د.إكــرام القَـاضِــي

12/02/2026

من الحالات اللي تكررت عليا هلبا فالعيادة 👇🏻

بنحكيلكم عليها عالسريع ✨
اللي تشوفو فيه قدامكم حالة إسمها staisis Dermatits 🤌🏻 أو staisis Eczema

بالعربي “ إلتهاب الجلد الركودي " …ومن إسمه واضح ان السبب الرئيسي هوا ركود الدم أو ضعف رجوع الدم الوريدي .. ديمه نلقوها ف الساقين و خصوصاً حول الكاحل و أسفل القدم 👇🏻

باهي يادكتوره اكرام من شني يجي يشكي المريض؟
تعالو نقولكم 🤌🏻

بدايتها تبدا ب إحمرار فالجلد و يطول معانا حبتين ..بعدها حكة قويه خصوصاً فالليل ✅
ح نلقو تورم فالقدمين مع القشرة و الجفاف ..و يبدا لون الرجل يتغير للون البني بسبب ترسب مادة إسمها الهيموسيدرين ✅
مع الوقت ممكن يبدا الجلد سميك هادا نسمو فيه Lichenification دليل ع ان الحالة مزمنه وقديمه …
وأحياناً. توصل لمرحله تكون تقرحات عالجلد ☹️

المعرضين ليها هما كبار السن بسبب ضعف الصمامات فالاورده🤌🏻 و طريحي الفراش
اللي يوقفو و يقعمزو هلبا 🤌🏻
اللي عندهم مشاكل ف الاوعيه زي الدوالي
واللي عندهم قصور فالقلب والكلى 🤌🏻
برضو اللي يعانو من الوزن الزائد 🤌🏻 و للاسف الشديد النساء اكتر من الرجال 😅 بسبب الحمل و الولادة ..

العلاج يحدده دكتور الجلدية المختص من كريمات ترطيب مناسبة وقوية و كورتيزون موضعي من متوسط لقوي ومضاد للحكة و اكيد حسب وضع الحالة ..😅 يمكن تحتاج اكتر من علاج حسب المرحلة اللي واصلتها الحاله .. بس نوصو الحاله تتريض او تتمشى لو تقدر باش تحرك دورتها الدموية ..ترفع رجليها لمده 20 دقيقه يومياً ..و احياناً نضطرو نلبسو جوارب ضاغطة 🤌🏻
وأكيد اللي عنده وزن زايد ح نخلوه يضعف🫢

وانا نحب نشارك حالتي مع دكتور أوعية دموية ..ضروري من متابعة التدفق الدموي و كشف بجهاز دوبلر اكيد بعد مانعطو العلاج المناسب 🤌🏻

وألف سلامة عالجميع ♥️

10/02/2026

صباح الفل ♥️

موعدنا اليوم داخل مركز الهديل جودايم من الساعه3 الى 6 ♥️
تأنسُـوني

09/02/2026

‎‏• أصبحنا وأصبح الملك لله والحمد لله ,, اللهم إنا نسالك خير مافي هذا اليوم وخير مابعده

تلقوني اليوم إن شاء الله في Soft Skin-مركز البشره الناعمه من الساعة3 إلى ال6 بعون الله ♥️

تنوروني …

ونهاركُم قنّين جميعاً♥️

02/02/2026

تعالو قولولي …

شن هي الشركة أو الجلسة اللي خاطركُم تجربوها؟ 🤔

موعدنا اليوم فSoft Skin-مركز البشره الناعمه ♥️

من الساعة 3 إلـى الساعة 6 مساءاً 🌷

حالات الكشف والمراجعة 🥰
نشوفكُم ع خيـر 💋

01/02/2026

وَلا مُعِين سِوَاكَ رَبّي. 🦋

صباح العَمل …
ونهَـاركُم قنّين جميعاً 🩵

27/01/2026

Noreva Libya 😍👏🏻🩵

أحلى كُـورنـر فالمؤتمر .. بالتوفيق نوريٌفا 👏🏻

موجودة اليوم بعون الله في مركز الهديل جودايم من الساعـة3 إلى الساعة 6 👏🏻🩵
حالاتي الكشف ومتابعة ومراجعة 🫰🏻

تنوروني 🥰

27/01/2026

شكرًا لكونك أحد أبرز المتفاعلين ودخولك إلى قائمة التفاعلات الأسبوعية الخاصة بي! ⁨🎉⁩

