Dr.NIMESH

18/01/2026

✅අද දින මට හම්බුන රෝගියෙක් නිසා මේ ලිපිය ලියන්න හිතුවේ, මුළු පවුලටම ටීනියා ආසාදනය වෙලා, දැන් මාස 6 ක් ලු, බෙහෙත් මාස 5 ක් තිස්සේ ගන්නවාලු, ඒ මදිවට අවුරුදු 4 පොඩ්ඩත් ඇග කසනවා හො හෝ ගාලා.පොඩ්ඩගේ ඇග පුරාම ටීනියා rashes, අත් දෙක් , පිට , කකුල් , පස්ස පැත්ත ගන්න දෙයක් නෑ....

අයියෝ එතකොට මාස 5 ක් තිස්සේ බෙහෙත් ගත්තා කිව්වේ????
බෙහෙත් ගත්තම අඩු වෙලා යනවලූ ඉක්මනට හැබැයි ආයේ තිබ්බට වඩා වැඩිය වෙන තැනකින් මතුවෙනවලු.
ඉතින් කෝකටත් කියලා ගෙනල්ලා තිබ්බ මල්ල ලිහලා බැලුව කලින් මාස 6 ක් අරන් තිබ්බ බෙහෙත් ටික. හත්දෙයියනේ ...! කියලා මට කියවුනේ ඉබේටම වගේ....
බෙහෙත් අරන් තියෙනේ දොස්තර කෙනෙක්ගෙන්ද කොන්දොස්තර කෙනෙක් ගෙන්ද කියලා මට හිතුනා...

ටීනියා වලට ගාන්න එපා එපා කියන STEROID + STEROID COMBINATION ගණයේ ආලේපන ලොට් එකක් එතන.
BETAMETHASONE වලින් පටන් අරන් FLUOCINOLONE ACETANOID වලටම ගිහින්.

වැඩේ කියන්නේ STEROID ආලේප්න ගාලා ගාලා ටීනියා Rash එක හොයාගන්නම බැරි විදියට වෙනස් වෙලා, අපි ඒකට Medical word වලින් කියන්නේ , typical picture එක ගිහින් කියලා.

කොච්චර කිව්වත්,මාධ්‍ය මගින් දැනුවත් කරත් සම+හරක් එකම වැරදි දේ නිතට නිතරම කරන නිසා මම මේ " ටීනියා "ගැන ටිකක් ඔයාලට කියන්න හිතුවා.

| ටීනියා කියන්නේ මොකක්ද? |
ටීනියා කියන්නේ අපේ සමට වැළඳෙන දිලීර (fungal) ආසාදනයක්, අපේ සමේ ඇතිවෙන rash එක මුද්දක වගේ වටකුරු හැඩැති එකක් නිසා මේකටම ringworm ආසාදනය කියලත් කියනවා.

ටිනියා වර්ග අපේ ඇගේ ඇතිවෙන තැන් අනුව විවිධ නම් යොදලා තියෙනවා.

* Tinea corporis– ශරීරයේ චර්මය
* Tinea cruris– කකුල් අතර ,ඉකිළි ප්‍රදේශයේ (jock itch)
* Tinea pedis– පාදවල (athlete’s foot)
* Tinea capitis– හිස් කබලේ
* Tinea unguium (Onychomycosis)– නියපොතු වල

| එතකොට මේ ටීනියා වල රෝග ලක්ෂණ:|

* වටකුරු, රතු පැහැති පැල්ලම්
* අධික ලෙස කැසීම (itching)
* සමේ මැද පැහැදිලි වෙලා වටේ රතු වී තිබීම
* සමේ වියළි ස්වාභාවය හා පොතු පොතු ගැලවී යාම
* හිස් කබලට වැළඳුනොත් හිස කෙස් වැටීම
* ⁠ප්‍රතිකාර නොකලහොත් ශරීරයේ අනෙකුත් ස්ථාන වලට පැතිරීම

| ටීනියා බෝවෙන/ වැළඳෙන ආකාර: |

* බාගෙට වේලුනු තෙතමනය සහිත යට ඇදුම් භාවිතය
* ⁠ශරීරයට හිර යට ඇදුම් දීර්ඝ වේලාවක් පැළද සිටීම
* ⁠ටීනියා රෝගය සහිත පුද්ගලයෙකුගේ තුවා/ ඇද ඇතිරිලි/ කොට්ට සහ ඇදුම් භාවිතය.
* ⁠නිසි ලෙස පිරිසිදු නොකරන ලද පොදු වැසිකිළි භාවිතය.
* සතුන් (බළලා, බල්ලා) සමග ඉතා සමීපව කටයුතු කිරීම
* තමන්ගේ පිරිසිදුකම අඩු වීම සහ අඩු සනීපාරක්ෂක තත්ත්වයන් යටතේ ජීවත් වීම

| රෝග නිශ්චය (Diagnosis): |

* වෛද්‍යවරයාගේ පරීක්ෂාව
* Skin scraping (චර්ම නියැදි පරීක්ෂාව)
* කලාතුරකින් fungal culture

