د.محمد امدلل عبدالله

د.محمد امدلل عبدالله Contact information, map and directions, contact form, opening hours, services, ratings, photos, videos and announcements from د.محمد امدلل عبدالله, Paediatrician, Tripoli.

الصفحة الرسمية لطبيب الاطفال د.محمد امدلل

🟢معلومات لصحة طفلك

🟣تعامل مع حديثي الولادة واهم نصايح

🟡كل يوم معلومة طبية تهم طفلك لصحة افضل

📌مكان العمل
السبت والاربعاء مجمع العيادات باطن الجبل تيجي
الثلاثاء صباحا عيادة اللؤلؤ المكنون زاوية دهماني

اول ماتحطيه في مكانه بعد مارضع وغيرتي الحفاظ وليك ساعة دوري بيه في غمرك ، وتمسحي على ظهره ، وقرعتيه ، وعطيتي قطرة 💧 ال...
03/01/2026

اول ماتحطيه في مكانه
بعد مارضع وغيرتي الحفاظ وليك ساعة دوري بيه في غمرك ، وتمسحي على ظهره ، وقرعتيه ، وعطيتي قطرة 💧 الغازات

الرضيع 👇👇

د.محمد امدلل عبدالله

03/01/2026

الفطام حاجة مش ساهلة ، ويبي ام عقلها كبير ، الغلط انك تفطميه على حليب ، لكن تعوديه على شي ثاني

مثلا سنتب، زبادي ، كيكة هذا كل غلط والله وهك مادرنا شي

الصح انه لما نفطموه نحطو شي مايضرش بيه مثلا انك تكوني جنبه ، او تحطي ليه لعبة معينة يحبها

ولو ناض في ليل 🌙 اعطي ماء بس بيش حتى مايصيرله تسوس 🦷

لانه هو كان يحس بالامان ب رضاعة ويبي شي ثاني يحسسه بالامان

د.محمد امدلل عبدالله

03/01/2026

كان الله في عون المريض

وعون كل حد عنده مريض ، والله في ناس معاد ملحقه تشري علاج بسبب الاسعار معاش تعرف مرات شن تكتب في الوصفة

لما تولي ام تعرفي تعرفي انه فطور الصبح وضمان الحوش وتخليه مرتب حاجة مش عاديةولما ربي يرزقك ب طفل تعرفي حجم مسئولية وسهر ...
02/01/2026

لما تولي ام تعرفي

تعرفي انه فطور الصبح وضمان الحوش وتخليه مرتب حاجة مش عادية

ولما ربي يرزقك ب طفل تعرفي حجم مسئولية وسهر الليل ، سهر الليل الحقيقي لدرجة تقعدي تبكي مع طفلك بسبب العياط متعه وقلة نوم

تعرفي معنى الخوف على الطفل لما يمرض، وتقعدي جنبه وتدعيله وتعطيه كل العناية

تعرفي معنى الخوف الحقيقي من الفقدان ، الخوف يلي امك تخاف عليك لما تغيبي ولما تمرضي

ح تعرفو انه دعاء الام هو الامان يلي يلي يسترك

وح تعرفو انه المرض يهون وهي جنبك

وح تعرفو انه اليوم جدا ممل من غير كلمة امي

الام شي كبير جدا مستحيل وصفه ، ولما تولي ام تعرفي انه ابسط الاشياء هي كبيرة بكونك ام

حفظ الله كل ام ، وجعلكم الله من الامهات الصالحين يارب 🤲🏻

د.محمد امدلل عبدالله

02/01/2026

كل ابتلاءات الدنيا تهون
الا الابتلاء فى ابائنا وابناءنا..
فاللهم لاتبتلينا فيهم واحفظهم بحفظك وقدرتك ..
آمين يارب العالمين🤲🏻

كل ام جديدة ولا بتولي ام قريب كلام ليك بالله عليك ركزي بيش تتجنبي هلبا اخطاء وتحافطي على سلامة طفلك وشاركو منشور بيش غير...
01/01/2026

كل ام جديدة ولا بتولي ام قريب كلام ليك بالله عليك ركزي بيش تتجنبي هلبا اخطاء وتحافطي على سلامة طفلك
وشاركو منشور بيش غيركم يستفيد معاكم

