لتقديم النصائح الطبية في مجال الأمراض الجلدية والتجميل التجميل اللاجراحي .بخبرات دولية من القاهرة الى عمان .
17/08/2025
#ميزواكني
الشركة الأم للخدمات الطبيه
بنغازي شارع دبي فوق محل الاسكافي للأحذية الدور الثاني لحجز المواعيد
الإتصال على الأرقام
📲0920901167
📲0914230905
@أبرز المعجبين
17/08/2025
العلاقة بيني وبين حالاتي موش علاقة طبيب ومريض 🤭
هي علاقة بعيدة جدا عن المألوف🙃🫶🏻
تتقارب الأفكار بالرغم من اختلاف الأعمار والتفكير والاراء
نلتقي عند نقطة ما 🥹 نتفق فيها على منح اللقاء مساحات من الود 😊❤️
15/08/2025
حاب الكل يشارك ويجاوب على السؤال هذا..لأن حقيقة حايرة في الإجابة
ماهي صفات ُلهمة 🤔
مر عليا بوست أنهم يقدموا في #جائزة المرأة المُلهمة
وحابه نعرف الصفات حسب منظوركم 🙄
15/08/2025
من أسبوعين اتصلت بمستشفى #أسنان عشان نأخد موعد لبنتي لإجراء عملية (دكتور اللي دارت عنده تقويم الأسنان بعتنا للدكتور هذا بناء على ثقته في شغله *)
عموما لما اتصلت بالريسبشن عشان نحدد موعد قالت لي لزم تجي اليوم الفلاني عشان تحجزي🙄 ..طب نحجز بالتليفون ..ردت لا ماينفعش ..ومشيت الساعة9 الصبح قالت لا الدكتور معتذر 🤔
ماعلينا تشحور المريض لغاية العيادة عشان يحجز وتقوله معتذر ..يللا موش مشكله..قالو لي عنده ظرف صحي وديمه يعتذر
رديت من جديد على دكتور التقويم وطلبت يرشح لي دكتور تاني ورشح لي دكتور اخر في نفس المستشفى ..ومشيت وحجزت من الصبح وأكدت امتى يجي قالولي على الواحد يكون موجود ..تمام من الواحد جاء على ال2.30
وعطاها مراجعة الأسبوع اللي بعده...لما جينا في المراجعة قالو لي فك غرز لا ح يفكها لها دكتور تاني؟؟؟ ..الدكتور اللي دار العملية موش فاضي
(كيف يعني كمل شغلك اشتغلت تابع حالتك للنهاية) وخشينا على الثاني بعد ساعتين انتظار (قال مازال على فك الغرز ) وردوا على الدكتور الي لغاية ال3 مازال ماجاء ..مازال في الطريق
والله مريضة أخرى قالت اطلقوني خلوني نمشي نقضي شغلي ونجي وهم على قولة 5دقائق اهو جاي🫠 مزاط رسمي
عموما روحنا وبعد اسبوع اتصلنا ونفس القصة الدكتور قال لا انا طالع موش فاضي 🤔🙄... والتزامك مع المريضة
حتى راعي الزمالة 🤭
في أحداث واجد مزعجة زي الحالات اللي قاعدين من ال11يستنوا في الدكتور اللي لغاية ال2.30 مازال ماجاء ..ويقولك قاعد في الطريق تحس روحك جايك من الحدود المصرية .ولا يكعب على كرعيه 🙃
هو اللي يخلي منك دكتور له سمعة ومكانه عند الناس .
المريض ينتظرك بساعات
والمريض ملزم منك تشوف أنت عليه في المراجعة واطمنه على حالته
طبعا شكرا لكل #زميلاتي اللي قدمن المساعدة من ومشيت لزميله عزيزة عليا موش ح نذكر إسمها هي مثال يحتذي به في العمل والشغل وفكت الغرز وعطتها علاج
ماحد يزعل من كلام عامة الناس لما يشكو من سؤء الخدمة الطبية لأن إحنا برضو من الناس وللناس 😊
وعلى فكرة النقد مايزعل حد عشان تصلح من نفسك
مافيش حد معصوم من الخطأ بس الأخلاق المهنية تبقى هي الأهم 🏃
@أبرز المعجبين
@
14/08/2025
نحكي لكم قصة قديمة ...نخرف لكم كيف العزايز والشياب🤭
زمان وأنا صغيرة عمري تقريبا 14 عاما 😊 تعلمت من والدي رحمه الله ( الحاج امحمد بوسله ) أحد دروس العمر التي لا أنساها 🤫
كان الوالد رحمه الله مريضا ونصحه أحد أصدقائه بالذهاب إلى عيادة طبيب مشهور خارج مدينة بنغازي له صيت وباع في تخصصه ..وبما أني آخر العنقود كنت برفقته وقال لي منها نعالج ومنها تدهويره ❤️
لن أطيل عليكم الحديث
وصلنا لتلك المدينة وحسب الوصف للشارع الذي به العيادة كان الناس مصطفين خارج العيادة وقوفا...خويا علق قال : الباين زحمة عليه🤔
عموما صفينا السيارة آخر الشارع ونزلنا أنا ووالدي وخويا
خش الله يرحمه برم في العيادة وشاف حالها واحوالها
كانت عيادة بدون كراسي والناس كانت تنتظر الدكتور وهم واقفين..
