Dr Walaa Jammoum - د ولاء جموم

11/07/2025

- شن اديرلك 348 د 💅
جلسة سكن بوستر ،تقشير بارد او كيميائي، جلسة ديرما بس، جلسة فراكشينال ليزر، ميزو مكس ، ليزر مناطق حساسة وتطول القائمه 🥲.

المهم معاش تقولوا اسعار الجلسات غالية بس لما ينحط رقم زي هدا في مكرونه 🥹💔

08/07/2025

المهم حماية ايديك ❤️🫶

06/06/2025

كل عام وانتم بخير 😁❤️

07/05/2025

في تغيرت الجو هده وارد هلبا تلقي جفاف وقشور هلبا على وجهك
وهدا غير الحبوب الي بتطلع 🙂

- في الحالات هده انتي مفروض تغيري في روتينك شوي اضيفي تزيدي الترطيب او اضيفي مرطبات زي سيروم الهيالرونيك ، استعمال السكراب مره اسبوعيا ،وممكن حتي تغيري مرطبك لكريمي اكتر لو طول الموضوع معاك 😬، طبعا ماتنسوش الميا 💦 لأن كل مازاد الجفاف في جسمك هيبان على بشرتك 😩

د ولاء جموم | طبيبة أمراض جلدية وتجميل طبي وليزر

05/05/2025

🖤

26/03/2025

صحه فطوركم ❤️
كم نصيحه ليكم لأن نشوف في كوارت على الفيس 😁
طويل شوي بس يهمكم....

☑️ مافيش هيدرا ب 50 ولا 100 نهائي 😑 ،الجلسه تاخد من نص ساعه الي 45 دقيقه، فيها مجموعة مواد تاخد من جهد الدكتورة هلبا، ينخصم منها المواد وتنقسم بين الدكتور والمصحه. فلما تكون بخمسين هني انتي مفروض توخري وتفكري هلبا قبل ما اديريها، هلبا اماكن خاصه مراكز التجميل تعقيمها كارثي ويطلع عليك بعدين في صوره حبوب او مسام واسع وغيرها... لو سمحتوا معاش تستخسروا في رواحكم وخاصه وجهك 🙂

☑️ بعد الهيدرا السير والشمع ممنوع ❌، المسام مفتوح ومفروض تهتمي بترطيبه ونظافته لما تعرضيه للحراره تزيد فرصه المسام الواسع ،تتعرضي للحروق والتصبغات

☑️ لما تلقي جلسه بوستر ،بلازما ،ميزو تحت 100 د ما اديريهاش، السعر مش منطقي ، المواد الي جودتها كويسه والي تعطي نتيجة عاده غاليه فكيف مصحه او دكتوره ترضى تخدم برقم زي هدا يعني بعد الخصم مش هيطلعلها حتى 20 د 😁، ماتغركش الأرقام الصغيره هده لان وراها قصه 😬

☑️ التقشير مش وقته توا نهائي فوتيه الا لو عندك نيه وجهك يبدا كله قشور في العيد 😁

☑️ قبل العيد بيوم الحاجه الوحيده الي اديريها هيا الهيدرا

☑️ من هني ليوم الموسم تقدري اديري سكن بوستر ،ميزومكس ،بلازما ،بوتكس ،ديرما بن خفيفه بس 😬

☑️ ماتتحشميش تسألي على المواد المستعمله وصناعتها، على كل حال الدكتوره الي واثقه من خدمتها هتقولك على طول 🥰

نعاود ونقول ماتستخسريش في روحك 😬 ،وماتقوليش مكان مداير تخفيض قوي خلي نمشيله طول باش ماتعانيش بعدين 😌.

كل سنه وانتم طيبين ❤️

11/03/2025

02/03/2025

تنويه ⛔

لظرف صحي انا في اجازه لمده شهر من كل اماكن العمل وممكن تكون اطول الفتره على حسب فترة العلاج.
دعواتكم ....

28/02/2025

"ربِّي إنّي مَسَّنِيَ الضُّرُّ وَأَنتَ أَرْحَمُ الرَّاحِمِينَ"

اللهم انت الشافي المعافي إشفيني شفاءاً لا يغادره سقماً، اللهم انت الشافي لا شفاء الا شفائك
تعرضت لوعكه صحيه و فبالي ان الموضوع بسيط بس للأسف حاليا مش قادره ندير ابسط مجهود 💔
دعواتكم...

27/02/2025

خميسكم جميل ❤️
من الجلسات الجميلة الي ممكن اديريها كبديل للبوستر لو تبي نضارة وميزانيتك ماتسمحش 👀..

د ولاء جموم | طبيبة أمراض جلدية وتجميل طبي وليزر

26/02/2025

☑️ لو بتاخدي كريم للقدمين دائما خوديها تحتوي على اليوريا 10_20% كترطيب وتقشير بسيط...
❌ ماتستعمليهاش لو عندك جروح..
او
☑️ استعملي ماسك زي الي فصوره يقعد نص ساعة ويغسل، استعمليه مره شهريا..

د ولاء جموم | طبيبة أمراض جلدية وتجميل طبي وليزر...

25/02/2025

استعمال لأخر قطرة 😁..

من كريمات الترطيب الجميلة الي استعملتها وحبيتها هلبا..
خفيفه ، سريعة الإمتصاص،. ممتازه للي يعانو من جفاف ،بعد الحلاقة بشفرات ، بعد جلسة الديرما بن والليزر ،كمرطب يومي للبشرة الجافه..

☑️ تحتوي علي مواد موجوده طبيعي في جلدنا زي السيراميد، االلينوليك اسيد ،الهيالرونيك .. باهي شن بنستفيد بيهم 🤔 ؟
هيديرو ترميم لحاجز الجلد عند حالات الاكزيما ، الجفاف الموسمي، وبعد الجلسات.
☑️ بلإضافة الى السنتيلا لتخفيف التهيج وتجديد للخلايا َ

☑️ استعمال مرتين الى 3 مرات..

د ولاء جموم | طبيبة أمراض جلدية وتجميل طبي وليزر

BioBalance Libya