03/05/2026
الجلسه الي ممكن تغنيك علي هلبا اجراءات علاجيه تانيه
المايكرو نيدلينق بكل انواعهم
Rf / secret RF / fractional/ dermaen
مع تفاوت الاسعار وكل حاجه ونتيجتها
طبعا اني حاجتين نحبهم
الفراكشنال ليزر لان في بعض من الندبات مستحيل يتنحو الا بيه من غير ان يخدم علي اثار العمليات واثار الحروق
وبعده ع طول نحب الديرما بن عشق عشق عشق
تخدم علي الندبات
تخدم علي التصبغات
تخدم علي تجديد الكولاجين
ومش هكي وبس افضل واحسن جلسه تندار للمسامات
كلنا عارفين ان المسامات مستحيل يتنحو وكدب الي يقولك نسكرلك مسامات ولكن نقدرو نقصو من حجمهم ومنخليهمش يزيدو
من غير ان ديما يكون سعر جلسات الديرما بن في متناول الجميع
هدا علاش نحب ننصح بيها ديما الحالات
وعمقها وقوتها هدا يعتمد علي بشرة الحاله ومحافظتها
في حالات مش شرط تكون عميقه وينزل دم هلبا بش تعطي نتيجه ممتازه
في حالات درتهالهم وطلعو عادي ومارسو حياتهم لدرجه ماحد صدق ان مدايرين ديرما بن ولكن بعد اسبوع بانت نتيجه النظاره والتفتيح ومسامات نقصو ب شكل واضح
هكي حبيت ع سريع نديرلكم شرح علي فوايد ديرما بن
❤️❤️❤️ اي سؤال اكتبولي في تعليقات وتوا نرد عليكم
