Mediq Nutraceuticals

12/11/2025

STROKE

Boko joalo ka likarolo tse ling tsa 'mele, bo hloka phallo ea mali e nepahetseng h**e matsoai (nutrients) le oxygen li fihle hantle.

Ha hoka hoa eba le t'sitiso ea phallo e nepahetseng, e kaba lehloele(clot) le koalang methapo e fepelang boko kapo ho phahloha ha methapo e joalo hoo mali a lutlelang ka hare ho boko(intracerebral hemorrhage) kapo ka hare ho mara(MENINGES) a phuthetseng boko(subarachnoid hemorrhage), mali ha tlo fihla hantle bokong 'me likaroloana tsa boko li qalella ho shoa ka mora metsotso e ka tlase ho e supileng (within 7min).Ho shoa hono ho bitsoa STROKE.

Mat'soao a eba teng ho latela na ho shoele karoloana e feng ea boko e laolang likarolo li feng tsa 'mele.

Mohlala, ha ho koalehile mothopo oa Anterior cerebral artery o fepelang karoloana tsa boko tse laolang maoto(sensory and motor functions of lower extremities), re ka bona maoto a sitoa ho tsamaea( impaired movement), a sitoa ho tia kapo ho ema, a se a shoele boikutlo kapo re kare motho ha asa ikutloa (loss of sensation).

LINTHO TSE KA U BEHANG TLOKOTSING:
• Phallo e holimo ea mali (mothapo o ka phahloha, ha ngata e bonahala ka ho tsoa mokola ka linkong)

• Mafura( a koala mothapo)
• Koae( e senya methapo hoo e ka koalehang)
• Tsoekere e sa laoleheng (e senya methapo le eona)
• Letsoai le lengata(le nyolla phallo ea mali)
• Lilemo(55 years and above)
• Khatello ea maikutlo ea nako e telele (e nyolla phallo ea mali)
• Lefutso

le tse ling

MAT'SOAO:
•Sefahleho se oelang ka lehlakore le leng(face drooping) kapo ho sotheha molomo
• Matsoho le maoto a hanang ho sebetsa
• Ho shoa bohatsu kapo ho se ikutloe likarolong tse ling tsa 'mele
• Ho sitoa ho bua hantle
• Hlooho
• Pono e lerotho
• Ho hlatsa(due intracranial bleeding)

Le amang

HLOKOMELA TSELA EO U JANG KA EONA!!!
TSEBA PHALLO EA HOA EA MALI LE HA U SA KULE!!!

12/11/2025

U tseba hakae ka STROKE?

Tonight re tlo bua ka sona hona mona!

10/11/2025

If you ever think you're going through a lot in this life. Molimo a be le moshanyana 💝💞

Re beha abuti Ts'epo lithapelong ha a qala kalafo ea radiation. Ts'epo o fumanoe a e nale mofets'e oa boko o bitsoang Medulloblastoma khoeling tsa ho feta.

Lena ke leeto la Ts'epo!

"Ts'epo o qalile a lla ka bohloko ka mpeng ka April, ebile a hlatsa. Re ile ra moisa clinic, empa ho sebe phetoho. Re qeteletse re moisa Queen 11(Maseru District Hospital), a se a lla leka hlooho e bohloko. O ile a fuoa litlhare ra khutlela hae, empa tsa se mothuse. Re ile ra mokhutlisetsa Queen 11 hape, a se a sa tsebe ho tsamaea, a se a akheha. Phetoho ha eaka eaba teng.

Ka mora makhetlo re ntse re moisa lingakeng, Queen 11 e ile ea etsa qeto ea ho mofitisetsa Queen Mamohato, moo ho ileng hoa etsoa liteko, tse ileng tsa hlaisa a nale tumor bokong. Queen Mamohato e ile ea mofitisetsa bloemfontein, moo a ileng a etsoa surgery tumor eo ea tlosoa." Motsoali

Ts'epo o fumane kalafo ea surgery le chemotherapy, ha joale o qala radiation.

05/11/2025

DEHYDRATION INDUCED HEADACHE

HO HLOKA METSI A LEKANENG 'MELENG HO U BAKELA HLOOHO JOANG???

Boko bo ahiloe 75-85% ka metsi 'me bo etsa 1.5kg on average ho motho a moholo.

Ke karoloana e hlokolosi haholo, ha hoka hoaba le liphetoho tse fokolang fela, boka ameha haholo.

