What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Sunday 09:00 - 17:00

https://www.facebook.com/103132131166064/

شن ناكل كأخصائية تغذية

Home
Libya
Tripoli
شن ناكل كأخصائية تغذية

صفحة مختصة بالوصفات الصحية وكيف تعيشوا حياة صحية وتضعفوا من غير دايت ومن غير حرمان😲😍

16/02/2025

السلام عليكم🤗

هلبة ناس يغلطوا بين الجوع الحقيقي و الجوع العاطفي😐😮‍💨

تلقى روحك ادور في شوكولاتة🍫أو بطاطا شيبس🍟بس لانك متوتر أو عندك ملل أو حتى وإنت فرحان😵😵‍💫فبش تتجنبوا الشي هذا
⬅️اشربوا طاسة امية لان ممكن تكونوا عطشانين
⬅️خلي عندك خيارات صحية زي فواكه،مكسرات أو زبادي
⬅️زيدوا ساعات نومكم لان قلة النوم حيزيد شهيتكم للاكل

د.نهلة نجيب

15/02/2025

السلام عليكم🤗

🚫أسرار نزول الوزن بعد الولادة🤱🚫

⬅️الرضاعة الطبيعة
⬅️30دقيقة من المشي يومياً
⬅️الاعتماد ع الاكل الصحي
⬅️تناول صحنين سلطة في اليوم
⬅️شرب 2.5لتر ماء يومياً
⬅️تناول البروتين مش أقل من 90جم
⬅️تناول الmultivitamins

د.نهلة نجيب

14/02/2025

السلام عليكم🤗

3 أخطاء تعيق نزول وزنك...

⬅️الاعتماد الكلي ع الميزان بس في قياس وزنك
⬅️الاعتماد ع الاكل الصحي من غير حساب السعرات
⬅️قلة البروتين في وجباتك

د.نهلة نجيب

13/02/2025

السلام عليكم🤗

البابونج،الكاموميل أو الفلية اشربوه قبل النوم بساعتين حيكون مهدئ طبيعي للأعصاب ويساعد على الاسترخاء وتحسين جودة النوم بالاضافة الى انه يخفف أعراض المغص والانتفاخات في الجهاز الهضمي، يقلل من تشنجات العضلات وأعراض ما قبل الدورة الشهرية🤓

د.نهلة نجيب

08/02/2025

السلام عليكم🤗

هادو أهم الأطعمة الغنية بالزنك اللي تدعم مناعتنا وصحة اجسامنا لانه يساعد على تنشيط ما لايقل عن 100 انزيم مختلف في الجسم ونقصه بيسبب

⬅️ضعف التئام الجروح
⬅️تساقط الشعر
⬅️انخفاض المناعة
⬅️مشاكل جلدية متعددة

فضروري يكون ضمن نظامكم الغذائي☺️أو ناخدوه كمكمل غذائي💊حبة وحدة بعد الاكل بساعتين أو قبل الاكل بساعة😉

د.نهلة نجيب

05/09/2024

السلام عليكم🤗

⚠️نصيحة مني ما تحرموش نفسكم من الأكل اللي تحبوه في الدايت لكن خودوه ع فترات متباعدة و قللّوا من الكمية وهكي حيكون احسن حلّ بش تستمروا في الدايت وانتم مستريحين نفسياً و مايصرلكش اكتئاب🫣وتخشوا في دوامة الأكل العاطفي😞

الناس اللي ماعندهاش قدرة ع المكرونة السمراء فأبدأ وجبتك بصحن سلطة أو البروتين وخلّي المكرونة آخر شي بش تشبع🤓

⛔كمية المكرونة اللي في الصورة "كوب ونصف" حوالي 65جم من الكارب🍝

د.نهلة نجيب

04/09/2024

السلام عليكم🤗

الكرموس من الفاكهة الصيفية اللي نعشقها😍فلو مداير دايت أو لا فالحصة اليومية من 2-3 ثمرات

فأهم شي ما تكثروش🤭ولو عندك سكري أو مقاومة انسولين أو تكيس مبايض فيفضل انك تاخدها بعد الوجبة الرئيسية😉

