https://www.facebook.com/162287000300203/

Cure & Care Medics, Ratnapura (2025)

04/03/2024

"මට පොඩි කැස්සක් උණ සෙම ගතිය ආව ඩොක්ටර්.
මම පැන්ඩෝල් දෙකකි ඇමොක්සිලින් කරලකි බිව්වා පෙරෙදා. ඊට පස්සෙ ඊයේ හොදටම හොඳයි ..,

මේ මට රෝගියෙක් කියපු පොඩි කතාවක්......

මේකෙ වැරැද්දක් තියනවා ද??

ඔව් මොකද අපි ප්‍රතිජීවක එහෙමත් නැත්නම් antibiotics කියන්නෙ විෂබීජ ( බැක්ටීරියා දිලීර නාශක) නාශක බෙහෙත් වලින් විෂබීජ මර්ධනය කරනවා. අපි දිනක් දෙකක් විතරක් ගත්විට සිදුවෙන්නේ මේ විෂබීජ ටිකක් මියගොස් උන්ගේ බීජාණු ඉතිරි වී ඒවායින් නැවතත් විෂබීජ ඇතිවී අප නැවතත් රෝගී තත්ත්වය ට පත් කිරීමයි. තවද මෙලෙස කඩින් කඩ ප්‍රතිජීවක ගැනීමෙන් විෂබීජ ඒවාට ඔරොත්තු දී පසුව එම ප්‍රතිජීවක වලට මිය නොයාම සිදුවෙනවා . ඒ කට අපි rasistance
කියලා කියනවා.
ඒ නිසා ප්‍රතිජීවක ගැනීම නිවැරදි වෛද්‍ය උපදෙස් පමණක් ම පිලිපදින්න

වෛද්‍ය ජනක ෆ්‍රැන්සිස්
2024 මාර්තු 03

12/01/2024

මුත්‍රා ගල් ....

මුත්‍රා මාර්ගය ආශ්‍රිතව සෑදෙන ගල් වලට මුත්‍රා ගල් කියලා කියනවා. මුත්‍රා මාර්ගයට අයිති වෙන්නෙ වකුගඩු( Kidneys) , මුත්‍රා වාහිනී(ureters) සහ මුත්‍රාශය( bladder ).

🔴 මොනවයින්ද මේව හැදෙන්නෙ ?

🟢 මේවා හැදෙන්නෙ ප්‍රධාන වශයෙන්ම අපේ ඇඟේ සමහර ද්‍රව්‍ය වැඩිපුර සෑදීම මෙන්ම මුත්‍රා වලින් අධික ලෙස පෙරී යෑම නිසා.

🔴ඒ මොනවද කිව්වොත් ?

🟢කැල්සියම් ලවණ
මැග්නීසියම් ලවණ
යූරික් ඇසිඩ්

🔴කොහොමද එහෙම වෙන්නෙ ?

🟢 සමහර හෝමෝන නිසා උදාහරණයක් ලෙස ගත්තොත් පැරාතයිරොයිඩ් හෝමෝන අධ්ක්‍රියාකාරීත්වය
කැල්සියම් වැඩිවී කැල්සියම් පෙරීයාම
සමහර බැක්ටීරියා ආසාදන
බොහෝ විට මුත්‍රා පිටවීම අඩුවීමෙන් මෙම ලවණ තැන්පත් වීම සිදුවේ.
තවද මුත්‍රා වල PH අගය වෙනස් වීම් නිසාද මේවා ඇතිවේ.

🔴රෝග ලක්ෂන මොනවද

🟢 1.බොහෝවිට කිසිම රෝග ලක්ෂනයක් ඇතිනොවේ.
2.කොන්දේ ඉහල සිට පහලට ඇත්වෙන වරින් වර ඇතිවී ක්‍රමයෙන් අඩුවැඩ් වී යන වේදනව
එසේ වන්නේ වකුගඩු වල ඇති ගල් මුත්‍රා වාහිනිවලට වැටී පහලට ගමන් කිරීම නිසා
3. මුත්‍රා සමග ලේ පිටවීම හෝ රතු , රෝස පැහැයට මුත්‍රා පිටවීම
4. නිතර නිතර මුත්‍රා ආසාදන ඇතිවීම
5. මුත්‍රා නාල අවහිරවී මුත්‍රා එකතුවීමෙන් වකුගඩු මත ආපසු ඇතිවන පීඩනය නිසා වකුගඩු නරක් වීම

🔴කොහොමද ගල තියනවා කියල දැනගන්නෙ

🟢1.රෝග ලක්ෂන අනුව
2.මුත්‍රා පරීක්ෂණ වල
3. X Ray මගින්
4. ස්කෑන් මගින් තහවුරු කරගන්න පුලුවන්

🔴 මොනවද ප්‍රතිකාර
🟢 පොඩි පොඩි ඒවා මුත්‍රා සමග පිටවෙලා යනවා තවත් සමහර ඒවා වකුගඩු වල රැඳිලා තියනවා
තවත් ඒවා මුත්‍රා නාල අවහිර කරන වා
ඒ ඒ රෝග තත්ව සලකා බලා ඉවත් කිරීම සිදුකරන වා. ඔපරේශන් මගින් සහ ලේසර් මගිම් ඉවත්කිරීම සිදු කරනවා

මතක තබා ගත යුත්තේ හොඳින් වතුර බීමත් මුත්‍රා හොඳින් පිටවීමයි.

ඔබේ මුත්‍රා අවර්ණ නම් ඔබේ වතුර බීම ප්‍රමාණවත් මුත්‍රා තද කහ පාට දුඹුරු නම් ඔබ වතුර බීම ප්‍රමානවත් නොවන බවයි.

✍️ජනක ෆ්‍රැන්සිස්
12/Jan / 2023

30/12/2023

මොකෝ බං දඟලන්නෙ පණු අමාරුවද??

ඔය වචන ටික ඔබත් මමත් ඔනෑ තරම් අහල ඇති.
🔴 මොකක්ද පණු අමාරුව කියන්නෙ

🟢 අපේ අහාර මාර්ගයේ පහල කොටසේ ඒ කියන්නෙ බඩවැල් වල පණුවන් හැදෙන අතර උන් අපේ බඩවැල් වල එල්ලී ලේ උරා බොනවා. එතකොට අපේ ඇඟේ ලේ හිඟතාවයක් ඇතිවෙනවා මේකට රක්තහීනතාවය කියලා කියනවා (Anemia )

🔴 කොහොමද පණු අමාරුව හැදෙන්නෙ

🟢 මම කිව්ව වගේ බඩේ ඉන්න පණුවො බිත්තර දානවා ඒව මලපහ එක්ක පිටවෙනවා . එලිපහලියෙ මලපහ දැමීමෙන් ඒව පසට එකතු වෙනවා. පලතුරු එලවලු නොසෝදා ආහරයට ගත් විට ඒ පණු බිත්තර අපේ ඇඟට ඇතුලු වෙනවා . ඒවයින් පණුවන් ඇතිවෙනවා.

🔴 එතකොට ඇයි පණු අමාරුවද කියලා අහන්නෙ

🟢 රෑට සමහර පණුවන් ගුදමර්‍ර්ගයේ එලියට ඇවිත් ඒ අවට හැසිරෙන කොට කැසීමක් ඇතිවෙනවා එතකොට ඇතිවන අපහසුතාවට නිසා ලමයි ඒ මේ දඟලනවා ඒක යි එහෙම අහන්නෙ.
ඒ වගෙ දරුවන්ගෙ ගුදය අවට බැලුවොත් සමහර විට පණුවො දකින්න පුලුවන්

🔴 හරි කොහොමද මේකෙන් බේරෙන්නෙ?

🟢 කලින් කිව්වා වගේ පලතුරු එලවලු හොඳින් සෝදා අහාරයට ගැනීම , නියපොතු හොඳින් කොටට කපාතිබීම වැදගත්. පලාවර්ග සෝදද්දී ලුණු හෝ විනාකිරි මිශ්‍ර වතුරෙන් සෝදන්න පුලුවන් නම් ගොඩක් හොඳයි.

🔴මේ කාලෙ ගොඩක් අය මලපහ කරන්න යන්නෙ වැසිකිලි වලටනෙ එතකොට කොහොමද පණු බිත්තර ආහර වලට එන්නෙ?

🟢 ගංවතුර එතනින් ගියාම වල වැසිකිලි උතුරා යෑම් තවද සමහර කුඩා දරුවන් තැන් තැන් වල මලපහ කිරීම මගින් පණු අමාරුව පැතිරෙන්න පුලුවන් ඊට අමතරව පලා වර්ග අපිට ලැබෙන්නෙ කොහොමද කියලා අපි දන්නෙ ත් නැහැනෙ.

🔴 රක්තහීනතාවයට අමතරව වෙන මොනවද වෙන්න පුලුවන් ?

🟢
1. බඩේ කැක්කුම
2. වමනය
3. ඔක්කාරය
4. හාල් අඟුරු පස් වැනි දේ හැපීමට ආසාව
5. රක්තහීනතාවය එන්නෙ ප්‍රථිකාර නොකර සිටීමෙනි
6. කලාතුරකින් පණුවන් නිසා බඩවැල් අවහිරවී ඔපරේශන් කරල බඩවැලේ පණුවන් ඉවත් කරපු අවස්ථා ද ඇත

🔴පණු බෙහෙත් මාස 6 න් 6 ට දුන්නම හරිද?

එහෙම හරිම කාලසීමාවක් නෑ හරියට පරිස්සම් උනොත්. හැබැයි මතක තියාගන්න ඕනි පණු බෙහෙත් බොනකොට ගෙදර හැමෝම එකවර බොන්න ඕනි.

✍️ජනක ෆ්‍රැන්සිස්
30/Dec /2023

22/12/2023

මේ දිනවල කැස්ස සෙම්ප්‍රතිශ්‍යාව සමග උණ බහුලව ඇත

පාසැල් නිවාඩුවත් දීර්ඝ සති අන්තයත් නිසා ඔබ විනෝද ගමන් සඳහා වෙන්කර සිටීමට පුලුවනි.....

කරුණාකර සෙනග වැඩිපුර ගැවසෙන ස්ථාන වල මාස්ක් දැමීමට සැලකිලිමත් වන්න.......

ස්තුතියි

ජනක ෆ්‍රැන්සිස්
22/12/2023

16/12/2023

ඩී ඇම් සී ( D & C)

D & C එහෙමත් නැත්නම් බඩ සෝදනවා වොශ් කරනවා කියලා ඔබ අසා ඇති.....

කාන්තාවන් ගේ මාස් ශුද්ධිය නැත්නම් ඔසප් චක්‍රයේ අක්‍රමවත් වීම , ආර්තවභය වූ කාන්තාවන් ගේ නැවතත් ශුද්ධ වීම වැනි අවස්ථ වලදී ඔබ නාරි හා ප්‍රසව වෛද්‍යවරයෙක් හමුවීමට ගියපසු ඔහු ඔබගේ යම්‍ යම් පරීක්ෂණ කටයුතු කර ස්කෑන් පරීක්ෂාවක් සිදු කරයි. එහිදී සමහරවිට ඔබට මේ D&C කරන්න යොමු කරයි.
මේ පරීක්ෂා ව කරන්නෙ බොහෝදුරට කොන්දට බෙහෙතක් විද හිරිවැට්ටවීමෙන් පසුවයි. කලාතුරකින් සිහිනැතිකර සිදුකරයි .

🔴 මොකක්ද ඔය D&C ?

🟢Dialatation and curettage ගැබ් ගෙලේ සිදුර පොඩ්ඩක් ලොකු කර කුඩා උපකරණ යක් ඒ තුලින් ඇතුල් කර ගර්භාශය ඇතුල් බිත්ති යෙන් කොටසක් ලබගැනීම හා ඊට පස්සෙ ඒක පටක අධ්‍යයනය ට යවයි.

🟢ඒමගින් ගර්භාශයේ රෝගී තත්ත්වය නිර්ණය කරයි.

🔴එතකොට සමහර කාන්තාවන් ගෙ ඒ කියන්නෙ abortion උන වෙලාවට වොශ් කරනවා කියන්නෙ මේකමද
🟢ඒකත් මේ වගේම තමයි ඒකේදි අපි අයින් කරන්නේ ගර්භාශයේ ඉතිරිව ඇති කලලයේ කොටස් ඒ වෙලාවට ගර්භාශයේ බිත්තියේ කොටස් ගන්නෙ නෑ
ඒකට කියන්නෙ ERPC ( evacuation of retained product s of conception )කියල

🔴වොශ් කලාම වෙන්න පුලුවන් සංකූලතා මොනවාද
🟢රුධිර වහනය වීම , ආසාදනය වීම ,බඩේ කැක්කුම,උණ වගේ දේවල් බොහොම කලාතුරකින් වෙන්න පුලුවන්.

🔴D & C ඇරෙන්න ඒ වගේ වෙන ටෙස්ට් තියනවද
🟢ඔව් pipelle( පිපෙල්) biopsy hysterscopic biopsy පොඩි කැමරා වක් ගර්භාශය තුලට ඇතුලත් කර පොඩි කොටසක් ලබා ගැනීම.

✍️ ජනක ෆ්‍රැන්සිස්
16 Dec 2023

07/12/2023

ගෑස්ටික් ...... ගෑස්ටික්

මොකක්ද මේ ගෑස්ටික්/ග්‍රැස්ටික්/ගෑස් කියල අපිට ඇහිලා තියන මේ වචනයේ හරිම වචනය තමා ගැස්ට්‍රයිටිස් ( Gastritis )

සිංහලෙන් කිව්වොත් අම්ලපිත්ත රෝගය

අපේ අමාශය ඒ කියන්නෙ අපි ගන්න කෑම එකතු වෙලා තියන කොටස . මෙහි දී තමා ගොඩක් දුරට ආහාර ජීරණය වීම සිද්ධ වෙන්නෙ. අමාශයේ සෛල වලින් හයිඩ්‍රොක්ලෝරික් අම්ලය ( Hydrochloric acid ) HCL ශ්‍රාවය වෙනවා මේවා අහාර ජීර්ණ ක්‍රියාවලියට වැදගත් වෙනවා. මේ අම්ලය ඉතාම ප්‍රබල අම්ලයක්.

🔯ඉතින් මේ අම්ලයට ආමාශය තුවාල වෙන්නෙ නැද්ද

ඔව් තුවාල වෙනවා ඒක වලක්වන්න අපේ ආමශයේ සෛලවලින් ශ්ලේස්මලය ශ්‍රාවය වෙනවා තව බයි කාබනේට් කියන භෂ්ම එනවා ඒ හින්දා තුවාල වෙන්නෙ නෑ
ඒ අම්ලය තියෙන්නෙ මේ ශ්ලේමලය මත ඒ හින්දා මේ අම්ල භෂ්ම සමතුලිතතාවය නිසා ආමාශය තුවාල වෙන්නෙ නෑ

🔯 එතකොට ගැස්ට්‍රයිටීස් වලදි මොකද වෙන්නෙ
මේකෙදි වෙන්නෙ මම ඉහත කිව්ව සමතුලිතතාවය බිඳ වැටෙනවා ඒ කියන්නෙ එක්කෝ අම්ලය නිපදවීම වැඩිවෙනවා නැත්නම් භෂ්මය සහ ශ්ලේමලය සෑදීම අඩු වෙනවා. එතකොට ආමශ බිත්තිය අම්ලයට නිරාවරණය වෙනවා ඒ ඇතිවන තත්වය ට අපි ගැස්ට්‍රයිටීස් කියනවා.

මේ අතරින් පහත දෑ ගැස්ට්‍රයිටීස් හැදෙන්න බලපාන ප්‍රධාන වෙනවා

⛔ මධ්‍යසාර
⛔ බැක්ටීරියා ආසාදන ( H.pyloroi)
⛔ සමහර බෙහෙත් වර්ග
⛔ මානසික ආතතිය (stress)

රෝග ලක්ෂන විදියට ගත්තම බඩේ කැක්කුම ,බඩපිපුම,ඔක්කාරය ,වමනය,ඉක්කාව, කෑම අරුචිය , පපුවේ සහ උගුරේ දැවිල්ල වැනි දේ ඇතිවෙනවා....

දීර්ඝ කාලයක් ගැස්ට්‍රයිටීස් තිබීමෙන් ආමාශය තුවාල වී ඒ තුවාල නිසා පිලිකා තත්වයන් ඇතිවීමට පුලුවනි.

✍️ ජනක ෆ්‍රැන්සිස්
07/Dec/2023

01/12/2023

ඔයාට ඇල්ජික් ද ???

මොකක්ද මේ ඇල්ජික් කියන්නෙ

ඇත්තටම ඇල(ර්)ජි allergy කියන්නේ සමහර සත්ව සහ ශාක වල සමහර ද්‍රවය සහ සමහර රසායනික ද්‍රවය අපේ ශරීරයට කොහෙන් හෝ ඇතුලු වුනොත් එයට විරුද්ධව අපේ ඇඟෙන් ඇතිවන ප්‍රතිකියා නිසා මේ ඇලෙර්ජි තත්වය ඇතිවෙනවා.

අසාත්මිකතාව කියලා කියන්නෙත් මේකම තමයි.

දළඹුවෙක් ඇඟේ ස්පර්ශ උනාම සමහර අයට පොඩි ඉදිමීමක් ඇතිවෙනවා සමහර අයට පොඩි කැසීමක් වගේ දෙයක් තවත් සමහරෙක්ට හුස්ම ගන්න ඇමාරුවෙනවා කැස්ස හතිය වගේ එනවා.

මොනාද මේ ඇලර්ජි ඇති කරන දේවල්

1. ආහාර - ඉස්සො,දැල්ලො , පොකිරිස්සන් , ගල් මාලු, තිරිඟු පිටි, බාර්ලි, ඕට්ස් (ග්ලුටන් නැමති සංයෝගය සහිත), රටකජු , ආමන්ඩ්, තල , බිත්තර ,මස් වර්ග ,සෝයා,හතු

2. පරාග ,දූවිලි, මකුලු දැල්

3. කෘමි දශ්ඨන ( කූඹි,මීමැසි,දෙබර,ක‍ළාඳුරු)

4. සුවඳ විලවුන්

5. එදිනෙදා ගෙදර භාවිතා කරන රසායන ද්‍රවය (රෙදි සේදුම් දියර වැසිකිලි පිරිසිදු කාරක)
ඔය වගේ ගොඩක් දේවල් තියනවා.

6. බෙහෙත් වර්ග

7. රබර්

තවත් බොහෝ දේවල් තියනවා ඔය කිව්වෙ බහුලව දැකිය හැකි දේවල්

මේකෙ ගැටලුව තියෙන්නෙ මේ දේවල් වලට හැමෝටම ඇලර්ජි ඇති නොවේ.ඇතිවන ඇලර්ජි එකත් එකිනෙකාගෙන් වෙනස් වේ.

එතකොට මේ ඇලර්ජි භයානක යි ද ?

ඔව් ඒක අපිට කලින් කියන්න ආමාරුයි. ඒ නිසා ඔබට පහත ලක්ෂණ ඇති වේ නම් වහාම රෝහල් ගත විය යුතුයි.

1. මුලු ඇඟ පුරාම ඇතිවන කැසීම,
2. ඇඟ පුරාම රත් පැහැ වීම.
3. මුලු ඇඟ පුරා පලු දැමීම
4. කැස්ස හතිය සමග ඇතිවන කැසීම සහ පලු දැමීම
6. උගූර වියලීම ඇස් වටා ඉදිමීම

ඉතා සුලු රතුවීමක් කැසීමක සිට හුස්ම හිරවී ජීවිතයට අනතුරක් සිදුවීමට පවා සිදුවීමට පුලුවන.

✍️ ජනක ෆ්‍රැන්සිස්
30/11/2023

25/11/2023

වැදූගෙයි සන්නිය

" උබලට මතකද අර සිරිපාල ගෙ අම්මා අර පොඩිනා "
ආච්චි දුරින් යන අවුරුදු 40 විතර කෙනෙක් මට පෙන්නුවා.
"මම අහලා තියනවා මතකයි ඒ ගෑනු කෙනා ඔය ලමයා හම්බවෙලා දවස් තුන හතරක් යද්දි උණ හැදිලා මැරුණලු නේද"

" ආන්න හරි පුතේ පොඩිනට හැදුනෙ වැදූගෙයි සන්නිය අම්මෝ ඒ උන්දෑ වෙව්ලපු හැටි, කොච්චර නූල් බැන්දත් හරි ගියේම නෑනෙ"
-------------------------------------------

සමහර විට ඔබත් මේ වචනය අසා ඇති.

මොකක්ද මේ වැදූගෙයි සන්නිය කියන්නෙ
ඉස්සර ගොඩක් දුරට දරුවන් බිහිකලේ ගෙවල් වල රෝහල් වලට යන්න යොමු උනේ ඊට පස්සෙ. සමහර පරණ ගෙවල් වල ඇතුලත අඳුරු කාමරයක් තියනවා මේකට තිඹිරිගේ කියලා කියනවා. ගමේ ඉන්න වින්නඹු මතාවක් ඇවිත් තමා දරුව බිහිකරන්න උදව් කරන්නෙ. සමහර මව්වරුන් දරුවා බිහිකරලා දින දෙකතුනක් යද්දි ඇඟ සීතල කරලා උණ ගන්නවා. ඊට පස්සෙ ඔත්පල වෙනවා සමහර අය මියයනව. ඔය වෙව්ලීම ඉතාම දැඩි වෙව්ලීමක් එහෙම නැත්නම් සන්නිය කියලා කියන්නෙ. දරුවා බිහිකරලා පසුව හැදෙන නිසා වැදූ ගෙයි සන්නිය කියනවා.

හරි ඒ ඉස්සරනෙ දැන් ඉස්පිරිතාලෙ බබා ලැබෙන නිසා ඕවා ගැන කතා කරලා වැඩක් තියනවද ?
ඔව් ඇත්තටම වැඩක් තියනවා මොකද සාමාන්‍ය යෙන් දරුවෙක් බිහිකරලා ( සීසර් හෝ නෝමල්) රෝහලෙන් ගෙදර ආවා ම සමහර අම්මලට උණ ආවම නැවත රෝහල් ගත වෙන්න මැලිකමක් දක්වනවා.
ඊට පස්සෙ මැතිරීම් කටයුතු දෙහි කැපීම් වගේ යාතිකර්ම කරනවා
ගොඩක් අමාරුම උනාම තමා රෝහල් ගතවෙන්නෙ. ඒ වගේ වෙලාවට සමහරවිට ICU පවා දාන්න වෙනවා. මේ උණ හැදෙන එකට අපි පසු ප්‍රසව උණ ( Post partum pyrexia ) කියලා කියනවා.
ගොඩක් දුරට ඔහොම වෙන්නෙ ලේ වලට විශබීජ ඇතුලු උනාම .සමහර වෙලාවට සීසර් කරන්න කොන්දට බෙහෙත් විද්දම දැඩි සීතලක් එක්ක වෙව්ලීමක් එන්න පුලුවන් ඒක මේ රෝගී තත්වය නොවේ. ඒක ටිකකින් අඩුවෙනවා.

ඒ හින්දා ඔය වගේ රෝග ලක්ෂණ තියන අම්මලා ඉන්නව දැක්කොත් ඉක්මනින් වෛද්‍ය ප්‍රතිකාර සඳහා යොමු කරන්න...........

