03/02/2026
مسائكم طيب عويلة 💚
إن شاء الله الجميع بخير وعافية،
طبعا بتعاون الجميع والناس الباهية مستمرين معاكم في حملة ساعد غيرك باللي عندك ، يعني فيه هلبا ناس تلقى عندهم حاجة طبية زي كرسي متحرك ، ولا كرسي حمام خاص بالمقعدين ولا الي صعب حركتهم وغير ذلك من المعدات الطبية الي يقدر الغير يستفيد بيها ، ف علاش تقعد هكي من غير استفادة ، ف الصيدلية بابها مفتوح للجميع الي عنده شي كويس يستفيد بيه مريض تاني يوفر عليه الجهد والفلوس كذلك ، يقدر يتواصل معانا ويجيب الي متوفر عنده واحني بدورنا انديروا واجبنا والي مستحقه يستلمه فترة العلاج واول ما يتم بيه يرجعه للصيدلية باش يستفيد بيه غير ، وهكذا بطريقة مستمر لتكون حسنة جارية للجميع يارب 🤲
واحني نكونوا متواصلين مع المريض الي استلمه من الصيدلية لتفقد حالته اولا ثم للتذكير في حال الانتهاء منه باش مايقولش نسيت .
ونفس الوقت الي عنده شي ويبي يخليه عنده ويتواصل معانا بس تواصل على بريد الصفخة ويبلغنا بالشي الي يبي يساهم بيه ويبعت صورته ويخليه عنده واول ما يحتاجه حد معين نتواصلوا معاه وهكذا بحيث يستفيد الجميع بكل سهولة . .
وربي يشفي كل مريض ونكونوا سند لبعض ومايحوج مسلم يارب 🤲