නිවැරදි දැනුමක් සහිත වෛද්‍යවරයෙකු හට 95% ටීනියා රෝගය ,රෝග ලක්ෂණ සහ rash එකේ ස්වාභාවය අනුව පැහැදිලිව නිශ්චය කර ගත හැක.
එය දැනගත් විගස , නිවැරදි ලෙස ප්‍රතිකාර කිරීම මගින් ටීනියා රෝගය 100% සුව් කල හැකි සේම , එමගින් ඔබගේ අනෙකුත් සමීපතමයන් හට එය වැළදීම වළක්වා ගත හැක.

|මේ සදහා ප්‍රතිකාර (Treatment):|

_බාහිර බෙහෙත් (Cream/ointment)
බාහිර දිලීරනාශක ආලේපන මගින් සුළු ටීනියා රෝගය සුව කල හැක.
නමුදු , එය සුදුසුකම් ලත් වෛද්‍යවරයෙකුගෙන් නියමිත ආලේපනය ලබා ගත යුතුය. ( වර්තමානයේ සමහට දිලීර නාශක ආලේපන සදහා මෙම ටීනියා දිලීරය ප්‍රතිරෝධයක් දක්වයි, එම නිසා ඔබට සුදුසු අලේපනය තෝරා දීම වෛද්‍යවරයා ගේ වගකීම වනු ඇත)

මෙය දිනකට 1–2 වරක්,අවම වශයෙන් සති 2–4ක්
රෝග ලක්ෂණ නැතිවු පසුත්, තවත් සතියක් පමණ ආලේපනය සිදු කල යුතු බව හොදින් අවධාරණය කල යුතුය.

_බොන බෙහෙත් (Severe cases):
මෙය උග්‍ර ටීනියා ආසාදනයන් සදහා භාවිතා කරනු ලබයි.( ආලේපන පමණක් භාවිතයෙන් සුව කල නොහැකි ආසාදන)

⚠️ මෙම දිලීර නාශක බෙහෙත් පෙති සහ කරල් ,අක්මාවට හානිදායක නිසා සහ ආසාත්මිකතා ඇතිවීමේ අවදානම් තත්ත්වය නිසා වෛද්‍ය උපදෙස් අනුව පමණක් මෙය භාවිතා කිරීම අනිවාර්යය වේ.

| වළක්වා ගැනීමට උපදෙස්: |

* සම වියළිව තබාගන්න
* දිනපතා පිරිසිදුව සිටීම සහ ස්නානය කිරීමෙන් පසු හොදින් තෙතමනය ඉවත්කිරීමෙන් පසු ඇදුම් / යට ඇදුම් භාවිතය.
* තම තමන්ගේ තුවා / ඇඳුම් වෙන වෙනම භාවිතා කරන්න
* ⁠වෛද්‍යවරයෙකුගේ නිර්දේශයකින් තොරව ඔසුසැල් වලින් ලබාදෙන ආලේපන ( බොහෝ විට STEROID CREAMS ) භාවිතයෙන් වැලකීම.

DR.NIMESH (MBBS(KEL), FCAM- COSMETOLOGY & AESTHETIC MED.)
කතෲ අයිතිය සුරකිමින් අනෙක් අයටත් දැනගැනීම උදෙසා SHARE කරන්න.

16/01/2026

ඔබ‍ටත් මෙලෙස පේනවාද 🫣

ඇස් ඉදිරිපිට පාවෙන මේ අභිරහස් "නූල් කෑලි" මොක්කුද?

​පැහැදිලි නිල් අහසක් දිහා හරි සුදු පාට බිත්තියක් දිහා හරි බලාගෙන ඉන්නකොට ඔබේ ඇස් ඉදිරිපිට කුඩා තිත්, නූල් කෑලි හෝ පණුවෝ වැනි රූප පාවෙනවා ඔබ දැකලා තියෙනවද?

​ඇස හසුරුවන දිශාවටම මේවාත් පාවෙලා යන නිසා මේක ඇත්තටම ඇස ඉදිරිපිට තියෙන දෙයක් කියලා ඔබට හිතෙන්න ඇති. හැබැයි මේක පිටුපස තියෙන්නේ අපූරු විද්‍යාත්මක හේතුවක්!

​🧬 මොකක්ද මේ ඇත්තටම වෙන්නේ?

​අපේ ඇස ඇතුළේ Vitreous Humor කියලා හැඳින්වෙන විනිවිද පෙනෙන ජෙලි වැනි ද්‍රවයක් පිරී පවතිනවා. අපේ වයසත් සමඟ හෝ ඇතැම් ස්වභාවික හේතු නිසා මේ ජෙලි එක ඇතුළේ තියෙන ප්‍රෝටීන් තන්තු එකට කැටි ගැසී කුඩා අංශු සාදනවා.

