Citizens Hospital & Laboratory

01/08/2025

29/07/2025

05/07/2025

දැනුමෙන් පොහොසත් හෙද පරපුරක් සමාජයට දායාද කරනු පිනිස වෛද්‍ය ප්‍රභාත් ලියනගේ මහතා විසින් පවත්වනු ලබන රුධිර පීඩනය සම්බන්ධ දැනුවත් කිරීමේ වැඩමුලුව අද දින (05/07/2025) සිටිසන් රෝහල් කාර්ය මණ්ඩලය ඇතුලු iva pera medical campus සහ royal lanka institute වැඩබිම් පුහුනු ලමුන් සදහා ඉතා සාර්ථකව පැවැත්වුනි..

13/05/2025

වෛද්‍ය ප්‍රභාත් ලියනගේ මහතාගේ මූලිකත්වයෙන් සිටිසන් රෝහල් කාර්ය මණ්ඩලය විසින් වාර්ෂිකව පවත්වන ලබන අයිස්ක්‍රීම් දන්සල අද දින සාර්ථකව පවත්වන ලදී..

12/05/2025

ඔබ සැමට සුභ වෙසක් මංගල්‍යයක් වේවා..

05/05/2025

කලුතර වස්කඩුව බන්ඩාරගම වාද්දුව ...
ඔබ සැමට ආරාධනා..

14/04/2025

UNITED SPORT CLUB 🏏🎖️🏆
2025 වර්ෂය සඳහා එක්සත් ක්‍රීඩා සමාජයේ B කන්ඩායමේ නිල ඇඳුම් සදහා අනුග්‍රාහකත්වය ලබා දීමට Citizen Hospital අපට අවස්ථාව ලැබුනි..සුබ පැතුම්..

13/03/2025

ඔබටත් වාහන වල යනවිට හිසරදය , වමනය ඇතිවෙනවානම් මෙය කියවන්න✅✅✅

🔯මෝෂන් සික්නස් ( Motion sickness)

✅මෝෂන් සික්නස් ( Motion sickness)යනු මෝටර් රථයකින්, බෝට්ටුවකින්, ගුවන් යානයකින් හෝ දුම්රියකින් ගමන් කරන විට කරකැවිල්ල , වමනය සහ තවත් රෝග ලක්ෂණ දැනිමයි

🔯මෝෂන් සික්නස් ( Motion sickness) ලක්ෂණ

ක්ලාන්තය
ඔක්කාරය
කටට වැඩිපුර කෙල ඉනීම
වමනය
හිසරදය
සීතල සහ සුදුමැලි වීම දැනේ
දහඩිය දැමීම

🔯 මෝෂන් සික්නස් ( Motion sickness)ඔබම අඩු කරගන්නේ කෙසේද?

🔆චලනය අඩු කරන්න - වාහනයක ඉදිරිපස වාඩි වි යන්න

🔆 කෙළින්ම ඉදිරිය බලාගෙන යන්න, දෙපැත්ත බලන්න එපා
ඉදිරියේ ඇති ඇස් මට්ටමෙ දෙවල් පමනක් බලන්න

🔆 ඔබේ ඇස් වසා ගැනීමට, උත්සාහ කරන්න.

🔆හැකි නම් නැවුම් වාතය ආශ්වාස කරන්න - උදාහරණයක් ලෙස, වාහනයෙ කවුළුවක් විවෘත කිරීමෙන්

🔆ඔබේ හුස්ම ගැන අවධානය යොමු කරමින් ඔබේ ඇස් වසා සෙමින් හුස්ම ගන්න

🔆කතා කිරීමෙන්, සංගීතයට සවන් දීමෙන් හෝ ගීත ගායනා කිරීමෙන් දරුවන්ගේ අවධානය වෙනතකට යොමු කරන්න

🔆එක දිගට දිග ගමනක් යනවානම් අතර මැද කිහිප ස්තානයකින් නවත්වා ,වහනයෙන් බැස ටික වේලාවක් සිට ගමන කොටස් වලට කඩා ගන්න

🔯 ඉඟුරු සහිත බිස්කට් , තේ පානය කරන්න
ඉඟුරු මූල ☑️☑️
ඔක්කාරය සඳහා බහුලව භාවිතා වන පිළියමක් වන ඉඟුරු මූල බොහෝ විට ලොසින්ජස්, තේ, බිස්කට්, ඉගුරු ටොෆි ලෙස ගත හෑක.


