09/07/2025
هل فعلاً الدلاع فيه كيماوي يسبب السرطان؟
فيه كلام واجد واشاعات هالأيام يقول إن الدلاع فيه مواد كيماوية وتسبب في ميات حالات سرطان ف ليبيا!
الرد العلمي
صحيح، مرات الفواكه يرشوها بمبيدات زراعية، وهدا يصير في كل بلاد العالم، لكن:
باش مادة كيماوية تسبب سرطان، لازم تتعرضلها بكميات كبيرة ولفترة طويلة، يعني مش من أكلة وحدة.
السرطان ما يجيش في يوم وليلة.. ياخذ سنين باش يبان.
حتى لو فيه تسمم من المبيدات، تطلع أعراض زي المغص، الغثيان، الإسهال، مش سرطان مباشر.
ما فيش حتى تقرير رسمي أو طبي في ليبيا قال إن فيه 400
حالة سرطان من ورا الدلاع.
منظمة الصحة العالمية والوكالة الدولية للسرطان ما قالتش إن فيه مواد في البطيخ تسبب السرطان.
النصيحة:
اغسل الدلاع كويس، واشتر من ناس تعرفهم، ومتصدقش أي إشاعة تسمعها.
بلاش تنشروا الرعب بين الناس بدون دليل، وشارك المعلومة الصح.
