رحلة العلاج لمرضى السرطان - عافانا الله وإياكم - تعتبر طويلة ومُكلفة.
ولهذا السبب تقدروا اديروا تحاليل الكشف والمتابعة في مختبر طرابلس المركزي بنصف السّعر العادي. ✨️
نسأل الله لجميع المرضى الشفاء العاجل.
#الأورام #طرابلس #معمل #تحاليل
30/12/2023
يقوم الدكتور العريفي علي العريفي، بتوضيح آلية القيام بتحليل السائل المنوي بأحدث الطرق والأساليب بمعمل طرابلس المركزي، والذي يعد من أهم وأدق التحاليل التي تُقام بالمختبر بكامل الدقّة والكفاءة. ✨️
دمتم في حفظ الله ورعايته. 🙏🏼
#جودة #إتقان #الدم #طرابلس #معمل #تحاليل
26/12/2023
مختبر طرابلس المركزي ✨️
يُقدّم لكم جميع أنواع التحاليل، من تحاليل الحساسية والبكتيريا وتحاليل المتابعة والحمل، وغيرها من التحاليل المهمّة في المجال الطبي..
بأجهزة عالية الدقة، وبمميزات وكفاءة عالمية، وبأسعار مناسبة للجميع.. 🙏🏼
نحن في انتظار زيارتكم لنا من الساعة 9 صباحًا إلى الـ9 ليلاً
لأي استفسار يُرجى التواصل عبر:
0923712749
0913122749
Whats app: 093712749
المكان: #طـريق #الجامعـة مقابـل مستشفى #طرابلس الجامعي
25/12/2023
قد تكون النتائج لتحاليلك مش أحسن حاجة، لكن رد بالك تتوتر أو تزعل وتتضايق! 👀
وجود مُشكلة هو بداية تحديد الحل المناسب ليك، بالتالي علاجك من المشكلة اللي تعاني منها، وارتياحك وعودة الصحة والعافية لجسمك.
اوخلّي المعنويات عالية، وحط في بالك إنها مشكلة مهما كبرت حتمشي زيها زي أي مشكلة ثانية في الحياة.
أدام الله عليكم وعلى أحبابكم الصحة والعافية. 🙏🏼
19/12/2023
زي تغيّر الحياة وأحداثها، الدّم وما فيه وما يُستدل عليه بأمور معينة يتغير ويتبدّل! 👀
فالفيتامينات والمعادن قابلة للنقصان في ظروف معينة كعدم أكل طعام صحّي، أو عدم ممارسة الأنشطة والتعرض للشمس، فالمراجعة المستمرة وإنك ادير تحاليل كل مدّة ومدّة يساعد على محافظتك على صحتك العامة، والاكتشاف المبكر لأي مؤشرات ادل على مشاكل معينة - لا قدّر الله- .
أدام الله عليكم الصحة والعافية. 🙏🏼
#طرابلس #معمل #تحاليل
16/12/2023
تبي تتبرع بالدم ومش عارف هل عندك قدرة أو لا؟ 😁
بسيطة أهو نقولولك، في كم شرط للتبرع بالدم همّا:
• إن يكون عمرك ما بين 18 إلى 65 عام.
• إن ما يكونش وزنك أقل من 50 كيلوجرام.
• إن تكون صحتك العامة كويسة وما تعانيش من أمراض مُعدية.
ووقت التبرع نفسه ضروري:
• إن يكون النبض عندك من 50 إلى 100 في الدقيقة.
• إن تكون درجة حرارتك مش أقل من 37 درجة مئوية.
• إن يكون ضغط الدم 120/80.
• إن تكون نسبة الهيموجلوبين للرجال من 14- 17 جم، وللنساء من 12-14 جم.
جهز نفسك وتأكد من الشروط هادم وتبرع بالدم، وكون سبب في تحسن حالة غيرك أياً كانت. 🙏🏼
#تبرع #الدم #طرابلس #معمل #تحاليل
13/12/2023
ابدأ يومك بنشاط وحيوية، بنيّة خدمة غيرك وتقديم خدمات متكاملة في مجال عملك، واكتساب النّاس ببشاشة وجهك. ✨️
أما إذا زرتونا في معمل طرابلس المركزي، فحنخدموكم بأحسن شكل وتكون تساؤلاتك وإجراءاتك أولى ..