❌මේ දේවල් කරන්න එපා

🔆 පොත් ,පත්තර කියවීම, චිත්‍රපට නැරඹීම හෝ ඉලෙක්ට්‍රොනික උපකරණ, ෆොන් භාවිතා නොකරන්න

🔆 මෝටර් රථ පසුකර යාම හෝ රළ පෙරළීම වැනි චලනය වන වස්තූන් දෙස නොබලන්න

🔆ගමනට ටික වේලාවකට පෙර හෝ ගමන් අතරතුර බර ආහාර, කුළුබඩු සහිත ආහාර හෝ මත්පැන් පානය නොකරන්න

🔆 ආහාර ගැනිමෙදි කුඩා ප්‍රමාන වලින් ගන්න

🔆හදිසි හෝ වේගවත් හිස හැරවිමෙන් වළකින්න, ඔබට හැකි නම්, ඔබේ ආසනය පිටුපස ඔබේ හිස තබා ගන්න හෝ ඔබේ ඇස් වසාගෙන නිදාගන්න.

🔯මෝෂන් සික්නස් ( Motion sickness) හේතුව කුමක්ද

🔆වාහනයක වංගු හරහා යාම හෝ බෝට්ටුවක, ගුවන් යානයක හෝ දුම්රියක ඉහළට පහළට ගමන් කිරීම වැනි ගමන් කිරීමේදී නැවත නැවත චලනයන් මෝෂන් සික්නස් ( Motion sickness)

🔆අභ්‍යන්තර කන ඔබේ ඇස්වලින් දකින විවිධ සංඥා ඔබේ මොළයට යවයි. මෙම ව්‍යාකූල පණිවිඩ මඟින් ඔබට මෝසන් සික්නස් ( Motion sickness) ඇති විය හැකිය.

🙏මෙම රෝගය ඔබට තිබෙනම් ගමන් යාම නවත්වන්න එපා මේ සදහා බෙහෙත් තියෙනවා , මෙ බෙහෙත් පෙති මුදලින් ඉතාමත් අඩුයි,

📵ගමන පටන් ගන්න මිනිත්තු තිහකට පෙර පලමු මාත්‍රාව ගන්න,
ඉලග මාත්‍රා

🌐පෙනගර්න්(promethasine) නම් ඉන්පසුව පැය 12 කට වරක් ගතයුතුයි.
🌐 සිනරසින් (cinaracine) නම් පැය 8 කට වරක් ගත යුතුයි .
මීට අමතරව තවත් බෙහෙත් වර්ග කිහිපයක් ඇත,
👍👍ඔබේ වෛද්ය වරයාගෙන් බෙහෙතේ නම සහ ගත යුතු මාත්‍රාව පිලිබද දැන ගන්න , වැඩි හිටි අයට සහ කුඩා අයට ගතයුතු බෙහෙත් ප්‍රමාණ (මාත්‍රාව)වෙනස් බව සලකන්න .🙏

✅✅ඉහත ක්‍රම සහ අවශ්‍යය නම් බෙහෙත් පාවිච්චි කර නිතර වාහන වල කාලයක් ගමන් කිරිමෙන් මෙම රොගය ඉබේම සුව වේ.

🔰කායික රෝග පිලිබද විශේෂඥ වෛද්ය
බන්දුල සත්කුමර, ශික්ෂණ රෝහල, කුලියාපිටිය
( උපුටා ගැනීම , වෛද්‍ය බන්දුල සත්කුමර මුහුනු පොතෙන් )

28/02/2025

⛔ පමාව පසුතැවීමට මුලයි
අනිවාර්යයෙන්ම කියවන්න ..

අනේ සිරි කඩේ ගියාම මට හොඳ ගස්ලබු ගෙඩියක් ගෙනත් දෙන්නකෝ. මගේ බඩ හොඳටම වේලලා. ටොයිලටි ගිහාම ලේ ටිකකුත් පිටවෙනවා.