وماكانت إلا دقائق وصعدنا السيارة ورجعنا وباتي يردد غاضبا ومستهجنا ..، #الدكتور اللي مايحترم مانكشف عنده 🫠 وكان بيردني شاب صغير وكان #الشفاء على يديه ماعاد نبيه🙄
هذا الموقف لا يغيب عن ذاكرتي استذكره دائما كلما مرت بيا مواقف مشابهه
(( #ابنة #أبي #أشبه و #يشبهني))
الشركة الأم للخدمات الطبيه
بنغازي شارع دبي فوق محل الاسكافي للأحذية الدور الثاني لحجز المواعيد
الإتصال على الأرقام
📲0920901167
📲0914230905
13/08/2025
#التمر كل طعام ذكر في القرآن فيه خير كثير
يصنف #فاكهة
👈👈فوائد التمر 👇👇👇👇👇
🔸️مصدر للطاقة
🔸️غني بالألياف
🔸️مصدر للمعادن:زي #البوتاسيوم، و #المغنيسيوم، و #الحديد، و #الكالسيوم
🔸️غني :زي الكاروتينات والفلافونويد
🔸️مفيد لصحة #القلب:
🔸️تنظيم مستويات السكر في الدم:
التمر له ، المعنى إنه لا يرفع مستويات السكر في الدم بسرعة وطبعا باعتدال
🔸️دعم صحة الدماغ
وكل هذه الفوائد تحسن من #البشرة و #الشعر، وتقلل من تساقط الشعر.
ولتفاصيل أكثر في الكومنتات👇👇👇👇
12/08/2025
وهذا يعني إنك تستمر على العلاج طول عمرك 🥹
لما يتحسن نمو شعرك تخليك على جرعات محافظة
وباختصار👈 زي ما تستعمل في واقي الشمس كل يوم ..بخ شعراتك كل يوم
النتائج السريعة تبان مع إضافة جلسات #البلازما أو #الميزو أو #الاكسوزوم
وخلينا نتفقوا إن العلاج موش سحر🤔 ..ممكن تتحسن خلال 3شهور وممكن يأخد منك سنتين
11/08/2025
البوست القادم ح يكون على دكاترة الأسنان.. #اربطواالاحزمه😅🏃
11/08/2025
خطرها على
من حوالي سنتين تعبت من عيوني وكان في شهر #رمضان وزاد الألم عندي بعد العشاء مشيت لمصحة قريبة مني وفي الإستقبال قال مافيش طبيب ليبي..فقط عندنا دكتور تونسي
وطبعا لأني كنت حالة طارئة..دفعت حق الكشف 350دينار
وخشيت على الدكتور ..حكا لي كلمتين فرنساوي على كلمتين عربي وكتب لي علاج وقالي موش موجود هنا في المصحة امشي للصيدلية الفلانية اصرفي منها
عموما خديت العلاج واستعملته وماتحسنت
وردت عليا نفس الحالة في شهر 5 اللي فات تذكروا ليلة الخميس جت فيها عاصفة رملية ..ماوصلت الساعة3 الفجر الا خلاص عيوني في حالة مشيت لمستشفى النهر لقيت طبيب عيون من الشباب الجدد ماسك ديوتي في منتصف الليل والله أعلم( متعين في الدولة ويقبض في مرتب ولا لا ) شخص حالتي وعطاني علاج من عنده وباقي العلاج خديته من صيدلية خاصة
ومشيت على التعليمات والحمدلله كان على يده الشفاء
وأدعو له برحمة الوالدين ويفتح ربي عليه أبواب الرزق
(ملاحظة من شدة الألم كنت موش قادرة نفتح عيوني🥹 )
وهنا كانت المقارنة الزائر التونسي اللي كان يتخبط في تشخيص الحالة وماوصل لتشخيص 🤔
بينما الطبيب الليبي شخص حالتي على السريع 🙃
ومن هذا المنبر تحية لكل أولادنا وبناتنا اللي الشعب يسلخ فيهم كل يوم بكلمة( مافيش طب في ليبيا)
طبعا أغلب حالاتي سامعين بيها القصة 😅
بس قلت ندير تحديد للكل
Be the first to know and let us send you an email when عيادة د.آمال بوسله الكوافي posts news and promotions. Your email address will not be used for any other purpose, and you can unsubscribe at any time.
