https://www.facebook.com/102743915496769/

Dr.Hajer Giuma -د هاجر جمعة زكري, Tarabulus (2026)

10/04/2026

🌿 جمعة مباركة عليكم 🌸

اللهم اجعل هذا اليوم مليئًا بالخير والراحة والطمأنينة 🤍
لا تنسوا الإكثار من الصلاة على النبي والدعاء في هذا اليوم الفضيل ✨

📅 تذكير بمواعيد اليوم:
من الساعة 11:00 صباحًا حتى 4:00 مساءً

في انتظاركم بكل حب
#ليبيا #طرابلس

09/04/2026

: بين الفقد والرجاء.. قصة "كوكا" ورحلة الروح الواحدة 🤍
كانوا "توأم".. لكن القدر اختار أن يكمل أحدهم الرحلة وحده.💔
بعد سنوات من الانتظار، ومحاولات الحقن المجهري، والصبر اللي ما يعرف حدود، ربي رزق مريضتي "كوكا" بحمل توأم. الفرحة كانت لا توصف، لكن الفرحة هذي انخطفت لما شاء القدر إن واحد من الأجنة ما يكملش.🤲
هنا بدأت رحلة تانية أصعب من رحلة الحقن نفسها.. رحلة "الخوف".
مريضتي عاشت في كابوس حقيقي، كانت خايفة تفقد البيبي الثاني في أي لحظة. الألم النفسي اللي عاشاته كان أصعب من أي مضاعفات جسدية ممكن تواجه أي حامل. وصلت بيها لدرجة إنها في الشهر السابع طلبت مني: "دكتورة، ديريلي عملية توا.. خليه يكمل في الحضانة أحسن ما نفقدوه وهو في بطني!"🥹💔
كنت حاسة بيها وبكل نبضة خوف في قلبها. ألم الفقد، خصوصاً للناس اللي تعبت باش توصل للحلم، راهو واعر هلبة.
كنت كل ما نشوفها ترقد على سرير الكشف، نحس قلبها بيطلع من مكانه من التوتر😐.. فكنت نمشي بالجهاز مباشرة لنبض البيبي، ونطمنها: "شوفي.. الأمور تمام بإذن الله، استهدي بالله."
رسالتي لكل وحدة تمر بنفس الظروف:
الشيء اللي خارج عن سيطرتنا، هو في يد الخالق.. سلموا أمركم لله، 🤲وبالدعاء والاستغفار يلين كل صعب. التوتر مش حيغير القدر، لكن الثقة في الله حتغير نفسيتك.
والحمد لله.. اليوم مريضتي "كوكا" بين يديها طفلها، بصحة وعافية، بعد رحلة طويلة من الصبر والقلق. ربي يحفظه لها ويجعله قرة عينها 🌸.

#طرابلس #ليبيا

09/04/2026

🌸صباح الخير 🌸

ابدئي يومك بابتسامة، حتى لو كانت صغيرة… لأن كل بداية جديدة تحمل فرصة جديدة 💛
لا تدعي الأمس يؤثر على اليوم، فكل صباح هو صفحة بيضاء اكتبِي فيها ما تتمنين ✍️

