DR. Eman Mustafa

02/09/2025

مساء النور والسرور 🥰🥰
اليوم في بالي سؤال ديما يمر عليا اللي هوا :
■دكتورة شن ناكل او نشرب باش ينزل حليب للبيبي؟؟
●الجواب تعالو معاي :
المشروبات هلبااا منها
•الحلبه
•اليانسون
•الكمون
•الحبه السوده
•الريحان
●♡ والأهم اللي هوا لازم تشرب عالأقل 2 لتر ماء💦

●♡والتغذية الصحه🍎🍏🥗 والأهم منها الرضاعة المنتظمه

●♡ يعني كل مارضع منك البيبي بينزل الحليب😍

●♡ومش ماترضعيش الطفل وتقولي مافياش حليب 😅😅🤭

الموضوع طويل لكن هذي نصيحه ع السريع 👍

وليلتكم صحه وعافيه 💖💖
ربي يحفظ أطفالنا الحلوين ويحفظكم امهاتنا 🥰😘

24/08/2025

صباح النور والسرور متواجدة اليوم في مركز زويتينة الصحي ومن الساعه ٤ عصرا في مصحة اوبال اجدابيا بداية خير ان شاء الله 🥰🥰

نعلن عن أنضمام طبيبه الاطفال ( د:ايمان بن عامر )

ً_الساعه_4_عصراً
حاصله علي بكالوريوس طب وجراحة عامة سنة ٢٠١٩
حاصلة علي شهادة
basic life support 💙🧡.
كورس في جهاز التنفس الصناعي🧡💙.

طبيبة أطفال وحديثي ولاده
عملت في عده مستشفيات حيث لها خبرة على مدى طويل وممتاز 🥼.

للحجز والاستفسار
تواصل على0944461867🧡💙📱

📍اجدابيا الدائري الجنوبي بجوار قاعه المنار مقابل معرض لامين للمواد الصحيه.

10/08/2025

صباح النور 😍💜
عدنا بعد فتره طويله من الغياب
متواجدة كل يومي الأحد والثلاثاء في مركز زويتينة الصحي
من الساعة ٩ صباحا حتي ١.٣٠
ويومكم طيب ربي يحفظ أطفالنا الحلوين ويحفظكم من كل شر 🥰🥰

05/03/2025

كل سنة وانتم طيبين وينعاد عليك بالخير واليمن والبركات ربي يعيننا على صيامه وقيامه
متواجدة غدا الأربعاء بإذن الله في مصحة الزيتونة اجدابيا في الفترة الصباحية

26/02/2025

متواجدة اليوم الأربعاء بإذن الله في مصحة الزيتونة اجدابيا في الفترة الصباحية ويومكم طيب امهاتنا ربي يحفظ أطفالنا الحلوين

22/02/2025

صباح النور والسرور 🥰🥰
متواجدة اليوم السبت بإذن الله في مصحة الزيتونة اجدابيا في الفترة الصباحية
ويومكم صحه وعافيه يارب

18/02/2025

متواجدة غدا الأربعاء بإذن الله في مصحة الزيتونة اجدابيا في الفترة الصباحية وليلتكم صحه وعافيه يارب

17/02/2025

فعلا الحمدلله وصباحكم معطر بذكر الله🥰🥰

14/02/2025

متواجدة غدا السبت بإذن الله في مصحة الزيتونة اجدابيا من الساعة 9 ص حتي 2 م
وليلتكم صحه وعافيه يارب

12/02/2025

"فكرة أنَّ الله هو مُدبِّر شؤون حياتك كلها أمان, فلا تبحث عن الأمان والنجاة وسط الناس, بل توكَّل على ربّ الناس, وكن على يقين بأنَّه وكيلك في كل مشاكلك, كن على يقين بأنَّه سيُدبِّر لك كل الخير الذي تتوقعه و الذي لا تتوقعه"

صباحكم توكل على الله 🥰🥰

12/02/2025

صباح الورد 🌸🌸
اليوم بنحكي علي التعرق عند الأطفال 💦💦
●في بعض الأطفال نلقي المخده معبيه عرق
●ومرات نلقي حتي يدياته ورجيلاته عارقات ومسقاعات
●•عادي مش ديما نخافوو منهم لانها :
●الغدد تكون مركزه في يديه ورجليه والرأس والرقبه
والدوره الدمويه للبيبي نشيطه جدا وتزيد في نسبة التعرق 😁😁
●وهذا مرات ينتهي عالسنة او يطول في بعض الأطفال
أو يستمر لبقية حياته ويسمي فرط التعرق ومرات تكون وراثي

امتي نخافوو ان البيبي فيه حاجه منها 😰😰
●يكون ديما مرخي
●مايعيطش كويس
●مايرضعش كويس
●او يكون مستزرق
هنا لازم من الكشف ونفكرو في أمراض تانيه
وربي يحفظكم أمهاتنا ويدوم عليكم الصحة والعافية
ويومكم طيب 🤗🤗🤗

05/02/2025

مساء الورد 🌸🌸
نصيحه صغيرونه عالسريع 💖💖
الأطفال مانعطوهمش المكرونه🍜🍜 وحاجات الفارينه قبل ٦ شهوور لان يسببلهم في حساسية القمح...
بس وليدنا هذا غالية عليه المكرونه لين مدوش بيها 🤣🤣🤣🤣🤭