ඒක බල බල ඉන්න හොද ලෙඩක් නෙවෙයි ඉක්මනටම ඩොක්ටර් කෙනෙක් හම්බවෙන්න යමු.

අනේ මට මේ වැඩ එක්ක වෙලාවක් නෑ. හැමදාම හවසට දූවට ටියුෂන් තියෙනවා. හොඳට පළතුරු කාලා වතුර බීල හිටියම ඕක හරි යයි.

එසේ හය මාසයක් ගත විය.

සිරි දැන්නම් මට හොඳටම අමාරුයි වගේ. කෑම කාපු ගමන් බඩ පුරවලා දානවා. ටොයිලට් යනවා හොඳටම හොරයි. තවම ලේත් පිටවෙනවා.

මම ඔයාට කිව්වනේ ශීලා. අදම ඩොක්ටර් කෙනෙක් චැනල් කරලා යමු.

ආ,මිසිස් පෙරේරා, මොකක්ද අමාරුව?

අනේ doctor දැන් හය මාසෙක විතර ඉඳලා, මගේ බඩ වේලනවා, ලේත් යනවා. ඉක්මනින්ම බඩ පිරෙනවා. කෑම පිරියත් අඩුයි.

ආ එහෙමද මල පහ වල හැඩයේ වෙනසක් තියෙනවද? ටොයිලට් ගියාට පස්සේ ආයෙත් යන්න ඕනේ වගේ ගතියක් එනවද?

එහෙමයි doctor.

ඇයි ඉතින් මෙච්චර දවස් ආවේ නැත්තේ? මාස හයක් කියන්නේ කොච්චර කාලයක් ද?

අනේ ඩොක්ටර් මගේ දුවගේ විභාගේ තිබුණා.එන්න වෙලාවක් තිබුනෙ නෑ.

මිසිස් පෙරේරා කොච්චර වැඩ තිබුණත් තමන්ගේ සෞඛ්‍ය ගැන බලන්න ඕන නේද?

අනේ doctor දැන් මොකද කරන්නේ?

මම දැන් බඩවැලේ පරීක්ෂාවකට (colonoscopy) ඔයාව ඇතුළත් කරගන්නවා. මේ මම දෙන බෙහෙත් ටික අරගෙන කියන දවසට ශල්‍යාගාරයට එන්න.

සති දෙකකට පසුව ශීලා, පරීක්ෂණයේ ප්‍රතිඵල බැලීම සඳහා වෛද්‍යවරයා හමුවට ගියාය.

ආ එන්න එන්න මිසිස් පෙරේරා. ප්‍රතිඵල නරකම නෑ. මම මහ බඩවැලේ ගෙඩි කීපයක් අරන් දැම්මා. එයින් ගෙඩි දෙකක් පසුවට පිළිකාවකට එන්න තිබුණු ගෙඩි. දැන් ඉතින් බය වෙන්න දෙයක් නෑ. ඒත් ඔයා තව අවුරුදු තුනකින් පමණ මේ පරීක්ෂණයට නැවත එන්න ඕනේ.

අනේ ඩොක්ටර් ට බොහොම ස්තූතියි.මම හොඳටම බයේ හිටියේ. මට මේ බඩවැලේ පිළිකා ගැන තව ටිකක් දැනගන්න පුලුවන්ද?

ඔව්,ඔව් මම කියලා දෙන්නම්.

මහ බඩවැලේ පිළිකා ලෝකයේ පිළිකා වලින් තෙවැනි තැන ගන්නවා. ඒ වගේම මරණය ගෙන දෙන පිළිකාවලින් දෙවැනි තැන ගන්නවා.

එතකොට doctor මොන වගේ අයටද වැඩිපුර මේ පිළිකාව හැදෙන්නේ?

1. වයස පනහේ සිට 75 දක්වා, බඩවැලේ පිළිකා සැදීමේ අවදානම වැඩි වෙනවා.

2. පවුලේ ළඟම ඥාතීන්ට පිළිකාව තිබුණා නම් අවදානම වැඩියි.

