د.محمد امدلل عبدالله

د.محمد امدلل عبدالله Contact information, map and directions, contact form, opening hours, services, ratings, photos, videos and announcements from د.محمد امدلل عبدالله, Paediatrician, Tripoli.
(1)

الصفحة الرسمية لطبيب الاطفال د.محمد امدلل

🟢معلومات لصحة طفلك

🟣تعامل مع حديثي الولادة واهم نصايح

🟡كل يوم معلومة طبية تهم طفلك لصحة افضل

📌مكان العمل
السبت والاربعاء مجمع العيادات باطن الجبل تيجي
الثلاثاء صباحا عيادة اللؤلؤ المكنون زاوية دهماني

02/05/2026

لما تُعطي الهاتف لطفلك فأنت لا تمنحه إمكانية الوصول للعالم..
بل تمنح للعالم إمكانية الوصول لعقله والسيطرة على أفكاره😓..
ارجوكم قللوا إستخدام أطفالكم للهواتف، وراقبوا ما يشاهدون بعناية..

يادكتور ولدي عمره 5 سنوات ليه يومين عنده حرارة 🥵 واليوم حتى ريقته مش قادر يبلعها وفاشل وليدي مش عارفه خيره ؟؟؟وأعطيته را...
02/05/2026

يادكتور ولدي عمره 5 سنوات ليه يومين عنده حرارة 🥵 واليوم حتى ريقته مش قادر يبلعها
وفاشل وليدي مش عارفه خيره ؟؟؟

وأعطيته راهو حتى مضاد حيوي متع خوه لكن مافيش فايده
ولاحظت حتى رقبته منفوخه من جنب زعما غدة !!!!

اول مافتحت الفم شفت المنظر العجيب هذا !!!!

هذي اسمها herpangina عدوة فيروسية اسمه ( كوكساكي فايروس )

مش كاواساكي هذاكا بروحه ❌❌❌

تبدّا في الأول حب رقيق وبعد قرح في الفم ومعاش يقدر يبلع وتوصل الحرارة حتى 40 مرات

المضاد مافيش منه فايده غالبا لانه فيروس 🦠

تركزو بس ع سوائل تكون شوي باردة ، نبعدو على ساخن

نعطو في خافض حرارة ومسكن للألم ، وكريم موضعي مش كريم فطريات

مع متابعه كويس مع دكتور وباذن الله تمشي الأمور

د.محمد امدلل عبدالله

فيه حاجة سيئة ملاحظها ونعتبر فيها سبب أساسي في انتشار الأمراض ونزلات المعوية الأظافر !!!!نسبة كبيره من الأطفال أظافرهم ط...
02/05/2026

فيه حاجة سيئة ملاحظها

ونعتبر فيها سبب أساسي في انتشار الأمراض ونزلات المعوية

الأظافر !!!!

نسبة كبيره من الأطفال أظافرهم طويلة ومش مهتمين بيهم علاش ؟؟

وهي تعتبر مخزن للبكتيريا والفطريات وانتشار العدوى

ارجوكم نظافة الأظفار وتقليمها حاجة أساسية

د.محمد امدلل عبدالله

مش كل أبٍ قادرً يعبي حوشه ألعابً وملابسَ و أجهزة اليكترونية، لكن يقدر يعبي قلوب أبنائه توحيدًا وأمانًا وقدوةً صاد...
29/04/2026

مش كل أبٍ قادرً يعبي حوشه
ألعابً وملابسَ و أجهزة اليكترونية، لكن يقدر يعبي قلوب أبنائه توحيدًا وأمانًا وقدوةً صادقة.

العقيدة السليمة، الصلاة، الحوار، الاحتضان، الخروج معهم وتعليمهم قيمة القناعة والعمل…

هذه ثروة لا يسرقها زمن، ولا يشتريها مال و محروم منها الكثير من الناس عندهم كل الماديات

د.محمد امدلل عبدالله

حالة اليوم طفل عمره سنه قالولي يشكي من بطنه ، وعنده إسهال ، المهم بعد ماخذيت تاريخ المرضي جيت بنكشف على الحالة ، شفت ا...
29/04/2026

حالة اليوم

طفل عمره سنه

قالولي يشكي من بطنه ، وعنده إسهال ، المهم بعد ماخذيت تاريخ المرضي

جيت بنكشف على الحالة ، شفت المنظر هذا ، قالولي هذا علاج بيش ينحي المرض !!!!!!

سألتهم باهي هل تنحى المرض ؟؟؟

قالولي لا ، قلتلهم لكن للأسف الأثر قعد هذا غير لو فيه بكتيريا راهو دخلت، وغير الألم يلي حسه طفلك !!!!!!!

طبعا في حالة ثانية
نفس شي بس في جسم كامل قالو هذا علاج نقص فيتامين د😔

شي هذا غلط ومضر لطفلك ولصحته ، رد بالك ديرو شي مرات تقعد نادم عليه عمرك كل

زمان اهلنا مانلوموش عليهم مافيش سبل علاج ، ومافيش وعي ومافيش طب

بس تو لأعذر وامام الله سوف تسأل

د.محمد امدلل عبدالله

حالة اليوم كارثه 😣😣رضيع عمره حوالي شهر ، الأم اول أسبوع خذت الوزن متعه لقت فيه نقص ، مع العلم كان يرضع طبيعي فقط تمشي ا...
28/04/2026

حالة اليوم كارثه 😣😣

رضيع عمره حوالي شهر ، الأم اول أسبوع خذت الوزن متعه لقت فيه نقص ، مع العلم كان يرضع طبيعي فقط

تمشي الأم توقف 🙅 الرضاعة طبيعية لانه للأسف على كلامها الطبيب قاللها معاش ترضعي ( اشك في ذلك طبعا )

