්නට බෑ
එදිනෙදා වැඩ වලට බාධයි
වපරය නම්අවලක්ෂනයි
ඉගනීම අපහසු විය හැකියි.
ප්‍රශ්න ගොඩක්.
සැලකිලිමත් වන්න

02/09/2023

ප්‍රථමාධාරය
ප්‍රථමාධාරයක මූලික අරමුණ ජීවිතයක් බේරා ගැනීම...ඔබ මුලින්ම කලයුතු දේ කලොත් පමණයි ජීවිතය බේරෙන්නේ..
සමහර විට රෝහලකට රැගෙන යාම අවසාන පියවර.........
ඒ වගේමයි අක්ෂි ප්‍රථමාධාර; අරමුණ - පෙනීම බේරාගැනීම. (saving sight)
ප්‍රථමාධාරයක් අවශ්‍ය වන්නේ හදිසි අවස්ථාවක එමෙන්ම රෝහලක් ළඟ පාතක නැතිනම්. රෝහලකට ගෙන යන්නට කාලයක් ගතවේනම්, එමෙන්ම එම ගතවන කාලය රෝගියාට ජීවිතය (හෝ පෙනීම) නැතිවීමට තරම් නම්......එහෙනම් ප්‍රථමාධාරය අවශ්‍යමයි.
ඇසට වන අනතුරකදී ක්‍රියාකරන්නේ කොහොමද ?
අපි එක් එක් උදාහරණ වශයෙන් ගෙන පැහැදිලි කර ගනිමු.
1 මොට පහරක් (අතින් මොට ආයුධයකින් බෝලයකින් ආදී) වැදී ඇස රතුවීම, රිදීම, පෙනීම අඩුවීම
සිදුවිය හැකි හානිය - අස්ථිමය කුහරය පිපිරීම, අසිපියන් හානිවීම, සුදු ඉංගිරියාවේ ලේ ගැලීමක්, අක්ෂි ගෝලය පිපිරීම, කාචය ගැලවී යාම, අස තුලට ලේ ගැලීම, දෘෂ්ඨි විතානයේ හානි හා දෘෂ්ඨික ස්නායුව කැඩී වෙන්වීම.
කල යුතු දේ - පිරිසිදු රෙදිකඩකින් ඇස ආවරයන කර හැකි ඉකමනින් අක්ෂි ඒකකයක් ඇති රෝහලක් වෙත රැගෙන යන්න.
2 උල් දෙයක් ඇනීම (ඇනයක්, ඉරටුවක්, කටුවක්, පැන්සලක් ආදී)
උල්දේ තවමත් තිබේ නම් කිසිවිටක අයින් කරන්නට තැත් කරන්න එපා. පිරිසිදු රෙදි කඩකින් ආවරණය කර වහාම රෝහලට රැගෙන යන්න
3 ඇසට යමක් ඇතුළුවීම (කුඩා සතෙක්, වැලි කැටයක්, රොඩ්ඩක්)
පිරිසිදු ජලයෙන් සෝදන්න. ඉහලින් වත්කර ජලය යොදන්න. බොහෝ විට එය උඩ ඇසි පිහාටුව යට තැන්පත් වන නිසා, ඇසි පිහාටුව අනික්පස හරවා පැහැදිලිව පෙනේ නම් පිරිසිදු ලේන්සු තුඩකින් ඉවත් කරන්න.
කළු ඉංගිරියාව මත ඇති දෙයක් ඉවත් කරන්නට උත්සාහ කරන්නට එපා.
පහසුවෙන් ඉවත් නොවේනම් රෝහලට ගෙන යන්න
4 ඇසට රසායන ද්‍රව්‍යයක් ඇතුළු වූවොත් ( අම්ල භෂ්ම තිනර් සුවඳ විලවුන් පැට්‍රොල් ආදී)
රෝහලට ගෙනයාම දෙවනුවයි - ඉතා වැදගත්
ඇස මුහුණ හෝ රසායන ද්‍රව්‍ය වැටුණු කොටස ගලා යන ජලයෙන් සෝදන්න. විශේෂයෙන් ඇස ජලය භාජනයකින් වත්කරමින් විනාඩි 15ක් පමණ හොඳින් සෝදන්න. තිබෙන කුමන හෝ ජලයක් පාවිච්චි කරන්න. ඇස තුල රසායන තිබෙන කාලය හැකිතාක් අඩු කිරීම ඉතා වැදගත්.
එයයි මූලිකම කරුණ.
හොඳින් ජලයෙන් සේදුවාට පසුව ඉක්මනින් රෝහලට රැගෙන යන්න.
සැමවිටම අක්ෂි ඒකකයක් ඇති රෝහලකට රැගෙන යාම වැදගත්.
සෑම දිස්ත්‍රික්කයකම ප්‍රධාන රෝහල් වල (පළාත, දිස්ත්‍රික් මහා රෝහල හා බොහෝ මූලික රෝහල්) අක්ෂි එකක තිබෙනවා.

පිළියන්දල ප්‍රජා අක්ෂි සත්කාර මධ්‍යස්ථානයේ පණිවුඩයක් !

01/09/2023

දියවැඩියා අක්ෂි පරීක්ෂාවට පැමිණෙනවිට තනියට කෙනෙකු ද සමඟ පැමිණෙන්න. ඇසේ බබා ලොකු වූ පසු නිලංකාර වේ. ආපසු යාමට කෙනෙකුගේ සහය අවශ්‍යවේ.