Psychologue - Rhizlane Benabbou

Psychologue - Rhizlane Benabbou Contact information, map and directions, contact form, opening hours, services, ratings, photos, videos and announcements from Psychologue - Rhizlane Benabbou, Casablanca.

Psychologue et passionnée par le fonctionnement humain, je consacre cette page pour échanger sur la santé mentale et en particulier le domaine de la psychologie.

27/09/2025

ماشي كلشي أو أي حاجة مكتاب لها تبقى معك مدى الحياة. اللي بغى يمشي، خليه يمشي🚶🏻🚶🏻‍♀️: صديق، وظيفة، شريك حياة…

بعض الناس كيجيو لحياتك باش يأديو دور معين 🎭 و يمشيو، بعض التجارب كتكون موسم عابر اللي غادي يجي من بعده فصل جديد من حياتك🌸

اللي بغى يمشي، خليه يمشي، و أنت استمتع بالوقت اللي بقى عندك باش تعاود ترتب أوراقك، و تكتشف الدروس المستفادة، و تتعرف على "أنت" الجديد😎

القوة💪 كتكون في تقبل أن أي حاجة تقدر تكون عندها نهاية.
و التحرر من الارتباط بشخص، بمكان أو بوضعية…كيخليك مستعد لبدايات جديدة🌟، و لقاءات أجمل💖، و فرص يمكن ما كنتيش كتخايلها🫶

Laisse aller, laisse partir💕

Insta : https://www.instagram.com/rhizlane_psy?igsh=anI5NHR1b2s4cDVr&utm_source=qr

‏‎‏
‏‎‏
‏‎‏
‏‎ #التقبل

العائلة هي كيان كيعطي الأمان و الدعم لكل فرد فيه. هادشي فاش كتكون الأمور مزيانة. و لكن، في بعض الحالات، العائلة كتكون مص...
21/09/2025

العائلة هي كيان كيعطي الأمان و الدعم لكل فرد فيه. هادشي فاش كتكون الأمور مزيانة. و لكن، في بعض الحالات، العائلة كتكون مصدر توتر، مشاكل، و التواصل فيها صعيب، و العلاقات بين أفرادها كلها صداع و قلق، وخا ما يكونش عنف، حتى واحد فيهم ما مرتاح نفسيا، و الأطفال ما يقدروش يكبرو فيها بشكل سليم.

هنا كنهضرو على "عائلة مضطربة" أو "مختلة وظيفيا" (une famille dysfonctionnelle).

من علامات العائلات المضطربة (أو فيها خلل) :
👈 مشاكل في التواصل : بزاف ديال الأسرار، شي كيخبي على شي، الانتقادات اكثر من القياس، أي موضوع كيتجبد بالغوات، كنتفداو نهضرو على المشاكل الحقيقية.
👈 الأدوار كتقلب : الوليدات كيتعطاوهم مسؤوليات ديال الولدين، الأب أو الأم اللي كيقارنو راسهم بأولادهم، و كيحطو راسهم في نفس المرتبة ديالهم، الابن أو الابنة اللي كبار و راشيدين، و لكن كنتعاملو معهم بحال الأطفال (ما نحاسبوهمش، أو ندخلو في خصوصياتهم…).
👈 غياب حدود واضحة : كلشي كيتدخل في كلشي، و كلشي كيهضر على كلشي. أو العكس! كلشي بعيد و ساد عليه، و شي ما كيهتم بشي.
👈 وجود مجموعات "تحالفات" بحال الحرب😁 : وحيدين متحدين ضد شي واحد، واحد دائما مقصي، واحد دائما خارجة فيه الدعوة، هو اللي كيهز عقد و اضطرابات الآخرين (عادة كيكون الأضعف).
👈 و من العلامات الشائعة عندنا : la triangulation : الوالدين كيدخلو الطفل (كطرف ثالث) في مشاكلهم : "شفتي باباك أش دار؟!"، "شفتي ماماك أش قالت؟!". أو الزوجين كيدخلو الوالدين، و الصحاب، و الجيران، و أي واحد كيقولهم السلام…كيدخلوهم في مشاكلهم😳
👈 انعدام الأمان العاطفي : الإحساس بعدم الاستقرار، كلشي حاس بالقلق ، أو كلشي معصَّب، الخوف من أن الآخرين يسمحو فيك (خصوصا عند الأطفال).
👈 غالبا في العائلة اللي فيها خلل، كيكون “un enfant symptôme”، "الطفل العرض"، اللي كيعبر على المعاناة داخل العائلة بأمراض و اضطرابات : القلق، الاكتئاب، اضطرابات في السلوك، الإدمان…

بخلاصة، العائلة المضطربة هي نظام اللي، في عوض ما يحمي الفرد و يدفعو للقدام و يعاونو ينفتح على الحياة و يزيد للقدام، كيدير العكس، كيسجنو، كيهرسو، و كيخنقو😔😔

Insta : https://www.instagram.com/rhizlane_psy?igsh=anI5NHR1b2s4cDVr&utm_source=qr

‏‎‏
‏‎‏
‏‎‏
‏‎ #العائلة

كتعيش في أمان عاطفي فاش كتقدر تكون على طبيعتك مع شي واحد، بلا ما تخاف من أنه يحكم عليك، أو ما يتقبلكش، ينتقدك، أو يستهزأ...
19/09/2025

كتعيش في أمان عاطفي فاش كتقدر تكون على طبيعتك مع شي واحد، بلا ما تخاف من أنه يحكم عليك، أو ما يتقبلكش، ينتقدك، أو يستهزأ منك.

