03/02/2025
ගෘහ ප්‍රවේශ මංගල්‍යය හෙවත් ගෙට ගෙවැදීමේ චාරිත්‍රය...🌺
බොහෝ වෙහෙස මහංසී වී හරිහම්බ කර ගන්නා මුදලින් ඉදිකර ගන්නා නිවහනට ගෙවැදීම හෙවත් පළමු ප්‍රවේශය ගැනීම බොහෝ දෙනා චාරිත්‍රානුකූලව හෙළ කුළ සිරිත් විරිත් වලට අනූකූලව කරනු ලබයි.
ප්‍රථමයෙන් ගමේ සිටින හෝ තමාට විස්වාසවන්ත ජ්‍යොතිෂශාස්ත්‍රඥයා වෙත ගොස් කාරනාව සැලකර ඊට ඉතාම සුබ නැකත් දිනයක් තෝරාගනී. ඉන්පසු ඊට සුබ වේලාවල් කීපයක් සාදාදෙනු ලබයි.
🌺•1.ප්‍රධාන මල්අස්නේ සහ සිව්කොණ පහන් දැල්වීම.
🌺•2.ගෙවැදීම හෙවත් ගෘහ ප්‍රවේශය.
🌺•3.කිරි ඉතිරවීම.
🌺•4.ළිප ගිණී මෙලවීම.
🌺•5.ආහාර අනුභවය.
🌺•6.පිරිත් සජ්ඣායනාව.( බෞද්ධ නම් )
ජ්‍යොතිෂශාස්ත්‍රඥයා විසින් පිළිවෙලින් 1 2 3 4 5 යන කාර්‍යයන් සඳහා සුබ වේලාවල් ලබා දෙන අතර ඊට චාරිත්‍ර ක්‍රමයන් ද කියාදේ.
01.
🌹🌹ප්‍රධාන මල් අස්නේ සහ සිව්කොණ පහන් දැල්වීම🌹🌹
ත්‍රිවිධ රත්නය ප්‍රමුඛ දේව වන්දානාව බොහෝ ප්‍රදේශ වල සිදුකරයි. එහිදී පහන් වෙන් කිරීම සිදුවන්නේ මේ අයුරිනී. ( ප්‍රදේශ අනුව වෙනස් විය හැකිය )
•පහනක් හෝ පහන් 3ක් ( බුදුසමිඳුන් වෙනුවෙන් පමනක් හෝ ත්‍රිවිධ රත්නයටම )
•පහනක් ( ප්‍රදේශ බාර දෙවියන් ට )
•පහනක් ( ගම්භාර සූනියම් දෙවියන් ට )
•පහනක් සහිත් පුන්කළස ( පොළව මහී කාන්තාවට ) සමහරු එය භෛරව දේවතාවුන්ට කියා තබයි.
•සිව්කොණ පහන් 4ක් ( සිව්වරම් දෙවියන්ට ).
•පීරිසියක තැබූ විශේෂ පහනක්.
ගෘහමුලිකයා පළමුවෙන් සුබ දිසාව බලා සුබ මොහොතට මෙලෙස පහන් දල්වා මල් , හඳුන්කූරු , කපුරු , බුලත් , පුවක් ආදිය සහිතව සුවඳ දුම් අල්ලා පංචශීලය සමාදන්ව බුදුගුණ පිරිත් කියමින් දේව ගුණ ස්තෝත්‍ර කවි කීම ආරම්භ කරයි. ඇතමුන් පහන් දැල්වීම පමණක් සිදුකරන අතර තවත් සමහරු ගමේ ඉන්නා වැඩිහිටියෙකු හෝ පිරිත් කියන්නෙකු හෝ චාරිත්‍ර කරන්නෙකු කැඳවා පුදපූජා තැබීම සිදුකරවා ගනී.
02
🌹🌹ගෙවැදීම හෙවත් ගෘහ ප්‍රවේශය🌹🌹
නැකත් දිනට පෙර දිනයේ පංච අමෘතයෙන් හෝ කහවතුරෙන් හෝ අදකාලේ නම් පිරිසිදුකාරකයක් යොදා ගේ සෝදා සුවඳ ධූපයක් අල්ලා දොරවල් වැසීම සිදුකළ යුතුයි. කිසිම ගෘහ භාන්ඬයක් නොමැතිව නිවස හිස් විය යුතුයි. පහන් පැලේ කටයුතු හමාරකර එහී
•ගෘහමුලිකයා - පීරිසියක තැබූ සුවිශේෂී පහන, බුදුරුවක් හෝ පිළිමයක් අතැතිව ඉදිරියෙන්. ( බන්දේසියක තබා )
•ගෘහමූලීක කාන්තාව - ගෙවැදුම් කුල්ල අතැතිව දෙවනුව
•මෑණීයන් - දිය පිරුණු නැවුම් කළයක් උකුලේ තබා
•අනෙක් සිටින අය හිස් අතින් නොයා කුමක් හෝ යමක් අතැතිව
( කැමති පරිදී මෙය සිදුකළ හැකිය )
පිරිත් කියමින් ගෘහමුලික තෙමේ සුරතින් දොර විවෘත කරමින් සුබ දිසාව බලා ගෙවැදීම සිදුකරයි.
🏵️ #ගෙවැදුම්_කුල්ල 🏵️
මේ සඳහා කුල්ලක් ගෙන ඊට එළවළු ටිකක්, පලතුරක්, මුඩ්ඩ සහිත පොල් ගෙඩියක් , එළකිරි බෝතලයක්, කිරි හට්ටියක් , හාල් , තුනපහ ආදීය.... තබමින් සකසා ගනී.
03
🌹🌹කිරි ඉතිරවීම🌹🌹
ගෘහ ප්‍රවේශයෙන් අනතුරුව සාලය මැද බිම තදින් රත්වීම වැලකීමට යමක් දමා වැලි දමා ගඩොල් 3ක් තබා නැවුම් මුට්ටියක් ගෙන එහී ත්‍රිශූල හෝ ඕම් හෝ ස්වස්තිථික සලකුණු ඇඳ සමබරව ලිප්ගල් තුන මත තබා ගෘහමුලිකයා විසින් ගෙවදුම් කුල්ලෙන් එළකිරි බෝතලය ගෙන මුට්ටිය ට වක්කරනු ලබයි. අනතුරුව සඳුන් දර හෝ ඖෂධ දර හෝ දමා කපුරු වලින් දැල්වීම සුබ දිසාව බලා සිදුකරයි.
වටෙන්ම කිරි ඉතිරීයාම සිදුවුවහොත් සැවොම සිත් සතුටු කරගන්නේ මූනෙන් මූණ බලාය. එක් දිසාවකට කිරි ඉතිරවීම සිදුවුව හොත් පැරැන්නෝ ඒ අනුවද යම් යම් සිතුවිලී සිතූහ. පසුව එම කිරිමුට්ටිය ගෙන අඹ කිනිත්තකින් ගේ වටේට කිරි ඉසීම සිදුකරයි.
( ඉතිරවීම සඳහා ගන්නේ එළකිරි ද පොල් කිරි ද නැවුම් fresh milk කිරි ද .... සංවාදයට )
04
🌹🌹ළිප ගිණී මෙලවීම🌹🌹
මෙය සිදුකරන්නේ ගෘහමුලික කාන්තාව විසින් කුස්සියේ චිමිනිය නැතිනම් පෝරණය තුළ දීය. කිරිබත් පිසීම චාරිත්‍රය වුවත් වෑංජන සහිත බත් පිසීමද සිදුකරයි. එයද වරදක් නොවෙයි. පිළාපිළිහුඩු කිසිවක් පිසීම එදා ගැමියන් සිදු නොකළ අතර වර්තමානයේ නම්...?
06
🌹🌹ආහාර අනුභවය🌹🌹
පිසගත් කිරිබත් හෝ වෑංජන බත් සහිත කෑම මේසය පිළියෙල කර ප්‍රථමයෙන් ගෘහමුලිකයා බෙදාගනු ලබයි. නැතහොත් අම්මා තාත්තා ආදී වැඩිහිටියෙකුට හෝ දරුවෙකුට හෝ බෙදාදීම සිදුකරයි. ඇතැම් නිවාස වල අම්මා විසින් සැමට කවනූ ලබයි.
06
🌹🌹පිරිත් සජ්ඣායනාව🌹🌹
ගිහි පිරිතක් හෝ ස්වාමීන් වහංසේලා වඩම්මවා එදින සවස හෝ දිනකීපයකට පසු පිරිත් සජ්ඣායනාව සිදුකරයි. ඇතැමුන් ධර්ම දේශනය ක් සිදුකිරීමද කරනු ලබයි.
💔විශේෂ සටහනක්......
මේ ආකාරයට චාරිත්‍රාංග කෙසේ සිදුවත් තම නිවසේ ගෙවැදුම් දින උත්සවයක් ගත්තාට වරදක් නැතත් මස් මාංශ උයමින් මත් වතුර ආදීය ගෙන පාටී දැමීම් එදින හෝ කිසිදිනෙක අනුමත නොකරමී.
ස්තුතී
තෙරුවන් සරණයි
Page එකට කර ඔබේ ප්‍රදේශයේ චාරිත්‍ර සිදුකරන ආකාරය කර තව කෙනෙකුට දැනගැනීම පිණිස කරන්න
ඔබට යම් ප්‍රශ්නයක් ඇත්නම් Comment තීරුවේ අසන්න.
