RDHS - Rathnapura

13/11/2025

Training on “first Aid “for public health staff.The programme was conducted by the NCD unit of the RDHS Rathnapura under the guidance of Emergency physician and ETU team of the TH Rathnapura and St.John’s team.

16/07/2025

ඇඹිලිපිටිය සෞඛ්‍ය වෛද්‍ය නිලධාරී බල ප්‍රදේශයට අයත් පූජක පක්ෂ කණ්ඩායම් සඳහා බෝ නොවන රෝග හදුනාගැනිම සහ දැනුවත් කිරීමේ ව්‍ෙශ්ෂ වැඩසටහනක් සාර්ථකව පවත්වන ලදී. දියවැඩියාව, අධි රුධිර පීඩනය සහ හෘද වාහිනී රෝග වැනි තත්වයන් කල්තියා හඳුනා ගැනීම සහ වැළැක්වීම කෙරෙහි මෙම වැඩසටහනේ අවධානය යොමු විය

09/07/2025

The 'Clean Sri Lanka Programme' was successfully conducted in schools within the Embilipitiya MOH area under the purview of the Embilipitiya MOH office. We engaged with students on topics including nutrition, life skills, menstrual health, and dental care.

30/06/2025

රත්නපුර ෆර්ගසන් උසස් විද්‍යාලයේ...Colombo district Past Pupil Association - FHS. සංගමය මගින් සංවිධානය කරන ලද,

8 ශ්‍රේණියේ දියණියන් 350 පමණ ගේ හා ගුරු මඩුල්ලේ සහභාගිත්වයෙන් පැවැත් වූ "පෞද්ගලික ස්වස්තතාව හා ප්‍රජනක සෞඛ්‍ය පිළිබඳව එක් දින වැඩමුළුව ට සම්පත් දායකත්වය සැපයීම රත්නපුර ප්‍රාදේශීය සෞඛ්‍ය සේවා අධ්‍යක්ෂක කාර්‍යාලයේ, මාතෘ හා ළමා සෞඛ්‍ය ඒකකය මගින් සිදු කරන ලදී....කුඩා දියණියන් සමග ක්‍රියාකාරකම් පාදක කර ගනිමින් පැවැත් වූ ඒ වැඩමුළුව ...ඉතා සාර්ථකව එකක් විය.... Special thanks to Dear RDHS sir, Dr. Anoja Rodrigo for administrative support and guidance, MCH team Dr. Nabil Nawaz , Dr. Poornima Samarasinghe , Matron Shyama Kulasekara , Matron Anoma Jayanthi Peiris and 😊

21/05/2025

ජාතික ඩෙංගු මර්ධන ඒකකය හා රත්නපුර දිස්ත්‍රික් සෞඛ්‍ය සේවා අධ්‍යක්ෂක කාර්‍යාලය මගින් සංවිධානය කරන ලද විශේෂ ඩෙංගු මර්දන වැඩසටහන මෙම මස 19 සිට 21 දක්වා රත්නපුර දිස්ත්‍රික්කයේ සෞඛ්‍ය වෛද්‍ය නිලධාරී ප්‍රදේශ 13ක ක්‍රියාත්මක විය. සෞඛ්‍ය අංශය, ශ්‍රී ලංකා පොලීසිය, යුද හමුදාව හා අනෙකුත් රාජ්‍ය නිලධාරීන් මේ සදහා සහයෝගය දැක්වූ අතර, වැඩසටහනේදී පරීශ්‍ර 16090ක් පරීක්ෂාවට ලක් විය.

රත්නපුර දිස්ත්‍රික්කයේ ඩෙංගු මර්දන කරයුතු අඛණ්ඩව ක්‍රියාත්මක වන අතර මේ සදහා ඔබගේ වගකීමත් නොපිරිහෙලා ඉටු කරන්න.

📌️ ඔබේ නිවසේ, කාර්‍යාලයේ, ඉදිකිරීම් ස්ථාන ආගමික ස්ථාන හා පාසල් යන පරීශ්‍රයන්හී පාරිසරික පවිත්‍රතාවය ගැන සුපරීක්ෂාකාරී වන්න.
📌️ ජලය එකතුවෙන , මදුරුවන් බෝවිය හැකි ස්ථාන අදම ඉවත් කරන්න.

ඔබේ සක්‍රීය දායකත්වය අපේ රට ඩෙංගු රෝගයෙන් මුදාවා ගැනීමට උපකාරී වනු ඇත. අදම ඔබේ වගකීම ඉටුකරන්න!

