Cabinet de Neurologie Dr Hajar Maliki

20/09/2024

10/07/2022

عيادة الدكتورة هاجر مالكي لطب الدماغ والاعصاب تتمنى لكم عيد أضحى مبارك، أعاده الله عليكم أعواما عديدة، وتخبركم ان استئناف العمل سيكون بعد 10 أيام أي الأربعاء 20/07/2022

02/05/2022

عيد مبارك سعيد ، أعاده الله علينا وعليكم أعواما عديدة، دامت لكم الافراح والمسرات💐💐💐

02/04/2022

عيادة الدكتورة هاجر مالكي تتمنى لكم رمضان مبارك وكل عام وانتم بخير
أوقات العمل في الشهر الكريم:
من الإثنين الى الجمعة من الساعة09h30 إلى الساعة 16h00
Cabinet Dr Maliki vois souhaite RAMADAN KARIM et vous informe que nos horaires pendant le mois sacré seront : du lundi au vendredi du 09h30 à 1600

17/08/2021

بالعربية تعرابت:
-أي واحد فيه الرواح هاد ليامات رآه كورونا حتى يتبث العكس.
- كنتي مروح اولا فيك السخانة أولا الردان و كرشك جارية أو ضرك راسك أو مشا ليك الشم اولاضاراك صحتك أو عظامك، واخا تكون التحليلة سلبية عزل راسك واحد10 ايام على عائلتك و صحابك و خود الدوا لي گليك الطبيب ديالك أو كول مزيان أو شرب الماء بزاف.
- شكيتي فراسك مصاب، ما تخاف ما تدهش، سير دوز عند الطبيب في بداية المرض، راه الا شربتي الدواء المناسب فالوقت المناسب فرص النجاة كبيرة بزاف، قدما تعطلتي قدما كتعقد الأمور أو كيصعاب العلاج.
- ماكاين حتى شي دواء لي كيقوي المناعة و كيحمي من الإصابة من غير الإجراءات الاحترازية.
- الزنك و فيتامين C و الأدوية الأخرى إلا استعملتيها من غير ما تكون مصاب رآه غير كتكب الماء فالرملة و اقدر بالعكس اكون الضرر ديالها كثر من المنفعة ديالها.
- ما كايناش وصفة طبية موحدة صالحة للجميع ، الوصفة طبية كتخضع للعديد من المتغيرات على حساب الحالة ديال كل واحد، ماشي وصفة ديال لكيكة لي جا استعملها.
- الا كان فيك السكر، أولا كاتعاني من السمنة أو أمراض القلب أو أي مرض مزمن رآه خاصك ترد البال كثر من لخرين، حيت الفيروس كيكرفصهوم كثر من الناس الاخرين.
- الا عندك مرض مزمن خصوصا السكري رآه خاص مستوى السكر عندك فالدم ايكون متوازن أو مگاد أو يكون تتبع دقيق، حيت الا تصابيتي بالفيروس أو كان السكر ديالك ما مقادش رآه اقدر تمحن واخا تكون ملقح.
- الا كنتي صغير ما تغركش صحتك، هاد المتغير دلتا رآه صغار أو صحاح أو كرفصهوم أو ماتوا منهم عدد مهم.
- إقدر اكون الواحد ما مريضش، باقي ما بانتش عليك الأعراض أو يكون تيعادي، يعني الاحتياطات خاصهوم يكونوا مع كلشي مع لي صحيح و لي مريض.
- لي بغا اتزوج أو ماقدرش إعطل الزواج، الله اكمل بخير حتى حد ما منعوا، غير هو العرس اخليه حتى لمن بعد، راه اقدر الفرح يرجع قرح لا قدر الله.
-لي بغا إدير واجب العزاء، راه التلفون فيه الكفاية، و الناس ولات متفهمة، راه تقدر تمشي تعزي أو تدي ليهوم لفيروس اولا تجيبو من عندهم.
- بغيتي تدوز الكونجي أو تستمتع بالصيف أو مقدرتيش تصبر، على الأقل اجتنب الأماكن المزدحمة أو المغلقة أو تاخد الإجراءات ديالك فالأماكن الأخرى، راه تقدر تكمل العطلة فالسبيطار انت اولا واحد من عائلتك لا قدر الله.
