04/04/2026
☀️ හිරු එළිය නොඅඩුව ලැබෙන අපේ රටේ, ජනගහනයෙන් 1/3කට විටමින්-D ඌණතාවයක්? 🤔
ඔව්, පුදුම හිතුනත් ඇත්ත ඒකයි! වසර පුරාම හොඳින් හිරු එළිය ලැබෙන ශ්රී ලංකාවේ සිදු කළ සමීක්ෂණ මගින් මගින් හෙළි වන්නේ අපේ රටේ නාගරික ජනගහනයෙන් සෑම තුන්දෙනෙකුගෙන්ම එක් අයෙකු (31%) විටමින් D ඌණතාවයෙන් පෙළෙන බවයි. 📉 පාසල් දරුවන් සහ කාන්තාවන් අතරත් මේ තත්ත්වය බහුලව දක්නට ලැබෙනවා.
🛡️ විටමින් D අපට මෙතරම් වැදගත් ඇයි?
විටමින් D කියන්නේ නිරෝගී, ක්රියාශීලී ජීවිතයකට අත්යවශ්ය පෝෂකයක්. එය ඌණ වූ විට:
• ශරීරයේ ප්රතිශක්තිය අඩු වේ.
• ශ්වසන රෝග ඇති වීමේ අවදානම වැඩි වේ.
• අස්ථි සහ මාංශ පේශි දුර්වල වේ.
🚫 අපිට වැරදුණේ කොතැනද?
හිරු එළියෙන් නැහැවෙන එළිමහනේ ක්රියාශීලී ජීවිතයක් ගත කළ අප, ක්රමයෙන් නිවාස සහ ගොඩනැගිලි අභ්යන්තරයට වී කාලය ගත කිරීමට හුරු වීම මෙයට ප්රධාන හේතුවක්. එදිනෙදා ආහාර වේලෙන් පමණක් දෛනික විටමින් D අවශ්යතාවය සපුරා ගැනීම අපහසුයි.
🆓 නොමිලේ ලැබෙන මේ මහඟු දායාදයෙන් උපරිම ඵල නෙලා ගන්නේ කෙසේද?
කිසිදු වියදමකින් තොරව, ශරීරයට අවශ්ය විටමින් D ප්රමාණය සිරුර තුළම නිපදවා ගැනීමට දිනපතා මෙය අනුගමනය කරන්න:
✅ කළ යුතු දේ:
• එදිනෙදා භාවිතා කරන සාමාන්ය ඇඳුමෙන් සැරසෙන්න.
• 🕒 උදෑසන 10 ත් සවස 3 ත් අතර කාලය තෝරාගන්න.
• ⏱️ විනාඩි 15 - 30 ක් හිරු එළියට නිරාවරණය වන්න (මෙම කාලය තුළ ව්යායාම හෝ වෙනත් කාර්යයක යෙදිය හැක).
🍽️ ආහාර වේලටත් එක් කරගන්න:
සාලයා, හුරුල්ලන් වැනි තෙල් සහිත මත්ස්යයන්, බිත්තර කහමදය, රතු මස් සහ සත්ව අක්මාව හැකි තාක් කෑම වේලට එකතු කරගන්න.
⚠️ විශේෂ අවධානයට:
• සමේ රෝග ඇති අය, දීර්ඝකාලීනව ඖෂධ ගන්නා අය හෝ හිරු එළියට නිරාවරණය වීමේදී අපහසුතාවයක් ඇති වන අය වෛද්ය උපදෙස් ලබා ගැනීමට කාරුණික වන්න.
අභියෝග හමුවේ සවිමත් වෙමින්, නිරෝගීමත් පුරවැසියන් බවට පත්වන්නට ස්වභාවධර්මයෙන් අපට නොමිලේ
ලැබෙන මේ දායාදය අපතේ නොහැර භාවිතා කරමු! 💪
Arogya - සුවපත් දිවියකට මඟපෙන්වීම.
