Dr.Rahma Alashkam

17/08/2025

08/06/2025

02/06/2025

🚨 مرض الفم واليد والرجل عند الأطفال 🚨 مش بوشوكه
شهر كامل كان معبي حالات به ولما أنقول للام او الأب الحاله عاديه تحتاج لرفع مناعه بس وتخفيف اعراض وخلال أسبوعين تمشي بروحها يقعدو يشبحولي بنظره(هيا تو نشوفو دكتور تاني)🤣

هو عباره عن فيروس تغييرت موسم ايجي هالوقت لما فصل الصيف خاش ،،يتمتل في طفح جلدي في اليدين والرجلين، وحولين الفم ومرات الوضع متأزم شوي نلقي حتي الفم طايب وهذا ينعرف لما العيل رافض انه ياخد الشيشه او ياكل
الطفل حيكون عنده حمى خفيفة مسبقا لدرجه لما نسأل الام اتقولي لا مجاتاش حراره وفي من امهات مركزين اتقول اي جت خفيفه
الحاله في العاده تحتاج زي ماقلت تركيز علي الأكل وتخفيف اعراض وتقويه مناعه بادويه دعم
ينتقل بالتلامس بصوره سريعه
حمدالله مقابلونيش حالات متأزمه لدرجه حولتها للاطفال لكن احيانا الحاله تستدعي لكن في النهايه مش مخيف
المرض عادة ما يمر من غير مضاعفات كبيرة، لكن لازم العناية السريعة لتخفيف الأعراض، وعزل الطفل عن باقي الأطفال يساعد في منع نقل العدوى
الصوره وحده من الحالات والفرق أسبوعين ❤️بعد العلاج

27/05/2025

حرق منذ الصغر
النتيجه قدامكم بعد استخدام الفراكشنال ليزر
الصوره بعد شهر من الجلسه ومزال مستمرين بعون الله
وما توفيقي الا بالله❤️

09/05/2025

غدا المركز الطبي الليبي الاجنبي -جدائم /الزاويه
من الساعه 1 ونص الي الساعه 6 ونص
👇إزاله تالول بحقن بنج موضعي في دقائق 🤍

21/04/2025

حالات الندوب والحروق الي محددتهم علاج بالفراكشنال ليزر
غدوه موعدنا من الساعه تلاته
التواصل علي الخاص

07/04/2025

حالاتي من طرابلس
تواصلو معاي علي الخاص لو سمحتو
سكراب للوجه من شركه nova skin
روتين أسبوعي جميل
فيه نسبه ترطيب يعني مش داعي تخافو من الجفاف الي ايصير بعد الاجراء
الحالات الي دارو هيدافشيال في رمضان ويبو يحافظو علي النتيجه هدا انسب شي ايضيفوه للروتين
الحالات الي ملحقوش اديرو هيدافيشيال هدا برضو هذا انسب شي لتنظيف الوجه والمسام من الرؤوس السوداء وبقايا الميك اب العالقه
يخدم حتي علي التفتيح🤍
حبيباته ناعمه
مرتين في الاسبوع كافيه ❤️

04/04/2025

العوده للخاص بعد عطله العيد
السبت : المركز الليبي الاجنبي من ساعه 12 ونص الي الساعه 6 ونص
الاربعاء مصحه رويال من الساعه 4 الي الساعه 7
حالات المراجعه والعلاج يتواصلو معاي وحنرتبلهم الموعد 🤍
رجوع لاستقبال حالات جلسات الرجال بعد الانقطاع ف الشهر الكريم

03/04/2025

عوده للشغل بعد العيد المبارك
مستشفي بير معمر القروي
متوفر جلسات كي بارد 🤍

13/03/2025

عروض رمضانيه جماليه للدكتوره رحمه الأشخم طيله الشهر الكريم
مع الدخول علي سحب لجلسات مجانيه لعشر فائزات
عند اختيار اكتر من باقه تقدم معاهم جلسه تقشير كيميائي مجانا
المواعيد
يوم السبت/المستشفي الطبي الليبي_جودائم من الساعه 2 ظهرا الي الساعه 6 مساءا
وليلا من ساعه 9 ونص الي ساعه 11 ونص
التلاتاء/الخميس مساءا من ساعه 9 ونص (بالحجز )
الاحد/ الاربعاء _مصحه رويال (الاسنان) أمام جامع عبدالواحد
من الساعه 9 ونص الي الساعه 12 ونص
نهارا (بالحجز)

08/03/2025

بنتكلم علي موضوع كاتر ونشوف فيه في كل التوكات بكتتتره
وهو ال(الجرب)
طبعا الأسباب للأسف من المهجرين الحاملين للشي
لكن شن جابه للشعب!
الي جابه ان واحد متلا مخدم عنده مهجر من غير كشف صحي ويخالط فيه بحيت ان يقعمز او يرقد علي فرشته
الواحد هذا بيرفعه لزوجته وصغاره وزوجته وصغاره بيرفعوه لخوالهم ولعمامهم وووو والعمام والخوال لو باتو عند حد تمت وهذي حلقه
اما الشباب اول مانساله نقوله كنت باين برا ايقول اي
للاسف البيتان برا في مكان فيه عمال كارتي لان المكان بيكون مش نظيف علي الاغلب
ويروح يرفعه للحوش ولو كان حوش جد وجده معناها بجو الأحفاد بينصابو ويرفعوه وهذي حلقه تانيه
خلي نفهمكم باختصار ان الجرب حشره ولو فات فيها خشت فرشه سرير ولا صالون تطلع بصعوبه ولازم برتوكول صارم في العلاج من ناحيه النظافه والادويه
الشخص الكبير ممكن يتحمل لكن والله لما ايجي عيل ويبدا بيموت في الحكه وحتي نوم مش قادر صعبب
فنتمني من اولياء الأمور يشددو شوي من ناحيه إجراءات السلامه لاطفالهم
دمتهم في سلامه الله❤️