04/04/2025
දියවැඩියා රෝගීන්ගේ පාද ආරක්ෂාවට උපදෙස් මාලාව 🩺
ලිපි අංක - 1
~~~~~~~~~~~~~~~~~~~~~~~~~~~~~~~~~~~
⭐️දියවැඩියා රෝගියෙකු වන ඔබ දිනපතාම පාද ආරක්ෂාව උදෙසා පාද පරීක්ෂාව සිදුකල යුතුය.
⭐️ඔබ මෙය සිදුකළ යුත්තේ රාත්‍රියේදී,නින්දට යාමට ප්‍රථම,ඇඟපත සෝදා ගැනීමෙන් අනතුරැවයි.
⭐️ඔබ අඟපත සෝදන අතරතුරේදීම කකුල් දෙකත් මෘදු සබන් කැබැලක් ආධාරයෙන් සෝදා හරින්න.
⭐️මුලින්ම ඔබේ තෙත්වූ දෙපා ටිෂූ කඩදාසියක ආධාරයෙන් තෙත මාත්තු කර ගන්න.
⭐️පාද පරීක්ෂාවට ඔබ තෝරා ගත යුත්තේ හොඳින් එළිය පවතින ස්ථානයකි.ඔබගේ කාමරයේ විදුලි පහන ප්‍රමාණවත් නොවේ නම් අතිරේක විදුලි පන්දමක් මේ සඳහා යොදා ගන්න.
⭐️පාද පරීක්ෂාවට ඔබගේ පවුලේ කෙනෙකුගෙන් උදව් ලබාගත නොහැකි නම් කණ්නාඩියක් ඔබගේ පාද ඉදිරියෙන් තබා ගෙන ඒ තුලින් පාද දෙක හොඳින් පිරික්සන්න.
⭐️මුලින්ම කකුලේ තුවාල වූ තැන් ඇත්දැයි පරීක්ෂා කරන්න.
⭐️රතුපාට පැල්ලම්,උණුසුම් ලප,බිබිලි,ගැට,තුවාල කැලැල් තිබේදැයි බලන්න.
⭐️පාද වල වර්ණය ගැන සැලකිලිමත් වන්න, පාදය දුර්වර්ණවී ඇත්නම් හෝ සීතල වූ තැන් ඇත්නම් වහාම වෛද්‍ය වරයෙකු වෙත යොමුවන්න.
⭐️දින කීපයකින් මෙම තුවාල සුවවූයේ නැත්නම් වෛද්‍ය උපදෙස් පතන්න.
⭐️කකුලේ නියපොතු කොටට කපන්න. කෙලින් සිටිනසේ හරහට මිස නියපොතු රවුම් වනසේ කපන්න එපා.නිය රවුම් වනසේ කැපුවහොත් එය ඇතුලට වැඩීමේ අවධානමක් පවතී.(Ingrown toe nails)
⭐️ගොරෝසු තද නියපොතු ලෙහෙසියෙන් කැපීමට වතුරේ දමා විනාඩි 10කට අඩු කාලයක් පොඟවා නියපොත්තේ උඩු කෙලවර සෙමින් නියපොතු කපනයේ තලය ආධාරයෙන් සූරා හරින්න.
⭐️මේ සියල්ල අවසානයේ ඔබේ කකුලට වැඩිපුර දහඩිය දමන්නේ නම් පවුඩර් ස්වල්පයක්ද, කකුල වේලිලා ඉරිතැලිලා නම් තෙතමනය රැදෙන ආලේපනයක්ද භාවිතා කරන්න.
⭐️කිසිවිටෙකත් කකුල් තදකර ඇතිල්ලීමෙන් වලකින්න.
ආයුර්වේද සහ බානගල වෙද පරපුරේ පාරම්පරික වෛද්‍ය ,
ටිතිර දහම් බානගල
ලි.ප අංකය 17020 (සර්වාංග)
ලි.ප අංක 9901 (චර්ම රෝග විශේෂ)
☎️ 0718316555 / 0770860953/0112404943
📧 banagalaayurvedaosu@gmail.com
