https://www.facebook.com/101211041285437/

Dr.Fayrouz Abduallah د فيروز عبدالله, Tripoli (2025)

15/09/2025

حالة تشكي من تغير لون جسمها بالكامل اغمق من لونها الطبيعي بهلباااا...

المهم جايه للمصحة تبي تفتيح للجسم وسألت علي حبوب او حقن التفتيح ....
لانه مشكلتها مش تصبغ في مكان معين...

طبعا اني كطبيبة جلدية وظيفتي نعرف السبب ونعالجه من الأساس...يعني نعالج المرض وليس العارض...

طلبت عليها تحليلات بناءا عالاعراض اللي عندها ....وطلع عندها مشكلة في الغدة الكظرية وعندها مرض اسمه اديسون...من اشهر أعراضه غمقان في لون الجسم ...

شفتو كيف نقوللكم ديما انه الجلد مراية الجسم ...وطبيب الجلديه يعتبر فلتر يعني بيشوف الحاله ويحاول يعرف السبب ويحولها للطبيب المختص

الصورة من النت للتوضيح

15/09/2025

بعد تفكير وتخميم تأكدت أنه أكثر حاجة تستاهل إن الإنسان يقعد يدور عليها هي الراحة مش السعادة ، السلام النفسي والبال الهادي مش شرط يكون مصحُوب بإنك طاير من الفرحة ، لما توصل لمرحلة الراحة و الرضى تقدر تخلق سعادتك من أبسط و أقل حاجة🥹 ❤

صبحكم الله بالخير والبركة يارب🤍

15/09/2025

اكيد اغلبكم عارفين حبوب التجفيف اللي نوصفو فيهم لعلاج حب الشباب isotretinoin .... يسمو فيهم حبوب الجمال من جمال مفعولهم السحري لعلاج حب الشباب

في منهم جرعات 10 20 40mg نعطو فيهم حسب الوزن

الموضوع كتبت عليه اكثر من مرة... نحذر علي استعمالهم من دون إشراف طبيب....ردو بالكم تستهينو بالموضوع

اول واخطر عرض جانبي ممكن يصير منهم لو استعملاته مرأه وحملت ...كارثة بمعني الكلمة حتجيب للأسف طفل فيه تشوهات خلقيه ....شوفو الصورة في التعليقات

وباقي المعلومات تلقوها في التعليقات

خلو لايك باش توصلكم التفاصيل...واي استفسار بخصوص الموضوع اكتبهولي في كومنت

14/09/2025

عالصبح لقيت عالخاص سؤال من ام ...تبي أدير بروتين لبنتها قبل ما تبدأ المدرسة ...هل ليه اضرار ام لا ....والمشكلة قالتلي انه المزينه قالتها بالعكس البروتين علاج ويقوي شعر بنتك 😭????

الاجابه ...قدامكم في الصورة ...اول ما شفت سؤالها..اتذكرت الحاله هادي ...نفس الفكرة بنوته صغيره رفعتها امها دارتلها بروتين قبل المدرسة ..😩

ردو بالكم ....يكذبو عليكم لما يقولو 🚫البروتين 🚫والكيراتين علاج ابدا كلام غير صحيح بالعكس تمام مضر جدا يسبب تساقط الشعر وتلفه 🤦‍♀️ويسبب في تهيج وتحسس فروة الراس من غير اصلا انه فيه مواد مسرطنه عفانا الله واياكم

مرات مش من اول مره يبان مضاره من تاني أو ثالث مره والله كل من داره وشاف ضرره ندم أشد الندم وشفت حالات وعلاجها كان صعب للاسف

نصيحه ابتعدي عليهم هما حل صح لتنعيم الشعر لكن مضارهم اكبر 😔😔

ومافيش جو شركات وصناعه كويسه كله كدب للاسف🚫❌🚫❌

تاقاتكم لصاحباتكم...وكل من تفكر اديره...ديرولهم تاق نبهوهم

وبالله عليكم ماحد يسالني علي شنو يرطب الشعر ...مش شغلي ولا نفهم فيهم

كاتبه امس بوست علي بخاخ طبي يسهل تمشيط الشعر ويغذيه ويفك التشابك....تلقو صورته في التعليقات

غير هكي والله مانعرف ٠

12/09/2025

‏﷽
‏
《 إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ‏يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا 》
‏
اللهمَّ صل وسَلِّمْ وباركْ على نبينَا مُحَمدﷺ وعلى آلهِ وصَحْبهِ وسَلِّمْ تَسْلِيمَاً كَثيرَاً ..