26/02/2025

Screening for Non communicable Diseases and Food and nutrition awareness programme for the provincial council staff.on 20th February 2025.

13/02/2025

රුපියල් මිලියන 50කට ආසන්න මුදලින් ඉදිකෙරුනු අයගම දිසා රෝහලේ තෙමහල් වාට්ටු සංකීරණය ජනසතු කිරීම නොබෝදා සිදු කෙරිනි. මෙම අවස්ථාවට රත්නපුර දිස්ත්‍රික් පාර්ලිමේන්තු මන්ත්‍රී වෛද්‍ය ජනක සේනාරත්න මහතා ඇතුලු සෞඛ්‍ය කාර්යමණ්ඩලය මෙන්ම ඉංජිනේරු මහත්ම මහත්මීන්ද සහභාගී වූහ.

මෙමගින් ප්‍රදේශවාසීන්ට විශාල සේවාවක් සැපයෙන අතර, රෝහලේ සේවාවන්හී තත්වය ඉහල නැංවීම ද අපේක්ෂා කෙරේ.

11/02/2025

30/01/2025

බෝ-නොවන රෝග පාලනයෙහි දී කල් ඇතිව හඳුනා ගැනීම ඉතා වැදගත් වේ. ඒ සඳහා වෛද්‍ය ආයතන මැදිහත්වීමෙන් ආසන්නයේ ඇති ආයතනවල පුද්ගලයින් පරීක්ෂාව සිදුකෙරේ. 2025 ජනවාරි 10 දින පලීගල ප්‍රාථමික ප්‍රතිකාර ඒකකයේ වෛද්‍ය නිලධාරීන් සහ සියළු කාර්යමණ්ඩල සහභාගීත්වයෙන් පලීගල විදුහලේ අධ්‍යයන සහ අනධ්‍යයන කාර්ය මණ්ඩලය පරීක්ෂා කිරීම සිදුවිය.

24/01/2025

හදිසියේ මුහුණේ පැත්තක් එල්ලා වැටීම, එක් අතක පණ අඩුවීම හෝ කතා කිරීමට අපහසුවීම වැනි රෝග ලක්ෂණ අංශභාගේ මුල්ම රෝග ලක්ෂණ බව ඔබ දැන සිටියාද?
මේවායෙන් එක රෝග ලක්ෂණයක් හෝ හඳුනාගෙන ඉක්මනින් ක්‍රියාත්මක වී ළඟම ඇති රෝහලට ඇතුළත් වීමෙන් අංශභාගය නිසා ඇතිවන දරුණු සංකූලතා අවම කර ගත හැක.

මේක වඩාත් හොඳින් තේරුම් ගන්න අංශ භාග රෝගියෙකුගේ සත්‍ය කතාවක් රෝගියාගේ අවසරය මත පහත පළ කරන ලදි.