✨ كوني قوية…
✨ كوني متفائلة…
✨ وثقي أن الخير قادم بإذن الله

🌷 يوم جميل يبدأ من داخلك… فاصنعيه بنفسك

08/04/2026

ديما نحاول نتجنب نزل مواضيع "تشوهات الأجنة" حفاظاً على نفسية كل حامل اتابع فيّا، ونبي صفحتي تكون مصدر طمأنينة ليكم.. لكن للأسف، الحالات اللي نشوف فيها خلتني نحس إن "التوعية" واجب طبي لا مفر منه، لأن الموضوع ولا يتكرر هلبة. 😔
اليوم في العيادة، استقبلت حالة وجعتني هلبة.. مريضة في نهاية الشهر السابع، وبكل هدوء قالتلي: "دكتورة، أنا ما نحسش بحركة البيبي من بداية الحمل، وجيت بس نطمن!"
الصدمة مش بس في غياب الحركة، الصدمة إنها مش مدايرة "السونار التفصيلي" ولا كاشفة من أكثر من شهرين، معتمدة على فكرة إن "الأمور أكيد تمام".
لما حطيت جهاز السونار.. الجهاز كشف حقيقة كان لازم نعرفوها من شهور: تشوهات واضحة في أطراف البيبي، مع احتمالية كبيرة لوجود "متلازمة" (Syndrome).
أصعب لحظة نواجها في المواقف هذي، هي كيف نقول لأم في شهرها السابع إن طفلك اللي استنيتيه، عنده تشوهات كان ممكن نكتشفوها في وقتها (الأسبوع 18-22) لو كانت المتابعة منتظمة. 💔
ليش قررت نحكي في هذي القصة؟
باش نبه كل "غالية" حامل:
1️⃣ غياب حركة الجنين أو ضعفها مش دايماً "دلع"، لازم فحص دقيق. 🛡️
2️⃣ السونار التفصيلي (Anomaly Scan): هذا مش رفاهية، ولا هو بس بش نعرف "ولد أو بنت".. هو أمان لسلامة الأعضاء والأطراف.
3️⃣ المتابعة الشهرية: شهرين بدون كشف في مرحلة تكوين الجنين هي مخاطرة كبيرة.
قلبي مع مريضتي اليوم، وربي يصبرها ويعوضها خير.. حبيت نزل "شيء بسيط" للتنبيه فقط، لأن الوعي المبكر فعلاً يغير مسار حياة. 🕊️✨

"هل عندك أي استفسار عن السونار التفصيلي أو التوقيت المناسب ليه؟ اسألي في التعليقات وحنجاوبكم بإذن الله."

08/04/2026

صباح الجمال 🌸
الزيارات يلي يحبها قلبي 👩‍🍼
مافيش حاجة احلي من إني نشوف رحلة حمل 🤰انتهت بفضل الله بطفل و أم و هما بصحة جيدة رغم المخاطر و التحديات لي شفناها
و ماتوفيقي إلا بالله

🗓️مواعيد اليوم من ⏰ الساعة 11 صباحا إلي 6 مساء
#صباح

06/04/2026

خمس سنين من الصبر والدعاء.. خمس سنين كان فيهم التعب والأمل في كل شهر. التكيسات كانت عائق، لكن الإرادة والتوكل على الله كانوا أقوى من أي تشخيص. 🩺💪
بفضل الله، وبعد ما اتبعنا البروتوكول العلاجي بكل دقة وصبرنا على التفاصيل، ربي سخر الأمور وجبر بخاطرها. اليوم نكتب الكلمات هذي والفرحة مش سايعتنا: "الحمد لله، حالة جديدة ربي رزقها بالحمل" 🤰✨. شعور ينسّي وجع السنين اللي فاتوا كلهم.
الحمد لله الذي بنعمته تتم الصالحات، والعقبة لكل وحدة تستنى في هالحظة.. ربي يرزق كل مشتاق الذرية الصالحة. 🤲 طال الانتظار، لكن كرم ربي كان أكبر! 👶
#ليبيا #طرابلس

06/04/2026

☀️ صباح الصحة والعافية 🌸

هل تعلمين؟
الفحص الدوري لصحة المرأة يساعد في الوقاية من العديد من الأمراض قبل ظهور الأعراض 🌷

❤️ لا تهملي نفسك… صحتكِ تأتي أولاً دائمًا

🕒 مواعيد العيادة:
السبت: من 2 ظهرًا إلى 8 مساءً
الأحد: من 2 ظهرًا إلى 8 مساءً
الثلاثاء: من 10 صباحًا إلى 6 مساءً
الأربعاء: من 10 صباحًا إلى 6 مساءً
الجمعة: من 11 صباحًا إلى 4 عصراً

05/04/2026

‎رؤية جنينك ومتابعة حركته بأشعة الـ 4D... تقنية متطورة لراحة بالكِ🤰

‎نقدم لكِ في عيادة الدكتورة هاجر جمعة زكري أحدث جيل من أجهزة الأشعة الـ 4D ، والتي توفر:

‎1. تشخيص دقيق: فحص تفصيلي لأعضاء الجنين ونموه لاكتشاف أي حالات قد تتطلب تدخل مبكر .

‎2. جودة صورة فائقة: رؤية واضحة ومجسمة لملامح الجنين ووضعيته.

‎3. متابعة و مشاهدة حية لحركات الجنين وقياس نبضات القلب.

‎4. أمان تام: الجهاز آمن تماماً ولا يستخدم إشعاعاً.

‎☎️ للحجز او الاستفسار:
0920257835

‎👩‍⚕️ التواجد

‎📍العنوان : قرقارش، طريق البحر، جوار مسجد الغفران.