Ekram Al,

أبرز معجبين الأسبوع هذا و أكيد تستاهل مني هدية ع تفاعلها 🥹💜

بالصحه عليك كرومة 💜

26/01/2026

وبك أصبحَنا والقلوّب تسَألك عوناً
وترجوَك لطفاً فيسَر لنا كل خيرَ يا الله...! ♥️

25/01/2026

موعدنـا بكره إن شاء الله داخل Soft Skin-مركز البشره الناعمه ♥️👏🏻

بنوتاتنا عسولاتنا اللي نزلتلهم منحة الإيفاء
درنالكم عرض قنين لحد نهاية #شهر 1

سميناه عرض بطاقة #إيفاء

من غدوه العرض مع الدكتورات

دكتوره/ليلى الهنقاري🩺
من 1 ظهرا -3مساءً

دكتوره/إكرام القاضي🩺
من 3م-6مساءً

العرض يشمل
#هيدرافيشيال
#ديرمابن

#ميزوثيرابي
أي جلسه فيهم ب 150 ديناااااار فقط فقط

للحجز و الاستفسار 📞0924140040

عنوان Soft Skin-مركز البشره الناعمه:
الزاويه-اسبان قموده ( امتداد ذريق الزاويه مول حتى تصل تقاطع مصيف اسبان ثم اتجه يسارا مسافة 200 متر المركز مقابل لمصنع الماء)

25/01/2026

هدروزة سريعة قبل النوم لحالة قابلتني هلبا الفترة الاخيرة 🤌🏻😊

الشكل اللي قدامكم هذا يسمو فيه sebecous cyst سببه إنسداد في القناة الدهنية اللي جاية جنب الشعره واللي وظيفتها الطبيعيه انها ترطب الشعرة والجلد المحيط🤌🏻

هادي أول نقطه … يعني تجي فالاماكن اللي فيها شعر زي الرأس الوجه و الرقبة و الظهر والمناطق الحساسة ومستحيل تجي في كف الايد أو باطن القدم 👏🏻

هي عباره عن تورم حميدي او خلي نقولو كيس والحمد لله مايقلبش لشي خطير بعون الله ✔️
و يكون مليان ماده قوامها زي قوام الجبنة لونها مائل للاصفر و ريحتها مش ألطف حاجة 😅🤧 اللي هي عبارة عن تراكم للكيراتين داخل الكيس لفترة طويله 🤌🏻
نسيت نقولكم ان نموها بطئ جداً و فيها علامة مميزة اللي هيا النقطة الكحله في النص 🤌🏻 هادي نسمو فيها الpunctum 👏🏻✔️

ماتوجعش ❌
مانعصروهاش بروحنا في الحوش ❌
ومانمسها ولا نفتحها بدون تعقيم ❌
لانها ممكن تلتهب بسرعه و تسبب في ألم و إحمرار و سخونه فالمكان ❌

فالعادة ماتستحقش علاج الا في حالة إنها مضايقة المريض شكلياً أو ان صارلها إلتهابات و تكون خُرّاج او قيح متكرر 🤌🏻
اهني لازم نعالجو الالتهاب أول شي بعدين نشيلوها جراحياً …
ممكن تهزو عليها وع حجمها الصغير🤷🏻‍♀️ لكن صدقوني شكلها بسكوتاية بس ح تعورك.. الألم فيها شديد ومزعج لما تكون ملتهبه 🤧

برضو لازم نركزو كويس إننا نشيلوها عند دكتور جلدية أو جراح مختص لأن فيه تكنيك معين ..و ضروري نشيلو الكيس بالكبسولة متعه ✅ والا ح يرجع تاني وثالت ❌
العصر وتفريغ الماده بروحه مش ح يفيد🤷🏻‍♀️ بالعكس ممكن يزيد الطين بلّة زي مايقولو …

والسلام عليكم ورحمة الله وبركاته🫢
وليلتكم سعيدة عزيزاتي ♥️

23/01/2026

معليشي لكن لازم نوقف وقفة إحترام ل الكريمه اللي صلحتلي عمايـل شمس الصيف والسواقة ورجعتلي إيديا لـ لونهم الطبيعي 🥰🖤
اللي يعرفوني 🤭 يعرفو اني كُنت إيد ب إيد وفرق اللون واضح جداً 🥲

الكريم هادي نتحدى بيها هلبا كريمات لليدين 🔥 واو واااو ‏𝐒𝐓𝐑𝐈.𝐇𝐀𝐍𝐃 𝐂𝐑𝐄𝐌𝐄👏🏻

الكريمة هادي بتـاع كُلّو تصلح وتعالج وترطب وتفتح اليدين بالله الواحده شن تبي اكتر من هكي😁 🤌🏻

راهو تعالج الجفاف والتشققات فاليدين وترطبهم وتنعمهم غير هكي ريحتها تجنّـن 😌و فيها عامل حماية من الشمس يعني فوق من إنها تفتح وتعالج التصبغات لاااا هادي حتى تحمي ايديك من التصبغات الجديدة 😌🖤✨

حرفيًا من افضل كريمات اليدين اللي ممكن تستخدموهم👏🏻

وأخر شي بنقولكُم ،، يومكُـم قنيّـين جميعاً 😘

19/01/2026

شن تـستعمـلُو من مُكمـلات غِذائية و فيتامينـات الفترة هادي؟🤔🌸