medical represntativ

medical represntativ كل مايخص الميديكال ريب

15/10/2024

للمرة المليون ، توقف عن بيع مواصفات المنتج وبيع نتائجه

10/10/2024

سوق غريب جدا والله

25/02/2024

تعلن شركة ليبتيس للأدوية عن حاجتها لتوظيف مندوب دعاية طبية لمنطقة تاجوراء و سوق الجمعة
ليبي الجنسية
على أن يكون
- حاصل على بكالوريوس طب-صيدليه -أسنان
-يفضل ان يكون خبرة سابقة مع أطباء القلب و الغدد الصماء و السكري
-توفر وسيلة مواصلات
علي من يجد في نفسة الكفاءة المطلوبة يرجى ارسال السيرة الذاتيه فقط على واتساب رقم 0931730028

11/02/2024

للتذكير.

((وَأَقِم الصَّلاَةَ طَرَفَيِ النَّهَارِ وَزُلَفًا مِّنَ اللَّيْلِ))

هود.

11/02/2024

توقف عن بيع مواصفات المنتج عند شرحه
قم ببيع النتائج .
قاعدة مهمة في التسويق

10/02/2024

حط تارجت لنفسك على المدى القصير
يعني بعد شهر شن تبي مبيعاتك تكون؟
لما تشوف المنتج الي انت خدمت عليه طالع وبالطريقة لي انت تبيها ، هذي بروحها تعتبر انجاز عظيم لنفسك
كون المنقذ للمنتج من الهلاك

09/02/2024

من الخاص للصفحة
في صيدلي خبرة خمس سنوات
يبي اشراف صيدلية او سوبر فايزر دعاية طبية في شركة
عنده مهارات في الاشراف والقيادة وحل مشاكل العملاء المستهدفين
يعني كتسويق يعتبر كويس
ومشتغل ميديكال ريب وحاليا يخدم في صيدلية صيدلي وعلي كلامه انه الطموح انطفى بسبب احد الشركات وظلمها وبعدها الصيدليات وكلوه في حقه
المطلوب قسم اشراف وتسويق والاشراف على تيم كامل سواء ميديكال ريب او صيدلية ادارة ومشتريات وعلى دراية بالسوق
مجرد فاعل خير اني لي عنده مكان نبعثله السي في متع الدكتور

09/02/2024

السوق اصبح صعب جدا بعد ما بعض الشركات عودت الدكاترة عالدييلز
تبي شوية جهد للاقناع ف حاول انك تلقى نقطة ضعف الخصم لي قدامك بدون اللجوء للديلز !
حاول بشتى الطرق انك تكون ذو فاعلية كبيرة امامه
يعني حاول انك تتعرف عالماركتنق والتسويق قبل ماتخشله وكيف تحل مشكلته حتى لو بدير معاه دييل

09/02/2024

لو تبي تنجح في اي تسويق لازم تعرف كيف تحل المشكلة وتكون solver
اقرا الماركتينق قبل ماتجيب ناس يخدمو فيه عندك !

09/02/2024

ابتعاد كبير جدا كان بسبب الشركات لي تجامعت عليا ودارو مايبو
عالعموم لي يدير شي يلقاه يوم غدوا والي يخدم بارواح الليبيين مش حيربح في حياته
ورجعت للساحة من جديد ومرحبا بكم في سوق العمل

03/09/2023

أصبح التلاعب الآن في وصف الشركات بأنها الوكيل أو الموزع فالفرق بينهما كبير
يعني الوكيل هو الممثل للشركة الأم في البلاد ولا يضيف هامش ربح للمنتج لكن يحصل في عمولة من الشركة نفسها بينما الموزع مجرد مخزن لبضاعة الشركة ويضيف في عمولة " كنترا "
ولفظ الكنترا في سوق الدواء هو الدواء الي مش جايباته الشركة المعروفة بيه
طرق التهريب التقليدية اصبحت قديمة الزمن توا الكنترا علي مسمياتهم يجي في حاويات وعلي حسابات خاصة وتعميم جمركي
اني نعرف حاجة وحدة اذا انت وكيل علاش الموزع لما يمشي لفرنسا او اي دولة ويطلب شحن الى ليبيا يعطوه طول ومايقولولاش برا للشركة الفلانية. !!!!
مرة حضرت اجتماع بين مصري مدير شركة فلانية وبين الشركة الام غادي في بلادهم وبين مدير مبيعات الشرق الاوسط
قعد يقوله ليبيا والعراق لازم نركزو عليهم لان سوقهم يقبل
انتم عارفين ان الاردن ومصر. وتونس باش تفتح وكالة لاي شركة معروفة الدولة تسمحلهم بعدد اصناف معينة ماتفوتش خمسة الى عشر اصناف. !!!!!
عارفين كمية الغش التجاري لي واقعة فيه ليبيا واولهم من شركة فيرالايف الي مش موجودة اصلا صناعتها عالجوجل ومرة اردنية مرة المانية
والغريب انك لما تبحث عن شركة فيرالايف تطلعلك منتجاتها لي في الصيدليات الليبية فقط !!
مثال بسيط وفيه إن لازم التحقق من امرها زيها زي هلبا شركات عندنا
مثال ريلي اكسترا جاي عن طريق شفاء رون ومكتوب فيه صناعة هندية
فيوجن مش معروف من يجيب فيه ومش مكتوب صناعة هندية بينما هي في الهند صناعتها والشركة مش موجودة في بريطانيا
وظيفتي كصيدلي ومسؤولية قدام ربي ان نتحقق من امر اي دواء قبل مانبيعه ومايهمنيش صاحب الصيدلية شن يقول وشن يتصرف لان مش حيتحاسب معاي
واضح ياااااااا. Usa roks وغيرها

03/09/2023

السبب في توقف فكرة كورس الميديكال ريب
اولا ماحصلتش فريق كويس ، ثانيا محصلتش مكان يتبنى الفكرة وكل شي
نأسف لحين إشعار آخر ولأي استشارات او مساعدات موجود على بريد الصفحة

Address

طرابلس
Tripoli
218

Telephone

+218911114455

Website

Alerts

Be the first to know and let us send you an email when medical represntativ posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category