3.ulcerative colitis, Crohn's disease වගේ මහා අන්ත්‍රයේ ඇතිවන රෝග ඇති අයට අවදානම වැඩියි.

4. බඩවැලේ ගෙඩි තිබුණු අයට

5. පරම්පරානුගත පිළිකා රෝගයෙන් පෙළෙන අයට.

6. දියවැඩියා රෝගයෙන් පෙළෙන අයට ( diabtes type 2) අවදානම වැඩියි.

තවත් වළක්වා ගත හැකි අවදානම් තත්ත්ව තිබෙනවා

1. තරබාරු බව

2. දුම්බීම

3. මධ්‍යසාර පානය

4. ඌරු මස් හරක් මස් ආදී මාංශ සහ සොසේජස් වැනි පිළියෙල කරන ලද මාංශජනක ආහාර වැඩිපුර ගැනීම.

5. ව්‍යායාම නොකිරීම.

ඉතින් doctor මේ රෝගය වළක්වා ගන්න පුළුවන් කම තියෙනවා ද?

ඔව්

1. දිනපතා ව්‍යායාම වල යෙදීම.

2. දිනපතා පලතුරු වර්ග සහ එළවළු ආහාරයට ගැනීම

3. කොහිල වැනි කෙඳි අධික ආහාර නිතර ගැනීම.

4. කිරි ආහාර කැල්සියම් අවශ්‍ය ප්‍රමාණයෙන් ගැනීම.

5. ෆෝලික් ඇසිඩ් සහිත ආහාර ගැනීම.

6. ශරීරයේ විටමින් ඩී පදාර්ථය අවශ්‍ය ප්‍රමාණයෙන් තබාගැනීම.

ඒ වගේම අවුරුදු 50 ට පසු අවුරුදූ දෙකකට සැරයක් FOBT(fecal blood test) පරීක්ෂණය කර ගැනීම.

පවුලේ ලඟම ඥාතීන් අතර අවුරුදු 45 ට පෙර බඩවැලේ පිළිකා තිබුණේ නම් ඔවුනට පිළිකා හැදුණු වයසට අවුරුදු දහයකට කලින් සිට තමන් colonoscopy පරීක්ෂාව කර ගත යුතුයි.

මහා බඩවැලේ පිළිකා මුල් අවස්ථාවේදී හඳුනා ගැනීමෙන් අවුරුදු පහක් පිලිකාවෙන් තොරව ජීවත්වීමේ අවස්ථාව 90% වේ (5yr survival rate).

අනේ doctor ඔබතුමාට බොහොම ස්තුතියි. මම මේ තොරතුරු මගේ පවුලේ අනිත් අයටත් යහළු යෙහෙළියන් හැමෝටමත් දන්වන්නම්. ඒ වගේම වැසිකිළි යාමේ වෙනසක් ඇත්නම් පුළුවන් ඉක්මනින් වෛද්‍යවරයෙකු හම්බ වීමේ වැදගත්කම අවධාරණය කරන්නම්.

වෛද්‍ය හිමානි අබේරත්න.

උපුටා ගැනීමකි

26/02/2025

Evaluation OSCE test for Trainee nurses..
Citizens Hospital & Laboratory

Congratulations Miss Sithmi Nimasha..
1st place of the exam

16/02/2025

Nightingale Nurses Training Institute සහ IVA Para Medical Campus Panadura හෙද පාඨමාලා හදාරන සහ පුහුනූව ලබන සිසුන් උදෙසා අද දින (2025/02/16) පවත්වනු ලැබූ දේශනය අතරතූර..

10/02/2025

පිටගැස්ම ගැන දැනුවත් ද? එන්නත විදපු කාලයක් මතක නැත්ද ?

පිටගැස්ම රෝගය ඇතිවන්නේ “ක්ලොස්ටී‍්‍රඩියම් ටෙටනි” නම් බැක්ටීරියාව මගිනි. මෙම බැක්ටීරියාවේ බීජාණු වියලි පසේ වසර ගණනක් නොනැසී පවතී. සමහර බීජාණු නටන ජලයේ විනාඩි 90 ක් පමණ නොනැසී ජීවත් වන බව කියයි.

