26/03/2026
علي فكـرة لما بتختاري #إتابـعي معاي علي قد ما قرارك صح🫣 وأمك داعيتلك 😁
علي قد ما حتتعبي #معاي في شوية حاجات آهو جيت بنقولك عليها😅
حنعرفك إنك ماخذتيش #الدواء حتي لو تقوليلي إنك خدتيه😒
وحنعرف إنك هـدرزتي علي #شات جي بي تي
وجيتي تختبري فيا وف معلوماتي🤓
وحنعرف هل إنتي من النوع اللي بديري التحاليل اللي نطلب فيها منك
وإلا بتفوتيهم ليوم الولادة🫣
وحنعرف من لما #تخشي عليا ف العيادة انك متعاركة مع راجلك ف الطريق
😂
فمش حتطلعي من عندي إلا وإنتي جوك حلو🧡
حنعرف لو كنتي من النوع #الوسواس وإلا اللي قوية ومدوريش👌
#الشطارة مش بس ف التشخيص والعلاج،،،،،الشطارة في إني نفهمك ونعرف نتعامل معاك علي حسب شخصيتك💯
حتلقيني #واعرة في أمـور ما ينفعش فيها إلا الوعارة😤وحتلقيني #متفاهمة لابعد الحدود لما الموضوع يمس #مشاعرك كمريضة😢
أنتم كمريضات وأحني كأطباء مصلحتنا شبه وحدة💯
حـلو يكون التعامل صريح وواضح🩷
فضفضة طبيبة💝 لا أكـثر