🟡لو عندك التهابات مسالك او اي التهاب عالجي عليه قبل الولادة بيش طفلك مايتعبش بعد ولادة

🟢لو عندك اي مرض مزمن ضغط سكري غدة حساسية لازم تقولي عليه لطبيب النساء والاطفال

🟣اهم شي الخصوصية في تربية طفلك ماتخليش حد يبدا يدخل ويغير في قرارك ، وشكله ضعيف وشكله مش عارف كيف باب سكروه من الاول

🟠الاب لو كنت مدخن بالله عليك فوت دخان مرات طفلك يكون مشوه بسبب شي هذا

🟡وماتنساش تحافظ على صلاتك ورزق الحلال وربي ماينسى حد

تو نبدو في نصايح بعد الولادة 👇

👶🏻اول شي رضعي طفلك طبيعي طبيعي طبيعي ماتخليش حد يضحك عليك ويغير قرارك ، ورضاعة طبيعية تكون كل ساعتين ، هك تكوني حميتي طفلك من هبوط سكر ويتغدى كويس ومناعته كويسه

👶🏻لازم تقرعي طفلك بعد كل رضعة ، وخاصة في ليل مش تقولو رقد خليه لازم يتقرع

👶🏻نفتحو اليوتيوب ونكتبو تمارين الغازات ونطبقو زيهم ونتعلمو ساد من تصفح الفاضي عندك مسؤولية كونو قدها

👶🏻السرة تتنظف بالكحول او بالبودرة عادي المهم ماتنحطش داخل حفاظ رد بالك هك معاش طيح ومرات تلتهب

👶🏻ومهما جار عليك الوقت رد بالك تحطي عليها اي جسم غريب لا كمون لا كسبر لا كحل يلتهب يقولو امه ماتعرفش ومش قد المسئولية

👶🏻ورد بالك تسمعي كلام حد وتبدي تقطريله في خلطات ، طفلك محتاج رضاعة طبيعية محتاج حليب محتاج مناعة

👶🏻بيش نفتكو من قصة مرض ابوسالم ولا الكساح راهو نعطو في حبة صغيرنة ولا قطرة 💧ولا بخاخ متع فيتامين د بيش تحميه وكل شركة وجرعتها

👶🏻خودو لطفلكم حفاظ نوعية كويسة بيش مايلتهب مش خسارة فيه وحاولو تفوتو منديل 🧻 مبلل ورد بالكم تحطوه على وجه يولي حساسية

👶🏻الفترة الاولى صعبه عليك لانك مش فاهمة شي بس بشوي ب شوي تو تبدي تعرفي وتفهمي فيه كويس

📌لو بدي فاشل داهش يكح معاش يبي يرضع ماتراجيش جري لدكتور الاطفال

📌الحرارة في رضع مافيش معاها بصاره ديما تبي كشف وتحليل لانه التهاب سحايا يخوف في عمر هذا

👶🏻لما ترضعي طبيعي مرات بطنه تمشي كل يوم ومرات كل 4 ايام شي طبيعي المهم مش جاف

ادعولي بالله عليكم ولو عجبتكم سلسلة تو نكمل بعون الله تعالى 🤲🏻

#د. #محمدامدلل عبدالله

رضيع عمره 3ايام فاشل 😞 ومسخسخ ورجليه يرعشو اول حاجة درناها تحليل سكر طلع 39لما سالنا الام ايمت اخر مرة رضع قالت من ال...
01/01/2026

رضيع عمره 3ايام فاشل 😞 ومسخسخ ورجليه يرعشو

اول حاجة درناها تحليل سكر طلع 39

لما سالنا الام ايمت اخر مرة رضع قالت من الليل يعني ليه اكثر من 8 ساعات ⏰

لذلك خوتي
اي رضيع مفروض يرضع كل ساعتين اقصاهاً3 ساعات

وحتى كان راقد نوضوه بالله عليكم راهو رضيع مايتحملش ومرات يموت

رسالتي موجها لكل ام جديدة رضيع يرضع كل ساعتين الى 3 ساعات خاصة لو كان عندك سكري حمل

المنشور جاي بنوضح فيه كل شي اساسي لكل ام جديدة بعون الله
ولازم تشاركو منشورات بيش توصل لجميع الفئات