12/09/2025

مع قرب المدرسة وكلنا لاهيين في الأدوات والشناطي والكراسات 😍
ماتنسوش تاخدو زيت او سيروم لترتيب شعر بنوتاتكم الحلوات🥰⚘️

حطيتلكم كل المعلومات اللي تفيدكم في اول تعليق علي بخاخ ممتاز جدا للشعر😍🫶

طبعا نقدرو نستعملوه حتى احني الكبار🫣😊

07/09/2025

سعيدة بكوني جزء من الشركة الأقرب الي قلبي شركة الهودج العالي _ Alhawdaj Alaali ...مقتطفات من مشاركتي كمحاضر بين قامات علمية كبيرة 🥰 يزداد معها اعتزازي وفخري

06/09/2025

خير ما يقال في كل صباح:
اللهم إني وكلتك أمري فكن لي خير وكيل و دبرلي أمري فإني لا أحسن التدبير ✨️

05/09/2025

﴿لَئِن شَكَرْتُم لَأَزِيدَنَّكُمْ﴾
﴿وَلَئنْ صَبرْتُمْ لَهُوَ خَيْرٌ لِلصَّابِرِينَ﴾
﴿وَمَاكَانَ اللَّهُ مُعَذِّبَهُمْ وَهُمْ يَسْتَغْفِرُونَ﴾

سعادة الانسان في ثلاثة أمور :
شكر على نعمة
صبر على شدة
والإستغفار من معصية

اللهم اجعلنا من الشاكرين الصابرين المستغفرين ..آمين

جمعتكم مباركة

03/09/2025

للأسف من اكثر الأمور اللي تستفز فيا الاستخفاف بتخصص الجلديه... وخصوصا بعد ما شوهوه بدخول كل من هب ودب في جلسات التجميل الطبي وينسبو في نفسهم للجلديه ...ويكتبو قدام الاسم ...الدكتور او الدكتورة فلان😤🥴

الصور هادو لكل من يستخف بتخصص الجلديه و ما يخافش ربي وما يديرش اقصى جهد باش يوصل للتشخيص السليم ذنب المريض في رقبتك..الصور لأربعة لأمراض جلدية تختلف علي بعضها

1 صورة سرطان جلدي قاتل اسمه ميلانوما
2 صورة شامه عاديه جدا
3 صورة سرطان جلدي موضعي
4 صورة سرطان خطير موضعيا لكن لا ينتشر

عافانا الله وإياكم....وربي يشفي كل مريض يارب

02/09/2025

من القصص الغريبه اللي حتسمعوها...جتني حالة كانت تقريبا عمرها 17 سنه ...جت معاها امها ...

البنوته شعرها يطيح هلبا ومرهقه ووجها شاحب وارق وغيره ....واضح انه عندها فقر دم ...
وفعلا لما درنا التحاليل طلع عندها انيميا قويه ومخزون الحديد ناقص هلبا

المشكله انه امها قالتلي علي قد ما تاخد في الحديد ديما ينقص ...
اهني طبعا لازم بنفكر في السبب باش نعالجه

المهم بعد جهد جهيد عرفت السبب ...للأسف البنت عندها مرض يعتبر سلوكي لكن مرات يجي نتيجة مشاكل نفسيه ...وهو مرض بيكا pica يبدأ الحاله ياكل في حاجات غريبه زي الفحم والثلج والصابون والتراب والطباشير وغيره
مع الوقت اكيد بيصيرلهم نقص في الفيتامينات والمعادن

الموضوع علاجه مش ساهل وياخد شويه وقت لكن المهم انه الحاله يكون متجاوب معانا

لو تبو عليه معلومات اكثر اكتبولي في التعليقات

31/08/2025

شوفتوها الحبة هادي اللي نسمو فيها صهد البطن وغيره ...لو بوست بيها بيبي توقع انك تسبب في وفاته

شوفو اللينك اول تعليق تلقو فيه التفاصيل

Dr.Fayrouz Abduallah د فيروز عبدالله

15/09/2025

15/09/2025

15/09/2025

14/09/2025

12/09/2025

12/09/2025

07/09/2025

06/09/2025

05/09/2025

03/09/2025

02/09/2025

31/08/2025

Address

Telephone

Website

Alerts

Shortcuts

Share

Category