14/12/2025
Colonel Michaël Randrianirina... be dia be ny polémiques mandeha, indrindra indrindra taorian'izany diany tany Émirats Unis izany. Tsy idirako lalina ilay izy fa izao aloha no fanehoan-kevitro:
Tsy afaka hitsara azy sy ny governemanta izay tarihin'Atoa PM ao anatin'ny 2 volana izaho. Mijanona ho mpiray hina amin'ny vahoaka Malagasy hatrany ny tenako fa tiko ny hanintona ny saintsika hoe tsy mora ny fanovana. Tsy mora ny manarina ny kitoatoa sy ny fahapotehana nataon'i Rajoelina nanomboka 2009. 2025 isika izao. Aleo aloha ry zareo hiasa tsara, miandry vokatra isika. Mety maro amintsika no kivy hoe toa mbola maro tamin'ny forongon'i Rajoelina no miverina ao anaty fitondrana. Rariny dia rariny izany fahakiviana izany. Izao anefa, aoka isika tsy ho entin'ny saina fanatika fotsiny fa mba manana fomba fijery miabo. Raha mahita olona tamin'ny fitondran'i Rajoelina mbola nahazo toerana isika, de jereo aloha izay momba azy teo aloha. Nanao ahoana ny fomba fiasan'io olona lazainao fa forongon'i Rajoelina io? Niasa tsara ho an'ny Malagasy ve izy tamin'ny fitondran'i Rajoelina sa tsia ? Raha Eny, de tsy maninona izy raha hiverina handray andraikitra raha ny fijeriko manokana. Raha tsia, raha toa ka hitanao taratra ny kitoatoa sy goragora nataony teo amin'ny sehatra izay nisy azy taloha, de andao halefa any amin'ny PRRM sy PM ny porofo, alefaso aty amiko ihany koa fa vonona hiady ho an'ny Malagasy ny tenako. Aleo izay niasa tsara, hanohy ny asa tsara nataony, mba tsy départ à zéro intsony isika.
Tsy mbola niresaka tamin'i PRRM ny tenako fa inoako fa olona mihaino izy iny (eny te hiresaka aminy aloha fa tsy haiko hoe ahoana ny possibilité satria tsisy contact izaho 😁). Mila tsy misalasala isika any Mada maka audience, de miresaka. Naheno izaho fa nisy mpisandoka ho Gen Z nahazo la clé any, mangataka anao PRRM mba roahy avy hatrany izany olona izany. Voalaza fa olon'i Rajoelina. Tsy izy olon'i Rajoelina loatra no olana fa izy misandoka sy mijapy ny tolon'i Gen Z.
Hatreto ny tenako dia tsy manohitra fa mijanona ho arofanina ary mijery akaiky ny fiasan'ny fitondrana. Efa manao ezaka ry zareo saingy tsy mora ny mahazo vokatra satria efa goavana loatra ny fanarenana. Efa vaovao tsara izao hoe tsy 3000Ar intsony ny kg ny vanille. Raha ny resaka jiro sy rano moa de tena tantara be satria ny jirama mihitsy no potika.
Manao antso avo ny fitondram-panjakana mba hihaino hatrany ny vahoaka Malagasy ary indrindra indrindra mba tsy hanaiky ho vereverezin'ireo olona sasany mpiady seza fotsiny. Aoka izany olona vonona hiasa sy hitondra fanovana no omena toerana. Aoka hijanona amin'izay ity resaka amitié sy famille ity satria fiainam-pirenena no resaka fa tsy fiainam-pianakaviana. Mila atao mafy ny ady amin'ny kolikoly satria io no anisany nahapotika an'i Madagasikara toy izao.
Mankahery anao colonel Michaël Randrianirina, tsy mora io toerana misy anao io fa mahaiza mihaino ireo mpanohitra ary ampiharo avy hatrany izay zavatra tianao hatao, aza matahotra mandray fanapahan-kevitra, eny na hisy hiteny aza hoe didy jadona. Izay hitanao sy ireo mpiara miasa aminao fa hampandroso an'i Madagasikara, de alefaso ary raiso ihany koa ny torohevitra avy ety ivelany. Matoky ny fahendrenareo mpitondra izahay. Tsarovy fa mangetaheta vokatra ny Malagasy. Mirary soa.