මෙම පිටගැස්ම බැක්ටීරියාව සොයා ගන්නා ලද්දේ කීටසාටෝ ශිබැසිබුරෝ නම් ජපන් ජාතිකයායි.ක්ලොස්ටී‍්‍රඩියම් ටෙටනි මිනිස් සිරුර තුළට ඇතුළුවන්නේ හම මතුපිට ඇතිවන අලුත් තුවාල ඔස්සේය. සමේ ගැඹුරු තුවාල ඇත්නම් ටෙටනස් රෝග බැක්ටීරියාව පහසුවෙන් බෝවේ.

මීට ප‍්‍රධානම හේතුව නම් ටෙටනි බැක්ටීරියාව බෝවීම සඳහා අවශ්‍ය නිර්වායු පරිසරයක් ගැඹුරු තුවාලයක පිහිටා තිබීමයි. ඒ ඔස්සේ රුධිර ධාරාවට පිවිසෙන ක්ලොස්ටී‍්‍රඩියම් ටෙටනි රෝගියාගේ ජීවිතයට මරණය පවා කැඳවාගෙන එයි.

තුවාල වලින් විතරද පිටගැස්ම හැදෙන්නේ?

තුවාලවලට අමතරව රෝගය ඇතිවිය හැකි තවත් මාර්ග ලෙස

කණ විදීම
නාස් විදීම
චර්ම ඡේදනය කිරීම
උල් ඇණ ඇනීම
යන්ත්‍රෝපකරණ වලින් තුවාල වීම යන ඒවා දැක්විය හැක.
රෝග ලක්ෂණ

සාමාන්‍යයෙන් පිටගැස්ම රෝග ලක්ෂණ මතුවීම ඇරඹෙන්නේ දින 6 – 12 දක්වා වූ බීජෞෂණ සමයකින් අනතුරුවයි. සිරුරේ ගැඹුරු තුවාල වලදී ක්ලොස්ටී‍්‍රඩියම් ටෙටනි ස‍්‍රාවය කරන විෂ මිනිසාගේ ස්නායු පද්ධති හරහා සුෂුම්නාවට ගමන් කරයි. එවිට ස්නායු ආවේග පාලනයකින් තොරව ක්‍රියා කරයි.

මෙහි ප‍්‍රතිඵල ලෙස

උණ
ගිලීම අපහසු වීම
ඉච්චානුග පේෂි ඉතා වේදනාකාරීව සංකෝචනය වේ. මෙහිදී බොහෝවිට හණු තදවීමක් ඇතිවීම දැකිය හැකිය.
සිරුරේ හා අත්පාවල හටගන්නා අධික වේදනාව හා ගැස්ම

රෝගය වළක්වාලීම හා ප‍්‍රතිකාර

පිටගැස්ම එන්නත

පිටගැස්ම රෝගය වළක්වාලීමට පිටගැස්ම එන්නත භාවිතා කරනු ලබයි. මෙය තුවාලය සෑදුනු විගස ලබා දේ.

ළමා ප‍්‍රතිශක්තිකරණ වැඩසටහනට අනුව පිටගැස්ම, කක්කල් කැස්ස, හා ගලපටලය සඳහා ති‍්‍රත්ව එන්නත් මාස 3 දීත් ඉන්පසු අධිප‍්‍රතිශක්තිකරණ එන්නත් පළමු මාස 5 හා ඉන් අනතුරුව මාස 9 – 11 දීත් දෙනු ලැබේ. ඉන්පසු වසර 10 කට වරක් අධි ප‍්‍රතිශක්තියක් ලබාදිය යුතුය.



පෙනිසිලින්, එරිත්‍රොමයිසීන් වැනි ප‍්‍රතිජීවක බැක්ටීරියා වර්ධනය අත්හිටුවීමට හෝ බැක්ටීරියා සෛල විනාශකිරීමට යොදා ගැනේ.



පිටගැස්ම රෝගය තවකෙනෙකුගෙන් තවත් අයෙකුට බෝ නොවේ. ආසාදනය වෙන්නේද නැත.