د. وليد خليفة المقلة

19/03/2026

تقبل الله منا ومنكم وكل عام وانتم بالف خير وصحة وسلامة

18/03/2026

السلام عليكم
الزملاء جراحي العظام الشباب اشارك الحالة هذي للاستفاده والنقاش

هذا مريض دار عمليه تغيير مفصل الورك الأيسر من 14 سنة فاتت جانى يشكي من وجع في المفصل والألم في زيادة شاف اكثر من دكتور وكان التعليق ان المفصل كويس وثابت ومافيش مشكله في المفصل ولا متحرك من مكانة .
بالتدقيق في صورة الاشعه راح تشوف المشكلة واضحه وللأسف المريض محتاج عملية .

شن المشكله يللى واضحه في الصورة؟ وشن الصور والتحاليل يللى
راح تطلبها وليش؟
والعلاج المناسب؟

11/03/2026

مرضى اورام العظام عفانا وعفاكم الله اغلبهم اطفال وشباب تحت العشرين .
معقولة طفل او شاب في أول عمره يقعد يجري بين العام والخاص يحتاج عينه وبعدها كيماوي لمده 3 اشهر وبعدها يحتاج عمليه استئصال للورم وتركيب بلاتين خاص بالاورام وبعدها يحتاج كيماوي 6 اشهر .
بالله من وين بيجيب حق الكيماوي والبلاتين يا سيدي قول الكيماوي تم توفيره في القطاع العام باه والبلاتين يللى يكلف رقم وقدره ( مع جزيل الشكر للشركه الوحيده يللى اقتنعوا بضرورة توفير البلاتين وجابوه من أحسن الشركات في المانيا )
هذا مش المفروض الدولة توفره في المستشفيات او على الاقل في المراكز المتخصصة بعلاج الأورام.
بعد شفت معاناة الناس وتقصيرنا كلنا مع مريض محتاج كل الدعم النفسي والمادى قعدت نتمنى معاد تجينى اى حالة ورم .
ان شاءالله ربي يشفي جميع المرضى ويلطف باهلهم وبينا

أدام الله عليكم الصحه والعافيه

08/03/2026

حاجة في بداية الستينات جت تشكي من ألم في الركبه اليسرى وعدم القدرة على التوازن غي المشي
الكشف بين ضرر كبير في المفصل والاربطه
تم تحديد نوع المفصل المناسب للحالة وتم إجراء العملية بفضل الله .
راح تحتاج شوي وقت عشان ترجع تمشي طبيعى بعون الله

أدام الله عليكم الصحه والعافيه

25/02/2026

احيانا رساله كيف هذي تعطيك دفعه معنويه ونفسيه ..
بارك الله فيك وان شاء الله بالشفاء

13/02/2026

14/01/2026

السلام عليكم
اضطريت نمسح المنشور السابق الخاص بالتهاب العظام وذلك لوجود صوره وفيديو توضيحي

حيث قامت إدارة الفيس بوك بحضر الصفحة وتصنيفها ضمن الصفحات الغير موصى بيها

الرجاء من وجد هذا التصنيف غير عادل القيام بالدخول على ملف الصفحة وتصنيفها كما يراه مناسب

أدام الله عليكم الصحه والعافيه

13/12/2025

لله الحمد والمنه تم إجراء مجموعه عمليات تغيير مفصل الركبه للمتقاعدين منتسبي صندوق التأمين الصحي العام

أدام الله عليكم الصحه والعافيه

19/11/2025

السلام عليكم
انك دير عمليه وتدخل في مشاكل ومضاعفات هذا شي طبيعى وجزء من عملنا كجراحين مادام درت كل شي صح وكنت شارح للمريض المضاعفات المحتمله لكن المريض خش في مضاعفات هذا قدر الله ونصيب .
لكن دير عمليه تغيير مفصل للورك والعمليه من الاول فيها مشاكل ودير صوره بعد العمليه ب 5 ايام وتشوف المفصل مخلوع من مكانه وتقول للمريض ارجع لبلادك وبعد شهر ونص عاودلى صوره ونقولك امشي او لا .

جتنى امس المفصل مخلوع من مكانه وملتهب يعنى يا سيدي الدكتور انت ضريت المريض ضرر شديد

ملاحظه : العمليه تمت خارج ليبيا

أدام الله عليكم الصحه والعافيه

16/11/2025

بعض حالات تغيير مفصل الركبه لمنتسبي
@صندوق التأمين الصحي العام

اسباب تغيير مفصل الركبه اهمها
ألم شديد يمنع المريض من النوم او القيام بمهامه وواجبات اليوميه
تقوس شديد في الساق
عدم الاستجابه للعلاج التحفيظي والمسكنات

اهم المضاعفات المحتمله
التهاب في المفصل
التصاقات وعدم المقدره على فرد او ثني الركبه بالكامل
تحرك البلاتين من مكانه بدون حدوث التهاب

أدام الله عليكم الصحه والعافيه

05/11/2025

شاب كان متعرض لكسر من فتره طويله وركب سيخ داخل العظم وتعرف لالتهاب واختراق لمفصل الورك الأيمن.
تم إزالة السيخ ووضع سيخ اسمنتىمع مضاد حيوي وبعد علاج الالتهاب تم تركيب مفصل صناعى ولله الحمد أموره كويسه ورجع يمشي ويجلس بشكل طبيعى .

أدام الله عليكم الصحه والعافيه