30/09/2025
وحدة من أغرب القصص الي صارت معانا 🫣 والسبب #الكلوميد
قبل فترة جتنا حالة تشكي من ألم قوي هلبا في البطن .. وهي تعرف بأنها حامل ف حبت تطمن وتعرف الألم هذا شن سببه !!
درت الجهاز وتفاجأة أن فيه حمل خارج الرحم💔 وهوا الي كان مسببلها الألم ..
و زوز أجنة داخل الرحم 🌸
والمبايض صايرلها فرط في التنشيط 🥲
والسبب انها خدت كلوميد من غير اشراف أخصائي نساء 💔
كانت تعاني من تكيسات ولما خدت الكلوميد صارلها فرط في التنشيط على طول قررنالها منظار لاستئصال الحمل خارج الرحم 💔
وبعد ثلاث ايام جتنا ولقيناهم ثلاثة أجنة مش اتنين بس الله يبارك 😊
تستحق اسم أم العمايل لكن لحمدلله قالت معاش بنعاودها العملة هذه 😅
بعد القصة هذه اكيد معاش بتجينا أسئلة يادكتورة عادي ناخد الكلوميد ؟؟ وهلبا يبو يحملو بتوأم ويبو ياخدو أدوية بروحهم من غير إستشارة أخصائين وهذا غلط طبعا 🌸
واكيد تعرفو شن يسبب الحمل خارج الرحم لو متشخصش طول ولا تبو انزلكم منشور عليه ..؟؟ اكتبولي ف تعليق لو تبو منشور عليه 🩷
كشادة
تتواجد كل يوم ثلاثاء صباحاً داخل عيادات الهلال الاحمر _الزاوية
للحجز التواصل علي بريد الصفحة
