What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://www.facebook.com/636835666436874/

أخصائية التغذية د.نهلةنجيب

Home
Libya
Tripoli
أخصائية التغذية د.نهلةنجيب

تغيير المفاهيم الخاطئة عن الدايت و الاعتماد على الأسلوب الحياة الصحي

15/02/2025

السلام عليكم🤗

جماعة بنبدأ الدايت يوم السبت🙂🫣

ابدوا ع طول من غير تفكير الموضوع ما يستحقش انك تفكر مرتين فيه بش تغيرحياتك٫ديرها بش وزنك ينزل و لو مش ع خاطر وزنك فعلى خاطر صحتك😇

لو مابديتش اليوم ابدأ غدوة واياكم تأجلوا😉

د

14/02/2025

"اللهم ارزقنا حسن الظن بك و صـدق التوكل عليك وارزقنا قلوباً سليمة ونفـوسًا مطمئنة نلقاك بها وأنت عنا راضٍ"

اللهم آمين يارب العالمين🤲

جمعة مباركة للجميع 🌷

05/09/2024

السلام عليكم🤗

⛔الاستمرارية⛔في الدايت هو سرّ النجاح فيه لكن😒أغلبكم لما يلقى قياساته تغيرت و الميزان ثابت تزعلوا😮‍💨و أول شي اديروه هو انكم تسيبوا الدايت🤨 بالرغم انكم ماشيين مزبوط ومش هكي بس تخشوا في حالة شراهة للأكل و اللي خسرتوه تردوه دبل😵😵

فخليكم متأكدين ان الاستمرار في الدايت معناه انك حتوصل لهدفك😒لكن بِتِزعِل و توقف دايت ع خاطر الميزان زَعلِك فحيزيد الميزان يزعلك😁

22/08/2024

"كُن رحِيمًا معَ خَلقِ اللّه فالكُلُّ يُكافِحُ فِي مَعركةٍ أنتَ لا تعلَمُ عنْها شَيئًا"

مساء الأنوار🌹

ترايفل المانجا صحيّة🥭سناك عشية الخميس🧡

18/08/2024

السلام عليكم🤗

الاكل اللي تختاروه في الفطور هو اللي حيعطيكم طاقة وشبع لفترة طويلة فضروري يكون متكامل فيه البروتين، الدهون،الكارب و الالياف😉

عادةً ايام اللي عندي فيها دوام نفطر☺️هذا فطوري اللي معتمداته عبارة عن رولات خبزة الطعام مع الدحي و الخضرة و طويسة شاهي😌

د.نهلة نجيب

17/08/2024

السلام عليكم🤗

اغلبكم حيبدأ دايت اليوم صح🫣"يوم السبت"😁فخليني نقولكم حاجتين

☝️اول شي لما تبدأ دايت طبيعي انك تحس بالجوع وهذا شي طبيعي لانك اساساً مداير عجز في السعرات😎

✌️ثاني شي خلال رحلة الدايت حيثبت وزنك وحتى هذا طبيعي لكن أهم شي انك تخسر وزن بشوية لأن لو خسرت وزن كبير فجسمك حيصدمك بفترة ثبات طويلة في الوزن🤓

د.نهلة نجيب

25/06/2024

السلام عليكم🤗

سمكة التونة🐋تعتبر من الخيارات الكويسة اللي تقدروا اضيفوها لنظامكم الغذائي فهي:

⬅️غنية بالبروتين اللي يساعد في بناء العضلات💪
⬅️يعزز و يزيد الشعور بالشبع🤐
⬅️مصدر ممتاز لأوميغا-3 اللي يحسن صحة القلب والعقل🫀🧠

جربوه مشوي او في القلاية الهوائية😉أنا ضفت معاه صالصة طباهج و شوية بطاطا😋

24/06/2024

"سنوات من أعمارنا تمر بلَمح البصر...غيّرتنا الظروف التي عشناها تغيّرت مفاهيمنا وأولوِيّاتنا وأسلوبنا،تغيّرت دعواتنا أيضاً حتى مقامات الناس في حياتنا تغيّرت تلك السنوات غيّرت كل شيء فينا حتى وصلنا إلى النسخة التي عليها نحن الآن...ففي حياة كل منّا لحظة معيّنة لايعود منها أبداً كما كان...💗"

صباح الخير🌹

22/06/2024

السلام عليكم🤗

خلونا نحكوا ع الرز🍚أنه ممكن تعتمدوه في الدايت من غير ما تلغوه او تبدلوه بس الفكرة في النوع اللي رح تخدموا بيه وكيف تطبخوه والاضافات اللي تحطوه فيها😲