ස්තුතියි
✍️ ජනක ෆ්‍රැන්සිස්
25/11/2023

19/11/2023

වාට්ටු සංචාර (ward round ) වල කතා

"හෙට සීසර් කරන අම්මල පෝලිමට එන්න දෙවනි මහත්තයට බලන්න"

ඒ අපේ කණිෂ්ඨ කාර්‍ය මණ්ඩලයේ කරුණාගේ කටහඬයි. මමද වාට්ටුවේ මව්වරුන් සමග කතා බහ කරමින් එක් මවක් අසලට පැමිණියෙමි.

මම - ගිය සැරේ සීසර් කලේ ඇයි අම්මා
ඇය - ගිය සැරේ මගෙ පලවෙනි බබා නෝමල් ගන්න තමා ආවෙ වතුර ගිහින් . වාට්ටුවෙ පොඩි දොස්තර නෝනා පහලින් අතදාල බලනකොට එයාගෙ අත හිරවෙලා එයා කෑගහල කිව්ව මේ අම්මව ඉක්මනට සීසර් කරන්න ඕනි කියලා . ඊට පස්සෙ ඔක්කොම කලබල වෙලා සීසර් කරලා තමා නෝනගෙ අත අරන් තියෙන්නෙ...... ඒකයි සීසර් කලේ

ඔය වගේ කතාවක් ඔබ සමහර විට අසා ඇති
මොකක්ද ඕකෙ ඇත්ත නැත්ත

කොහොමත් බබෙක් ලබෙන්න අම්ම කෙනෙක් වාට්ටුවට නතර උනාම දරු ප්‍රසූතියට සූදානම් ද යන්න එහෙමත් නැත්නම් බබා ලැබෙන්න කිට්ටුද යන්න සොයා බලනවා. යෝනි මාර්ගයතුලට ඇඟිලි දෙකක් දමා ගැබ් ගෙලේ විස්තාරණය එහෙම බලන විදියක්.

ඉහත සිද්ධියේදී වෙලා තියෙන්නේ එහෙම බලද්දී ඒ ඩොක්ටර් ට දැනිලා තියනවා බබාගෙ පෙකණිවැල එලියට ඇවිත් කියලා. ගර්භාෂයෙන් (එහෙමත් නැත්නම් දරු බොක්ක ) uterus එකෙන් පෙකණි වැල එලියට ඇවිත් ටික වෙලාවක් යද්දී ඒ පෙකණි වැල ඇතුලෙ තියන ලේ නහර ( අම්මගෙ වැදෑමහෙන් බබාටත් බබාගෙන් අම්මටත් ලේ ගමන් කරන) ඇකිලෙනවා. අපි කියනව spasm කියලා. එහෙම උනොත් බබාට අවශ්‍ය ඔක්සිජන් නොලැබීම නිසා බබාගේ ජීවිතය ට තර්ජනයක් වෙන්න පුලුවන් ඒ නිසා එවැනි අවස්ථාවකදී ඉක්මනින් සීසර් ශල්‍ය කර්මයක් මගින් දරුවා බිහිකිරීම සිදුකරනවා.

ඉහත දී වෙලා තියෙන්නෙ ඔන්න ඕකයි

✍️ජනක ෆ්‍රැන්සිස්
19/11/2023.

15/11/2023

ෆාස්ටින් .... ෆාස්ටින් .....
⛔මොකක්ද මේ fasting ඉන්නවා කියන්නෙ
✅ fasting එහෙම නැත්නම් නිරාහාරව සිටීම
ඔබ රෝහලේ දී මේ වචනය නිතර අසා ඇති. ශල්‍යකර්මයකට , සීසර් එකකට , මව්වරුන් ලේබර් රූම් එකට යවනවිට, සමහර පරීක්ෂණ වලට පෙර ඔබෙන් නිතරම දොස්තර වරු, හෙදියන් අවසන් වරට කෑම කෑවෙ වතුර බිව්වෙ කීයට ද කියලා අහනවා.
මෙය ඔබට කරදරයක් වගේ පේන්න පුලුවන්. නමුත් එහි තියන වැදගත්කම ගැන පොඩ්ඩක් කියන්නම් .
අපි ගන්නා ආහාර සාමන්‍යයෙන් ආමාශයෙන් පැය 6 යනවිට සම්පූර්ණයෙන්ම වාගේ කුඩා අන්ත්‍ර
( බඩවැල) වෙත යොමු කරලා අමාශය හිස් වෙනවා. ඔබ නිර්වින්දනය එහෙමත් නැත්නම් සිහි නැතිකරන විට සහ පසුව නැවත සිහි ගැන්වීමේදී ඔබට කැස්ස වමනය ඔක්කාරය ඇතිවීමට පුලුවන්.
එවිට ඔබේ අමාශයේ ආහාර තිබුනොත් ඔක්කාරය සමග ඉහලට එන කෑම කොටස් සහ අමාශයික තරල ඔබේ ශ්වාසනාලයට ඇතුලු වී පෙනහලු වලට යන්න පුලුවන්.
(අපි කියන්නෙ පිටිඋගුරේ,ඉස්මොලේ එහෙමත් නැත්නම් ඉස්පොල්ලේ යනවා කියන්නෙ මේක තමා).
එහෙම ගියාම නියුමෝනියාව (aspiration pnumonia) කියන තත්වය ඇතිවී එය ඔබ අන්පේක්ෂිත රෝගයක් සෑදී එයට වෙනම ප්‍රතිකාර කිරීමටත් සමහර විට දැඩිසත්කාරයේ පවා ඉඳීමට සිදුවිය හැකියි.

