د اماني العابد طبيبة نفسية ليبية

14/08/2025

بوست مضحك 😅

طبعا السؤال اللي نحب نسأله ودائما ننسى فيه لما تجي حالات جديدة ونسألهم لو تفكرت

جايين صدفة ولا حد باعتكم
وتختلف الأجوبة وتتشابه

وطبعا اني قلتها في ما سبق اني نحب النوع اللي يكونو جايين عن طريق حالاتي

المهم

المدة اللي فاتت صارت اكتر من مرة نفس الاجابة
نسألهم منين جيتوني

ويردو يقولولي سألنا شات جي بي تي

فخلاص صارلي فضول والله

وبجديات سألت شات جي بي تي لقيت هادا الرد

بارك الله فيه الذكاء الاصطناعي 😂
على شهادته فيا

مع انه مش دقيق لان مصحة الرعاية الشاملة معاش نخدم فيها
من سنين
وهدوها ولا غيروها😅

وحتا دكتوره مروة العزابي ذكرها زميلتي ربي يحفظها ويباركلها في خدمتها

المهم مرات هادا اللي طلع ليا وللناس هادو ومرات انتو يطلعونكم اجوبة تانية الله اعلم

والاهم ولازم تعرفوه ان في هلبا دكاترة نفسيين ممتازين في ليبيا وفي طرابلس تحديدا وحتا فالشرق
وفيه دكاترة خبرة عشرات السنين

عندكم مشكلة لازم تمشو تحلوها
الموضوع مش محتاج سفر برا
في طرابلس مستشفى الرازي ومصحة ساي كير ومركز إشراقات ومركز اساريا معبية دكاترة نفسية واخصائين ومعالجين

اختار دكتور او دكتوره تستريحو عندها وابدو العلاج

02/08/2025

لكل من يطلب مني في علاج اونلاين

خاصه الناس اللي خارج طرابلس وخارج ليبيا

والناس اللي متقدرش تتواجد داخل المصحات النفسية

ويطلبو مني في استفسارات واستشارات
ودائما نعتذر
ونرفض في الحوالات المصرفيه او الكشف بتحويل الرصيد
لان كل هادا كان غير متوفر وغير معتمد ومتصدقوش حد يتعامل بهالطرق الغير قانونيه

شفت هالتطبيق وطلبو مني كل المستندات والمؤهلات مع إذن مزاولة المهنة من نقابة الاطباء
وهادا الشي شجعني ندير هالخطوه لاني مش ناسيتكم

والحمدلله اليوم سبيتار وفرلكم كل اللي تبحتو عليه

والطريقه متع الاستخدام مش صعبه

والحمدلله نقدر حتا نكتب وصفة فيها العلاج لو تتطلب الأمر

دكتورتكم النفسية اماني العابد 🤍

#طبيبة
#علاج
#نفسي
#دعم
#اكسبلور

02/08/2025

🤍موعدي اليوم في مركز اشراقات

Check out dr amany alaabed’s video.

30/07/2025

🤍

28/07/2025

23/07/2025

حساب جديد

سعي مني للانتشار وزيادة الوعي عن المشاكل والأمراض النفسية

ومحاربة الجهل

شعاري وهدفي اني نكون دكتوره نفسية تحكي باللهجه الليبية

لكل الشعب الليبي

دكتورتكم النفسية اماني العابد🤍

#الطب
#العلاج
#النفسي
#طبيبة
#الصحةـالنفسية
#الادمان

.amany.alaabed 74 Followers, 61 Following, 189 Likes - Watch awesome short videos created by dr amany alaabed

16/07/2025

السؤال

هل فيه حد يقدر يوقف القلق؟؟؟

القلق موجود مدامك حي

الحقيقة اللي لازم الكل يعرفها

ان الحاله الوحيده للإنسان بدون قلق هيا حالته في وضع السكون الدائم

لما يكون ميت

طول ما انت على قيد الحياة حتقلق بشكل طبيعي

حتقلق على نفسك على اهلك على احبائك على خدمتك على كل شيء يعنيك

وحيكون قلقك قاعد في المستوى الطبيعي لأنه مش حيكون مستمر بشكل متواصل

(طول ما انت مشغول ولاهي وتنجز في مهام حياتك وتقدر تكمل واجباتك وتقدر تنعس وترقد وترتاح وتسلي نفسك)

امتا يكون القلق مرضي؟؟؟؟؟؟؟؟

السطر الأخير قبل السؤال لما معاش تقدر تتحكم فيه اللي بين قوسين لما معاش تقدرهم لازمك تعالجه

الباقي مادمنا احياءً كلنا حنقلقو

بخصوص الخدمة

غدا الخميس حنكون في مصحة دروة الطب السياحيه
الساعة 1:30 ظهرا

الاتصال على رقم استعلامات المصحه من اليوم وغدوه الصبح

0913837009

دكتورتكم النفسية اماني العابد❤️

13/07/2025

حالات اللي اعتذرت منهم امس

عطيتهم موعد اليوم الاحد في مركز اشراقات غوط الشعال
ساعة 1:30 ظهرا

اللي ضروري انه يجي يكلم الاستعلامات
0914073040

وتنويه على شي معين

رقم الصفحة الخاص بالاستفسارات من الصبح لساعة 4 فقط
اتصالات

فالعاده يكون مع الادمن اللي شاده المواعيد

وناخد فيه احيانا لما نعتذر على الحضور باش نرد شخصيا

لكن كترت الاتصالات اللي في وقت غير مناسب نهائيا

مهما كنت بنساعد وبنتعاون وبنفهم مش حيكون على حساب عائلتي

وقت الشغل شغل ووقت الراحه حيكون مقفل

23/06/2025

بصفة عامة وبعيدا عن الأمراض او اضطرابات الشخصية

كل حد يعتقد انه من الاخيار ونادرا نلقى ناس يعترفو بانهم اشرار

مع أننا بشر حسب المواقف والاحدات نتعامل بعواطفنا بأساليب مختلفة حسب قيمة الأشخاص عندنا

فيه اللي نتخطى عنهم سيآتهم فقط لان نحبوهم

وفيه اللي نوقفو على كل كلمه يقولوها او فعل فقط لان متحسسين منهم وهما متحسسين منا

خليط الخير والشر موجود فينا كلنا

الضمير يخليك تكون منصف احيانا

ولكن الطبع البشري هو الغالب

انك تكون مسالم ومتسامح دائما مش الكل يشوفه بطريقة صحيحة

فيه اللي يعتبره ضعف ويشوفك مغلوب على امرك وعادي جدا يغلط فيك ويستمر فالغلط

وإنك تكون متسلط ومؤذي فيه ناس حتتجنبك وناس تانيه تشوفك واتق من نفسك وتاخد فحقك

تقبل وجود الخير والشر في انفسنا وفالاخرين هوا الحقيقة
المنطقية والمريحة

والعدالة إلالاهية ان اللي بتديره تلقاه سواء خير او شر هو أ اللي بيحدد افعالنا وتوجهاتنا

دكتورتكم النفسية اماني العابد 🤍🌺

بخصوص الخدمه غدا الثلاثاء مساءا

في مركز اشراقات للحجز الاتصال بالاستعلامات
0914073040