فلو بتسألوا أما افضل نوع رز ننصح بيه الاسمر او الابيض🤔رح نقوللكم ان الزوز فيهم نفس السعرات الفرق ان الاسمر فيه ألياف أكثر و نسبة بروتين أعلى لكن يفضل عدم الاكثار في استعماله وخصوصاً لو معتمدين عليه في وجباتكم لتواجد مادة الزرنيخ بنسبة أعلى من الرز الابيض

توه في ناس رح تقول ان الرز الاسمر مش متوفر ديمة حنقوللكم اعتمدوا الرز الابيض😲طبعاً في هلبة انواع في البسمتي وفي رز الياسمين والرز المصري "المكركب" وغيره لكن أي واحد افضل‼️و تقدروا تعتمدوه في الدايت🫣

🤓يعتبر الرز البسمتي افضل من الرز المصري باعتبار انه نسبة النشا فيه أقل والمؤشر الجلايسيمي منخفض فيقدروا يستعملوه حتى مرضى السكري💉

سؤال ثاني كم كمية الرز اللي مفروض ناكلوها في اليوم الجواب هذا يعتمد ع وزنك😯:

⬅️فلو كان وزنك من 60-70 الكمية حتكون من 45-50جم

⬅️ولو وزنك من80-90 فالكمية حتكون حوالي 95-100جم

⬅️أما لو وزنك من 90-100 فالافضل تاخد 150-185جم

أخيراً وليس آخراً😎نعاود ونقول ان الدايت مش حرمان 👈🏻الدايت انك تخدّم عقلك قبل بطنك وتنظم وقتك ووجباتك😉

17/06/2024

السلام عليكم🤗

العصبان وجبة صحية لو جهزتوها صح😲 فبدل ما تخدموا بالزيت اخدموا بشحم اللحم نفسه "أنا ندوب الشحمة ونخدم بيها كبديل الزيت" وفي نفس الوقت ما تكثروش الرز في الحشوة و كثروا البروتين فيه من معلاق ولحم ولو بتخدموا بالرز المكركب اغسلوه كويس بش تتخلصوا من النشا😉

ال100جم من العصبان فيها حوالي 165سعرة حرارية😎

16/06/2024

السلام عليكم🤗

عيدكم مبارك🎉🎊اعاده الله علينا باليُمن و البركات

⛔هادوا أهم النصايح اللي حاولوا انكم تتبعوها بش يكون العيد من غير تأنيب ضمير🫣🥲

🔴فوتوا الخبزة او قلّلوا منها ع قد ما تقدروا واستمتعوا باللحم بروحه و ردوا بالكم من الدهان والكولسترول

🔴استغنوا ع الصوصات اللي مليانة سكر واستبدلوها بالسلايط وكثروا الورقيات زي الخس او الجرجير

🔴ماتنسوش المية لأن اغلبكم حيعتمدوا ع المشروبات الغازية اللي اكييييد حتكون خالية من السكر 🤔صح!!

🔴الحلو و التورتات ابتعدوا عليهم او اعتمدوا نوع واحد و قطعة صغيرة والافضل انكم تجهزوا صنف تحبوه بطريقة صحية بش يكون جاهز ليكم و ما تلبزوش الدايت

🔴أما بالنسبة للعصبان تقدروا تاخدوا حوالي 250جم منه حيكون كافي جداً وعادي بالرز ع فكرة😉المهم كثروا من البروتين في الحشوة أكثر من الرز

د.نهلة نجيب

15/06/2024

اللهُم أرحم من لا شمس تُشرق عليهم ولا قمر يُضيء عتمتهم
اللهُم أنر قبورهم و أسقهم بـ فيضٍ من جنتك ..
اللهم ارحم من اشتاقت لهم انفسنا وهم تحت التراب

رحم الله ضحكات لا تنسى وملامح لا تغيب عن البال وحديثآ اشتقنا لسماعه
رحم الله أرواحٍ غالية تحت الثرى حزنت قلوبنا بوفاة من نحب وبكت أعيننا لفراقهم ولا زالت أرواحنا تشتاق لهم ولكننا رضينا بقدر الخالق

اللهم إنا نسألك أن تجعل من فقدناهم على ضفاف نهر الكوثر مبتسمين في ارقى مراتب الجنة ..

وأجعل ملتقانا بهم في الفردوس الأعلى يارب العالمين 🖤

"اللهم ارحم أبي🥹"

Address

Tripoli

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00

Website

facebook.com

Alerts

Be the first to know and let us send you an email when أخصائية التغذية د.نهلةنجيب posts news and promotions. Your email address will not be used for any other purpose, and you can unsubscribe at any time.