مركز التفاؤل الطبي

04/02/2026

ويقولوا: امتى يكبروا عشان نرتاحوا…
وهم مش عارفين إن هالفترة
هي أجمل سنوات العمر 💛

شغبهم،
صوتهم،
مواقفهم اللي تخلّي راسك مصدع طول اليوم
هي نفسها الذكريات
اللي بكرة حتضحكي عليها من قلبك 🥹✨
استمتعي بكل لحظة
حتى التعب… راهو يمر 💫

قوليلي .. كم عمر المشاغب اللي عندك؟ 🥰

04/02/2026

04/02/2026

تنميل الرجلين في الحمل… طبيعي ولا نقلق؟ 🤰💭

فيه حوامل واجد يشتكوا من
تنميل 👣
وخز
أو إحساس زي الكهربا في الرجلين، خصوصًا آخر اليوم أو وقت النوم

خليني نطمنك 👇
غالبًا الموضوع طبيعي ويصير بسبب:
• ضغط الرحم على الأعصاب
• تجمع السوائل في الرجلين
• نقص فيتامينات زي B12
• الجلوس أو الوقفة فترة طويلة

بس انتبهي ⚠️
لو التنميل:
– مستمر وما يخفش
– مع ألم قوي
– مع تورم شديد أو صداع
هنا لازم نراجع الطبيبة 🌸

شن تقدري تديري؟
✔️ غيري وضعيتك كل شوية
✔️ نامي على جنبك (الأيسر أفضل)
✔️ ارفعي رجليك وقت الراحة
✔️ اشربي ماء كفاية
✔️ مساج خفيف للرجلين

👇👇
قوليلي في التعليقات:
صايرلك تنميل في الحمل؟ وفي أي شهر؟
خلينا نحكوا ونطمنوا بعض 🤍

03/02/2026

🌸 جلسة الـ W عند البنات… مش بس قعدة

في بنات صغار يقعدوا قعدة اسمها جلسة الـ W
الركب قدّام والرجلين لورا على الجنبين
تبان مريحة، لكن لو تعوّدت عليها الطفلة، ممكن تخلّي آثار مع الوقت.

🔸 القعدة هذي تضعّف عضلات الحوض والبطن
🔸 تخلي الحوض ما يشتغلش صح
🔸 ممكن تزيد القابلية للإمساك مع السنين

والإمساك:
مع الحمل يزيد
ومع الولادة يتفاقم
ويقدر يوصل لبواسير وشرخ شرجي.

ومع ضعف عضلات الحوض:
– الدفع وقت الولادة يكون أصعب
– تزيد التدخلات الطبية
– وفي بعض الحالات تصير الولادة قيصرية.

حتى الدورة الشهرية:
بعض البنات يعانوا من
آلام أقوى من الطبيعي
وثقل وألم في الحوض وأسفل الظهر.

⚠️ توضيح مهم جدًا
جلسة الـ W ما تسببش مشاكل مباشرة
ومش كل بنت تقعدها تصيرلها مشاكل
لكن الاستمرار والتعوّد عليها لسنين
يضعّف عضلات الحوض
ويخلّي البنت أكثر عرضة لمشاكل
تظهر مع البلوغ والحمل.

✔️ الحل بسيط:
نعودوا بناتنا على قعدات صحية
✔️ القعدة التركية
✔️ الرجلين قدّام
✔️ الحركة واللعب مهمين جدًا

✨ قعدة اليوم
تصنع صحة بكرة.

التصحيح يكون بلطف
مش بالمنع… بالتعويد 💕

02/02/2026

🌙✨
في ليلة النصف من شعبان
نسألك اللهم العفو والعافية في ديننا ودنيانا،
وفي أبنائنا وذرياتنا،
وفي أسماعنا وأبصارنا،
وفي أرزاقنا وأبداننا.

اللهم ارفع عنا البلاء والعناء،
واكتبنا من السعداء،
وبدّل أقدارنا إلى أجملها،
برحمتك يا أرحم الراحمين 🤲

🤍🌙

01/02/2026

تعالوا شوفوا رحلة عيلة سعيدة معانا 🤍

ربي جمعنا بيهم بعد رحلة طويلة من تأخر الإنجاب دامت 13 سنة في زواج سابق.

بدّوا معانا المشوار تحت إشراف

من خلال متابعة غذائية ومكملات مناسبة.

وبفضل ربي فرحنا مع بعض
بالبنوتة الأولى… ثم الثانية 🌸🌸

واليوم نكمّلوا الفرحة
وبشرناهم بالمولود الذكر 👶💙

الحفلة الجميلة هذي منهم
وربي يحفظهم ويجعلهم ذرية صالحة 🤲

للحجز والأستفسار:-
0918208555
0928208555
العنوان :-
البيضاء نهاية شارع الخطوط مجمع القافلة ( عمارة الدايخ ) الدور الرابع مقابل مديرية الأمن











#توأم

01/02/2026

خلونا نحكوا ونذكّروا،
إن الذكرى تنفع المؤمنين 🌸

دايمًا نقولوا إن مش كل الفيتامينات آمنة في فترة الحمل أو قبل التخطيط له،
ومازال للأسف نشوفوا مشاكل تتكرر.

🔴 فيتامين A بجرعات عالية ممنوع أثناء الحمل،
لأنه ممكن يسبب تشوهات خطيرة للجنين وقد يؤدي للإجهاض.

⚠️ لو كنتِ تاخذي أدوية مشتقة من فيتامين A (زي الروكتان)،
لازم توقفيه وتنتظري فترة كافية قبل الحمل حسب تعليمات الطبيبة.

⚠️ وحتى الريتينول الموجود في بعض السيرومات والكريمات
يُمنع استعماله أثناء الحمل كإجراء احترازي،
لذلك من الأفضل إيقافه عند التخطيط للحمل.

مهم جدًا تحكي لدكتورتك عن أي دواء أو روتين بشرة تستعمليه،
حتى لو ما سألتكش، خصوصًا لو كنتِ متزوجة أو مقبلة على زواج.

ربي يحفظكم ويحفظ أولادكم ويبعد عنكم كل سوء 🤍

31/01/2026

‏يارب أذِقنا لذة شعور هذه الٱية..

31/01/2026

🤍🌿

حالتنا ❤️
جتهم البنوتة الأولى وكانت فرحة العيلة،
وبعدها جت الثانية… وصاروا أحلى بنوتين.

وجت الثالثة، وقلنا ما شاء الله
“حيأخذن بيد أبوهن للجنة” 🤍

وجت الرابعة، وزادت الفرحة…
وبعدها جا العقم الثانوي.

صبروا 8 سنوات.

راجعونا في العيادة مع الدكتورة أغزيل الحداد،
طلع في اضطرابات هرمونية، نقص فيتامينات،
ومشاكل في تحاليل الزوج.

بعد العلاج والخطة العلاجية…

جتنا اليوم فرحة ما تنوصف
كشفنا على جنس الجنين ✨

ولد… اللهم بارك 💙

فرحة له ولأخواته
وسند جديد للعيلة 🤍

للحجز والأستفسار:-
0918208555
0928208555
العنوان :-
البيضاء نهاية شارع الخطوط مجمع القافلة ( عمارة الدايخ ) الدور الرابع مقابل مديرية الأمن











#توأم