فاش كتحس بالأمان العاطفي :
👈 كتزعم تعبّر على مشاعرك كيف ما هي، حتى هاديك اللي تقدر تبين ضعفك.
👈 كتكون مرتاح حيت عارف بأن الآخر غادي يسمع لك باحترام و تقدير.
👈 ما كتكونش عايش في الخوف من أنه يغضب منك، أو يطيح من قيمتك، أو يسمح فيك.

الأمان العاطفي هو أساس العلاقات الصحية (زواج، صداقة، خدمة…)، به باش كتبنى الثقة، و الصدق، و المودة❤️

Insta : https://www.instagram.com/rhizlane_psy?igsh=anI5NHR1b2s4cDVr&utm_source=qr

‏‎‏
‏‎‏
‏‎‏ ́curité
‏‎ #الأمان

19/09/2025

عن تجربة، تخدم في مجال كيعجبك شي حاجة اللي مهمة و كدير فرق كبير في حياتك. و حتى فاش ما تكونش عارف بالظبط أشنو اللي كيعجبك، الوقت اللي غادي دوز باش تفهم راسك و تكتشف أشنو اللي كترتاح فيه، هاد الوقت ماشي ضايع، بالعكس، هو نوع من الاستثمار اللي غادي يرجع لك بالفائدة من بعد🌿

🎥 : Quotologies

Insta : https://www.instagram.com/rhizlane_psy?igsh=anI5NHR1b2s4cDVr&utm_source=qr

‏‎‏
‏‎‏
‏‎‏
‏‎

من "التقنيات" اللي كتعاوني نفيق شوية، نهار كنصبح مبنجة (بحال اليوم🥱😴) : كنجبد التصاور ديال القهاوي☕️اللي كنصور من قبل، و...
17/09/2025

من "التقنيات" اللي كتعاوني نفيق شوية، نهار كنصبح مبنجة (بحال اليوم🥱😴) : كنجبد التصاور ديال القهاوي☕️اللي كنصور من قبل، و نتفرج فيهم حتى نصحصح وخا غير شوية🤭
أنتَ/أنتِ كفاش كتعاون راسك تفيق؟

كاين اللي ما عمر كيطلب المساعدة حيت يمكن عاش ظروف اللي خلاتو (لاشعوريا) يقتنع بأنه ما يمكنش يعوَّل على شي واحد، أو إذا ا...
16/09/2025

كاين اللي ما عمر كيطلب المساعدة حيت يمكن عاش ظروف اللي خلاتو (لاشعوريا) يقتنع بأنه ما يمكنش يعوَّل على شي واحد، أو إذا احتاج للناس غادي يبان ضعيف، أو غادي يرفضو و يصدموه، أو يحس بخيبة أمل اللي ما يقدرش يستحملها نفسيا.

طلب المساعدة علامة على النضج النفسي. كيعني أنك كتعرف راسك و حدودك، و كتقبل فكرة أنك في حاجة لشخص آخر، بحال أي إنسان، بلا ما تخاف تبان ضعيف أو تنقص من قيمتك.

https://www.instagram.com/rhizlane_psy?igsh=anI5NHR1b2s4cDVr&utm_source=qr

‏‎‏
‏‎‏
‏‎‏
‏‎

15/09/2025

الهدف الرئيسي في العلاج النفسي، هو ما تبقاش محتاجني🤗 حيت من خلال الحصص، كتكون تعلمتي تفهم راسك و تعرف شكون أنت، و اكتشفتي أو طورتي طرق صحية أكثر لمواجهة مصاعب الحياة و تحدياتها، و اكتسبتي مهارات و ثقة في التعامل مع الناس بالشكل اللي ما يضركش…و حوايج اخرين😉

صباح الخير و الأمل و الصمود…❤️🖤🤍💚
15/09/2025

صباح الخير و الأمل و الصمود…❤️🖤🤍💚

جوج اختلالات نفسية اللي كتكون بزاف :👈 الحالة الأولى : المشاعر كتغرقك، قلبك و جسمك كيكونو عامرين بالمشاعر، و هادشي ما كيخ...
14/09/2025

جوج اختلالات نفسية اللي كتكون بزاف :

👈 الحالة الأولى : المشاعر كتغرقك، قلبك و جسمك كيكونو عامرين بالمشاعر، و هادشي ما كيخليش مساحة للأفكار. و هنا كيبدا الإرهاق العاطفي, la surcharge émotionnelle : “مشاعري قوية لدرجة أنني ما كنبقاش نفكر"، و هاد المشاعر تقدر تكون مثلا : خوف، حزن قوي، أو فرط الحساسية hypersensibilité…

👈 الحالة الثانية : الأفكار كتغرقك، و عقلك عامر بالتفكير و التحليل، و "اجترار" داكشي اللي داز…لدرجة أنك كتكبت مشاعرك، و كتتجاهلها بحال ما كايناش. و هذا نشاط ذهني مفرط suractivité mentale : "كنفكر بزاف لدرجة ما كنبقاش نحس بالمشاعر ديالي".

🔹فاش المشاعر اللي دائما غالبة ، العقل كيبقى مُشوش🤯
🔹و فاش التفكير اللي دائما غالب، القلب كيفقد الإحساس❤️‍🩹

👈 الراحة النفسية كتجي من التناغم بين الشعور و التفكير🌱، بلا ما تميل بزاف لواحد فيهم.

‏‎‏
‏‎‏
‏‎‏
‏‎ #التفكير #المشاعر

Address

Casablanca

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+212660514626

Website

Alerts

Be the first to know and let us send you an email when Psychologue - Rhizlane Benabbou posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Psychologue - Rhizlane Benabbou:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram