11/09/2025
الفورمولا 1 فيها زوج من اعقد الانظمة التقنية و لي بسببها سعر السيارة يلحق حتى 20 مليون دولار..
نظام MGU-K هاذ تقنية تسمح بإسترجاع الطاقة عن طريق الفرامل.. يعني السائق كلما يفرمل كلما البطارية تاعو تعاود تتشارجا بالطاقة..
هاذ التقنية عندها دور آخر و هي انها تعطي للسائق طاقة اضافية (160 حصان) فوق الطاقة الاصلية يستغلها لمدة معينة..
نظام MGU-H.. هاذ التقنية هي الاكثر ابداع و تعقيد..التقنية هاذي تسترجع الطاقة الحرارية و تخدم مع التيربو يعني الغازات لي تخرج من العادم ماتروحش هكذاك !.. يتم تحويلها الى طاقة كهربائية تتخزن..
التقنية هاذي عندها وظيفة اخرى و هي انها تمنع التاخر التوربيني (turbo lag) يعني مام يكون السائق ماش ضاغط على دواسة الوقود التيربو يبقا يدور و جاهز..
بسبب تكلفتهم الباهظة و تعقيدهم مايقدروش يديروهم في السيارات التجارية و لو انو MGU-K موجودة تقنية تشبهها في السيارات الرياضية مي MGU-H هي تقنية مخصصة للفورمولا 1 فقط و ماتلقاهاش في السيارات الاخرى..
هاذ الانظمة يخدمو هايبرد مع محرك V6