31/12/2025

بالله بسرعة

الحالة يلي نزلت عليها امس محتاجة ابرة تكوين رئة 🫁 سر ف ا نتا

يلي يقدر يوفرها للحالة في ميزان حسناته

مطلوبه فورا

ساعدونا حتى ب نشر بس بالك حد يساعدهم

تعديل

الحمدلله حصلوها الاهل وربي يشفيه

دعواتكم بس 🤲🏻

وصلنا نهاية سنة 2025 ⏳هذي سنة كانت مميزة شوي بالنسبة ليا اني شخصيا صح كان فيها شوي تحديات بس معليش المهم اني ماستسلمت وو...
31/12/2025

وصلنا نهاية سنة 2025 ⏳

هذي سنة كانت مميزة شوي بالنسبة ليا اني شخصيا
صح كان فيها شوي تحديات
بس معليش المهم اني ماستسلمت ووصلت يلي نبيه بفضل الله ، نحب نشكر كل شخص وقف ✋🏻 معاي ودعمني منكم
شكرا لكل شخص اعطي فينا الثقة ويلي ان شاء الله ديما نكونو قدها ومافي يوم نبخل عليكم ولو بحرف

ونعتذر لكل شخص قصرت معاه ، كل انسان يخطا لكن نحاولو نصلحو الاهم

🟡في سنة هذي حققت اول هدف واللي هو افتتاح كورس opd pediatric online
كورس بحلة جديدة ووصلت فيه 7 دفعات مشاءالله 🤲🏻

🟣كنت من ضمن الحاضرين في المؤتمر الوطني لمرض الدرن في الاطفال برفقة قامات علمية اطال الله في عمرهم

🟠قدرنا نساعدو هلبا ناس مع بعض سواء ب توفير علاج او مكان للعلاج بارك الله فيكم خوتي وان شاء الله في ميزان حسناتكم ✅

🟡طلعت في لقاء متلفز على قناة ليبيا الوطنية وكانت تجربة جديدة 😄مابين التوتر والحماس ، والحمدالله ربي يوفقني في هذي المهمة

🟣بديت العمل داخل عيادة اللؤلؤ المكنون رغم انه ليا بس شهرين ، لكن نحس في راحة مش طبيعية في هذا المكان ربي يبارك فيهم جميعا

الاهداف والطموحات هلبا في 2026 ، هي الحياة هك لازم تبني عليها امال وتطلعات
وماعلينا الا السعي

وماتوفيق الا من عند الله عز وجل ✅

د.محمد امدلل عبدالله

31/12/2025

شكراً لكل شخص بيبوس البيبي من يده بس .. ولأي شخص يعتذر عن الزيارة لانه مريض 🤧 هو ولا طفله وخايف يعدي الكائن الضعيف هذا.. شكرا للناس المتفهمه اللي تقدّر مدي قلق الأم علي طفلها.. شكرا لوجودكم♥️

من حالات اليوم 👇👇رضيع ليه شهر وشوي على تحاميل الجلسرين متع الامساك متخيلين حجم الكارثة ولا ؟؟؟تشخيص طلع خمول في غدة درق...
31/12/2025

من حالات اليوم 👇👇

رضيع ليه شهر وشوي على تحاميل الجلسرين متع الامساك
متخيلين حجم الكارثة ولا ؟؟؟

تشخيص طلع خمول في غدة درقية !!!!!

لذلك الرضع بالله عليكم يلي اقل من سنة كل شي فيهم خاص ، وابسط علامة مرات يطلع وراها حاجات

حالة ثانية

رضيع عمره 20 يوم عنده حرارة 3 ايام ويعطو فيه في تحاميل حرارة بدون كشف

واليوم طلبنا عليه تحليل طلع عالي جدا ويحتاج دخول وكورس مضادات حيوية

ربي يستر صغارنا ويحفظهم ونبعدو شوي على بعض تصرفات الكارثية

د.محمد امدلل عبدالله

30/12/2025

خوتي حالة مستعجلة جدا

رضيع عمره شهر يبي تنفس مضغوط بسرعة
لو حد يقدر يدخلهم في مستشفى عام يتواصل معاي

Address

Tripoli

Website

Alerts

Be the first to know and let us send you an email when د.محمد امدلل عبدالله posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category