07/12/2023
شن ما تاكل، حتلقاه في دمّك! ✨️
الأكل ونوعه وكمّيته تأثر على صحة الجسم وسلامته، ويلعب في الفيتامينات والمعادن ونسبة الدهون وما يتبعها من أضرار في حالة كان الأكل مش صحي..
لهذا فإن اتباع نظام أكل صحي بشكل عام يساعد على تعزيز صحة الجسم وسلامة الأعضاء الداخلية بحيث تبتعد عن مُختلف الأمراض اللي لها الأثر السيء على المدى البعيد.
كول صَح، وخلي كل تحاليلك تطلع سليمة. ✨️
30/11/2023
بداية العلاج الصحيح لأي شي تعانيه حيبدا مَع التشخيص الصحيح! ✨️
والتشخيص الصحيح يتطلّب معدّات طبية دقيقة إلى جانب خِبرة الطبيب وتوقّعاته المبدئية للي تتعرضله الحالة.
وعشان نكونوا جُزء يساعدك ويعينك على معرفة أسباب اللي تمر بيه، في معمل طرابلس المركزي تُستخدم أحدث الأجهزة، بمعايير عالمية، تساعد على الوصول للنتائج اللي توصّلك للتشخيص الصحيح.
ربي يدوم عليكم الصحة والعافية في كل حين 🙏🏼
28/11/2023
يُعرف تحليل الCBC في اللغة العربية بِتحليل تعداد الدم الكامل، وهو يقيس أمور تتعلق بالدم..
بس علاش يطلب منك الدكتور في معظم الأحيان تحليل CBC أول حاجة؟ 👀
تحليل الCBC يوضّح ويبين أي تغيير صاير في خلايا الدم، ارتفاعها وانخفاضها، نقصها أو زيادتها، واللي لو طلع عن الإطار الطبيعي متاعها؛ قد تنبؤ عن وجود مشاكل أكبر تتطلب البحث والتشخيص.
فيُعد طلب تحليل CBC أول خطوة لفهم الشي اللي حاصل في الجسم، وبعدين اتخاذ القرارات وفقاً للنتائج اللي تطلع معاه.
شاركنا.. أمتى آخر مرة درت تحليل CBC؟ 🤔
26/11/2023
في هلبا أوقات ومن دون سبب واضح بالنسبالك، يبدا جسمك يتحسس ويبان الشي هذا في جِلدك، جهازك التنفسي ويصيبك توتّر عام يصيبك، وهذا ينبئ بوجو حساسية عندك تجاه شي معين اللي يبان بتحاليل معينة.
سواءً بوخز الجلد أو حقن الجلد أو اختبار الرقعة، كلها تبين مدى تحسسك لأشياء معينة يقررها الدكتور وفقاً لتاريخك المرضي أو المواقف المسبقة اللي تعرضلتها، وطبعاً التحاليل لا مخيفة ولا صعبة، إنما هي ساهلة وبسيطة وحتوفر عليك معاناة كبيرة لقدام.
التحاليل الطبّية عالم واسع، أحياناً تقدر ادبّر أمورك فيها بروحك، وأحياناً تحتاج استشارة طبّية ادلّك وترشدك.
ففي الحالات اللي تكون تعاني فيها من آلام مستمرة أو تشابك الأعراض لدرجة غير مسبوقة، حاول طول تستشير طبيب للبدء في مرحلة التشخيص اللي تبدأ بطلب تحاليل طبية محددة.
أما التّحاليل اللي تقدر اديرها بروحك هي ما يتعلق بالفيتامينات والمعادن ومعدّل السكر في الدم، كشي دوري للحفاظ على نشاطك وصحتك العامة بشكل مستمر.
ولو كانت الأرقام مش مُريحة بالنسبالك، وقتها تقدر تعدّي وتستشير طبيب لإيجاد الحَل المناسب إن وُجدت مشكلة.
دمتم في صحة وعافية جميعاً 🙏🏼
Address
Tripoli , Alfernaj Front Of Tripoli Medical Center طرابلس - الفرناج مقابل مستشفي طرابلس الطبي
Be the first to know and let us send you an email when مختبر طرابلس المركزي Tripoli medical center lab posts news and promotions. Your email address will not be used for any other purpose, and you can unsubscribe at any time.