ඔන්න මහත්තයා කිව්ව වෙලාවටම ඉස්පිරිතාලෙට එක්කගෙන ආවා" එතකොට වෙලාව හරියටම උදෑසන හතයි පනහයි. ත්‍රිවිල් එකේ රියදුරු සුනිල්ගේ හඬ මාව එක්වරම පියවි ලෝකයට ගෙන ආවා. "බොහොම ස්තුතියි! එහෙනම් ලොකු දුව අපි ඉක්මනට යමු", මහත්තයට පුළුවන්ද තනියම ඇවිද ගෙනයන්න? ආපහු රියදුරු මහත්තයගෙන් ප්‍රශ්නයක්. "නැහැ නැහැ සුනිල් දැන් මට හොඳටම හොඳයි." එහෙම කියපු මම ලොකු දුවත් එක්ක ත්‍රිවිල් එකෙන් බැසගෙන කඩිමුඩියේ සායනය තියෙන පැත්තට යන්න පටන් ගත්තා. රෝහලේ ගේට්ටුව පහු කරගෙන යන විටම මීට සති තුනකට කලින් මම මේ රෝහලටම ගෙනාපු විදිහ හරියට චිත්‍රපටියක් වගේ මට මැවිලා පෙනුනා. ඒ දවස නම් මට කවදාවත් අමතක වෙන්නෙ නෑ. එදා රෑ නමයට විතර ක්‍රිකට් මැච් එක බල බල ටීවී එක ඉස්සරහ හිටියා. Tv එකේ සද්දෙ අඩු කරන්න කියලා හිතා ගෙන රිමෝට් එක දිහාට දකුණු අත දික්කලාට මට අත දික් කර ගන්න පුළුවන් උනේ නැහැ. මට ඒ අත හරි බරයි වගේ තේරුනේ. ඒකට මම ටිකක් බය වුණා. බය වෙච්ච පාර මට එහෙම්මම පුටුවෙන් නැගිට්ට උනා. පුටුවෙන් නැගිටලා ඉස්සරහට යන්න හදනකොටම දකුණු කකුලත් පැටලෙනවා වගේ මට තේරුණා. මම එහෙම්මම පුටුවේ ආපහු වාඩිවුණා.ඒත් එක්කම ලොකු දුවටත් බිරිඳටත් කෑ ගහලා කතා කලා. මම කතා කරනකොට දිව පැටලෙන ගතියකුත් තිබුණා. මට ඇතිවෙලා තියෙන්නේ අංශභාග තත්ත්වයක් කියල මට හිතුනා. ඒත් රාත්‍රියේ ඉස්පිරිතාලෙට යන්න බැරි නිසා ඊළඟ දවසේ යමු කියලා මම කිව්වත් ලොකු දූ කිව්වේ, පුළුවන් තරම් ඉක්මනට අපි ඉස්පිරිතාලෙට යමු කියලා. ගෙදර කට්ටියගෙ බල කිරීම නිසාම 1990 ගිලන් රථ සේවයට කතා කරගෙන ඒගොල්ලෝ මාව අපේ ප්‍රදේශයේ දිසාරෝහලට ගෙනිච්චා. එතනදි මාව පරීක්ෂා කරපු වෛද්‍යවරු ගිලන් රථයෙන් ළඟම තිබුණ දිස්ත්‍රික් මහ රෝහල වෙත රැගෙන ගියා.දිස්ත්‍රික් මහ රෝහලේදී මට හදිසි CT පරීක්ෂණයක් සිදු කලා. එයින් පසුව හදිසි ප්‍රතිකාර අංශයේ දී තවත් ලේ පරීක්ෂණ කිහිපයක්ම සිදු කළා. ඉන් පසු නැවතත් මාව වෛද්‍යවරු පරික්ෂා කරල ඇතිවෙලා තිබුණු තත්ත්වය ගැන මටත් ගෙදර කට්ටියටත් පැහැදිලි කලා. මට ඇවිල්ල තිබුණේ අංශභාග තත්ත්වයක්. CT පරීක්ෂණයට අනුව මට තිබිලා තිබුණේ මොළයේ රුධිර වාහිනියක ලේ කැටිත්තක් හිර වෙලා. මගේ වාසනාවට මම රෝග ලක්ෂණ පුද්ගලයාගෙන් ඇවිල්ලා පැය හතර හමාරක් ඇතුලත රෝහලට ඇවිල්ල තිබුනා. ඒ නිසා අංශභාගය සුව කිරීම සඳහා ලබාදෙන ඖෂධය ලබා දෙන්න පුළුවන් කියලා වෛද්‍යවරු දැනුම් දුන්නා. මේ ලබා දෙන්න යන ඖෂධය ගැන වෛද්‍යවරු මට හොඳින් පැහැදිලි කරලා දුන්නා. මගේ කැමැත්තත් අත්සනත් ලබාගෙන ඖෂධය මට ලබා දුන්නා. "තාත්තේ ඔයාගේ කාඩ් එක දෙන්න." ඒ ලොකු දුවගෙ කටහඬ. අපි දෙන්නා දන්නෙම නැතුව ස්නායු සායනටම ඇවිල්ලා තිබුණා. අපිට හම්බුණේ අංක විසි දෙක .