- التلقيح مهم و لكن بوحدو ماكافيش ، ماشي شيك على بياض، ما كيحميش 100 ٪، إيلا حماك انت، تقدر تدوز المرض للمقربين و بالتالي واخا تكون ملقح رد بالك بحال الا ما ملقحش.
- رآه سبيطارات و الكلينياكات قربوا ايعمروا، يعني وخا يكون عندك مال قارون أو حالتك استدعت الله احفظ الاستشفاء فالعناية المركزة، راه تقدر ما تلقاش بلاصة.
- الا مشيتي لصبيطار، حاول تصبر حتى تقضي غرض، بلا ما تنفعل أو تغوت أو تسب دوك لي خدامين تما، راه الأطباء و الممرضين و التقنيين و الناس لي خدامين كثر من عام أو نص دابا فالسبيطارات بلا كونجي بلا مقابل على الخدمة لي تزادت على الخدمة ديالهم ديال ديما ، حتى هوما راه طابوا، حتى هوما فيهم ناس ماتو أو مرضوا، أو حتى هوما كيعانيو من تبعات هاد الجائحة و ضعف المنظومة الصحية ديالنا، ماشي هوما لي مسؤولين عليها.
-الكمامة لي كتدير تحت النيف، الكمامة لي تديرها حتى كتكحال بالوسخ أو تبهات بالشمس و تولى مخززة،راه ما صالحة لوالو، غي معذب راسك أو معذب معاك ديك الكمامة.
- غسل ايديك فالدار، فالخدمة، فالقهوة، ملي تسخر... غسل ايديك ثم غسل ايديك ثم اغسل ايديك.
-كنتي فكار أو طوبيس أو طاكسي أو مكان مغلق صاوب كمامتك مزيان أو حاول ما تهضرش بزاف، حيت فالاماكن المغلقة قدما قلالت الهدرة يعني حلان الفم و سدانو، قدما كان فرصة انتقال الفيروس أقل.
- الناس و التجار لي كيديرو صبعهم ففامهم وقتما بغاو ايجبدو لميكة اولا شي سلعة اولا احسبو لفلوس، الله ارحم بيها لوالدين حيدو عليكوم هاد القاعدة بكورونا أو بدون كورونا... رآه عطا الله البدائل.
- إلا كنتي ما كتحترمش الإجراءات الاحترازية أو ما عمرك ما تصابيتي بهاذ العدوى، هذا ما كيعنيش أن الفيروس ما كاينش أو أنك شريف أو سيبرمان... يا إما تصابيتي و الأعراض كانت خفيفة ما حسيتيش بها ، يا إما حفظك الله أو معمر الفيروس ما جا فطريقك، فاحمد الله أو شكرو أو جمع راسك.
- شي واحد فعاءلتك أو صحابك أو معارفك مريض بكورونا، بطبيعة الحال بعد منو، و لكن سول عليه، شوف اشنو خاصو، عندو شي غرض قضيه ليه بلاصتو باش ما يخرج، عاونو فخدمتو بما تداوا، عاونو ماديا الا قدرتي، ارفع ليه المعنويات ديالو...
- صحاب ما تمشي غي فين مشاك الله أو موتة وحدة لي كاينة؛ نجاوبهوم و خا انا ماشي من أهل الاختصاص بحديثين للرسول صلى الله عليه وسلم:
“فر من المجذوم فرارك من الأسد”
"اعقلها وتوكَّل"

المثلة تبدلات: لي بغا لعسل، احمي راسو من النحل.
هدا ما كان

10/08/2021

مع انتهاء السنة الهجرية و حلول العام الهجري الجديد نتمنى من الله ان يمن علينا جميعا بالخير والبركات

09/08/2021

"اللهم ارزقنا الاخلاص في النية و السداد و التوفيق في القول والعمل."
من اجل راحتكم، إتبعوا التوجيهات المبينة أعلاه للالتحاق بعيادتنا بسهولة
Pour votre confort, et pour nous localiser facilement, veuillez suivre les indications expliquées ci dessus.

📞 05356-58481
📍 1 Avenue Roi Hussein, Lotissement Yasmina, Espace bureaux Route d'Immouzer , bureau numéro 15 ( 2 ème étage), à côté de la clinique d'ophtalmologie Fès.

30/07/2021