23/11/2020
هاد طريقة العلاج كاتسما "صدمة الأنسولين" أو "علاج الساكل" نسبة للطبيب للي ختارعو. بدات ف النمسا، سويسرا وموراها ولات معروفة ففرنسا
فاللول بدات من أجل علاج السكيزوفرينيا، الإكتئاب، حالات ديال الهوس، و من بعد ولات كاتستعمل فڭاع الأمراض النفسية المزمنة.
واخا هاد الطريقة كانت ناجحة ولكن كانو عندها أعراض خايبين بزاف بحال الما فالرية ، أو المريض كان كايدخل ف غيبوبة طويلة، و بعد المرات كانو كايموتو.
هاد العلاج بقى مكمل حتى بانو الأدوية ديال الأمراض النفسية سنة 1956. باش يرجع الأنسولين للمكان ديالو لي هو العلاج ديال أمراض السكري.
فريق الحكيم كاينبهكم بلي هاد المنشور فقط من أجل المعرفة، ماتخدموش الأنسولين فأي غرض آخر من غير لي قال ليكم الطبيب
#الحكيم #السكري