⛔ එතකොට හිරිවට්ටලා කරන පොඩි පොඩි ඔපරේශන් වලටත් ඇයි fasting තියන්නෙ ?
✅ ඒකට හේතුව සමහර වෙලාවට හිරිවට්ටලා කරන්න බැරිතරමට තුවාලයක් සමතුලට මාංශ පේශි තුලට ඇතුලු වී තිබුනොත් ඒ වෙලාවෙ සිහි නැති කිරීමට fasting තියාගන්නවා

⛔ සීසර් කරන්නෙ ඉනෙන් පහල හිරිවට්ටල නෙ ඇයි ඒකට fasting ඉන්නෙ
✅සීසර් විතරක් නොවෙයි සමහර ඔපෙරේශන් රාශියක් කරන්නෙ ඔය විදියට ඉනෙන් පහල හිරිවට්ටලා ඒකටත් හේතුව හදිසියකදී සිහි නැති කිරීමට අවශ්‍ය උනොත් fasting තියා ගන්නවා.

⛔ මගෙ සීසර් එකෙන් පස්සෙ මට කිසිම අමාරුවක් තිබ්බෙ නෑ ඒත් වාට්ටුවෙ අය මට කිව්වා පැය කීපයක් කන්නෙ බොන්නෙ නැතිව ඉන්න කියලා ඒ ඇයි?
✅ඔපරේශන් එකකින් පසුව ටික වෙලාවක් ආපහු sfasting ඉන්න කියන්නෙ සමහර විට පශ්චාත් ශල්‍ය සංකූලතා
( post operative complications) ඒ කියන්නෙ රුධිර වහනයක් වගේ දෙයක් උනොත් නැවත ශල්‍යාගාරයට ගෙන ආපසු බැලීම සඳහා තමයි එහෙම කරන්නෙ.

⛔ලේබර් රූම් එකට යද්දි fasting ඉන්නම ඕනිද
✅ඔව් මොකද හදිසියක් ඒ කියන්නෙ බබාගෙ සංකූලතාවයක් ආවොත් ඉක්මනට සීසර් කරන්න වෙනවා ඒ හින්දා fasting තියා ගන්නෙ

✍️ජනක ෆ්‍රැන්සිස්
15/11/2023

11/11/2023

මොකක්ද මේ Fasting blood suger
( ෆාස්ටින් බ්ලඩ් ෂුගර්) / FBS

1. අපි පැය 8 ක් හරි 10 ක් හරි බඩගින්නේ ඒ කියන්නෙ නිරාහාරව ඉඳලා ඇඟේ ලේවල තියන සීනී( ග්ලූකෝස්) ප්‍රමාණය බලන එක තමා මේකෙන් කරන්නෙ.
2. Fasting ඉන්නෙ නැතිව මේ පරීක්ෂනේ කරන්න බැරිද ?පුලුවන් ඒක FBS කියන්නෙ නෑ ඒකට කියන්නෙ Random Blood Suger (RBS) කියලා ඒකෙන් ලේවල හරිම අගය එන්නෙ නෑ.
3. අපි කෑම කාලා විනාඩි 10 - 15 යනකොට ඒවායේ තිබෙන ග්ලූකෝස් අපේ ලේ වලට එකතු වෙනවා. ලේ වල උපරිම ග්ලූකෝස් අගය එන්නෙ ඒ වෙලාවට
4. එතකොට ම අපේ ඇඟේ අග්න්‍යාශයෙන් ඉන්සියුලින් මුදා හැරලා ලේ වල තියන ග්ලූකෝස් ලේ වලින් ඉවත් කරලා අක්මාවෙ සහ මාංශ පේශි වල ග්ලයිකෝජන් කියලා සංයෝගයක් හදලා තැන්පත් කරනවා.
5. අපි කෑම කාල පැය 2 විතර යද්දි ආපහු අපේ ඇඟේ ලේවල ග්ලූකෝස් මට්ටම මුල් අගයට ( ඒ කියන්නෙ කෑම කන්න කලින් තිබ්බ ගානට) එනවා.
6. අපි fasting නැත්නම් නිරාහාරව ඉන්න්කොට අපිට අවශ්‍ය ග්ලූකෝස් අර අක්මාවෙන් සහ මාංශ පේශි වල තැන්පත් වූ ග්ලයිකෝජන් වලින් ලබා දෙනවා.
7. ඒ විදියට අපිට ග්ලූකෝස් ලැබෙන්නෙ උපරිම පැය 12 - 14 පමණයි. ඒඅතර අපි වෙහෙස උනොත් කලින් ඉවරවෙනවා. පැය 8- 10 ක් නිරාහාරව ඉන්නෙ ඔය අක්මාවෙන් ලැබෙන ග්ලූකෝස් වලින් අපේ ඇඟේ මූලිකම පරිවෘතිය ක්‍රියා වලට අවශ්‍ය ග්ලූකෝස් මට්ටම නිවැරදිව බලාගන්න .
8. ඒ අගය සාමාන්‍යයෙන් 100 ට අඩුයි.
9. 100 - 125 ත් අතර නම් ඔබ දියවැඩියාව රෝගය සෑදීමට ඉතාම ආසන්න එහෙම නැත්නම් පෙර දියවැඩියා අවස්ථාව ලෙස හඳුන්වනවා.
10. 125 ට වැඩි නම් ඔබ ට දියවැඩියාව ලෙස සලකනු ලබනවා.