05/04/2026

يأتي الصباح فيأتي معه الأمل والحب والحياة
‏اللّهم اجعله صباحاً نقياً جابراً للقلوب والخواطر. ‏🕊️⛅️
في انتظاركم اليوم مع الساعة 2 ظهرا
#طرابلس #ليبيا

04/04/2026

لا تنتظر أن تتحسن الظروف لكي تفرح، ولا تنتظر شخصاً ليرسم لك البهجة..
السعادة قرار داخلي، يبدأ حين تقرر ألا تسمح لأي شيء بتعكير مزاجك. ✊✨
ابدأ صباحك بالرضا، وستجد الجمال في كل تفاصيل يومك.
صباحكم سعادة واختيارات مبهجة! ☕🥐

02/04/2026

بين أقدار الله.. وعظيم لطفه 🤍✨
تم أسبوع كان حافل بكل معنى الكلمة.. أسبوع عشته بجميع مشاعره، بين غرف الولادة 🏥 والمتابعات الدقيقة للحالات عالية الخطورة ⚠️ اللي خدت مني كل تركيز ودقه وجهد.
شفنا هالأسبوع عظمة وقدرة ربي في كل لحظة؛ فبينما كنا نحتفلوا بـ نهايات سعيدة 🎉 وهي اللي كانت بفضل الله النصيب الأكبر من حالاتنا، مرّت بينا لحظات وقفنا فيها قدام قدر الله اللي هو أقوى من كل شيء، وحكمته اللي أبلغ من عقولنا الصغيرة أنها تستوعبها.. فالحمد لله في
السراء والضراء 🤲.

رحلتنا مع الـ 4D والجهاز التفصيلي 🖥️👶
خلف شاشة الجهاز، انكتبت قصص هلبا:
• بشارات الخير: لحظات الفرحة اللي ما توصفش والبيبي طالع في الشاشة سليم ومعافى بفضل الله، والضحكة تملى المكان 😍🙌.
• لحظات الصبر: وفي الجانب التاني، حالات التشوهات اللي واجهناها بقلوب مؤمنة.. لحظات كانت الكلمات فيها تعجز وتغص في قلبي وأنا نحاول نواسي ونصبر الأهل في اختبارهم الصعب 💔😔.

كلمة من القلب ليكم 🌹❤️
اللي يخليني نستمر رغم كل هالتعب هو ثقتكم الغالية فيّ ومحبتكم اللي نلمس فيها في كل دعوة وكل كلمة طيبة.. حب حالاتي هو الوقود اللي يخليني نعطي أكتر وأكتر 🥰.
دقتي في المتابعة وخبرتي اللي نسخر فيها ليكم هي أمانة في رقبتي، وحنستمر نحافظ عليها باش نوصلوا لبر الأمان بإذن الله 🩺💪.
ألف مبارك لكل وحدة رزقها ربي بمولودها هالأسبوع 👼🎈، ودعواتي من كل قلبي لكل من ما كانتش نهايتها سعيدة المرة هادي، ربي يعوضكم خير ويجبر بخواطركم جبر يليق بعظمته 🕊️.

01/04/2026

دائمًا نحكوا على دور الزوج والأهل في دعم المرأة… وننسوا دور مهم جدًا، وأحيانًا يكون هو الأصدق: دور الصديقة 🤍

الصديقة اللي توقف جنبك بدون شروط 🤝
اللي تسمعك من غير حكم 👂
اللي تحس بيك حتى قبل ما تحكي 💭

من واقع خبرتي كطبيبة نساء وولادة 👩‍⚕️
نشوف قدّاش الدعم النفسي يأثر على المرأة…
وكلمة بسيطة من صديقة ممكن تغيّر يوم كامل، أو حتى مرحلة كاملة 🌿

اختاري صديقتك بعناية ✨
اختاري إنسانة قلبها عليك بصدق ❤️

مش أي حد يستحق يكون قريب منك في لحظات ضعفك ⚠️
اختاري اللي تقوّيك، مش اللي تستهلكك 💪

💬 منشن لصديقتك اللي كانت معاك في أصعب وقت…🤍

Dr.Hajer Giuma -د هاجر جمعة زكري

10/04/2026

09/04/2026

09/04/2026

08/04/2026

08/04/2026

06/04/2026

06/04/2026

05/04/2026

05/04/2026

04/04/2026

02/04/2026

01/04/2026

Address

Website

Alerts

Shortcuts

Share

Category