د.نهلة نجيب

02/09/2024

السلام عليكم🤗

ترافل ال🥭🤨😲 أغلبكم حتقولوا المانجا ماتنفعش في الدايت لكن الكلام هذا غلط❌غلط تعرفوا الغلط وين🤔😐

في الوقت و الكمية اللي ناكلوا فيها😵😮

⛔تعالوا نفهمكم الحصة الوحدة حوالي 150جم في اليوم وهذا حوالي 100سعرة حرارية فالمشكلة لما تاكلوا منها بشكل مفرط أما بالنسبة للوقت فالأفضل ان ناكلوها بعد الوجبة الرئيسية "10-15دقيقة"

طريقتي في الترافل جهزت كب كيك صحي بش نتحكم في كمية الكيك اللي في الكاسات "كب كيك واحد" ، بالنسبة للعصير استخدمت المانجا رحيتها بالبليندر ،أما بالنسبة للكريمة فكانت عبارة ع حليب مع جبنة قشطة ،نشا،وحبة مانجا خلطتهم بالخلاط بعدها حطيته ع النار لين ثقل وخليتها تبرد وفي الاخير حطيت الطبقات وخليتها في الثلاجة ساعة⏰وصحتين☺️

د.نهلة نجيب

01/09/2024

السلام عليكم🤗

الناس اللي تاكل في الليل😞عندكم علم أن 90% يكون اكل عاطفي بسبب ضغوطات الحياة أو انك تكون كيف بادي في الدايت فتحرم روحك اليوم كله🤐ويجي الليل تبدأ شراهتك للأكل😩

فلذلك لما تبدأ دايت ضروري تنظم وجباتك📝وترقد بكري😴ولو جعت فَبَعِد ع الكارب تماماً وكول بروتين مع خضرة أو اشرب مية فيها بذور الشيا أو خود زبادي مع قشور السيليوم،حلِّك لجوع الليل هو الالياف فرَكِّز عليها🤓

د.نهلة نجيب

31/08/2024

السلام عليكم🤗

⛔الاستمرارية⛔في الدايت هو سرّ النجاح فيه لكن😒أغلبكم لما يلقى قياساته تغيرت و الميزان ثابت تزعلوا😮‍💨و أول شي اديروه هو انكم تسيبوا الدايت🤨 بالرغم انكم ماشيين مزبوط ومش هكي بس تخشوا في حالة شراهة للأكل و اللي خسرتوه تردوه دبل😵😵

فخليكم متأكدين ان الاستمرار في الدايت معناه انك حتوصل لهدفك😒لكن بِتِزعِل و توقف دايت ع خاطر الميزان زَعلِك فحيزيد الميزان يزعلك😁

د.نهلة نجيب

22/08/2024

السلام عليكم🤗

من أهم الحاجات اللي تعلّي الحرق و الاغلب مُهمل فيها هو النوم😴ما تستغربوش😵

عندكم علم أن في وقت معين جسمك حيفرز هرمون اللي يعلّي الحرق ويساعدك انك تخسر الدهون وخصوصاً اللي متمركزة في منطقة البطن😲

الناس اللي تعاني من الارق أو متعودين ع السهر حاولوا انكم تجهزوا فراشكم وتهيؤوا نفسكم للنوم ،حطّوا موبايلاتكم في الشحن في مكان بعيد ،ديروا تمارين بسيطة قبل النوم، وخودوا دوش دافئ يساعدكم ع الاسترخاء😌بالاضافة تقدروا تشربوا البابونج (الفليّة)لأن يساعد ع النوم🤓

د.نهلة نجيب

21/08/2024

السلام عليكم🤗

تعانوا من النفخة و الآم في المعدة مع الغازات😮‍💨و تزيد عندك الاعراض هادي وقت تكونوا تحت الstress😓في الاغلب هادو الاعراض لمتلازمة القولون العصبي IBS

فتجنبوا في نظامكم الغذائي البقوليات، الاطعمة اللي تحتوي ع الجلوتين، الاطعمة المقلية، الاطعمة الحارة، المشروبات الغازية، والقهوة وخصوصاً ع معدة فاضية🤓

د.نهلة نجيب

Address

Tripoli

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Sunday	09:00 - 17:00

Website

facebook.com

Alerts

Be the first to know and let us send you an email when شن ناكل كأخصائية تغذية posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Tripoli?