Cabinet medical Dr Adil Bahdoul

06/06/2025

12/03/2024

رمضان مبارك

27/06/2023

3-استهلك بلا ما تهلك.

ساليتوا غسلتوا الامعاء سيقتو ... متخليوش السقيطة معلقة فالشمس او مكان ساخن ؛ علقوها فمكان بارد باش تنشف مزيان و سيروا كولوا القطبان و شربوا الدكيكة و دوزوا الساعة المباركة مع وليداتكم و عائلتكم.
متنساوش راسكم راه الجو حار و السقيطة نشفات و متنساوش راه فيها شحوم و مع الحرارة غادي تذوب و تقدر تكون سبب فتسريع تعفن اللحوم فيما بعد. اذن ما عليكم غير تهزو الادوات و تبداو فالتقطيع ديال اللحوم فمكان نقي و يكون معاكم اواني نقية تحطوا فيها اللحوم المقطعة.
قطع اللحوم خاصكم تحطوها فوق اواني مسطحة و متكدسوهاش فأنية واحدة ؛ لان القطع مرتبة فوق اواني مسطحة كتخلي البرودة تضربها من جميع الجهات و كتبرد بسرعة: اللحوم لي غادي تستهلك فيوم او يومين ممكن تبقى فالمبرد اما اللحوم الاخرى خاصها تحط فالفريزر و كيف قلت لكم فاواني مسطحة حتى تجمد مزيان و من بعد ممكن تجمع فاكياس بلاستيكية مخصصة للتجميد و متديروش الغلط انكم تكدسوا اللحوم فاكياس و هي مزالت طرية. الاكياس متحطهومش بطريقة مكدسة فالفريزر لانه بهذه الطريقة الخاطئة كتنقصوا من وصول البرودة لقلب الاكياس و بالتالي الاكياس السطحية كتجمد و الداخلية كتعفن. متنساوش انه كل فريزر عندو قدرة محددة ماشي تعمروه و تبغيوه يجمد لكم اللحوم. احسن طريقة هي اللحوم تكون فاواني سطحية تسمح بمرور الهواء البارد حتى يتم التجميد عاد نديرهم فالاكياس.
مرة مرة طلوا على الاكياس و شوفوا واش مجمدين واش الفريزر خدام مزيان.
هد الطريقة كتسمح لكم انكم تاخذوا اللحوم الكافية لي غادي تستهلكوا و تختاروا القطع لي بغيتوا 🙂
الناس لي كتقطع عند الجزار ردوا بالكم راه كيكون الزحام و كتعطل اللحوم قبل التقطيع و الجزارين خاصهم ينتابهوا و يحاولوا ينظفوا الادوات دياولهم بعد كل سقيطة لتفادي انتقال التعفن من سقيطة لاخرى.
بطبيعة الحال اذا الحولي كيتوفر على الختم البلاستيكي خصكم تحتافظو به باش اذا قدر الله وقع مشكل ممكن تتجهوا لاقرب مصلحة بيطرية...
عيد مبارك سعيد

27/06/2023

2-استهلك بلا ما تهلك.
اثناء الذبح و السلخ بطبيعة الحال المكان يكون نقي و الادوات حتاهما نقيين و الجزار نقي.
الذبح خاصو يكون كامل و الدم يخرج كامل و من الاحسن متحيدوش الراس بسرعة و تخليوه مرتابط بالسقيطة لانه هدشي كيساعد فمرور السيالة العصبية لجميع الاطراف و كتخلي الحولي يتركل و بالتالي افراغ كامل للدم من السقيطة. الدم اذا بقا فالشرايين و الاوردة كيسرع من عملية تعفن اللحوم خصوصا فهاد الجو الحار.
السلخ خاصو يدوز بسرعة مع احترام شروط الصحة و النظافة لي متعودين عليها. غير هو تفاداو انكم تبقاو تغسلو السقيطة بعد السلخ و تكثرو الماء لانه هذا خطأ شائع لان الهدف هو ان اللحوم تنشف ماشي تبقى مبللة. يعني لا داعي كل مرة تبقى ترشها بالماء. لحوم مبللة تتعفن بسرعة خصوصا اذا دخلتها فميكا و سديتي عليها و خا تديرها فالكونجيلاتور.
نخرجو الاحشاء بطريقة صحية و نتفاداو نلوثوا اللحوم؛ حيدوا المثانة البولية و حيدو المصران الغليض لانهم اذا بقاو كيكونوا سبب فتلويث و تعفن اللحوم.
قلبوا الكبد و الرئة ميكونوش فيهم حبوب او نقط بيضاء و اذا كانت حبة او جوج ممكن تحيدوهم بمعنى تدورو عليهم بالموس اما اذا كانوا النقاط كثار من الاحسن تحيدوا العضو كامل. الرئة تكون رطبة و ميكونوش فيها نقط بحال رش الرصاص او بقع كبيرة من الدم.
يتبع...

27/06/2023

1-استهلك بلا ما تهلك.
عيدكم مبارك سعيد. هد العام تبارك الله العيد غادي يجي فالصهد و كل واحد شرا على قدو اللهم بارك... و لكن فاش تجيب الحولي للدار ميقول لك راسك تعلفو لانه لي عطا الله عطاه: اذا جبتيه بيومين قبل حاول تعطيه غير شي حاجة يابسة مثل التبن و ممكن تعطيه حفنة صغيرة ديال الشعير غير باش يتلها و بلا متعطيه الفصة و المواد الخضرا لان اي تغيير في نمط التغذية لي كان مولف كيسبب له اسهال و فبعض الاحيان ممكن يسبب له مرض المرارة و لي كينتج على تغيير فطبيعة التغذية. تفادى تعطيه النخالة و خصوصا كيف قلت بكميات كبيرة. الماء يكون عندو متوفر و يكون ديما نقي هدشي كامل باش تسهل عملية السلخ و تفادى تلوث اللحوم اثناء افراغ الاحشاء.
اذن قلنا نعطوه تبن و ماء و اذا تزيرتو حفنة صغيرة من الشعير فقط باش تسكتوه.
ليلة العيد كتمنع عليه الماكلة بجميع انواعها و كتخلي له الماء كيف قلنا نقي.

22/03/2023

السلام عليكم،
الحمد لله على حلول شهر رمضان المبارك، واسال الله ان يديم هذا الشهر كله بالخير عليكم .
رمضان كريم🤍🤍