Dr.Fayrouz Abduallah د فيروز عبدالله

15/05/2026

يا مساء الخير عليكم جميعا

موعدي معاكم يوم #الاثنين بعون الله تعالى فترة مسائية من الساعة 4 للساعة 8 مساء ب مصحة الطليعة

لأي استفسار تواصلو معاي واتس
0919464681

15/05/2026

15/05/2026

اني متأكده انه في كل حوش ضروري في شخص عالاقل عنده نقص فيتامينات د وياخد في العلاج....

المشكلة انه تقريبا كلهم ياخدو فيه غلط😩 وبعد ما يكملو الكورس يتعدل شويه وبعدها يرجع ينزل🤔

فيتامين د ضروري جدا ناخد معاه فيتامين k...وناخدوه في النهار....ومع وجبة دسمة وفيها دهون🥰😳 وممنوع للناس اللي عندهم حصوة في الكلى ....وفي هلبا معلومات مهمة

نحاول في أقرب فرصة نكتبلكم التفاصيل....خلو لايك باش توصلكم باقي المعلومات 🥰 ومبدئيا فيتامين د اللي في الصورة ممتاز جدا

15/05/2026

يقولون (من سار على الدرب وصل)، لكنهم لم يخبرونا عن حجم التعب الذي يختبئ خلف الأبواب المغلقة. خلف كل إنجاز، تضحيات لا تُرى، وساعات من القلق تحولت بفضل الله إلى فخر.

​لطالما كان الطب رحلة لبناء الذات وتأديب النفس قبل أن يكون وسيلة للعلاج. فخورة بكل خطوة، وبكل لحظة أدركت فيها أن التعب هو ثمن الوصول. ❤️

الحمد لله على المهنة التي تجعلنا أقرب لآلام الناس وأكثر حمداً على نِعمه. دامت أحلامنا واقعاً نعيشه. 🙏✨

14/05/2026

جتني حالة تعاني من المسام الواسعة وقالتلي كل مره يزيدو اكثر
السبب طلع انها ترطب في وجهها بفازلين😭

قالتلي ماشي معاي ما يطلعليش في حبوب

هو هذا يابنات اللي بنقوللكم عليه فازلين وبيبانتين اكبر كارثة للوجه ... مش لازم يطلعلك حبوب ...لكن مع الوقت يزيد من المسام ويدير حاجه تانيه اسمها sebaceous hyperplasia... بمعني تضخم في الغدد الدهنية...تلقو الصور موجوده للمشاكل الجلدية اللي يسببها الترطيب بفازلين او اي مرطب مش خاص للوجه

14/05/2026

من سامع بيها وحمة اوتا او شايفها ...هي وحمة غالبا تجي جهة الخد والعين مرات تشمل العين ومرات لا

مرات تكون خطيييرة ومرات لا ...وشن علاجها وكيف نتصرفو معاها

كله رح انزله في أقرب وقت ممكن....خلو لايكات واكتبوا لو عندكم استفسار...باش توصلكم التفاصيل اول ما نعدل البوست

شوفو صورها👇👇👇👇

14/05/2026

يا صباح الفوز والجوائز الحلوة الف الف مبروووك للفائزات معاي بجلسات يوم الكشف المجاني بعيادة الزيتونة 🥰⚘️

حتكون جلساتكم يوم الاثنين بمصحة الطليعة بالسراج...وحنتواصل معاكم للتنسيق 😍🥰

13/05/2026

كطبيبة من المفترض ما نتكلمش عالطب الشعبي والعلاج بالأعشاب في صفحتي...
طبعا لما قلت مفروض مانتكلمش عليه مش تقليلا منه ...بالعكس تماما لانه الطب الشعبي والتداوي بالأعشاب علم كبير وقائم بذاته عنده ناسه اللي مختصة فيه وتفهم فيه ...ونحب نحترم كل تخصص ومانفتيش غي تخصص غير تخصصي...

لكن لما تكون فكرة العلاج بالأعشاب نفس فكرة العلاج الطبي ومافيهاش ضرر عالمريض ...يكون واجب عليا الإفادة

لو في حاله عندها تالول في اليد او الرجل ...ويصعب عليها العلاج لأي سبب ...جربو حليب الكرموس...ياخدو فيه من التين نفسه او من الورق

شفت حالات عالجهم...وبديت نوصف فيه لو مثلا كان المريض طفل ...او حامل...او مرضع. ..او اي سبب يمنع العلاج ...عالاقل خير من بلاش

كلامي لا يعني ابدا انه يحل محل العلاج الطبي ...ولكن زي ماقلت في حالات معينه ....وفي الاخر هو لو مافادش مايضرش

وذكرها في القرآن اكبر دليل انها ثمرة نافعة ...شوفو فيديوات عاليوتيوب باش تعرفو كيف تاخدو الحليب

تابعو صفحتكم

https://www.facebook.com/fayrouzabduallah?mibextid=ZbWKwL

#تعديل

من الكومنتات لقيت انه لازم انبه علي نقاط مهمة

اول شي لازم اديرو حوالين التالول فازلين لانه يعتبر مادة كاويه ومع الوقت تحرق الجلدة الحية حوالين التالول

ممنووووووع منعا باتا اديروه للوجه او اي مكان حساس

12/05/2026

لما يبدأ في ديودرنت طبي ممتاز متوفر في الصيدليات بنفس سعر التجاري....وانتي تاخدي التجاري 🤔 وبعدها تشكي من اسوداد الابط ...معناها المشكلة فيك للأسف 🫣

12/05/2026

البوست هذا للناس اللي يعانو من الاكزيما والجفاف والحساسية والصدفية

اكيد اغلبكم تستعملو في كريمات فيهم يوريا ....طبعا حتى اني معاكم فعلا اليوريا مركب ممتاز جدا

لكن المهم تعرفو انه نسبة اليوريا مهمة جدا حسب الحاله مش كل حالة تاخد بمزاجها

فمثلا لو بشرتك جافة خود يوريا نسبة 5% او 10% لانها حتخدم ترطيب عميق

لو عندك اكزيما....شوف يوريا تكون أقل من 20% لانها حتخدم علاج وترطيب وتريح هلباااا ...ما تاخدش فوق ال 20% لانه القشور حيضايقوك

اما لو عندك صدفيه...مهم جدا تكون نسبة اليوريا اكثر من 20% باش تخدم ترطيب وتقشير للجلدة الميته وعلاج نفس الوقت

لو تبو انزلكم منتجات فاعليتها كويسة في التعليقات