واعطيه صناعي !!!!!!!بيش وزنه يزيد

نحب نقولك

راهو شي طبيعي طفل ينقص في وزنه اول أسبوعين وبعدين يبداً يرجع يزيد

أنت هك حرمت الأم والطفل من اعظم نعمة عطاها ربي
أنت مش متخيل كمية الفوايد يلي ضيعتها عليه

والله شي مؤسف د.محمد امدلل عبدالله

حالة اليوم طفل عمره 8 شهور عنده التهاب حفاظ ليه اكثر من 3 شهور مع اسهال يوصل ل 5 مرات في اليوم الطفل مش قادر يرقد من ا...
27/04/2026

حالة اليوم



طفل عمره 8 شهور عنده التهاب حفاظ ليه اكثر من 3 شهور

مع اسهال يوصل ل 5 مرات في اليوم

الطفل مش قادر يرقد من الألم، والأهل تعبو ، قالي الأب خدينا جميع أنواع الكريمات بدون اي فائدة
غيرت الحليب مافيش فايدة !!!!!

مع العلم وزنه اقل من عمره

اطلبت عليه مجموعة تحليل 📈 واكدت أنهم يندارو في مختبر عندي فيه ثقة
وجمعت منهم التاريخ المرضي

التشخيص نهائي ، حساسية بروتين حليب البقر ✔️

بمجرد غيرنا نوع الحليب ونظمنا الأكل مشت الأمور الله يبارك

لذلك نصيحة عمرك ماتعالج عرض دينا دور على المرض

د.محمد امدلل عبدالله

تقرى 7 سنين وتتغرب على اهلك وتضحي بكل شي وبعد تتخرج ، تقعد تطور من روحك وتخدم وتاخد دورات على حسابك وفي الأخير استنى ال...
27/04/2026

تقرى 7 سنين وتتغرب على اهلك وتضحي بكل شي

وبعد تتخرج ، تقعد تطور من روحك وتخدم وتاخد دورات على حسابك

وفي الأخير استنى التعيين ……………….

وأنت اخدم متعاون ولا دبر راسك في اي حاجة

الهجرة طريقك الصحيح للأسف 👍

( حسبنا الله ونعم الوكيل)

د.محمد امدلل عبدالله

طفلك سكر 6 شهور ماتنسوش 3 حاجات 👇🏼👇🏼👇🏼🔴يقدر يشرب الماء 🟢يقدر يأكل معاش تتأخري اكثر من هك 🟠 أي طفل عانى من حساسية طعام (ح...
27/04/2026

طفلك سكر 6 شهور

ماتنسوش 3 حاجات 👇🏼👇🏼👇🏼

🔴يقدر يشرب الماء

🟢يقدر يأكل معاش تتأخري اكثر من هك

🟠 أي طفل عانى من حساسية طعام (حليب بقر، بيض، مكسرات…) يُرَاقب صدره كويس …في 40% من الحالات احتمال تطور الربو بعد الشفاء من حساسية الطعام

متواجد كل يوم ثلاثاء داخل عيادة اللولو المكنون زاوية الدهماني صباحا

د.محمد امدلل عبدالله

مافيش أم "حليبها ما يشبعش🙂توضيح حليب الأم حليب من الله عز وجل وعمرها حاجة ربي ماكانت مضرة بس الأم تحتاج تتغذى كويس وتتعل...
26/04/2026

مافيش أم "حليبها ما يشبعش🙂

توضيح

حليب الأم حليب من الله عز وجل وعمرها حاجة ربي ماكانت مضرة

بس الأم تحتاج تتغذى كويس وتتعلم كيف ترضع

حليب الأم يشبع حليب الأم صحي حليب الأم احسن حليب ✔️

متواجد كل يوم ثلاثاء صباحا في عيادة اللؤلؤ المكنون زاوية دهماني ✔️

د.محمد امدلل عبدالله

26/04/2026

وصفات طبيعية لرفع المناعة ومقاومة الأمراض خاصة للاطفال

📌اول شي لو هو رضيع رضعي طبيعي وادعيلي

🟣 الزبادي أول حاجة ترفع المناعة لانه فيه بروبيوتك وهذا متممات غذائية من البكتيريا الحية

🟡-لوز عين الجمل معبي الاوميجا- يعني فوائد
معبية بس اللي من يقدر يشريه تو 😂 يكون مطحون ويعطى عادي من عمر 8 شهور

🟢الخضرة و ر بالذات اللي فيها فيتامينC زي الجوافه🍐 والبرتقال🍊 والليمون🍋 الكرمب 🥦 و البطاطا🍠مليانين فيتامينC

🟣- عسل مع ماء من بعد عمر سنة دافي ربي قال فيه شفاء للناس...

🟡- الموز ..🍌 يعني الماغنيسيوم وراحة للعضام ...


🔵فيتامين د جزء اساسي من المناعة

🟣- السوايل الدافيه زي اليانسون🍵 والنعناع وشربة الخضرة 🍲

د.محمد امدلل عبدالله

هذي اسمها بقعة سلمون 😣تطلع في هلبا رضع 👶 وأكثر مكان في رقبة والجبهة لونها وردية ولما تضغطي عليها تختفي هذي حاجة عادية مع...
26/04/2026

هذي اسمها بقعة سلمون 😣

تطلع في هلبا رضع 👶 وأكثر مكان في رقبة والجبهة

لونها وردية ولما تضغطي عليها تختفي

هذي حاجة عادية مع الوقت تختفي مش وحمة لا شي

د.محمد امدلل عبدالله

Address

Tripoli

Website

Alerts

Be the first to know and let us send you an email when د.محمد امدلل عبدالله posts news and promotions. Your email address will not be used for any other purpose, and you can unsubscribe at any time.

Shortcuts

Share

Category