✍️ජනක ෆ්‍රැන්සිස්
10/11/2023

07/11/2023

මොකක්ද මේ බබා ගෙ සද්දෙ පටිය එහෙම නැත්නම් CTG පටිය

ලේබරූම් එකේ දි , එහෙම නැත්නම් පූර්ව ප්‍රසව වාට්ටු වලදි විශේෂයෙන් ම දරුවන් ලැබීමට ඉන්නා මව්වරුන්ට මේ CTG කියන වචනය මතක ඇති.

මොකක්ද මේ පටිය ඇයි ඒකෙ වැදගත්කම
CTG ( Cardiotocography) කියන ඉංග්‍රීසි වචනයේ මුල අකුරු වලින් තමා මේ CTG නම එන්නෙ. අල්ට්‍රාසවුන්ඩ් මැෂින් එකක් මගින් බබාගෙ හෘද ස්පන්ධන රටාව ( අඩු වැඩි වීම් ) ග්‍රහණය කර තාපසංවේදක කොලයක් මත සටහන් කරයි. සාමන්‍යයෙන් විනාඩි 20 ක් ඇතැම්විට විනාඩි 40 හෝ ඊට වැඩි වේලාවක් මෙම පටිය ලබාගැනීම සිදුකරයි. ඒ සමග මවගේ ගර්භාශයේ සංකෝචනයන්ද මෙහි පහලින් සටහන් වේ. මෙය ගර්භයට සති 28 න් පසු ඉතා වැදගත් වේ.

1. CTG පටිය මගින් කුසතුල ඉන්නා දරුවාගේ ඒ මොහොතේ තත්වය බලා ගැනීමට උපකාරී වේ. මන්දයත් ඊයේ දින පටිය හොඳ උනත් අද බබා දඟලනවා අඩුයි නම් අදත් පටියක් දැමිය යුතුමයි.

2. විශේෂයෙන්ම ගර්භයේ වයසට වඩා දරුවන් කුඩා අවස්ථා වලදී මෙම පටිය නිතරම දමා දරුවාගෙ තත්වය නිගමනය කරයි.

3. මෙම පටියේ ස්වභාවය අනුව වෛද්‍යවරුන් දරුවා බිහිකිරීමට සුදුසු කාලය තීරණයකරයි. ඒ කියන්නෙ නියමිත දවසට කලින් දරුවා ගන්නවාද කියන එක. එසේම නෝමල් ද සීසර් ද සීසර් එක ඉක්මනින් කරන්න ඕනිද යන්න තීරණය කිරීමට මේ පටිය ඉවහල් වේ.

4. මවගේ සමහර රෝගී තත්ව වලදී (සීනී ප්‍රෙශර් ) ඇති විට දරුවාට බලපාන නිසා ඒ වැනි මව්වරුන්ට ත් පටියක් දැමීම සිදු කරයි.

5. මේ CTG එක අපි දන්න ECG පටියට සමානද? කොහෙත්ම නෑ ECG පටිය මගින් පෙන්වන්නේ හදවතේ ක්‍රියාකාරීත්වයේ විද්‍යුත් තරංග වල හැසිරීමයි.

6. මේ කෙසේ වෙතත් ඔබ කුස තුල සිටිනා දරුවාගේ දැඟලීම දැනෙන්නේ ඔබටම පමණි. බබා දැඟලීම පිලිබඳව ඔබට සතුටුදායක නැත්නම් වහාම වෛද්‍ය උපදෙස් ලබා ගත යුතුමයි.

✍️ ජනක ෆ්‍රැන්සිස්
06/11/2023

Cure & Care Medics

04/03/2024

12/01/2024

30/12/2023

22/12/2023

16/12/2023

07/12/2023

01/12/2023

25/11/2023

19/11/2023

15/11/2023

11/11/2023

07/11/2023

Address

Website

Alerts

Shortcuts

Share

Category