Bo phuthetsoe ke mara a bitsoang MENINGES 'me ke ona a bo khorametsang ho lehata(SKULL). Ha hoka hoa etsahala metsi a fokole(dehydration), kaha bo ahiloe boholo ka metsi, bo a nyenyefala(shrinks), 'me taba eno eka etsa bo hule mara(MENINGES) ane a it'soarelelitseng ho lehata.

Mara ana a ena le methapo-kutlo ea bohloko(pain receptors/nerve endings) e hlokolosi haholo, haholo ea mothapo-kutlo o bitsoang TRIGEMINAL NERVE(CRANIAL NERVE V).

Tsena tsohle li etsa h**e mothapo-kutlo ona o nke bohloko ho bo isa ho likarolo tse ling tsa boko joalo ka THALAMUS le CEBEBRAL CORTEX mo bohloko bo joalo bo tlang ho nkoa(interpret as) e le hlooho(headache).

Kantle ho moo, boko bo etsa motlakase (ACTION POTENTIALS) h**e melaetsa (NERVE IMPULSES) e tsebe hoba teng eleng tsela eo bo sebetsang ka teng ho laola 'mele ka kakaretso.

Motlakase 'ona o fehloa ka t'sebeliso ea matsoai(ELECTROLYTES) a kang SODIUM,POTASSIUM,MAGNESIUM le amang.

Matsoai ana a lokela ho ba ka litekanyo tse nepahetseng. Ha metsi a fokola, litekanyo tse joalo lia senyeha 'me hoba le ho bitsoang ELECTROLYTE IMBALANCES eleng hoo le hona ho ka bakang hlooho.

E'ngoe ke ea h**e ha metsi a fokola potoloho ea mali e ea ameha (leads to poor blood circulation to the brain) 'me sena seka etsa h**e matsoai (nutrients) a se fihle bokong ka nepo ; ke moo motho a ka t'soaroang ke hlooho, a sita tsepamisa maikutlo (poor focus) , a khathala, a nyoroa, a tsekela le tseling.

HOPOLA HO NOA METSI LE HA U SA NYOROA!!!

03/11/2025

Healthcare reformation requires fostering patrnerships in Lesotho. If not us, then who? This was yesterday.

01/11/2025

SCIATICA ( BOHLOKO BO TLOHANG THEKENG BO THEOSA KA LEOTO)

Letheka ke moo mokokotlo o fellang, joale hona le mothapo-kutlo (sciatic nerve) o tsoang o theosa ka leoto. Ha hoka hoaba le eng kapo eng e ka amang mothapo-kutlo 'ona, e ka o bakela bohloko, 'me taba eno e bitsoa SCIATICA or LUMBAR RADICULOPATHY.

Metso ea mothapo-kutlo ona e hlomela lipakeng tsa tsa masapo a mokokotlo(from spinal cord). Lipakeng tsa masapo moo, hona le lintho tse bitsoang vertebral discs tse etsang masapo a se hohlane, mokokotlo o khone ho kobeha le ho koboloha le ho balancer boima.

Ka tlholeho li VERTEBRAL DISC tsena ekare letsopa le phuthetsoeng ka hare ho plastic (they're jelly-like). Ha hoka etsahala DISC e penyehe haholo ke masapo a mokokotlo(herniated disc), e tsoela-pejana ebe e penya METSO EA MOTHAPO-KUTLO ONA(SCIATIC NERVE COMPRESSION) 'me taba eno e baka bohloko bo chachametsang botheosa ka lirao, lirope ka morao ho leba maotong. Mat'soao amang e kaba ho shoa bohatsu kapo ho hlajoa le linalete thekeng, liraong, liropeng kapo maotong

TSE LING TSE KA AMANG MOTHAPO-KUTLO 'ONA:
•T'sut'su(muscle) e bitsoang piriformis muscle(eka penya mothapo-kutlo)
• Tsoekere e sa laoleheng(uncontrolled DM)
•'Mele o boima (obesity)
•Ho koba le ho kobolla letheka hampe(poor body mechanics)
• Mosebetsi o amang mokokotlo oa hao joalo ka ho khanna sethuthu(motorcycle) nako e telele kapo ho jara ka mokokotlo.

• Arthritis ea mokokotlo ka ha ho kaba le masatsoana a hlahang(osteophytes) a ka penyang kapo ho khumula mothapo-kutlo 'ona.

Le tseling

SEBELISA LITLAMA TSENA:
•St john's wort
•Cape chamomile leaves (Sehalahala-sa-matlaka )
•Mullein verbascum (Setalane)
• Ashwagandha root (Mofera-ngope)

Omisa, sila u li arohantse, kopanya ka litekanyo tse lekanang, khaha motsoako ka half ea teaspoon, t'sela ka hara cup ea 250ml ebe u t'sela metsi a belang u noa hoseng le mantsibua pele ho lijo nako ea khoeli tse tharo.

