14/02/2026
مساء الخير ...
حالاتي العزيزات ....
نحاول نجاوب عاى بعض أسئلتكم..
-هل نقدر ندير نظام خسارة وزن في رمضان
ج/طبعا تقدري بشرط تعرفي احتياجك من السعرات الحرارية ، باش مايصيرلك__هبوط سكر ،ضغط دم
__غثيان
__نقص فيتامينات
_نقدر ناخذ فيتامينات بروحي؟
ج /اي عادي المهم بعد تحاليل طبية مثلا iron
ferr
vd
mg
_ نقدر ندير أجهزة تخسيس وهل هي أمنة؟
ج/ لو ماعندك مشكلة في الكبد ، ولاقرحة معدة ولا اورام ولامدايرة عملية جراحية من وقت قريب تقدري عادي
بشرط-- تختاري الطبيبة ولا الفنية يلي بديرلك الجهاز ، لان الاجهزة تبي تدريب كويس لان الشغل بيها مش عشوائي 😞
- نحس في روحي ناقصة في الوزن لكن الميزان زي ماهو😌
ج/ مرات لأن الكتلة العضلية زادت والكتلة الدهنية نزلت 💪🏼
ومرات لأن فيه ماء مُخزن وهذه الحالة ليها عدة أسباب راح نتكلم عليها في مناشير ثانية
أو مرات الميزان غلط ، وهذا حلم كل الحالات😂
_ ماناكلش لكن وزني زايد 😞
ج /هذه ليها عدة أسباب أهمها وأكثرها شيوعا خمول الغدة الدرقية
وإحتباس السوائل
-ناكل لكن وزني مايزيدش
ج/ هلبة أسباب وأهمها فرط نشاط الغدة الدرقية
وسوء الحالة النفسية
اتمنى دوام الصحة والعافية للجميع ✍️
واتواجد كل أحد في مصحة المسرة من الساعة 11 ل3
يعني غدوة ح تلقوني بإذن الله 🙂
#دهديل