​ඔබ දකින්නේ ඇත්තටම ඒ අංශු නෙවෙයි ඒවායේ සෙවණැල්ලයි! 🔦

• ​ආලෝකය ඇස ඇතුළට එනකොට මේ පාවෙන ප්‍රෝටීන් අංශු මගින් ආලෝකය අවහිර වෙනවා.
• ​එවිට ඒ අංශුවල සෙවණැල්ල ඇස පිටුපස තියෙන දෘෂ්ටි විතානය (Retina) මත පතිත වෙනවා.
• ​අන්න ඒ සෙවණැල්ල තමයි අපිට ඇස ඉදිරිපිට පාවෙන "නූල් කෑලි" වගේ පේන්නේ.

​මේවාට විද්‍යාත්මකව කියන්නේ "Eye Floaters" (Muscae volitantes) කියලා.

​💡 මේවා වැඩියෙන් පේන්නේ ඇයි?

​ඔබ නිල් අහස සුදු බිත්තියක් හෝ දීප්තිමත් පසුබිමක් දෙස බලන විට ඔබේ ඇසේ කණිනිකාව (Pupil) කුඩා වන අතර එයින් සෙවණැල්ල වඩාත් පැහැදිලිව දෘෂ්ටි විතානය මත පතිත වීම නිසා මේවා තදින් දර්ශනය වේ.

​ ⚠️ වෛද්‍ය උපදෙස් පැතිය යුතු අවස්ථා:

​බොහෝ විට මේවා සාමාන්‍ය වුවත් පහත ලක්ෂණ ඇත්නම් වහාම අක්ෂි වෛද්‍යවරයෙක් හමුවන්න:

• ​හදිසියේම මේ පාවෙන තිත් ප්‍රමාණය විශාල ලෙස වැඩි වීම.
• ​ඇස කොනකින් විදුලි කෙටීමක් වැනි ආලෝක ධාරා (Flashes) පෙනීම.
• ​පෙනීමේ පරාසය දෙපැත්තෙන් අඳුරු වී යන බවක් දැනීම.

ඔබත් මේ අත්දැකීමට මුහුණ දීලා තියෙනවද?

Copied✍

24/12/2025

REPASTED ARTICLE WITH PERMISSION

⭕ක්ෂය (කාස) රෝගය (Tuberculosis) එක්ක එන ආතරයිටිස්
================================

⭕ක්ෂය රෝගය ගැන නම් ලංකාවේ මිනිස්සු පොඩියට හරි දෙයක් දැනගන්න ඕනේ.

⭕අපි හිතනවාට වඩා බහුලව දකින්න තියන මාරාන්තික අතුරු ප්‍රතිඵල ගෙන දෙන්න පුළුවන් රෝගයක් ඕක.

⭕ක්ෂය රෝගය එහෙමත් නැතිනම් Tuberculosis හැදෙන්නේ mycobacterium tuberculosis කියන බැක්ටීරියාව ඇඟට ගියහම.

⭕බහුතරයක් දෙනා හිතාගෙන ඉන්නේ ඕක පෙනහළු වලට විතරක් එන රෝගයක් කියලා.

⭕ඇත්ත කතාව නම් හිසේ සිට පාදාන්තය දක්වා තියෙන බහුතරයක් අවයව වලට ඔය රෝගය බලපාන්න පුළුවන්.

⭕වාතය හරහා තමයි ඔය විශබීජය පැතිරෙන්නේ.

⭕ක්ෂය රෝගය ඇගේ හොඳින් ක්‍රියාත්මක වූ (Active Tuberculosis) රෝගියෙකුට සැලකිය යුතු ආකාරයට නිරාවරණය වූ අයෙකුට ක්ෂය රෝගය හැදෙන්න පුළුවන්.

⭕දැන් කලබල වෙන්න එපා ඊයෙ බස් එකේ ඔයාගේ එහා පැත්තෙ ඉඳගෙන ගිය මනුස්සයා දහ පාරක් කැස්සා කියලා.

⭕ක්ෂය රෝගය ඇඟට ආවහම අධික උණ, කල් පවතින කැස්ස, බර අඩුවීම, කහිනකොට ලේ යෑම, හතිය, ඇඟට නිතර එන මහන්සි ගතිය වගේ රෝග ලක්ෂණ තමා බහුතරයක් අවස්ථාවලදී දකින්න පුළුවන්.

⭕අති බහුතරයක් රෝගීන් ඔය වැනි අවස්ථාවලදී ප්‍රතිකාර වලට යොමු වෙනවා. MBBS වෛද්‍යවරු මෙම රෝගය ගැන කොහොමත් දැඩි අවධානයකින් තමා ඉන්නේ.

⭕සෙම පරීක්ෂා කිරීමෙන් රෝගය හොයාගන්න පුළුවන්. ඊට අමතරව ESR අගය ඉතාම වැඩිවීම, පපුවේ X ray එකේ වෙනස්කම් ඒම වගේ කාරණා රෝග නිර්ණයට උදව් වෙනවා.

⭕බහුතරයක් රෝගීන්ට එක දිගට අවම වශ්‍යෙන් මාස හයක් වත් ප්‍රතිකාර කරන්න වෙනවා. රෝගය වෙන අවයව වලට ගිහිල්ලා තිබ්බොත් සමහර විට ඔය කාලය වසරක් හෝ ඊට වඩා වුනත් දික්වෙන්න පුළුවන්.

⭕බාගෙට බේත් කරලා නතර කිරීම හෝ ප්‍රතිකාර නොගෙන සිටීම තමන්ම මරණ සහතිකය ලියාගන්නවා වගේ වැඩක්.

⭕මොකෝ ඔය රෝගය ප්‍රතිජීවක ඖෂධ නැතුව කවදාවත් හොඳ වෙන්නේ නෑ.

⭕ලෙඩේ කොච්චර සැරද කියනවනම් බේත් වර්ග හතර පහක්ම මුල මාස දෙකේදී එකට දෙනවා. ඉතිරි කාලයත් බෙහෙත් දෙක තුනක එකතුවක් තමා දෙන්නේ. දැන් නම් ඕවා ඔක්කොම එකට එකතු කරලා තනි ටැබ්ලට් එකේ එනවා.

⭕ඉහත සඳහන් කළා බෙහෙත් වලින් මොන කාණ්ඩයේ තෝරා ගන්නවද කියන එක තීරණය කරන්නේ පෙනහළු සම්බන්ධ විශේෂඥ වෛද්‍යවරයා.

⭕පෙනහළු වලට අමතරව වෙනත් අවයව රැසක මෙම රෝගය එන්න පුළුවන්.

✅වසා ග්‍රන්ථිවල
✅ප්ලූරා පටකයේ
✅හන්දිවල සහ අස්ථි වල
✅මොලයේ
✅බඩවැල් වල
✅මුත්‍රා ලිංගික පද්ධතියේ
✅හදවතේ පටක වල
✅තවත් අවයව වල

⭕වෙනත් අවයව වල ක්ෂය රෝගය ආවහම නම් සැලකිය යුතු අවස්ථාවලදී මාස හයකට වඩා වැඩි කාලයක් ප්‍රතිකාර ගන්න වෙනවා.

⭕දැන් අපි බලමු ඔය රෝගය හන්දි වලට බලපාන්නේ කොහොමද කියල.

⭕ක්‍රම කිහිපයකින් ක්ෂය රෝගය නිසා හන්දිවල ගැටලුවෙන්න පුළුවන්.

✅ආතරයිටිස් එන්න පුළුවන් එක විදිහක් තමා ක්ෂය රෝග බැක්ටීරියාව කෙලින්ම ගිහිල්ලා යම්කිසි හන්දියක තැන්පත් වීම.

✴️බහුලවම ඔහොම වෙන හන්දි තමා උකුල් හන්දිය, දනිස් හන්දිය කශේරුකා වගේ ඒවායේ. වෙනත් හන්දිවල පවා ඔහොම වෙන්න පුළුවන්.

✴️සාමාන්‍යයෙන් එක හන්දියක තමා ඔහොම වෙන්නේ.

✴️Potts disease තත්ත්වයේදි කශේරුකා වලට විශබීජය ගිහිල්ලා කශේරුකා දුර්වල වෙලා කශේරුකා බිඳ වැටීම නිසා සුසුම්නාවට පවා හානි වෙන්න පුළුවන්.

✴️වැඩිපුරම වෙන්නේ ලේ වලින් ඔය බැක්ටීරියා එක හන්ඳි වලට යන එක. තවත් අවස්ථාවලදී හන්දිය ආසන්න අස්ථියට ක්ෂය රෝග බැක්ටීරියාව වැළඳීම නිසා ඇතිවන ඔස්ටියෝමයලයිටිස් (osteomyelitis) තත්වය හරහා ආසන්න හන්දියට ක්ශය රෝග බැක්ටීරියාව පැතිරෙන්නත් පුලුවන්.

✴️කාලයක් පවතින හන්දි වේදනාව, හන්ඳි ඉදිමීම, කොන්ද කුදු වීම, කොර ගැසීම වගේ රෝග ලක්ෂණ දකින්න පුළුවන්.

✴️රෝග නිර්ණය සඳහා බොහෝ විට දී synovial biospy පරීක්ෂණයක් අවශ්‍ය වෙන්න පුළුවන්.

✴️ඊට අමතරව හන්දියේ වතුර පරීක්ෂා කරලා බලනකොට PCR සහ Culture පරීක්‍ෂණ පොසිටිව් වෙලා එන්න පුළුවන්.

✴️CT scan, MRI scan වලින් පවා රෝග නිර්ණයට ලොකු උදව්වක් ලැබෙනවා.

✅ක්ෂය රෝගය නිසා තවත් ආතරයිටිස් එන්න පුළුවන් විදිහක් තමා Poncet's Disease එහෙමත් නැත්තම් Reactive Arthritis associated with tuberculosis කියන්නේ.

✴️ඔය ආතරයිටිස් තත්වයේදී වෙන්නේ ඇගේ වෙනස් ස්ථානයක තියෙන ක්ෂය රෝග බැක්ටීරියාවට විරුද්ධව හැදෙන ප්‍රතිදේහ ගිහිල්ලා හන්දිවලට හානි කරන්න හදන එක. ඕක නිකන් හරියට අර චිකන්ගුණ්යා උණ හැදුනට පස්සේ ආතරයිටිස් එනවා වගේ වැඩක්.

✴️මෙම ආතරයිටිස් තත්වය රූමටොයිඩ් ආතරයිටිස් රෝගය වගේ එකවර හන්දි කිහිපයකට බලපානවා. ඒකට අපි කියන්නේ inflammatory polyarthritis කියලා.

✴️මෙම රෝගයේදී එකවර හන්දි වේදනාව සහ හන්දි ඉදිමීම උණත් එක්ක එනවා.

✴️නමුත් මෙම අවස්ථාවේදී හන්දියේ වතුර පරීක්ෂා කළොත් ක්ෂය රෝගය ආතරයිටිස් ආපු හන්දියේ නැති බව ඔප්පු වෙනවා. මොකෝ ලෙඩේ හැදෙන්නෙ ප්‍රතිදේහ හින්ඳනේ.

✴️ක්ෂය රෝගයට ප්‍රතිකාර කරපු ගමන් ආතරයිටිස් එක හොඳ වෙනවා.

✅ක්ෂය රෝගය තිබෙන රෝගීන්ට තවත් ආතරයිටිස් පුළුවන් විදිහක් තමා එම රෝගයට පාවිච්චි කරන Pyrazinamide කියන ප්‍රතිජීවක ඖෂධය නිසා ඇගේ uric acid කියන ද්‍රව්‍ය වැඩිවෙලාා එන Gouty arthritis තත්වය.

✴️නමුත් මෙම බෙහෙත පාවිච්චි වෙන්නේ මාස දෙකක් වැනි කෙටි කාලයක් පමණයි. ඉතින් ආතරයිටිස් එකට දෙන ප්‍රතිකාරත් සුළු කාලයකට සීමා වෙනවා.

✴️Pyrazinamide බේතට ආතරයිටිස් ආවොත් අපි ඒ බෙහෙත නතර කරන්නේ නැතුව ආතරයිටිස් එකට වෙනම ප්‍රතිකාර කරනවා.

✴️හැබැයි ඔය බෙහෙතට ආතරයිටිස් එක එන්නෙ නැතුව ඇගේ uric acid වැඩි වුන පමණින ප්‍රතිකාර කරන්න ඕනෙ නෑ.

✴️කොහොම හරි ක්ෂය රෝග ප්‍රතිකාරය දෙන්න උත්සහ කරන්න ඕනේ gout එකට ප්‍රතිකාර කරන ගමන්.

⭕අනික මතක තබා ගන්න ඕනේ වෙනත් ඕනෑම ආතරයිටිස් තත්ත්වයක් ක්ෂය රෝගියෙක්ට හැදෙන්න පුළුවන් කියන එක.

⭕ඔය එක එක තත්වයේදී දෙන ප්‍රතිකාරය එකිනෙකට වෙනස්. ඔය අවස්ථාවලදි නම් මෙම රෝගීන් අනිවාර්යෙන්ම හන්දි රෝග විශේෂඥ වෛද්‍යවරයෙක් බලාගන්න ඕනේ.

⭕ඔය අවස්ථාවෙද එන එක ගැටළුවක්තමා හන්දි රෝග වලදී සමහර වෙලාවට වැඩිවෙන ESR, CRP පරීක්ෂණ රෝගය නිසා කොහොමත් වැඩිවෙන එක. එතකොට එම පරීක්ෂණ පාවිච්චි කරලා හන්දි රෝගය යට යනවද නැද්ද කියල තීරණය කරන්නන බැහැ.

⭕අනික් කාරණාව තමා ආතරයිටිස් රෝගයකට ප්‍රතිකාරයක් ගන්න රෝගියෙක්ට ක්ෂය රෝගය වැළඳුනොත් ආතරයිටිස් රෝගයට දෙන ප්‍රතිකාර වෙනස් කරන්න ඕනෑ වෙන්න පුළුවන්.

⭕ Dr Aruna Caldera
සන්ධි සහ සන්ධි ආශ්‍රිත රෝග විශේෂඥ වෛද්‍යය
MBBS, MD, MRCP (UK), MRCP (RHEUMATOLOGY)
0714844644

05/12/2025

*මැරෙන් නැතුව බේරෙන්න*
*ඉක්මනට අපි ළගට එන්න*

🤟මේ දවස් වල කුඹුරුවැඩ , ගංවතුර, ගංවතුර හිදී ගිය නිවෙස් අස් පස් කරනකොට හම්බෙන්න පුලුවන් අමුත්තෙක් තමයි මේ.
තිත් පොළගා , ශ්‍රීලංකාවේ උග්‍ර විශ ගණයට අයත් සර්පයෙක්.

*_හොදට සිරුරේ තිත් රටා පිහිටීම ඇසට හුරු කරගන්න._*
කිරිබත් කැට දුඹුරු තිත් රටා
පිඹුරාගේ තියෙන්නේ අක්‍රමවත් තිත් රටා

⭕️පොළොං දෂ්ඨනයකට පසු.

‼️සපා කෑ තැන අධික වේදනාව/ ඉදිමීම කලුවීම සහ නොනවත්වා ලේ ගැලීම වෙන්න පුලුවන්.
‼️අධික උදරයේ වේදනාව.
‼️ඇස් බොද වී පෙනීම / දෙක දෙක පෙනිම.
‼️කලන්තය / කැරකිල්ල.
‼️උඩු ඇසි පිය පහතට කඩා වැටීම
‼️කෙල ගිලීමට ඇති අපහසුව.
‼️මුත්‍රා සමග ලේ පිටවීම.
‼️සිරුරේ අභ්‍යන්තර ලේ වහනය
‼️හුස්ම ගැනීමට අපහසුව. යනාදී රෝග ලක්ෂණ ගොඩක් සමග.
*මරණය පවා උරුම විය හැක.*

⭕️ඉතිං මොනම හේතුවක් නිසා හරි පෙර කරුමයක් නිසා හරි පොළගා කෑවොත් මොකද කරන්නේ??

❌කවදාවත් කාපු තැනට උඩින් තද කරලා බදින්න යන තකතීරු මෝඩ වැඩේ කරන්න යන්න එපා.

❌ගොඩ වෙද්දු සර්ප වෙද්දු කියාගන්න බුවාලා ගාවට ගිහින් ගල් තිලය මතුරන්නයි, හපපු තැන තෙල් ගාන්නයි , අඹරන්නයි, මිරිකන්නයි යන්න එපා.

✅කාපු තැන පුලුවන් හැකියාවක් තියෙනවානම් සබන් ගාල ගලා යන ටැප් වතුරෙන් හෝදන්න.සබන් ගාද්දී කාපු තැන මිරිකන්න අඹරන්න එපා, සුමට විදියටයි හෝදන්න ඕනේ.

✅ඉන් පසු හැකි ඉක්මනින් කකුල පහලට තියාගෙන ළගම රෝහලට රැගෙන එන්න.

✅පොළගා කෑවම බෙහෙත් ලංකාවේ බොහෝ රෝහල් වල තියෙනවා. ප්‍රතිවිශ-ANTIVENOM කියන්නේ ඒවට.ඉක්මනින්ම ප්‍රතිවිශ දුන්නොත් ඉක්මනින්ම ඔයාට ගෙදර යන්න පුලුවන්.

රෝගියාට පවතින රෝග ලක්ෂණ වලට අවශ්‍ය විදියට ප්‍රතිවිෂ දීලා, අනෙකුත් රෝග ලක්ෂණ ඒ ඒ විදියට කළමනාකරණය කරලා ඔයාව බේරගන්න පුලුවන් වෙන්න ඉක්මනට අපි ලගට එන්න.

ඉක්මන් කොටයි කීවට, මෙතනදි කොට නෑ..

සටහන -Dr.නිමේෂ් ( MBBS/FCAM)

05/12/2025

''Ahara Kukka '' _ NIRWISHA ( NON VENOMOUS)

09/07/2025

06/05/2025

වයස අවුරුදු 60ක විතර තාත්තා කෙනෙක්. හොඳට ම වැහැරිලා ගිහින්. ගොඩක් දුක් විඳින කෙනෙක් වගේ. සමහර විට හරි හමන් රස්සාවක් නැතුව ඇති. දරුවො සළකන්නේ නැතුව ඇති.

ඩොක්ටර් මගේ පුතා කුඩු බොනවා. දවසට රුපියල් 2000ක් විතර... අනේ දොස්තර මහත්තයෝ පින්සිද්ද වෙයි මට මේක නවත්තලා දෙන්න. කොල්ලත් කැමතියි මොනවහරි කරල මේක නවත්තගන්න.

ඩොක්ටර් මං දවසට පැකට් තුනක් ගහනවා. ගැහුවෙ නැත්තම් මුලු ඇඟම රිදෙනවා. කඳුලුත් එනවා. මේ ජරාවෙන් මිදෙන්න මොකක් හරි ක්‍රමයක් කියන්නකෝ.
මොකද්ද ඔයා කරන රස්සාව?
මං ත්‍රීවීල් දුවනවා සර්. කොහොම හරි බලන්නෙ හොරකං කරන්නේ නැතුව දවසට රුපියල් දෙදාහක් හොයාගන්න.

ඩොක්ටර් මං ජොබ් එක කරන්නේ අහවල් ඔෆිස් එකේ. මං මේ ජරාවට හුරුවුනේ යාලුවොත් එක්ක ට්‍රිප් එකක් ගිහින්. දැන් මගේ වයිෆුත් ගන්නවා. අපි දෙන්නටම මේක නවත්තගන්න උදව් කරන්නකෝ...

මං මාලු රස්සාව කරන්නේ. වාඩියේ දි මේකට පුරුදු වුනේ. දැන් මට මේව නැතුව බැහැ සර්. වයිෆ්ට ගිය මාසෙ බබා හම්බවුනේ. බුදුබව අත්වෙයි සර් මේක නවත්තගන්න ක්‍රමයක් කියන්නකෝ. මගෙ දරුවා ගැන හිතල හරි මට මේක නවත්තගන්න ඕනි සර්.

හෙරොයින්. සරලවම කීවොත් ජරාවක්. හිතාගන්නත් බැරි විදියට මිනිස්සු ඇබ්බැහි කරගැනීමේ බලයක් තියනවා. දවසක් ගන්න බැරිවුණොත් sick එක හැදෙනවා.

එවිට දරාගන්න බැරි විදියට මුළු ඇඟ ම රිදෙනවා. හරියට නින්ද යන්නෙත් නැහැ. නහයෙන් සොටු දියර නිමක් නැතිව ගලනවා, ඇස් වලින් කඳුලු එනවා, ඉතින් මෙහෙම දුක් විඳින්න බැරි හන්ද මෙයා ආයෙම හෙරොයින් ගන්නවා. එතකොට ඒ අමාරු ගතිය නැත්තට ම නැතිවෙලා යනවා. හැබැයි ඒ පැය 12ක් විතර යනකම් විතරයි ආයේ ගත්තෙ නැත්තම් ආයෙත් sick එක.

ගොඩ දෙනෙක් ට හෙරොයින් ගන්න එක නවත්වන්න ඕනි වුණත් එයාලට ඒක කරගන්න බැරි ඔන්න ඕකයි.

ඒත් ඇත්තම කීවොත් මේ ඇබ්බහියෙන් අත් මිදෙන්න ඒ හැටි අමාරු නැහැ.

සමහර doctors ලා හෙරොයින් ඇබ්බැහිය ට ප්‍රතිකාර කරනවා.

මේකෙදි සරලව ම වෙන්නේ sick එකේ ලක්ෂණ වලට විරුද්ධව බෙහෙත් දෙන එක. ඒ කිව්වෙ මේකයි. ඇඟ පත රිදෙන එකට ටිකක් සැර වැඩි pain killer එකක් දෙනවා. නින්ද යන්නේ නැති එකට සැර වැඩි නිදි බෙහෙතක් දෙනවා. හොටු, කඳුළු එන එක නවත්තන්න තව බෙහෙතක් දෙනවා.

ලෙඩාට කියනවා හෙරොයින් වෙනුවට මේ බෙහෙත් ගන්න කියලා. සතියක් විතර මේවා බීලා නැවැත්තුවා ම වැඩේ හරි. මේ බෙහෙත් සතියක් ගත්තා කියලා බෙහෙතට ඇබ්බැහි වීමක් වෙන්නෙත් නැහැ, නැවැත්තුවාට sick එකක් එන්නෙත් නැහැ. එතකොට බෙහෙත් නවත්තපු ගමන් වැඩේ හරි. Sick එක එන්නේ නැති නිසා මෙයාට ආයෙම හෙරොයින් ගන්න ඕනි වෙන්නේ නැහැ.

දැන් ඔයාල බලයි කොහෙද මෙහෙම treat කරන තැන් තියන්නේ කියලා.

ඔයාගේ ගෙවල් ළඟ ඉන්න doctor ගෙන් අහන්න එයා සමහර විට හෙරොයින් ඇබ්බැහියට ප්‍රතිකාර කරනවා ඇති. එහෙම නැත්තම් එයා එහෙම තැනකට ඔයාව යොමු කරයි.

මේ කියන බෙහෙත් ටික ගන්න හෙරෝයින් ගන්නවා තරම් මුදලක් යන්නේ නැහැ.
ඒ වගේ ම පෙති,ගුලි,injection වගේ වෙනත් අත්මිදෙන්න අමාරු ඇබ්බැහි වලටත් මේ බෙහෙත් හරියනවා.

මනෝ වෛද්‍යවරයකු සිටිනා රජයේ රෝහලක දී ත් ඔබට මෙම සේවාව ලබා ගත හැකිය.

මේ post එක අනිවාර්‍යයෙන් ම share කරන්න. මේ කියන දේ වැදගත් වෙන ගොඩ දෙනෙක් පොස්ට් එක කියවලා ප්‍රතිකාර වල ට යොමුවෙයි. නැතිවෙලා වල්මත් වෙලා තියන එයාගෙ ජීවිතේ හදාගන්න එයාලට පුළුවන් වෙයි. ඒ පිනෙන් කොටසක් ඔයාලටත් අයිති වෙයි.

Post එක හොඳ නම් like කරන්න වගේ ම ඔයාලට හිතෙන දේ ත් comment කරන්න.

17/04/2025

Doxy

06/04/2025

Littmann Classic II - No Respiratory Sound on Auscultation Repair & Service Done

_NOW IN BRAND NEW CONDITION _

*Don’t discard your old stethoscopes and waste your money!* At MiniMeditec, we transform your trusted instruments into brand-new condition using high-quality genuine materials, precision laser name engraving, and our full guarantee assurance.

*OUR SERVICES ON YOUR STETH !*

1)Chest piece repair & replacement
2)Tube repair and replacement (High tube vaccum suctioning & chemical treatments)
3)Ear rings repair and replacement
4)Diaphragm / Ring repair and replacement
6)Tube valve repair
7)No Noice repair
8)LAZER Engraving

Contact us anytime via our 24/7 hotline or *WhatsApp at 0785681109* for uninterrupted service.

See 1st comment to more info :
Thank you!

28/03/2025

භූගෝලීය දිව | ɢᴇᴏɢʀᴀᴘʜɪᴄ ᴛᴏɴɢᴜᴇ


වයස 35 ක කාන්තාවක් මගේ සායනයට උගුර රිදෙනවා , නිකන් කෑම කද්දි වතුර ගිලිද්දී උගුර දනවා කියාගෙන ආවේ. මිරිස් දාලා කෑමක් කද්දී ඉන්නම බෑ දිව දනවා කිව්වා.හැමෝටම මේ දවස්වල කැස්ස හෙම්බිස්සාව නිසා වෛරස් එකක් උගුරට ආසාදනය වෙලා කියලා හිතලා උගුර පරීක්ෂා කරන්න හැදුවා.

මේ එහෙම බලද්දී තිබ්බ දේ? මොකක්ද මේ....මට හම්බුන දෙවෙනි කේස් එක.

භූගෝලීය දිව (Benign Migratory Glossitis, Erythema Migrans) යනු ජනගහණයේ 3% ක් පමණට බලපෑමක් ඇති බවට සැලකෙන රෝගයකි. මෙය දිව මත දිලිසෙන, රතු පැහැති ස්ථාන සහ වික්‍රමණශීලී සුදු සීමා ඇති, සිතියමක් මෙන් පෙනෙන ආකාරයකින් හඳුනාගත හැකිය.

මෙම තත්වය පවුල්මය ප්‍රවණතාවයක් ඇති අතර, සමේ රෝගයකු වන සොරයිසිස් (Psoriasis) සමඟ සම්බන්ධතාවයක් තිබිය හැකි නමුත් වෙනත් පැහැදිලි හේතුවක් සොයාගෙන නොමැත.

බොහෝ රෝගීන්ට කිසිඳු ලක්ෂණයක් නොදැනේ, නමුත් සමහරුන්ට දිවේ දැවිල්ලක් සහ විශේෂයෙන් කිසියම් ආහාරවලට සංවේදීතාවයක් විය හැක.

මෙය දැක්ක විට බිය විය යුතු නැත, මන්ද මෙය අහිතකර නොවන තත්වයකි. නමුත් දිව දැවිල්ලක් හෝ අපහසුතාවයක් තිබේ නම් සුදුසුකම් ලත් වෛද්‍යවරයෙකුගෙන් වෛද්‍ය උපදේශනයක් ලබාගන්නා ලෙස නිර්දේශ කරයි.

Dr.NIMESH
(MBBS-Kelaniya,Srilanka)

22/03/2025

ලංකාවේ රජයේ රෝහලක ඇති එකම එක CARDIAC CT (CT CORONARY ANGIOGRAM UNIT එක ??

10/03/2025

Cardiac CT coronary Angiogram