28/10/2025

PLANTAR FASCIITIS(Lirethe tse bohloko)

Plantar fascia ke mosifa o hokelang serethe ho menoana ea maoto.
Ha ho ka hoaba le hojeha(degeneration) hoa mosifa ona, bothata bona bo bitsoa PLANTAR FASCIITIS.

SESOSA:
• T'sebeliso e boima ea maoto(overuse) joalo ka ho matha kapo ho ema nako e telele
• 'Mele o boima(obesity)
• Ho roala lieta tse soli e otlolohileng(shoes with poor arch support/ tse flat ka tlase)

Le tseling

MAT'SOAO:
•Bohloko bo chachametsang ka tlasa leoto kapo seretheng
• Bohloko bona bo ukoahala haholo ha u sebelisa maoto ka mora ho phomola nakonyana kapo hoseng ha u tsoha.
• Ho tia ka tlasa maoto(stiffness at the bottom of the feet)

LITLAMA:
• Willow bark (MOLUOANE)
• Malva sylvestris (TIKAMOTSE)
• Common plantain (T'SET'SEKOANE)
• Rosehip('morobei/Khunoane)

• Omisa, sila u li arohantse, kopanya ka litekanyo tse lekanang, khaha motsoako ka half ea teaspoon, t'sela ka hara cup ea 250ml ebe u t'sela metsi a belang u noa hoseng le mantsibua ka morao ho lijo nako ea likhoeli tse 4-5.

Hopola rena le RHEUMOSOL sebakeng sa mathata a masapo le mesifa, linomoro li teng on first comment.

28/10/2025

Thepa ke ena ea MOTLAKASE/ELETRICALS. Bua le rona inbox ha u e hloka. Ha ea sebetsa, but re ka u fa ka lowest price. Inbox or call 59665861.

N.B. - Re bua ka motlakase oa LEC eseng ho hong 😶‍🌫️🫣

26/10/2025

AVOCADO EFFECTS ON HEART DISEASES

Mafu a pelo ke amang a mafu a ka sehlohong ka ho nka bophelo ba batho.

Pelo joalo ka likarolo tse ling tsa 'mele, e hloka matsoai le oxygen h**e e phele ka ho feletseng 'me ha ho sa etsahale joalo, pelo e ka ameha kapo ea shoa.

Pelo e ka angoa ke mafu a fetang 30, empa ka sehlohong ke mafu a amang methapo(coronary arteries) 'me sesosa ke mafora a sa nepahalang (LDL)

Avocado ke e 'ngoe ea litholoana(fruit) tse nang le makhabane a ho ntlafatsa pelo ka ha e fana ka mofuta oa mafora a bitsoang HIGH DENSITY LIPOPROTEIN(HDL) eleng mafura a thusanang ka ho nt'sa mafora a mabe(LDL) ka hara methapo ea pelo.

Sena se etsa h**e pelo e fumane mali hantle eleng h**e le matsoai a fihla hantle.

Koae(smoking) ke ea tseling tse ka sehlohong tse behang motho tlokotsing ea hoba le mafu a pelo ka ha e senya methapo.

Hangata lehlaba ka lehlakoreng le let'sehali kapo sefubeng ke let'soao le ka holimo la h**e pelo ha e fumane mali hantle.

Avocado u ka ja tse 3 ka beke h**e pelo ea hao e phele hantle.

Empa haeba pelo ese ena le mathata, u ka sebelisa:
•Avocado seeds
• Garlic powder
• Tulbaghia violacea roots (konofolo)

Nka tholoana tse 5 tsa Avocado, li sile, nka 5 tablespoons tsa garlic powder le 5 tablespoons tsa methapo ea konofolo e sitsoeng; kopanya u etse motsoako, khaha ka half ea teaspoon u t'sele ka hara cup ea 250ml, t'sela metsi a belang u noa hoseng le mantsibua pele ho lijo nako ea khoeli tse 4.

25/10/2025

AVOCADO

E ntle mafung a pelo, hosane re tlo bua ka eona!!!

23/10/2025

Khale le re le batla ho swiper ANY bank card. Medical Aid ona le o batla neng hana?

20/10/2025

DELOSPERMA COOPERI

Anaa u tseba lebitso la Sesotho la palesa ee??

Echo re ukoe!