ඒ සායනය තිබුනේ මම වගේම අංශභාග තත්වයන් ඇවිල්ලා තිබුන රෝගීන්ට. එදා සායනයට ගොඩක් කට්ටිය ඇවිල්ලා හිටියා. සමහර අයට තවමත් හරියට ඇවිදින්න බෑ , තවත් කෙනෙකුගේ හරියට අත වැඩ කරන්නේ නැහැ. සමහර කට්ටියට තාම හරියට කතා කරන්න බැහැ . එහෙම කට්ටිය ගොඩක් දෙනෙක් මේ සායනයට ඇවිල්ලා හිටියා. රෝහලේ ඉන්නකොට එදා විශේෂඥ වෛද්‍යතුමා මට කියපු දෙයක් මතක් වුණා ." විමලසේන මහත්තය දැන් ඉස්සර වගේ නෙමෙයි අංශභාග රෝගීන් වැඩියි. පුද්ගලයෝ හතර දෙනෙක් ගත්තොත් එක්කෙනෙකුට මේක වැළදෙන්නෙ හැකියාව තියෙනවා." ඉන්න රෝගීන් දිහා බැලුවහම ඒ කතාව ඇත්ත කියල මටත් හිතුනා. මගේ අංකය ආවට පස්සේ ිශේෂඥ වෛද්‍යතුමාව හම්බෙන්න අපිට අවස්ථාව ලැබුණා . එතුමා මාව නැවතත් පරීක්ෂා කලා. ඒ වගේම කරගෙන එන්න කියපු ලේ පරීක්ෂණ වාර්තාත් බැලුවා. ඊට පස්සේ මෙන්න මේ විදිහට තමයි මට කිව්වේ "ඔබතුමාට තිබුණ දියවැඩියාව සහ අධි රුධිර පීඩනය කාලෙක ඉඳන් තිබිලා තියෙනවා. ඔබතුමා අන්තිම මාස හය හතේ දී මේ රෝග හරියට පාලනය කරගෙන තිබුණේ නැහැ. මට හිතෙන්නෙ මේ නිසා වෙන්නැති ඔබතුමාට මේ වගේ තත්ත්වයක් එන්න ඇත්තේ. ඒ නිසා අධි රුධිර පීඩනය සහ දියවැඩියාව කියන තත්ත්වයන් හොඳින් පාලනය කරගන්න. නැත්තං ආපහු අංශභාග තත්ත්වයක් ඇතිවෙන්න හැකියාව තියෙනවා." ඇත්තටම අන්තිම අවුරුද්දෙ විතර මගේ වැරදි ආහාර රටාවත්, නියම කළ ඖෂධ මගහැරීමත් නිසා වෙන්න ඇති මේ වගේ තත්ත්වයක් මට ආවේ. වාසනාවකට ඉක්මනටම රෝහලට ගියපු නිසා මට අංශභාග තත්ත්වය සුව කරගන්න පුළුවන් වුණා. වෛද්‍යතුමා ඊට අමතරව ලබාදුන් ඖෂධ හරියට බොන්න කියලා කිව්වා. ඒ වගේම නිවැරදි ආහාර රටාවත් පුරුදු කරගන්න උපදෙස් ලබා දුන්නා. ඉස්පිරිතාලෙදි කියල දුන්න අතටත් කකුලටත් කරන්න කියා දුන්න ව්‍යායාම ටිකත් තව සති දෙක තුනක් කරන්න කියලා කිව්වා. ආපහු තව මාසෙකින් ඇවිල්ලා සායනයේදී පෙන්නන්න කියලා අවසාන වශයෙන් මට කිව්වා. ඒත් වෛද්‍යතුමා අන්තිමට කිව්ව කතාව මගේ හිතේ තවමත් දෝංකාර දෙනවා. දිය වැඩියාව සහ අධි රුධිර පීඩනය හරියට පාලනය නොකළොත් ආපහු මේ වගේ තත්වයක් එන්න පුළුවන්. ඒ කියන්නේ මට දියවැඩියාවයි අධි රුධිර පීඩනයයි හරියට පාලනය කරගන්නම වෙනවා. ඒවගේම මගේ පෙර පිනකට තමයි පුළුවන් තරම් ඉක්මනින් ම රෝග අංශභාග රෝග ලක්ෂණ වේලාසනින්ම හඳුනගත්තේ ඒ වගේම ඉක්මනින්ම මට ඉස්පිරිතාලෙට යන්න පුළුවන් වුණේ. පරක්කු වෙලා ගියා නං මට බෙහෙත විදින්න බැරි වෙනවා. දන්න කෙනෙක්ටත් මං කියන්නේ අංශභාගේ රෝග ලක්ෂණ ආවොත් බලන් ඉන්න එපා. ඉක්මනින්ම ළඟම තියෙන රෝහලට යන්න. ඉක්මනින්ම ගියොත් අංශභාගෙට බෙහෙත් තියෙනවා.

24/01/2025

රත්නපුර ප්‍රාදේශිය සෞඛ්‍ය සේවා අධ්‍යක්ෂක කාර්යාලය මගින් සබරගමුව පලාත් අධ්‍යාපන අධ්‍යක්ෂක කාර්යාලය හා රත්නපුර කලාප කාර්යායෙහි කාර්ය මණ්ඩලය සදහා පැවැත්වු බෝනොවන රෝග හදුනාගැනිම,මුඛ හා දන්ත රෝග හදුනාගැනිම හා මානසික සෞඛ්‍ය ගැටළු සදහා උපදේශන ලබාදිමේ සායනය.