Dr. Eman Orhoma د.إيمان رحومة

10/05/2025

#كافون

الله يرحمه مغني تونسي عنده مرض اسمه
Buerger’s disease

وهوا مرض نادر غير معروف السبب الاكيد ليه بس لقو انه بسب جين وراثي ويتحفز بالتدخين الزايد عن الحد
يبدا الجهاز المناعي يهاجم الشرايين المتوسطة والصغيرة ويدير فيها التهابات قوية جدا وتخثر وبعدها تكون جلطات

الجلطات هاذي ممكن تكون صغيرة تسبب الالام فضيعة للمريض في رجليه وايديه بالذات لان تنقص التغذية الدموية وممكن الجلطة تكون اكبر في الحجم وتصكر الشريان فيصير غارغارينه في الرجلين اكثر شئ وهذا سبب بتر رجليه
وبعدها الايدين وبعدها ممكن تتكرر في الانسجة والجلد والقلب وهني تكون قاتلة زي ماصار مع هالفنان الله يرحمه

08/05/2025

استفتاء

هل تشوفو فيه تغيير حلو او لا؟

04/05/2025

الحمدلله اللي وفقني لحضور مؤتمر بصراحة من اقوي مؤتمرات مصر واللي يعتبر منافس لشرم ديرما والICC بأمانة
ونصيحة لكل الزملاء في ليبيا ان يكون الCairo Face من ضمن قائمة المؤتمرات اللي لازم تحضروها

محاضرات كانت قيمة جداً من افضل المحاضرين عربياً ودولياً
فصل القاعات وتخصيص قاعة للجلدية وقاعة لجراحة التجميل
Surgical
Non-Surgical
وتجميع المحاضرات كل Session تهتم بTopic معين بدون تشتيت للطبيب زي ال
Lip
Upper face
Lower face
Periorbital
كانت فكرة ذكية جدا في تجميع كل التكنيكات وانواع العلاج اللي تتماشي مع كل منطقة في الوجه
برافو بجد دكتور سمير غرابة

Dr samir Ghoraba
fans

04/05/2025

من أحلي التكنيكات والمحاضرات في مؤتمر Cairo Face دكتور جود المبدعة❤️

16/04/2025

حالاتنا الجميلات اللي ديما يسألو عن اجود انواع الفلر اللي متوفرة في ليبيا 👇🏻
لو تخبو البوستات اللي زي هاذي اكتبولنا في التعليقات وكل مرة انديرو تجميعة لمنتجات ومواد متوفرة في ليبيا بإذن الله 💛

10/04/2025

مش زي بعض…مش زي بعض…مش زي بعض

الصيدليات ارجوكم ركزو معاش تشوف اول حرفين وتعطو من غير تركيز 🤦🏻‍♀️

اني اكثر انسانة نكتب في التشخيص من فوق في الوصفة باش لو ماعرفتوش خطّي مع انه خطّي واضح عالاقل تعرف شنو نقصد
لا وبكل ثقة يقول للحالة نفسها غير الدكتورة مش زابطة الباكو الجديد تبصر صح؟

نعرف الجديد والقديم واللي قاعد ماوصلش لليبيا
المرة الجاية حنكتب اسم الصيدلية باش تكون عندكم مهنية وتحترم مهنتك وتحترم زميلك وتعطي الوصفة زي ماهي

فوتونا الاجازة علي خير رجاءاً 😑

09/04/2025

ياريت بالله اللي مايفهمش في حاجة مايفتيش فيها لو سمحتو من السودو كريم للكينتا كريم
والله ماليهم علاقة بالتفتيح ياجماعة راهو كريمات للتحسس والطياب من الحفاظات للاطفال

خلاص نوقفو بحوث ورسائل ماستر ودكتوراة ونقعمزو نجربو كل مرة كريمة ماليهاش علاقة

اللي يكسد يدير الجلدية والتجميل محتوي خلاص عاد زودتوها

01/04/2025

كل عام وانتو بألف خير جميعاً وينعاد عليكم بالصحة والعافية يارب 🩷

28/03/2025

19/03/2025

ركزو في الصورة كويس شكله زي البوشوكة بس مش بوشوكة هذا موسمه حاليا حتلقو بعض الاطفال عندهم
هذا فايروس اسمه
Hand Foot Mouth disease
(HFMD)
مايطلعش في الصدر والبطن زي البوشوكه
يمشي بروحه بعد اسبوع او 10 ايام ونعطو في ادوية مساعدة بس لان عادة تكون معاه حرارة

🚫ممنوووع تاخدو من الصيدليات اي ادوية فيها اسبرين او مخفضات حرارة فيها اسبرين لان ممكن الطفل يخش في غيبوبة بسب حالة تصير اسمها Rey’s syndrome

19/03/2025

🤎