09/10/2025
සිකුරු ජ්යෝතිෂයේදී විවාහකාරක
වශයෙන්ද,
දවල් උපන් අයට මාතෘකාරක වශයෙන් ද දක්වා ඇත. සිකුරු ග්රහ තරුව පෘථිවියට ආසන්නව පිහිටා ඇත. සිකුරු සූර්යාගෙන් අංශක 48 කට වඩා ඈත් නොවේ.
ජ්යෝතිෂ විද්යාවේ දී වටකුරු සියුමැලි හැඩ වැඩ ඇති කාන්තිමත් නෙත් යුවළක් හා ප්රියජනක හිනාවක් හා මිහිරි කටහඬක් හා රැළි සහිත කෙස් කළඹක් හිමි ළාබාල යුවතියකගේ ස්වරූපය පිළිබිඹු කරයි.
නළු නිළියන්, ගායක ගායිකාවන්, සුඛෝපභෝගී ආහාරපාන, විසිතුරු වෙළඳ සැල්, වෛවර්ණ රෙදිපිළි. ස්වර්ණාභරණ, කවියන්, මල්වතු, මල් ශාලා හිමියන් සිකුරුට හිමිය.
ශාරීරික වශයෙන් වකුගඩු, ප්රජනන ඉන්ද්රිය පද්ධතිය. නිකට, කම්මුල, දෙතොල්, පැහැපත් හම, නිල්වන් ඇස්, රහස් අවයවයන්, ශුක්ර ධාතුව, මුත්රා, පපු ඇට සිකුරුට හිමිය. සිකුරුට හිමි රෝග වශයෙන් නේත්රා රෝග, අණ්ඩ කෝෂ සහිත රෝග, සමේ රෝග, බෙල්ල මහත් වීම, වායු ගෙඩි, මුත්රාබාධ වකුගඩු රෝග, ඇඟ උණුකරවා යෑම, ධාතු ශක්තිය හීන වීම නිසා ඇතිවන රෝග, රක්තවාතය, සමාජ රෝග වැනි රෝග සාදයි.
නවග්රහයින් අතුරෙන් අහිංසක, සෞම්ය ග්රහයා සිකුරුය. සිකුරුට දී තිබෙන ස්වරූපය ඊට නිදසුනකි. තලෙළු ලස්සන තරුණ කාන්තාවකගේ රූපයෙන් පෙනී සිටියි. වටිනා වස්ත්රාභරණ පැළඳ සිටියි. සිකුරුගේ බලපැවැත්වීමත් තරුණ වයසටය.
