04/04/2026
أنا عارفة أن الجراحة عندها المكانة ديالها، وأنا فالميدان كنشوف النتائج وكنشوف العيالات نهار على نهار. وبصراحة، كاين فرق، حيث الجراحة عندها وسائل وتقنيات أكثر هجومية، فيها الـdécollement والقطع، وكيدوزو تحت الجلد وتحت الألياف وتحت الـligaments، ومن بعد كيهزو الأنسجة وكيشدوها.
ومن بعد هاد المرحلة، كيجي التثبيت. وهنا يمكن نقولو بوضوح: التثبيت غالباً كيتدار يا إما بالخيوط الدائمة، يا إما بالتليّف.
(وهاد الخيوط والتليّف هما حتى هما اللي كيكونو محل انتقاد من طرف بعض الجراحين، ماشي كاملين طبعاً، ما نعمموش).
ولكن فالواقع، أي شد جراحي خاصو تثبيت، وما كاينش تثبيت بلا وسيلة.
وغالباً هاد الوسيلة كتكون يا إما الخيوط، يا إما التليّف.
وهنا كيبان التناقض: كينتقدو هاد الوسائل، ولكن هي نفسها الأساس اللي كيقوم عليه الشد الجراحي.
وبالإضافة لهاد الشي، كاينة حتى cicatrice، حتى إلا كانت صغيرة ومخبّاة.
ولكن أنا شخصياً ما مستعدةش لهاد المسار، وبزاف ديال النساء بحالي ما مستعداتش لا لهاد الجراحات، لا لهاد الـdécollement، ولا لفكرة الندبة فوجهها كيفما كانت.
فهنا كيبان ليا أن الـEasyLift، خصوصاً إلا كانت المرأة ما عندهاش فائض كبير بزاف ديال الجلد، كيبقى حل ذكي ومناسب. النتائج ديالو مزيانة، مُرضية، وطبيعية، وهذا هو الأهم.
وهذا ماشي غير رأي، بل حتى تجربة مع واحد الفئة من المريضات اللي كيقلبو على نتيجة طبيعية وبأقل تدخل ممكن.
وطبعاً، اللي بغ�
