04/02/2025
شكراً لكل واحد سَوّل عليا وسْوّل فين غبرت! ❤️
بعد مدة طويلة ما شاركت معاكم (شي 6 شهور دبا)، حيث كنت مشغول بزاف كنوجد لامتحان مهم في ألمانيا، والحمد لله نجحت فيه! 🎉
هادي صورة مع ولدي، كنعبر بها على الفرحة اللي في قلبي ونشاركها معاكم بكل حب ❤️
خبر مفرح بغيت نشاركه معاكم: هاد الامتحان مكنني من الحصول على المصادقة على الديبلوم ديالي في الطب بألمانيا، وغادي نرجع نمارس الطب من جديد بعد 7-8 سنين ديال التركيز على العلاج النفسي والتداريب فقط.
شنو الجديد؟
📌 في الأسابيع الجاية غادي نبقى شوية مشغول، ولكن إن شاء الله غادي نرجع نشارك معاكم فيديوهات وجلسات خاصة عن بُعد قريباً.
📌 كما كنت كنشارك معاكم أهم الاكتشافات في العلاج النفسي والتنويم المغناطيسي، غادي نبدأ نشارك معاكم أبحاث واكتشافات مثيرة من عالم الطب الحديث والتشافي بإذن الله السميع العليم.
شكراً مرة أخرى لكل واحد بقا متابع وداعم، وخليكم مستعدين لأن القادم أحسن إن شاء الله! 🚀💙
