28/11/2025
البعض يسألني ليش اذا عرضت صور بعض العمليات التي من الممكن عرضها.
نعرض في الجروح بشكل واضح والكدمات واضحات… مع إن غيري يخفيها أو يجمّلها.
والإجابة بسيطة: أنا نحب مريضي يعرف الحقيقة قبل ما يخش لغرفة العمليات، مش بعدها.
عمليات التجميل، خصوصًا الكبيرة منها، مش إجراءات بسيطة، ولازم المريض وعائلته يكونوا فاهمين كل التفاصيل — شكل الجرح ومكانه ، فترة الاستشفاء، التورّم، وحتى النتائج المتوقعة.
هذي الشفافية هي اللي تمنع الصدمة بعد العملية، وتبني ثقة حقيقية بيني وبين المريض.
للأسف، واجدين يجوني من برا ليبيا ومن داخلها، مدايرين عمليات وماكانوش يعرفوا حتى شكل الجرح… لأن الدكتور اللي دارلهم العملية ماعرضش ولا صورة حقيقية . بعضهم قالولي “قالوا الجرح يختفي بالكامل”، وفي الواقع النتيجة كانت مختلفة تمامًا..
الأمانة المهنية واجبه ، وكون صادق مع مريضك ربي يفتح عليك من واسع ابوابه
وهذه بعض اساليب الغش المنتشرة في السوشيال ميديا عشان تاخدوا بالكم منها 👌
